SUNDA 1
1
Juɓ va ma Lona vi vunum kam a ɦamma
1Bananna Tewfil hu magaa manda an ɓiiriɗ jewra ni an ɓak kay dlara Yesu laɗta u haɗta nam haɗ suu mamma, gijaŋŋa ay jew dayra. 2Gak gak tew hu buu ma nam kal kolo huulona. Nam hin tok a kal kolo huulonara ni nam haɗ suu mam suu nam manasina u saɓakŋa vi Musuk Lonara. 3Ŋgoo dagan miɗ mamma ni nam tak tam ki irisiya, u dlara zeɗ zeɗ, li buuna dok fiɗi ni nam tak tam ki ɓakasi kay mul Lonara. 4Fali taa dew ni nam ti funa u asiya, gaɗasi anaba, «Tuɗugi ki eg Yerusalem dayɗi, juɓugi va ma Bun di kam a ɦamma, ni ɦala an dagi ki kaɗ fok jewra. 5Kay Jaŋ mbus suuna batemma ay jew ni u yona, hin fok buu ew ni agi hin mbus ki ni u Musuk Lonara.»
Yesu kal kolo huulona
(Mark 16.19-20; Luk 24.50-53)
6Suu ay moli eg Yesuna joɓom ana, «Bu Suuna aŋ hin tin mulla vi suu Israelna ni hu buu namma su?» 7Yesu hoŋosi dira ana, «A wi lina u buu ma Bun ŋgaam a mbara ni dla ndaɗta ka ni magi agiɗi, Bun u dew tamba ŋga dla ndaɗta ni namu. 8Musuk Lonara mba kagi wa ni, agi hin fi saɓakŋa, agi hin li ni a suu man suu vovoɗta diki kanda hu Yerusalem, hu mbassa Yudera, u Samarira halaŋ, gak gak tew ha ki hu li may ma vun ndaŋgara daɓ ay huna.» 9Yesu di boy namma na gawni gijaŋ tuɗ kolo huulona ni na gaw. Asi ŋgaras irisi golom ha na ni ɗugulla ŋgayam irisi ni na gaw.
10Asi ŋgaras irisi ha kolo hu li ma Yesu kal huna, asi gol irisi ha na ni wi suuna mba' u baraw haɓma cuki tasiya mbay egesi tok, 11hin dasi ana, «Agi suu Galilena agi lakagi tani a gologi me kolo ge? Ni Yesu ma ha dukugi tani kal ha kolo huulona ni nambi su? Nam hin hoŋ ay agi wam ko nam tuɗ kolo wanda na lay.»
Sa ma varak balam Yudasna
12Suu vi Yesuna hoŋ ay Yerusalem kay ɦinira asi yaɗ ana ɦinira Conora, ɦini ndaɗta eg ɦoŋzi ŋgolna tok ii va ma kelew metrera dew. 13Asi mbay Yerusalem kalani sel kolo hu zira asi lak huruɗ tew tewra, ndaɗ ni zira kolo kay ndaraɗtara. Asi hu ni gi Piyer, Jaŋ, Jak, u Andre, Filip u Tomas, Bartelemy u Matiye, Jak, ma goŋ Alfena, asi u Simon, ma min buɗ suu mamma kina, Yuda, ma goŋ Jakŋa, 14Asi tew tew ni tok tasi a cen Lona, boyogina dukusi lay, Mari mayra su Yesura ka hu may u gorsemma lay.
15Ay fali ndaɗta ni hu buu maa dew suu vina tok tasi ii va ma kis duk dok mba', Piyer col dukusi dasi anaba, 16«Gorsenna li ki wanni va ma Musuk Lonara di kam hu magara jew ɓak ki fun David kay suu hal a vi Yesuna, Yudas ni sa ma hin takasina kina. 17Yudas ni sa ma ay dukuygina lay, nam sun mamba kom lay.»
(18Sa namma gus senena u gursu mamma nam fam u coombana, nam du delem ki kaŋga mun kiyo yorodom sel ki bunsuwa. 19Suu hu Yerusalemma halaŋ wi dla ndaɗta u irisiya, asi yi sem sene ma gusum namma u vun masina ana Hakeldama, ni di ana sene ma busuna.)
20Gologiya ni va ma ay ɓiiri hu magaara Soollana,
«Ziimma hin mba hin kini ɦawaa,
sa mba kak hurumbi.»
Ɓiira di olo ana,
«Sa varak balamam fun sun mamba.»
21-22«Sa maa dew mba taɓ u aygiya kay di ki kay paɗta kolora vi Bu Suuna Yesu. Sa namma lini sa ma kaday tuɗ u aygi tew tew hu li ma Bu Suuna Yesu poy mbassa ko taygina. Gijaŋŋa ay hu li ma Jaŋ mbusum batemma dayna, gak gak hu kala nam kal kolo huulonda.» 23Asi yow suuna dukusi mba', Yosef ma asi yam ana Barsabbas, semma geleɗta ana Justus, u Matiyas. 24Asi halaŋ cen Lona ɗaŋ ana «Aŋ sa ma wi huu suuna halaŋŋa takami sa ma aŋ manam duk suu mba' asina, 25kay a varak balam sunda vi Yudas a sa ma vovoɗta, kay nam tuɗ ki hu liimma hin balamam ka kiyo.» 26Asi li ŋgaɓpa duk tasiya, Matiyas hin tini namu, kal duk suu doogo yam dewna a sa vovoɗta.
