Mātaio 28
28
Tō Iēsū tū'aka'ou'anga
(Māreko 16.1-8; Luka 24.1-12; Ioane 20.1-10)
1E oti akera te Sābati, kia tae ki te 'ākirāta i te rā mua o te 'ebedoma ra, kua 'aere maira a Māria i Māgadala, ē tēta'i Māria 'oki, e 'ākara i te tanumanga ra. 2Ē inā, 'e ngāruerue'anga ma'ata tō te 'enua; nō te mea, kua 'eke mai tēta'i 'āngela a te 'Atu ra mei te rangi mai, kua 'aere mai e 'uri kē atura i te toka, ē kua no'o i'ora ki runga a'o. 3Mei te uira ra tōna 'ākara'anga, ē tōna kāka'u mei te kiona ra te teatea. 4Rūtetetete i'ora te aronga tiaki ra nō te mataku i aia, e riro atura rātou mei te aronga mate rāi.
5Kua tuatua maira te 'āngela ki ngā va'ine ra, nā kō maira, “Auraka kōrua e mataku. Kua kite 'oki au ē, tē kimi nei kōrua i a Iēsū tei 'akasātauro'ia ra. 6Kāre aia i konei, nō te mea, kua 'akatū'ia ake nei aia mei tāna i 'akakite ra. E 'aere mai, e 'ākara i te ngā'i i vao'o'ia ai aia. 7Ē e 'aere viviki ē e 'akakite atu ki tāna au pipi ē, ‘Kua 'akatū'ia ake nei aia mei te aronga mate maira, ē inā, tē 'aere atura aia nā mua i a kōtou ki Galilea. 'Ei reira kōtou e kite atu ei i aia.’ Ko tāku karere tēia ki a kōrua.”
8Ē kua 'akaruke viviki maira rāua i te mēnema ma te mataku ē te rekareka ma'ata, 'oro atura i te 'akakite atu ki tāna au pipi.
9Ē inā, kua 'ārāvei maira a Iēsū i a rāua, nā kō maira, “Kia orana.” Kua 'akavaitata atura rāua, mou i'ora i ōna vaevae e tuturi atura ki mua i aia. 10I reira, kua karanga maira a Iēsū ki a rāua, “Auraka e mataku! E 'aere e 'akakite ki taku au taeake kia 'aere rātou ki Galilea, 'ei reira rātou e kite mai ei i āku.”
Te 'akakite'anga o te aronga tiaki
11Ē kia riro atura taua ngā va'ine ra, inā, kua 'aere mai ēta'i o te au tiaki ki roto i te 'ōire, e 'akakite maira ki te kau ta'unga nunui ra i te au mea kātoatoa i tupu ra. 12Ē i te putuputu'anga rātou ma te aronga pakari, kua kotikoti kupenga i'ora rātou ē, e 'ō ake i tēta'i moni ma'ata ki te au va'e'au, 13nā kō atura, “E karanga atu kōtou ē, ‘Nā tāna au pipi i 'aere mai i te pō e keiā i aia, i a mātou e moe ra.’ 14Ē, mē rongo'ia te reira e te tūtara, nā mātou e 'akamarū i aia, ē e 'akapāpū kia ora kōtou.”
15Kua rave rātou i te moni ē kua pērā rātou mei tei 'akaue'ia maira. Ē tē toto'a nei taua tuatua i rotopū i te au Ngāti Iūda ē tēia noa ai.
Te tono'anga a Iēsū i tāna au pipi
(Māreko 16.14-18; Luka 24.36-49; Ioane 20.19-23; 'Anga'anga 1.6-8)
16 #
Māt 26.32; Mār 14.28 Kua 'aere atura te au pipi tino nga'uru mā ta'i ra ki Galilea ki te maunga tā Iēsū i 'akakite maira ki a rātou, 17ē i tō rātou kite'anga i aia, kua tuturi rātou ki mua i aia; ko tēta'i pae rā, kua 'ēkōkō i aia. 18Ē kua 'akavaitata maira a Iēsū, tuatua maira ki a rātou, nā kō maira, “Kua tuku'ia mai ki āku te mana katoa o tō te rangi ē tō te 'enua nei. 19#Anga 1.8Nō reira, e 'aere kōtou e 'akariro i te au 'iti tangata rava rāi 'ei au pipi nāku i te bāpetīto'anga i a rātou i te ingoa o te Metua, ē nō te Tamaiti, ē nō te Vaerua Tapu; 20ē i te 'āpi'i'anga atu i a rātou kia 'ākono rātou i te au mea kātoatoa tāku i 'akaue atu ki a kōtou. Ē inā, 'ei vaitata 'ua au i a kōtou i te au rā katoa, e tae 'ua atu ki te 'openga o tēianei ao.”
