LUK 17
17
Dla cora
(Matiye 18.6-7,21-22; Mark 9.42)
1Yesu di suu haɗi mamsina ana, «Tlesuu gi ii suuna hu cora hin a li dukusi gak gak. Hahawra hin lini kay sa ma gi ii ndarammana. 2Mariyaɗ ni njunum ɦinira kelem namu, gam ki duk lumma, ni kay nam ganyam gogoona tinim hu cora. 3Lagi tagi jiviya.
«Lini wayaŋŋa laŋ dla cora egeŋ wa ni, aŋ tuɗ egem ɓakam na lam lam, lini nam jok dlaamba lira wani, aŋ daɓam coomba kiyo. 4Nam li cora egeŋ yam na kiɗisiya hu buu ma dewna lay ni, li hoŋ ay egeŋ mba daŋga kiyo ni, aŋ daɓam coomba ki lay.»
Saɓak tin huna
5Suu haɗina di Bu Suuna ana, «Ҥuɗumi u hurumi ma tini kaŋŋa foko.» 6Bu Suuna hoŋosi dira ana, «Lini hurugi ma tini kanna, goo ko ii seweena#17.6 seweena Moutarde. na lay ni, agi ndak a di maŋ ŋgus ma wanna lay ana, aŋ paɗ u sariyaŋu, tuɗ gi taŋ ha ki duk mbo lumma ŋgolna lay ni, nam ndak a humugi vunugi lay.»
Sunda vi sa fok sanana
7«An tinigi ndal dlara wanda haa, Sa ma dukugi dew, saam ma fokomma li ha horok ɗow kala, golommi yoorina kala ni, nam wam nam mbay vo hu senena ni, nam hin dam ana, Mbay zak, ti fuuŋŋa, na su? 8Nam hin dammi na ɗow ana, Cuk baraw ma daŋŋa ay taŋ ca ni, ɦan funa aya, an ti manna ki wa ni, aŋ hin ti maŋŋa may. 9Ni na ka gam deɓ kay sunda nam ɦamba kombaɗi naɗi su? 10Dla ndaɗta hin li u agi ni na may. Lini agi li dlara joɓogi kaɗta wani, agi di ana, Ami ni suu sunda ɦawaa. Ami lini sun mamira.»
Suu tuguɗi busuna doogo, Yesu mbuɗusi ki jiviya
11Yesu hu voɗta a tuɗ Yerusalemba wanni, nam jak ha duk hoŋ Samari u Galile. 12Nam kal hu ɦoŋzi ma dew, ŋgaf u suu busuna doogo. Asi col ha ki egem day. 13Asi sawalla ay kolo ana, «Yesu Mala Haɗta, wami hahawami ay wi gige.» 14Nam wasi na ni dasi ana, «Tuɗ tak tagi ii muli suu li ɓivunna.» Asi cuk tasi hu voɗta na ni, mbuɗ ki jivi gaw. 15Sa maa dukusi dew ni, wi tam ki jivira na ni, nam hoŋ ay kay sem dagan geleɗ Lona u delemba eŋga. 16Nam buu kaŋga u vun dikim fok Yesu, gam deɓpa. Nammi sa Samarina. 17Yesu di ana, «Asi mbuɗ ki jivira ni doogo belɗi su? Suu dleeŋena ni arage? 18Sa maa hoŋ ay ka a gi deɓ Lonaɗi su? Ma um zeɗ wanna dew ɗaŋ su?» 19Ŋgoo daganda, Yesu dam ana, «Col koloo, huruŋ ma tinina suɗuŋ ki wa.»
Mul Lonara hin mbaa
(Matiye 24.23-28,37-41)
20Suu Farisenna joɓ Yesu ana, «Mul Lonara hin mba ni saɓage?» Yesu di ana, «Mul Lonara hin mba ni sa ka waɗ wiɗi. 21Sa ka di ana, Gola ndaɗ ka tani naɗi. Ҥa ki ɗowna naɗi lay. Wagi kagi ana Mul Lonara ka ni dukugi gaw.»
