URA TIN AYRA 21
21
Vuɗta vi Isaak
1Yawe humum gam kay vi vun mamma u Sarana, nam hin laɗ ko nam dira na may. 2Sara hin vi wiina vuɗ go njufna maŋ Abraham u maa tamu. Ni hu buu ma ŋgaay ma Lona dam kamma.#Heb. 11.11 3Abraham hin tin sem goromma vuɗ namma ana Isaak. Ni gorom ma Sara vuɗummana. 4Nam caw ɗiw goromma Isaak kini hu buurum ma kalavandina, ni ko Lona dam ay ki jewra na.#Ura 17.12; Sun. 7.8 5Hu li ma Abraham vuɗ goromma Isaak na ni basaɗam li ki ni kis. 6Sara di ana,
«Lona mbuɗun dlaanda ki sanda furira,
gegelay ma humun dlaandana hin sana.»
7Sara di olo ana,
«Sa ma hin di gin Abraham ana
Sara hin vuɗ goorona ni gege?
Doli an hin vuɗum goona hu maaramu.»
Abraham dik Hagar ki u Ismael
8Hu li ma goona wuli wul ka ci po oloɗina, Abraham tin luu ma ŋgolna kam hu buu ma nam hin pona kina. 9Sara wi goŋ Hagar ta Egiptera ma vuɗum maŋ Abrahamma panaɗ goroɗna na ni, 10ndaɗ di Abraham ana, «Dik mbaɓura wanda ha ki u goroɗu. An ka min a goŋ mbaɓurana yow jona u goronna Isaakgi.» 11Boy namma ɓeŋ huu Abraham ki kay goromma Ismael cocoo.#Gal. 4.29-30 12Lona di Abraham ana, «Hin boy namma ɓeŋ huruŋ kay goŋ mbaɓuranaɗi. Li u dlara Sara daŋgara halaŋ. Kay njafaŋ ma gasina hin kal ay ki ni eg Isaak.#Rom. 9.7; Heb. 11.18 13An hin zul njaf goroŋ ma vi mbaɓurana may, kay nammi njafaŋ lay.» 14Abraham col kolo maɗii feɗet yow tlesuu tira u yona oy hu mbumbu bakka ɦasi maŋ Hagar. Ndaɗ yowosi kaɗu. Nam gaɗ goona fokoɗ may, dikiɗ ana ndaɗ tuɗa. Ndaɗ tin yaɗ viɗ ha ki bagi hu fulla Berseba. 15Yo ma hu mbumbu bakkana daɓ ki daɓmi, ndaɗ kak goona kaŋga u bubura. 16Ndaɗ tuɗ kak ha ki na day, pereɗ iriɗ ay eg goona na, duk ɦoŋosi ki ko ndal sana mun mbuura, ndaɗ tuɗ ndi hura na ga. Ndaɗ di ana, «An ka wi maɗ goronna u irinɗi,» ndaɗ gijaŋ tiira. 17Lona hum tiina vi goona. Sa sunda huulona vi Lona yi Hagar ay kolo ana, «Me lak ge, Hagar? Li ndaaɗi, Lona hum tiina vi goona ay hu li ma nam ka hu wanna. 18Col koloo, tli goona koku. An hin mbuɗum njafam ŋgolo.» 19Lona malaɗ iriɗ kiyo, ndaɗ wi goloŋga u yona huwa. Ndaɗ tuɗ oy mbumbu bak maɗta ay u yona, hin mba ɦam maŋ goona. 20Lona ŋgom goona. Nam wuli wulni, kak ziim ki ŋgoo hu fulla. Nam mbuɗni sa ma mun mbuurura. 21Nam cuk ziim mi hu ful Paran, sum ɗumum cara ay ni hu mbassa Egiptera.
