Mātaio 18
18
Ko 'ai tei ma'ata rava atu?
(Māreko 9.33-37; Luka 9.46-48)
1 #
Luk 22.24
I te reira ora ra, kua 'aere maira te au pipi ki a Iēsū, ē kua nā kō maira, “Ko 'ai i reira tei ma'ata atu i roto i te bāsileia o te ao ra?”
2Kua kāpiki atura a Iēsū i tēta'i tamaiti iti, ē kua tuku atura i aia ki rotopū i a rātou, 3#Mār 10.15; Luk 18.17ē kua nā kō atura, “Koia mou tāku e karanga atu ki a kōtou na, kia kore roa kōtou e taui i a kōtou ē kia riro mai mei te au tamariki rikiriki ra, kāre rava kōtou e tomo ki roto i te bāsileia o te ao ra. 4Ē nō reira, ko tei tā'aka'aka i aia 'ua'orāi mei tēianei tamaiti iti, ko tēia i reira tei ma'ata atu i roto i te bāsileia o te ao ra. 5Ē ko tēta'i 'ua atu tei 'āriki mai i tēta'i tamaiti iti mei tēianei rāi nō tōku nei ingoa, kua 'āriki mai ia i āku.”
Te au tīmata'anga kia rave i te 'ara
(Māreko 9.42-48; Luka 17.1-2)
6“Kāreka rā, ko tēta'i 'ua atu tei 'akatārevakē i tēta'i o tēianei au tangata rikiriki e 'irinaki mai nei i āku, 'e ngari ake aia kia rī'ia tēta'i toka tāviri'anga ma'ata ki runga i tōna kakī, ē kia 'akamaremo'ia atu aia ki te 'ō'onu'anga o te moana. 7'E auē 'oki tō te ao nō tāna au 'apa ra! Ka tupu mai rāi 'oki te au 'apa ra, inārā, 'e auē 'oki taua tangata ra tei nā roto mai i aia te 'apa ra!
8 #
Māt 5.30
“Ē mē tē 'apa ra koe i tō rima, mē kāre ra i tō vaevae, e tīpū atu ē ka titiri kē atu. 'E meitaki ake koe kia tae ki te ao ra 'e pirikoki, mē kāre ra 'e maki paruparu, i te rima rua mē kāre ra vaevae rua kia titiri'ia atu ki roto i te a'i matekore ra. 9#Māt 5.29Ē mē tē 'apa ra koe i tō mata, e kō'iti atu ki va'o ē ka titiri kē atu ei; e meitaki ake koe kia tae mata ta'i ki te ao ra, i te mata rua kia titiri'ia atu ki roto i te a'i o te pō ra.”
Te parabole o te māmoe ngaro ra
(Luka 15.3-7)
10 #
Luk 19.10
“E matakite kia kore kōtou e 'akava'ava'a i tēta'i o ēia nei mea rikiriki. Tē 'akakite atu nei 'oki au ki a kōtou, ko tō rātou au 'āngela i te rangi ra, tē 'ākara tāmou 'ua ra rātou i te mata o taku Metua i te ao ra.”#18.10 Kua tātā'ia te 'īrava i roto i ēta'i pōkaikai tuatua, kāre rā i roto i te au pōkaikai ta'ito tikāi: 11 I 'aere mai nei 'oki te Tamaiti a te Tangata nei e 'akaora i tei ngaro ra.
12“'E a'a tō kōtou manako? Mei te mea ē, 'e 'okota'i 'ānere māmoe tā tēta'i 'ua atu tangata, ē kia 'aere kē tēta'i o rātou ra, kāre āina aia e vao'o i te iva nga'uru mā iva ki runga i te maunga ra, ka 'aere ei ka kimi i te mea tei 'aere kē ra? 13Ē mē kitea'ia atura e ia, koia mou tāku e karanga atu ki a kōtou na, 'e ma'ata atu tōna rekareka i te reira, i te iva nga'uru mā iva tei kore i 'aere kē ra. 14Ē pērā katoa rāi, kāre te anoano o tō kōtou Metua i te ao ra ē kia mate tēta'i o ēia nei tangata rikiriki.”