Currently Selected:
SUNDA 1: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
SUNDA 1
1
Juɓ va ma Lona vi vunum kam a ɦamma
1Bananna Tewfil hu magaa manda an ɓiiriɗ jewra ni an ɓak kay dlara Yesu laɗta u haɗta nam haɗ suu mamma, gijaŋŋa ay jew dayra. 2Gak gak tew hu buu ma nam kal kolo huulona. Nam hin tok a kal kolo huulonara ni nam haɗ suu mam suu nam manasina u saɓakŋa vi Musuk Lonara. 3Ŋgoo dagan miɗ mamma ni nam tak tam ki irisiya, u dlara zeɗ zeɗ, li buuna dok fiɗi ni nam tak tam ki ɓakasi kay mul Lonara. 4Fali taa dew ni nam ti funa u asiya, gaɗasi anaba, «Tuɗugi ki eg Yerusalem dayɗi, juɓugi va ma Bun di kam a ɦamma, ni ɦala an dagi ki kaɗ fok jewra. 5Kay Jaŋ mbus suuna batemma ay jew ni u yona, hin fok buu ew ni agi hin mbus ki ni u Musuk Lonara.»
Yesu kal kolo huulona
(Mark 16.19-20; Luk 24.50-53)
6Suu ay moli eg Yesuna joɓom ana, «Bu Suuna aŋ hin tin mulla vi suu Israelna ni hu buu namma su?» 7Yesu hoŋosi dira ana, «A wi lina u buu ma Bun ŋgaam a mbara ni dla ndaɗta ka ni magi agiɗi, Bun u dew tamba ŋga dla ndaɗta ni namu. 8Musuk Lonara mba kagi wa ni, agi hin fi saɓakŋa, agi hin li ni a suu man suu vovoɗta diki kanda hu Yerusalem, hu mbassa Yudera, u Samarira halaŋ, gak gak tew ha ki hu li may ma vun ndaŋgara daɓ ay huna.» 9Yesu di boy namma na gawni gijaŋ tuɗ kolo huulona ni na gaw. Asi ŋgaras irisi golom ha na ni ɗugulla ŋgayam irisi ni na gaw.
10Asi ŋgaras irisi ha kolo hu li ma Yesu kal huna, asi gol irisi ha na ni wi suuna mba' u baraw haɓma cuki tasiya mbay egesi tok, 11hin dasi ana, «Agi suu Galilena agi lakagi tani a gologi me kolo ge? Ni Yesu ma ha dukugi tani kal ha kolo huulona ni nambi su? Nam hin hoŋ ay agi wam ko nam tuɗ kolo wanda na lay.»
Sa ma varak balam Yudasna
12Suu vi Yesuna hoŋ ay Yerusalem kay ɦinira asi yaɗ ana ɦinira Conora, ɦini ndaɗta eg ɦoŋzi ŋgolna tok ii va ma kelew metrera dew. 13Asi mbay Yerusalem kalani sel kolo hu zira asi lak huruɗ tew tewra, ndaɗ ni zira kolo kay ndaraɗtara. Asi hu ni gi Piyer, Jaŋ, Jak, u Andre, Filip u Tomas, Bartelemy u Matiye, Jak, ma goŋ Alfena, asi u Simon, ma min buɗ suu mamma kina, Yuda, ma goŋ Jakŋa, 14Asi tew tew ni tok tasi a cen Lona, boyogina dukusi lay, Mari mayra su Yesura ka hu may u gorsemma lay.
15Ay fali ndaɗta ni hu buu maa dew suu vina tok tasi ii va ma kis duk dok mba', Piyer col dukusi dasi anaba, 16«Gorsenna li ki wanni va ma Musuk Lonara di kam hu magara jew ɓak ki fun David kay suu hal a vi Yesuna, Yudas ni sa ma hin takasina kina. 17Yudas ni sa ma ay dukuygina lay, nam sun mamba kom lay.»
(18Sa namma gus senena u gursu mamma nam fam u coombana, nam du delem ki kaŋga mun kiyo yorodom sel ki bunsuwa. 19Suu hu Yerusalemma halaŋ wi dla ndaɗta u irisiya, asi yi sem sene ma gusum namma u vun masina ana Hakeldama, ni di ana sene ma busuna.)
20Gologiya ni va ma ay ɓiiri hu magaara Soollana,
«Ziimma hin mba hin kini ɦawaa,
sa mba kak hurumbi.»
Ɓiira di olo ana,
«Sa varak balamam fun sun mamba.»
21-22«Sa maa dew mba taɓ u aygiya kay di ki kay paɗta kolora vi Bu Suuna Yesu. Sa namma lini sa ma kaday tuɗ u aygi tew tew hu li ma Bu Suuna Yesu poy mbassa ko taygina. Gijaŋŋa ay hu li ma Jaŋ mbusum batemma dayna, gak gak hu kala nam kal kolo huulonda.» 23Asi yow suuna dukusi mba', Yosef ma asi yam ana Barsabbas, semma geleɗta ana Justus, u Matiyas. 24Asi halaŋ cen Lona ɗaŋ ana «Aŋ sa ma wi huu suuna halaŋŋa takami sa ma aŋ manam duk suu mba' asina, 25kay a varak balam sunda vi Yudas a sa ma vovoɗta, kay nam tuɗ ki hu liimma hin balamam ka kiyo.» 26Asi li ŋgaɓpa duk tasiya, Matiyas hin tini namu, kal duk suu doogo yam dewna a sa vovoɗta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.