Abraham vi banara u Abimelek hu Berseba
22Hu coki ndaɗta ni Abimelek u Pikol, ma ŋgol asgaa mamsina, mbay eg Abraham dam ana, «Lona ka u aŋ hu dlara aŋ laɗta halaŋ.#Ura 26.26 23Suu taŋ ki fok Lona cecemi gaw ana aŋ hinni ka ganan yanɗi, goryon u gor ŋgologi mansinaɗi lay. Aŋ lan jivira egen u mbas manda aŋ ka huruɗta halaŋ, ko an laŋ jivira egeŋga na may.» 24Abraham di ana, «An hin suura.» 25Abraham ɓak Abimelek kay boy dla goloŋga suu sunda vi Abimelek ɓaɗaɗ ki ko suu vi Abrahammara. 26Abimelek hoŋ dira ana, «An wi boy namma kaɗi, aŋ dan ay ka ki jewɗi. An hummi karam tuwa.»
27Abraham yow timigiina u mbutlina ɦasi maŋ Abimelek. Asi vi banara hu buu namma. 28Abraham yow gor timigii suu daŋŋa kiɗisiya cukusi ki kay tasi zeɗ. 29Abimelek joɓ Abraham ana, «Timigii suu aŋ cukusi ki kay tasi kiɗisiya wanna ni a mege?» 30Nam hoŋom dira ana, «Aŋ vi timigii suu kiɗisiya asinawa ni takki ana goloŋ ndaɗta vekeɗ ni anu.»
31Kay ndaɗta, asi yi li namma ana Berseba, ni li ma asi suu tasi huna. 32Ko ndaɗta na, asi vi galamba ni hu Berseba. Ŋgoo dagan Abimelek u Pikol ma ŋgol asgaa mamsina hoŋ dagan hu mbassa Filistinda.
33Abraham pi gu cinda#21.33 cinda Tamaris. hu Berseba. Hu li namma Abraham gijaŋ cen u sem Yawe, Lo ma Dindinna. 34Abraham li basara ŋgol hu mbassa Filistinda.
Currently Selected:
URA TIN AYRA 21: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
URA TIN AYRA 21
21
Vuɗta vi Isaak
1Yawe humum gam kay vi vun mamma u Sarana, nam hin laɗ ko nam dira na may. 2Sara hin vi wiina vuɗ go njufna maŋ Abraham u maa tamu. Ni hu buu ma ŋgaay ma Lona dam kamma.#Heb. 11.11 3Abraham hin tin sem goromma vuɗ namma ana Isaak. Ni gorom ma Sara vuɗummana. 4Nam caw ɗiw goromma Isaak kini hu buurum ma kalavandina, ni ko Lona dam ay ki jewra na.#Ura 17.12; Sun. 7.8 5Hu li ma Abraham vuɗ goromma Isaak na ni basaɗam li ki ni kis. 6Sara di ana,
«Lona mbuɗun dlaanda ki sanda furira,
gegelay ma humun dlaandana hin sana.»
7Sara di olo ana,
«Sa ma hin di gin Abraham ana
Sara hin vuɗ goorona ni gege?
Doli an hin vuɗum goona hu maaramu.»