Tēta'i taeake tei rave 'ara
15 #
Luk 17.3
“Mei te mea rā ē, e rave 'ara mai tō taeake ki runga i a koe, e 'aere e 'akamura atu i aia i rotopū i a kōrua anake 'ua. Mē 'akarongo mai aia i a koe ra, kua rauka mai ia tō taeake i a koe. 16#Deut 19.15Kia kore rā aia e 'akarongo mai, e arataki koe i e ta'i, mē kāre ra, e rua atu kite, kia riro mai te au tuatua mei te va'a mai o ngā kite e rua, mē kāre ra, ē toru ra, i te 'akapāpū mai i te au tuatua kātoatoa. 17Kia kore atu rāi aia e 'akarongo i a rāua, e 'akakite atu ki te 'ēkālēsia. Ē kia kore rāi aia e 'akarongo i te 'ēkālēsia ra, e 'akariro atu koe i aia mei te au 'ētene ē te au tangata ko'i tero ra.”
Te ārai'anga ē te 'akatika'anga
18 #
Māt 16.19; Ioa 20.23 “Koia mou tāku e karanga atu ki a kōtou na: tā kōtou 'ua atu e 'akatinamou i te 'enua nei, kua oti takere 'oki i te 'akatinamou'ia i te ao ra, ē tā kōtou 'ua atu e tuku i te 'enua nei, kua oti takere 'oki i te tuku'ia i runga i te ao ra.
19“E karanga 'aka'ou atu au ki a kōtou: Mē 'akatika e tokorua o kōtou i te 'enua nei nō tēta'i 'ua atu mea tā rāua ka pati, e 'ōronga'ia mai ia e taku Metua i te ao ra. 20I te ngā'i e putuputu ei e rua, mē kāre ra, e toru nō tōku nei ingoa, tei reira au i rotopū i a rātou.”
Te parabole o te tāvini aro'akore
21 #
Luk 17.3,4 Kua 'aere maira a Pētero ki a Iēsū, kua nā kō maira, “E te 'Atu, e 'ia taime i tōku taeake i te 'ara'anga mai ki āku e 'akakore atu ei au i aia? Kia 'itu āina taime?”
22 #
Gen 4.24
Kua pa'u atura a Iēsū ki aia, “Kāre au e karanga atu ki a koe ē, kia 'itu 'ua taime, māri rā, kia 'itu nga'uru rā i te taki'itu'anga.
23“'E tau 'oki te bāsileia o te ao ra ki tēta'i tangata, 'e ariki aia, tei manako i te 'akatanotano i te kaio'u a tōna au tāvini. 24Ē kia 'akamata aia i te 'akatanotano, kua arataki'ia maira tēta'i tangata kaio'u ki aia ra, 'e ma'ata 'ua atu te mirioni moni 'ārio tāna kaio'u.#18.24 Eleni e ta'i nga'uru tauatini tālēni 25Nō te mea rā ē, kāre tākiri āna 'apinga e tūtaki mai, kua 'akaue atura tōna pū kia 'okona'ia atu aia ma tāna va'ine katoa ē te tamariki, ē te au 'apinga kātoatoa nāna ra, kia rauka mai te tūtaki. 26Kua 'akatopa i'ora te tāvini ra ki tōna turi ki mua i aia, nā kō maira, ‘E taku pū, kia rava te 'akakoromaki mai i āku, ē nāku e tūtaki kātoatoa atu ki a koe.’ 27Kua tangi maira te pū o taua tāvini ra i aia, kua tuku atura i aia ma te 'akakore atu i tāna kaio'u.