22Ŋgoo daganda nam di suu haɗi mamsina ana, «Fali taa dew agi hin saa a wi buu ma Goŋ Sanna a mba huna, agi hin ka wambi lay. 23Asi hin dagi ana, Gologi tani ki ɗow ni, tuɗugiɗi, liŋigiɗi lay. 24Weleɗta hin col ay kolo huulona, ndi ki kaŋga wa na mbot mbot ni, Goŋ Sanna hin li hu buu mamma ni na may. 25Lini nanagelay nam wi hawra ki tuwa, suu cukunina noyom ki tuwa. 26Dla mayra li u Nowara hin li hu buu ma vi Goŋ Sanna ni na may. 27Hu buu namma suuna tiya, ciya, ɗum boyogina usi may, ɦal goryosi ki zi njufna may. Falira Nowa ful hu lum mamba may ni, mbo ma ŋgolna tli gaw, casi ki halaŋ. 28Hin li ni ko mayra ay u Lotta na olo. Suuna ti tiisina, gus tlena duk tasi may, pi ŋgusugina, min zina kasi lay. 29Buu ma Lot hin zi Sodomma ka kina, Lona si suufra#17.29 suufra Soufre, gol hu Boy ma Hum Loɓma. u kura, casi ki halaŋ. 30Hu buu ma Goŋ Sanna mba a tak tam kina, hin lini na may.
31«Hu buu namma fi sana ni kay ziimba kolo lay ni, nam ka cuki kaŋga a tli va kom kalafiɗi. Ni na lay sa ma ay hu senena ka hoŋ vo hu ziimbi. 32Humugi gagi kay caŋ Lotta. 33Sa hal a suɗ iiri mamba kina, hin baaɗ kiyo. Sa a ba iiri mamba kina hin faɗ may. 34An dagi ni gasira, hu njeŋge ndaɗta suuna buuri kay lay ma dewna mba', ma dew hin tlam may, ma dew hin ka may. 35Boyogina mba hin luɗ wana u tasiya, ta dew hin tlaɗ may, hiŋga hin hin ka may. [36Suuna mba' horok hu sene ma dewna, maa dew hin tlam may, maa dew hin hin ka may.»] 37Suu haɗina joɓom ana, «Dla ndaɗta hin li ni arage?» Nam ana, «Li ma ɦaana huna, kokolora hin lakŋi hu may.»
Currently Selected:
LUK 17: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
LUK 17
17
Dla cora
(Matiye 18.6-7,21-22; Mark 9.42)
1Yesu di suu haɗi mamsina ana, «Tlesuu gi ii suuna hu cora hin a li dukusi gak gak. Hahawra hin lini kay sa ma gi ii ndarammana. 2Mariyaɗ ni njunum ɦinira kelem namu, gam ki duk lumma, ni kay nam ganyam gogoona tinim hu cora. 3Lagi tagi jiviya.
«Lini wayaŋŋa laŋ dla cora egeŋ wa ni, aŋ tuɗ egem ɓakam na lam lam, lini nam jok dlaamba lira wani, aŋ daɓam coomba kiyo. 4Nam li cora egeŋ yam na kiɗisiya hu buu ma dewna lay ni, li hoŋ ay egeŋ mba daŋga kiyo ni, aŋ daɓam coomba ki lay.»
Saɓak tin huna
5Suu haɗina di Bu Suuna ana, «Ҥuɗumi u hurumi ma tini kaŋŋa foko.» 6Bu Suuna hoŋosi dira ana, «Lini hurugi ma tini kanna, goo ko ii seweena#17.6 seweena Moutarde. na lay ni, agi ndak a di maŋ ŋgus ma wanna lay ana, aŋ paɗ u sariyaŋu, tuɗ gi taŋ ha ki duk mbo lumma ŋgolna lay ni, nam ndak a humugi vunugi lay.»
Sunda vi sa fok sanana
7«An tinigi ndal dlara wanda haa, Sa ma dukugi dew, saam ma fokomma li ha horok ɗow kala, golommi yoorina kala ni, nam wam nam mbay vo hu senena ni, nam hin dam ana, Mbay zak, ti fuuŋŋa, na su? 8Nam hin dammi na ɗow ana, Cuk baraw ma daŋŋa ay taŋ ca ni, ɦan funa aya, an ti manna ki wa ni, aŋ hin ti maŋŋa may. 9Ni na ka gam deɓ kay sunda nam ɦamba kombaɗi naɗi su? 10Dla ndaɗta hin li u agi ni na may. Lini agi li dlara joɓogi kaɗta wani, agi di ana, Ami ni suu sunda ɦawaa. Ami lini sun mamira.»