Currently Selected:
Mātaio 28: CIMRNT
Highlight
Share
Copy
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.
Mātaio 28
28
Tō Iēsū tū'aka'ou'anga
(Māreko 16.1-8; Luka 24.1-12; Ioane 20.1-10)
1E oti akera te Sābati, kia tae ki te 'ākirāta i te rā mua o te 'ebedoma ra, kua 'aere maira a Māria i Māgadala, ē tēta'i Māria 'oki, e 'ākara i te tanumanga ra. 2Ē inā, 'e ngāruerue'anga ma'ata tō te 'enua; nō te mea, kua 'eke mai tēta'i 'āngela a te 'Atu ra mei te rangi mai, kua 'aere mai e 'uri kē atura i te toka, ē kua no'o i'ora ki runga a'o. 3Mei te uira ra tōna 'ākara'anga, ē tōna kāka'u mei te kiona ra te teatea. 4Rūtetetete i'ora te aronga tiaki ra nō te mataku i aia, e riro atura rātou mei te aronga mate rāi.
5Kua tuatua maira te 'āngela ki ngā va'ine ra, nā kō maira, “Auraka kōrua e mataku. Kua kite 'oki au ē, tē kimi nei kōrua i a Iēsū tei 'akasātauro'ia ra. 6Kāre aia i konei, nō te mea, kua 'akatū'ia ake nei aia mei tāna i 'akakite ra. E 'aere mai, e 'ākara i te ngā'i i vao'o'ia ai aia. 7Ē e 'aere viviki ē e 'akakite atu ki tāna au pipi ē, ‘Kua 'akatū'ia ake nei aia mei te aronga mate maira, ē inā, tē 'aere atura aia nā mua i a kōtou ki Galilea. 'Ei reira kōtou e kite atu ei i aia.’ Ko tāku karere tēia ki a kōrua.”
8Ē kua 'akaruke viviki maira rāua i te mēnema ma te mataku ē te rekareka ma'ata, 'oro atura i te 'akakite atu ki tāna au pipi.
9Ē inā, kua 'ārāvei maira a Iēsū i a rāua, nā kō maira, “Kia orana.” Kua 'akavaitata atura rāua, mou i'ora i ōna vaevae e tuturi atura ki mua i aia. 10I reira, kua karanga maira a Iēsū ki a rāua, “Auraka e mataku! E 'aere e 'akakite ki taku au taeake kia 'aere rātou ki Galilea, 'ei reira rātou e kite mai ei i āku.”
Te 'akakite'anga o te aronga tiaki
11Ē kia riro atura taua ngā va'ine ra, inā, kua 'aere mai ēta'i o te au tiaki ki roto i te 'ōire, e 'akakite maira ki te kau ta'unga nunui ra i te au mea kātoatoa i tupu ra. 12Ē i te putuputu'anga rātou ma te aronga pakari, kua kotikoti kupenga i'ora rātou ē, e 'ō ake i tēta'i moni ma'ata ki te au va'e'au, 13nā kō atura, “E karanga atu kōtou ē, ‘Nā tāna au pipi i 'aere mai i te pō e keiā i aia, i a mātou e moe ra.’ 14Ē, mē rongo'ia te reira e te tūtara, nā mātou e 'akamarū i aia, ē e 'akapāpū kia ora kōtou.”
15Kua rave rātou i te moni ē kua pērā rātou mei tei 'akaue'ia maira. Ē tē toto'a nei taua tuatua i rotopū i te au Ngāti Iūda ē tēia noa ai.
Te tono'anga a Iēsū i tāna au pipi
(Māreko 16.14-18; Luka 24.36-49; Ioane 20.19-23; 'Anga'anga 1.6-8)
16 #
Māt 26.32; Mār 14.28 Kua 'aere atura te au pipi tino nga'uru mā ta'i ra ki Galilea ki te maunga tā Iēsū i 'akakite maira ki a rātou, 17ē i tō rātou kite'anga i aia, kua tuturi rātou ki mua i aia; ko tēta'i pae rā, kua 'ēkōkō i aia. 18Ē kua 'akavaitata maira a Iēsū, tuatua maira ki a rātou, nā kō maira, “Kua tuku'ia mai ki āku te mana katoa o tō te rangi ē tō te 'enua nei. 19#Anga 1.8Nō reira, e 'aere kōtou e 'akariro i te au 'iti tangata rava rāi 'ei au pipi nāku i te bāpetīto'anga i a rātou i te ingoa o te Metua, ē nō te Tamaiti, ē nō te Vaerua Tapu; 20ē i te 'āpi'i'anga atu i a rātou kia 'ākono rātou i te au mea kātoatoa tāku i 'akaue atu ki a kōtou. Ē inā, 'ei vaitata 'ua au i a kōtou i te au rā katoa, e tae 'ua atu ki te 'openga o tēianei ao.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.