28“Inā, i te 'aere'anga atu o taua tāvini ra ki va'o, kitea atura e ia tēta'i o tōna au taeake tāvini ra tei kaio'u mai ki aia e ta'i 'ānere moni 'ārio. Kua 'opu atura aia i aia ē kua roromi atura i te kakī, nā kō atura, ‘E tūtaki mai koe i tā'au i kaio'u maira!’ 29Kua 'akatopa i'ora taua taeake tāvini nōna ra ki tōna pae vaevae, ē kua pati 'akatenga maira, nā kō maira, ‘Kia rava te 'akakoromaki mai i āku, ē nāku e tūtaki kātoatoa atu ki a koe.’ 30Kāre rā i tika i aia. Kua 'aere atura aia ē kua titiri atura i tōna taeake tāvini ki roto i te 'are 'āuri kia peke roa tei kaio'u'ia ra.
31“Kia kite te au taeake tāvini kē ra i te au mea e tupu ra, kua ma'ata rava atura tō rātou tangi, ē kua 'aere atura rātou ki tō rātou pū, kua 'akakite atura i te au mea kātoatoa i tupu ra. 32Kua kāpiki atura tōna pū i aia kia 'akavaitata mai, ē kua nā kō atura ki aia, ‘Ē tēianei tāvini kino ē! Kua 'akakore atu au i tā'au kaio'u kātoatoa nō tei pati 'akatenga mai koe ki āku. 33Kāre āina e rauka katoa i a koe i te aro'a atu i tō taeake tāvini ra, mei āku i aro'a katoa atu i a koe na?’ 34Kua riri akera tōna pū i aia, ē kua tuku atura i aia ki te aronga 'akautunga ra, kia peke kātoatoa roa taua kaio'u ki aia ra i te tūtakina'ia.
35“Ka 'akapērā katoa mai taku Metua i te ao ra i a kōtou kia kore kōtou tātakita'i e 'akakore i te au 'apa a tō au taeake mei roto tikāi mai i tō kōtou au ngākau.”
Currently Selected:
Mātaio 18: CIMRNT
Highlight
Share
Copy
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.
Mātaio 18
18
Ko 'ai tei ma'ata rava atu?
(Māreko 9.33-37; Luka 9.46-48)
1 #
Luk 22.24
I te reira ora ra, kua 'aere maira te au pipi ki a Iēsū, ē kua nā kō maira, “Ko 'ai i reira tei ma'ata atu i roto i te bāsileia o te ao ra?”
2Kua kāpiki atura a Iēsū i tēta'i tamaiti iti, ē kua tuku atura i aia ki rotopū i a rātou, 3#Mār 10.15; Luk 18.17ē kua nā kō atura, “Koia mou tāku e karanga atu ki a kōtou na, kia kore roa kōtou e taui i a kōtou ē kia riro mai mei te au tamariki rikiriki ra, kāre rava kōtou e tomo ki roto i te bāsileia o te ao ra. 4Ē nō reira, ko tei tā'aka'aka i aia 'ua'orāi mei tēianei tamaiti iti, ko tēia i reira tei ma'ata atu i roto i te bāsileia o te ao ra. 5Ē ko tēta'i 'ua atu tei 'āriki mai i tēta'i tamaiti iti mei tēianei rāi nō tōku nei ingoa, kua 'āriki mai ia i āku.”
Te au tīmata'anga kia rave i te 'ara
(Māreko 9.42-48; Luka 17.1-2)
6“Kāreka rā, ko tēta'i 'ua atu tei 'akatārevakē i tēta'i o tēianei au tangata rikiriki e 'irinaki mai nei i āku, 'e ngari ake aia kia rī'ia tēta'i toka tāviri'anga ma'ata ki runga i tōna kakī, ē kia 'akamaremo'ia atu aia ki te 'ō'onu'anga o te moana. 7'E auē 'oki tō te ao nō tāna au 'apa ra! Ka tupu mai rāi 'oki te au 'apa ra, inārā, 'e auē 'oki taua tangata ra tei nā roto mai i aia te 'apa ra!