Suu tuguɗi busuna doogo, Yesu mbuɗusi ki jiviya
11Yesu hu voɗta a tuɗ Yerusalemba wanni, nam jak ha duk hoŋ Samari u Galile. 12Nam kal hu ɦoŋzi ma dew, ŋgaf u suu busuna doogo. Asi col ha ki egem day. 13Asi sawalla ay kolo ana, «Yesu Mala Haɗta, wami hahawami ay wi gige.» 14Nam wasi na ni dasi ana, «Tuɗ tak tagi ii muli suu li ɓivunna.» Asi cuk tasi hu voɗta na ni, mbuɗ ki jivi gaw. 15Sa maa dukusi dew ni, wi tam ki jivira na ni, nam hoŋ ay kay sem dagan geleɗ Lona u delemba eŋga. 16Nam buu kaŋga u vun dikim fok Yesu, gam deɓpa. Nammi sa Samarina. 17Yesu di ana, «Asi mbuɗ ki jivira ni doogo belɗi su? Suu dleeŋena ni arage? 18Sa maa hoŋ ay ka a gi deɓ Lonaɗi su? Ma um zeɗ wanna dew ɗaŋ su?» 19Ŋgoo daganda, Yesu dam ana, «Col koloo, huruŋ ma tinina suɗuŋ ki wa.»
Mul Lonara hin mbaa
(Matiye 24.23-28,37-41)
20Suu Farisenna joɓ Yesu ana, «Mul Lonara hin mba ni saɓage?» Yesu di ana, «Mul Lonara hin mba ni sa ka waɗ wiɗi. 21Sa ka di ana, Gola ndaɗ ka tani naɗi. Ҥa ki ɗowna naɗi lay. Wagi kagi ana Mul Lonara ka ni dukugi gaw.»
22Ŋgoo daganda nam di suu haɗi mamsina ana, «Fali taa dew agi hin saa a wi buu ma Goŋ Sanna a mba huna, agi hin ka wambi lay. 23Asi hin dagi ana, Gologi tani ki ɗow ni, tuɗugiɗi, liŋigiɗi lay. 24Weleɗta hin col ay kolo huulona, ndi ki kaŋga wa na mbot mbot ni, Goŋ Sanna hin li hu buu mamma ni na may. 25Lini nanagelay nam wi hawra ki tuwa, suu cukunina noyom ki tuwa. 26Dla mayra li u Nowara hin li hu buu ma vi Goŋ Sanna ni na may. 27Hu buu namma suuna tiya, ciya, ɗum boyogina usi may, ɦal goryosi ki zi njufna may. Falira Nowa ful hu lum mamba may ni, mbo ma ŋgolna tli gaw, casi ki halaŋ. 28Hin li ni ko mayra ay u Lotta na olo. Suuna ti tiisina, gus tlena duk tasi may, pi ŋgusugina, min zina kasi lay. 29Buu ma Lot hin zi Sodomma ka kina, Lona si suufra#17.29 suufra Soufre, gol hu Boy ma Hum Loɓma. u kura, casi ki halaŋ. 30Hu buu ma Goŋ Sanna mba a tak tam kina, hin lini na may.
31«Hu buu namma fi sana ni kay ziimba kolo lay ni, nam ka cuki kaŋga a tli va kom kalafiɗi. Ni na lay sa ma ay hu senena ka hoŋ vo hu ziimbi. 32Humugi gagi kay caŋ Lotta. 33Sa hal a suɗ iiri mamba kina, hin baaɗ kiyo. Sa a ba iiri mamba kina hin faɗ may. 34An dagi ni gasira, hu njeŋge ndaɗta suuna buuri kay lay ma dewna mba', ma dew hin tlam may, ma dew hin ka may. 35Boyogina mba hin luɗ wana u tasiya, ta dew hin tlaɗ may, hiŋga hin hin ka may. [36Suuna mba' horok hu sene ma dewna, maa dew hin tlam may, maa dew hin hin ka may.»] 37Suu haɗina joɓom ana, «Dla ndaɗta hin li ni arage?» Nam ana, «Li ma ɦaana huna, kokolora hin lakŋi hu may.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.