LUK 14
14
Yesu garaɗ sa tuguɗira kiyo
1Hu buu ma vi Lonna Yesu tuɗ vi sa ma Farisenna dew a ti funa. Suu kaŋga huna gol dlara Yesu laɗta bel bel. 2Sa ma dew ni tuguɗi mamba buum tam kiyo coli fokomu. 3Yesu gijaŋ ɓakŋa, joɓ maŋ suu wi gaɗta u suu Farisenna ana, «Gaɗ maygira ndak a hin sana a garaɗ sa ma tuguɗira ki hu buu ma vi Lonna su?» 4Asi ka min a hoŋom diraɗi. Yesu hin yi sa tuguɗira ay yi ni, garaɗam ki garaɗ ni dam ana nam tuɗa. 5Ŋgoo dagan nam hin dasi ɗaŋ ana «Lini goŋ sa kala, mbutl mamba kala, ndi hu goloŋga hu buu ma vi Lonna wani, nam ka tuɗ tlaɗ ay ki zak gawɗi su?» 6Asi ndak ka a hoŋom va kay boy nammaɗi.
Yal ma hal lina u ma yi suuna ay egeŋŋa
7Yesu gol suu sana yasi ay egemma hal li ma jivina kay tasiya, nam dasi halaŋ u ndal boyna anaba, 8«Lini sana yaŋ ay hu li ma ti funa varam wa ni, aŋ hal li ma jivina kay taŋ gawɗi. Lini nam yi sa ŋgol ma su kaŋŋa ay hu kala ni, 9nam ma yaŋ ayna tok ɗowba sa daŋ kala ni hin daŋ ana aŋ hin lina maŋ sa namma. Aŋ hin goŋ zolona hin col kak ha ki ni ŋgoo dagani. 10Sana yaŋ ay wa na ni, aŋ kak ha ki ŋgoo dagani, nam sa yaŋ ayna mba wa ni hin daŋ ana, Bananna, mbay kak ki kolo hu li jivina na ɗow ni dla ndaɗta hin mbuɗ ni ko nam ŋgaaŋ fok suu aŋ ti funa u asina na. 11Kayme suu tli yasi kolona hin hoŋ ki kaŋgaa. Suu ka tli yasi koloɗina hin tuɗ ni foko.»
12Ŋgoo daganda nam hin di maŋ sa yam ay kay tina ɗaŋ, «Lini aŋ a ɦal tina na ni, yi banayaŋŋaɗi, gorseŋŋaɗi lay, suu somo maŋgaɗi lay, ndarayaŋ suu hu zinaɗi lay, kayme ŋgoo daganda asi hin yaŋ may ni ko asi warakaŋ ki kay tlesuu aŋ ɦasisina na. 13Lini aŋ a yi suuna kay tina ko ndaɗta na ni, aŋ yi suu hawra u suu dagina u suu dalira u suu dugina. 14Ni aŋ hin fi furira kay asi ndak ka a hoŋoŋ tlegeyeŋ kiɗi. Lona hin hoŋoŋsina falira suu ɗegeena paɗ ki kolo iirira.»
Ndal boyna kay fu ma ŋgolna
(Matiye 22.1-10)
15Asi hum boy namma ki hummi, sa ma dew duk suu ti funa di maŋ Yesu ana, «Furira kay sa hin ti fuumma daa hu Mul Lonara.» 16Yesu dam ana, «Sana dew tin luuna yi suuna egem ŋgolo. 17Li tina ndak ndakŋi, nam sun saam ma sunda a nam di maŋ suu nam min a yasi ayna ana asi mbaya, funa yi ki wa. 18Asi gijaŋ tinim dlara funum ka a mbaɗira. Ma fok jewna di goo vun sunda ana, An ka a fi voɗta a tuɗ haɗi nam saa kan coɗi. An gus senena ni an tuɗ golomu. 19Ma hiŋŋa dam olo ana, An gus mbutlina doogo, an tuɗ tukusiya. An ka fi voɗta a tuɗ haɗi, nam saa kan coɗi. 20Ma hiŋŋa dam olo, An vi caanda wiliya ni, an ka a fi voɗta a tuɗ haɗi, nam saa kan coɗi, aŋ i dam na. 21Goo vun sunda hoŋ eg malamma, tuɗ cuɗum vun namma halaŋ. Malaŋ zina hurum ɓeŋ ki gaw, di maŋ saam ma sunda ana, Tuɗ zak ha hu voɗta ɦoŋzina yi suu hawra aya, suu dagina u suu dugina u suu dalina aya. 22Kak na njokŋi, sa vun sunda hoŋ ay di malamma ana, Va aŋ danna ha na, an lam ay wa, ni lina ka tuwa. 23Nam hoŋom olo ana, Tuɗ ha hu voɗta senena ŋguy ŋgoo liwra ki lay. Yowosi ay u saɓakŋa. Huu ziinna oy ki u suuna. 24An dagi ha wanna, suu an yasi ay jew asina sa ma dew lay ni ka a ŋgen fuun namma funumbi.»