8 #
Māt 5.30
“Ē mē tē 'apa ra koe i tō rima, mē kāre ra i tō vaevae, e tīpū atu ē ka titiri kē atu. 'E meitaki ake koe kia tae ki te ao ra 'e pirikoki, mē kāre ra 'e maki paruparu, i te rima rua mē kāre ra vaevae rua kia titiri'ia atu ki roto i te a'i matekore ra. 9#Māt 5.29Ē mē tē 'apa ra koe i tō mata, e kō'iti atu ki va'o ē ka titiri kē atu ei; e meitaki ake koe kia tae mata ta'i ki te ao ra, i te mata rua kia titiri'ia atu ki roto i te a'i o te pō ra.”
Te parabole o te māmoe ngaro ra
(Luka 15.3-7)
10 #
Luk 19.10
“E matakite kia kore kōtou e 'akava'ava'a i tēta'i o ēia nei mea rikiriki. Tē 'akakite atu nei 'oki au ki a kōtou, ko tō rātou au 'āngela i te rangi ra, tē 'ākara tāmou 'ua ra rātou i te mata o taku Metua i te ao ra.”#18.10 Kua tātā'ia te 'īrava i roto i ēta'i pōkaikai tuatua, kāre rā i roto i te au pōkaikai ta'ito tikāi: 11 I 'aere mai nei 'oki te Tamaiti a te Tangata nei e 'akaora i tei ngaro ra.
12“'E a'a tō kōtou manako? Mei te mea ē, 'e 'okota'i 'ānere māmoe tā tēta'i 'ua atu tangata, ē kia 'aere kē tēta'i o rātou ra, kāre āina aia e vao'o i te iva nga'uru mā iva ki runga i te maunga ra, ka 'aere ei ka kimi i te mea tei 'aere kē ra? 13Ē mē kitea'ia atura e ia, koia mou tāku e karanga atu ki a kōtou na, 'e ma'ata atu tōna rekareka i te reira, i te iva nga'uru mā iva tei kore i 'aere kē ra. 14Ē pērā katoa rāi, kāre te anoano o tō kōtou Metua i te ao ra ē kia mate tēta'i o ēia nei tangata rikiriki.”
Tēta'i taeake tei rave 'ara
15 #
Luk 17.3
“Mei te mea rā ē, e rave 'ara mai tō taeake ki runga i a koe, e 'aere e 'akamura atu i aia i rotopū i a kōrua anake 'ua. Mē 'akarongo mai aia i a koe ra, kua rauka mai ia tō taeake i a koe. 16#Deut 19.15Kia kore rā aia e 'akarongo mai, e arataki koe i e ta'i, mē kāre ra, e rua atu kite, kia riro mai te au tuatua mei te va'a mai o ngā kite e rua, mē kāre ra, ē toru ra, i te 'akapāpū mai i te au tuatua kātoatoa. 17Kia kore atu rāi aia e 'akarongo i a rāua, e 'akakite atu ki te 'ēkālēsia. Ē kia kore rāi aia e 'akarongo i te 'ēkālēsia ra, e 'akariro atu koe i aia mei te au 'ētene ē te au tangata ko'i tero ra.”
Te ārai'anga ē te 'akatika'anga
18 #
Māt 16.19; Ioa 20.23 “Koia mou tāku e karanga atu ki a kōtou na: tā kōtou 'ua atu e 'akatinamou i te 'enua nei, kua oti takere 'oki i te 'akatinamou'ia i te ao ra, ē tā kōtou 'ua atu e tuku i te 'enua nei, kua oti takere 'oki i te tuku'ia i runga i te ao ra.
19“E karanga 'aka'ou atu au ki a kōtou: Mē 'akatika e tokorua o kōtou i te 'enua nei nō tēta'i 'ua atu mea tā rāua ka pati, e 'ōronga'ia mai ia e taku Metua i te ao ra. 20I te ngā'i e putuputu ei e rua, mē kāre ra, e toru nō tōku nei ingoa, tei reira au i rotopū i a rātou.”