Abraham dik Hagar ki u Ismael
8Hu li ma goona wuli wul ka ci po oloɗina, Abraham tin luu ma ŋgolna kam hu buu ma nam hin pona kina. 9Sara wi goŋ Hagar ta Egiptera ma vuɗum maŋ Abrahamma panaɗ goroɗna na ni, 10ndaɗ di Abraham ana, «Dik mbaɓura wanda ha ki u goroɗu. An ka min a goŋ mbaɓurana yow jona u goronna Isaakgi.» 11Boy namma ɓeŋ huu Abraham ki kay goromma Ismael cocoo.#Gal. 4.29-30 12Lona di Abraham ana, «Hin boy namma ɓeŋ huruŋ kay goŋ mbaɓuranaɗi. Li u dlara Sara daŋgara halaŋ. Kay njafaŋ ma gasina hin kal ay ki ni eg Isaak.#Rom. 9.7; Heb. 11.18 13An hin zul njaf goroŋ ma vi mbaɓurana may, kay nammi njafaŋ lay.» 14Abraham col kolo maɗii feɗet yow tlesuu tira u yona oy hu mbumbu bakka ɦasi maŋ Hagar. Ndaɗ yowosi kaɗu. Nam gaɗ goona fokoɗ may, dikiɗ ana ndaɗ tuɗa. Ndaɗ tin yaɗ viɗ ha ki bagi hu fulla Berseba. 15Yo ma hu mbumbu bakkana daɓ ki daɓmi, ndaɗ kak goona kaŋga u bubura. 16Ndaɗ tuɗ kak ha ki na day, pereɗ iriɗ ay eg goona na, duk ɦoŋosi ki ko ndal sana mun mbuura, ndaɗ tuɗ ndi hura na ga. Ndaɗ di ana, «An ka wi maɗ goronna u irinɗi,» ndaɗ gijaŋ tiira. 17Lona hum tiina vi goona. Sa sunda huulona vi Lona yi Hagar ay kolo ana, «Me lak ge, Hagar? Li ndaaɗi, Lona hum tiina vi goona ay hu li ma nam ka hu wanna. 18Col koloo, tli goona koku. An hin mbuɗum njafam ŋgolo.» 19Lona malaɗ iriɗ kiyo, ndaɗ wi goloŋga u yona huwa. Ndaɗ tuɗ oy mbumbu bak maɗta ay u yona, hin mba ɦam maŋ goona. 20Lona ŋgom goona. Nam wuli wulni, kak ziim ki ŋgoo hu fulla. Nam mbuɗni sa ma mun mbuurura. 21Nam cuk ziim mi hu ful Paran, sum ɗumum cara ay ni hu mbassa Egiptera.
Abraham vi banara u Abimelek hu Berseba
22Hu coki ndaɗta ni Abimelek u Pikol, ma ŋgol asgaa mamsina, mbay eg Abraham dam ana, «Lona ka u aŋ hu dlara aŋ laɗta halaŋ.#Ura 26.26 23Suu taŋ ki fok Lona cecemi gaw ana aŋ hinni ka ganan yanɗi, goryon u gor ŋgologi mansinaɗi lay. Aŋ lan jivira egen u mbas manda aŋ ka huruɗta halaŋ, ko an laŋ jivira egeŋga na may.» 24Abraham di ana, «An hin suura.» 25Abraham ɓak Abimelek kay boy dla goloŋga suu sunda vi Abimelek ɓaɗaɗ ki ko suu vi Abrahammara. 26Abimelek hoŋ dira ana, «An wi boy namma kaɗi, aŋ dan ay ka ki jewɗi. An hummi karam tuwa.»
27Abraham yow timigiina u mbutlina ɦasi maŋ Abimelek. Asi vi banara hu buu namma. 28Abraham yow gor timigii suu daŋŋa kiɗisiya cukusi ki kay tasi zeɗ. 29Abimelek joɓ Abraham ana, «Timigii suu aŋ cukusi ki kay tasi kiɗisiya wanna ni a mege?» 30Nam hoŋom dira ana, «Aŋ vi timigii suu kiɗisiya asinawa ni takki ana goloŋ ndaɗta vekeɗ ni anu.»
31Kay ndaɗta, asi yi li namma ana Berseba, ni li ma asi suu tasi huna. 32Ko ndaɗta na, asi vi galamba ni hu Berseba. Ŋgoo dagan Abimelek u Pikol ma ŋgol asgaa mamsina hoŋ dagan hu mbassa Filistinda.
33Abraham pi gu cinda#21.33 cinda Tamaris. hu Berseba. Hu li namma Abraham gijaŋ cen u sem Yawe, Lo ma Dindinna. 34Abraham li basara ŋgol hu mbassa Filistinda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.