Sa doo tam a tuɗ u Yesu ni gege?
(Matiye 10.37-38)
25Suuna ŋgolo tuɗ u Yesu hu voɗta, nam pereɗ irim dasiya, 26«Lini sana min a tuɗ ay unu ni, nam hin bum u sum ka kiɗi may, hin caamba u goryom u gorsemma ka kiɗi may, hin tliw tam ka kiɗi may ni, nam ndak a li sa haɗi mannaɗi. 27Li ka a tli gu garak mamma a tuɗ ay kay cerenɗi ni, nam ndak a li sa haɗi mannaɗi. 28Dukugi wanni sa li a min ziya ni, nam ndum tlesuu nam a min zina u asina ki jewe. Kay a wi ana gursura kom a ndak fun sun ndaɗta su? 29Lini ka naɗi ni, nam gi u goŋga kaŋga wa, ndaɗ faɗ ka ki kombi ni, suu waɗ u irisina halaŋ hin panam ana, 30Saagi ma wanna gigin jaŋ goŋga a minda, hin ndak ka a daɓ sun mam ndaɗta kiɗi lay. 31Ni na may, lini mulna min a duu tam u ndaram mulna ni, nam gol tam ki fok u suu mam suu bup bup doogona, ni ndak a ŋgaf ndaramma suu mamma bup bup dok mba yam vadlna su? 32Nam li ka a ndakgi ni, ndaramma ɦagi egem day tu may ni, nam gam sunda ha ana asi hin dla ndaɗta u heɓpa.» 33Yesu hin gi vunum ki kaŋga ana, «Dukugi wanni, sa hin tlegeyem kagi halaŋgina nam ndak a li sa haɗi mannaɗi.»
Vuvu ma ɓeŋ kina
(Matiye 5.13; Mark 9.50)
34«Vuvuna ni va ma jivina. Lini yulum mamba ɓeŋ ki wa ni, agi hin mbuɗum yulumba ni u mi olo ge? 35Nam ka jivi kay ndaŋgaraɗi lay, ka a li mbi maŋ ndaŋgara oloɗi lay. Aŋ hin cukum ha ki daŋsaa. Humugi li a humma ni, humugi ha jiviya.»
Currently Selected:
LUK 14: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
LUK 14
14
Yesu garaɗ sa tuguɗira kiyo
1Hu buu ma vi Lonna Yesu tuɗ vi sa ma Farisenna dew a ti funa. Suu kaŋga huna gol dlara Yesu laɗta bel bel. 2Sa ma dew ni tuguɗi mamba buum tam kiyo coli fokomu. 3Yesu gijaŋ ɓakŋa, joɓ maŋ suu wi gaɗta u suu Farisenna ana, «Gaɗ maygira ndak a hin sana a garaɗ sa ma tuguɗira ki hu buu ma vi Lonna su?» 4Asi ka min a hoŋom diraɗi. Yesu hin yi sa tuguɗira ay yi ni, garaɗam ki garaɗ ni dam ana nam tuɗa. 5Ŋgoo dagan nam hin dasi ɗaŋ ana «Lini goŋ sa kala, mbutl mamba kala, ndi hu goloŋga hu buu ma vi Lonna wani, nam ka tuɗ tlaɗ ay ki zak gawɗi su?» 6Asi ndak ka a hoŋom va kay boy nammaɗi.
Yal ma hal lina u ma yi suuna ay egeŋŋa
7Yesu gol suu sana yasi ay egemma hal li ma jivina kay tasiya, nam dasi halaŋ u ndal boyna anaba, 8«Lini sana yaŋ ay hu li ma ti funa varam wa ni, aŋ hal li ma jivina kay taŋ gawɗi. Lini nam yi sa ŋgol ma su kaŋŋa ay hu kala ni, 9nam ma yaŋ ayna tok ɗowba sa daŋ kala ni hin daŋ ana aŋ hin lina maŋ sa namma. Aŋ hin goŋ zolona hin col kak ha ki ni ŋgoo dagani. 10Sana yaŋ ay wa na ni, aŋ kak ha ki ŋgoo dagani, nam sa yaŋ ayna mba wa ni hin daŋ ana, Bananna, mbay kak ki kolo hu li jivina na ɗow ni dla ndaɗta hin mbuɗ ni ko nam ŋgaaŋ fok suu aŋ ti funa u asina na. 11Kayme suu tli yasi kolona hin hoŋ ki kaŋgaa. Suu ka tli yasi koloɗina hin tuɗ ni foko.»