Te parabole o te tāvini aro'akore
21 #
Luk 17.3,4 Kua 'aere maira a Pētero ki a Iēsū, kua nā kō maira, “E te 'Atu, e 'ia taime i tōku taeake i te 'ara'anga mai ki āku e 'akakore atu ei au i aia? Kia 'itu āina taime?”
22 #
Gen 4.24
Kua pa'u atura a Iēsū ki aia, “Kāre au e karanga atu ki a koe ē, kia 'itu 'ua taime, māri rā, kia 'itu nga'uru rā i te taki'itu'anga.
23“'E tau 'oki te bāsileia o te ao ra ki tēta'i tangata, 'e ariki aia, tei manako i te 'akatanotano i te kaio'u a tōna au tāvini. 24Ē kia 'akamata aia i te 'akatanotano, kua arataki'ia maira tēta'i tangata kaio'u ki aia ra, 'e ma'ata 'ua atu te mirioni moni 'ārio tāna kaio'u.#18.24 Eleni e ta'i nga'uru tauatini tālēni 25Nō te mea rā ē, kāre tākiri āna 'apinga e tūtaki mai, kua 'akaue atura tōna pū kia 'okona'ia atu aia ma tāna va'ine katoa ē te tamariki, ē te au 'apinga kātoatoa nāna ra, kia rauka mai te tūtaki. 26Kua 'akatopa i'ora te tāvini ra ki tōna turi ki mua i aia, nā kō maira, ‘E taku pū, kia rava te 'akakoromaki mai i āku, ē nāku e tūtaki kātoatoa atu ki a koe.’ 27Kua tangi maira te pū o taua tāvini ra i aia, kua tuku atura i aia ma te 'akakore atu i tāna kaio'u.
28“Inā, i te 'aere'anga atu o taua tāvini ra ki va'o, kitea atura e ia tēta'i o tōna au taeake tāvini ra tei kaio'u mai ki aia e ta'i 'ānere moni 'ārio. Kua 'opu atura aia i aia ē kua roromi atura i te kakī, nā kō atura, ‘E tūtaki mai koe i tā'au i kaio'u maira!’ 29Kua 'akatopa i'ora taua taeake tāvini nōna ra ki tōna pae vaevae, ē kua pati 'akatenga maira, nā kō maira, ‘Kia rava te 'akakoromaki mai i āku, ē nāku e tūtaki kātoatoa atu ki a koe.’ 30Kāre rā i tika i aia. Kua 'aere atura aia ē kua titiri atura i tōna taeake tāvini ki roto i te 'are 'āuri kia peke roa tei kaio'u'ia ra.
31“Kia kite te au taeake tāvini kē ra i te au mea e tupu ra, kua ma'ata rava atura tō rātou tangi, ē kua 'aere atura rātou ki tō rātou pū, kua 'akakite atura i te au mea kātoatoa i tupu ra. 32Kua kāpiki atura tōna pū i aia kia 'akavaitata mai, ē kua nā kō atura ki aia, ‘Ē tēianei tāvini kino ē! Kua 'akakore atu au i tā'au kaio'u kātoatoa nō tei pati 'akatenga mai koe ki āku. 33Kāre āina e rauka katoa i a koe i te aro'a atu i tō taeake tāvini ra, mei āku i aro'a katoa atu i a koe na?’ 34Kua riri akera tōna pū i aia, ē kua tuku atura i aia ki te aronga 'akautunga ra, kia peke kātoatoa roa taua kaio'u ki aia ra i te tūtakina'ia.
35“Ka 'akapērā katoa mai taku Metua i te ao ra i a kōtou kia kore kōtou tātakita'i e 'akakore i te au 'apa a tō au taeake mei roto tikāi mai i tō kōtou au ngākau.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.