12Ŋgoo daganda nam hin di maŋ sa yam ay kay tina ɗaŋ, «Lini aŋ a ɦal tina na ni, yi banayaŋŋaɗi, gorseŋŋaɗi lay, suu somo maŋgaɗi lay, ndarayaŋ suu hu zinaɗi lay, kayme ŋgoo daganda asi hin yaŋ may ni ko asi warakaŋ ki kay tlesuu aŋ ɦasisina na. 13Lini aŋ a yi suuna kay tina ko ndaɗta na ni, aŋ yi suu hawra u suu dagina u suu dalira u suu dugina. 14Ni aŋ hin fi furira kay asi ndak ka a hoŋoŋ tlegeyeŋ kiɗi. Lona hin hoŋoŋsina falira suu ɗegeena paɗ ki kolo iirira.»
Ndal boyna kay fu ma ŋgolna
(Matiye 22.1-10)
15Asi hum boy namma ki hummi, sa ma dew duk suu ti funa di maŋ Yesu ana, «Furira kay sa hin ti fuumma daa hu Mul Lonara.» 16Yesu dam ana, «Sana dew tin luuna yi suuna egem ŋgolo. 17Li tina ndak ndakŋi, nam sun saam ma sunda a nam di maŋ suu nam min a yasi ayna ana asi mbaya, funa yi ki wa. 18Asi gijaŋ tinim dlara funum ka a mbaɗira. Ma fok jewna di goo vun sunda ana, An ka a fi voɗta a tuɗ haɗi nam saa kan coɗi. An gus senena ni an tuɗ golomu. 19Ma hiŋŋa dam olo ana, An gus mbutlina doogo, an tuɗ tukusiya. An ka fi voɗta a tuɗ haɗi, nam saa kan coɗi. 20Ma hiŋŋa dam olo, An vi caanda wiliya ni, an ka a fi voɗta a tuɗ haɗi, nam saa kan coɗi, aŋ i dam na. 21Goo vun sunda hoŋ eg malamma, tuɗ cuɗum vun namma halaŋ. Malaŋ zina hurum ɓeŋ ki gaw, di maŋ saam ma sunda ana, Tuɗ zak ha hu voɗta ɦoŋzina yi suu hawra aya, suu dagina u suu dugina u suu dalina aya. 22Kak na njokŋi, sa vun sunda hoŋ ay di malamma ana, Va aŋ danna ha na, an lam ay wa, ni lina ka tuwa. 23Nam hoŋom olo ana, Tuɗ ha hu voɗta senena ŋguy ŋgoo liwra ki lay. Yowosi ay u saɓakŋa. Huu ziinna oy ki u suuna. 24An dagi ha wanna, suu an yasi ay jew asina sa ma dew lay ni ka a ŋgen fuun namma funumbi.»
Sa doo tam a tuɗ u Yesu ni gege?
(Matiye 10.37-38)
25Suuna ŋgolo tuɗ u Yesu hu voɗta, nam pereɗ irim dasiya, 26«Lini sana min a tuɗ ay unu ni, nam hin bum u sum ka kiɗi may, hin caamba u goryom u gorsemma ka kiɗi may, hin tliw tam ka kiɗi may ni, nam ndak a li sa haɗi mannaɗi. 27Li ka a tli gu garak mamma a tuɗ ay kay cerenɗi ni, nam ndak a li sa haɗi mannaɗi. 28Dukugi wanni sa li a min ziya ni, nam ndum tlesuu nam a min zina u asina ki jewe. Kay a wi ana gursura kom a ndak fun sun ndaɗta su? 29Lini ka naɗi ni, nam gi u goŋga kaŋga wa, ndaɗ faɗ ka ki kombi ni, suu waɗ u irisina halaŋ hin panam ana, 30Saagi ma wanna gigin jaŋ goŋga a minda, hin ndak ka a daɓ sun mam ndaɗta kiɗi lay. 31Ni na may, lini mulna min a duu tam u ndaram mulna ni, nam gol tam ki fok u suu mam suu bup bup doogona, ni ndak a ŋgaf ndaramma suu mamma bup bup dok mba yam vadlna su? 32Nam li ka a ndakgi ni, ndaramma ɦagi egem day tu may ni, nam gam sunda ha ana asi hin dla ndaɗta u heɓpa.» 33Yesu hin gi vunum ki kaŋga ana, «Dukugi wanni, sa hin tlegeyem kagi halaŋgina nam ndak a li sa haɗi mannaɗi.»
Vuvu ma ɓeŋ kina
(Matiye 5.13; Mark 9.50)
34«Vuvuna ni va ma jivina. Lini yulum mamba ɓeŋ ki wa ni, agi hin mbuɗum yulumba ni u mi olo ge? 35Nam ka jivi kay ndaŋgaraɗi lay, ka a li mbi maŋ ndaŋgara oloɗi lay. Aŋ hin cukum ha ki daŋsaa. Humugi li a humma ni, humugi ha jiviya.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.