LUK 19
19
Yesu u Zake
1Yesu kal Yeriko kalni, nam a jak ha ki ŋgoo zina wanni. 2San hu dew yam ana Zake. Nammi mulna vi suu vi taara. Nammi sa ɦizina. 3Nam min a gol Yesu. Nam gedeŋe, ka wam ko suunaɗi. 4Nam liŋ ha foko, tuɗ ɗuŋ hum ŋgusna a gol Yesu, nam hin jakŋi huwa. 5Yesu tew u gu namma tew ni, tli irim kolo di Zake ana, «Ɗuŋ ay ki kaŋga zak, an tuɗ buu karammi varaŋu.» 6Nam Zake ɗuŋ ay ki kaŋga zak gaw, vam varam u furira. 7Suu wi dla ndaɗtana hosok tasi ana, «Sa namma tuɗ buu vi sa cona.» 8Nam Zake col kolo di maŋ Yesu ana, «Aŋ hum haa, Mala Haɗta. An ɓorow tlegeyen ki duk gaya gaya, suu hiŋŋa an ɦasi ki maŋ suu hawra. Sa ma an lam irim u gursu mambana, an hoŋom na ga ga fiɗi.» 9Yesu dam ana, «Suɗta kal karam hu taraŋ ndaɗta wa. Kay sa namma ni goŋ Abrahamma lay. 10Goŋ Sanna mba ni a hal suu ki viɗina a suɗusi kiyo.»
Ndal boyna kay begera
(Matiye 25.14-30)
11Yesu tin ndal boyna maŋ suu mba a humum boy mamma, kayme asi eg Yerusalem tok wanni, asi suu huna saa ana Mul Lonara mba ni mbay gaw. 12Nam dasi ana, «San dew hu deera ɦizira. Nam tuɗ hu mbassa dayra a hal mulla, hin a hoŋ ay a kak kay suu mamsina. 13Nam a tuɗta wanni yi suu mam suu sunda doogo egem bel. Nam ɦasi gursura ka mbumbu dew dew, dasi ana, Agi mbuɗum irim kaa an hin hoŋ ay tuwa. 14Suu hu mbas mambana ka minimbi. Asi sun suuna ha um ana, Ami ka min ana sa namma kak kami a mulnaɗi.
15«Nam hin tuɗ fi mulla aya, hoŋ ay hu mbassamu. Nam yi suu mam suu nam ɓorowosi begera kana ay egem a wi va ma asi fam ka una. 16Ma jewna mbaya nam di mulna ana, An fi mbumbu ka doogo u va ma aŋ ɦanna kana. 17Mulna di ma namma ana, Ni jiviya, aŋŋi sa ma li sunda jivina. Aŋ li ɗegeera ka u tlesuu ewna, an kakaŋ a mulna kay zina doogo. 18Ma mbana mba dam ana, Mulna, an fi mbumbu ka vadl u ma aŋ ɦanna kana. 19Mulna dam ana, An kakaŋŋi kay zina vadl may. 20Ma daŋŋa mba di mulna ana, Viya, ni gursu maŋ ma an ŋgayam ka kolona, 21kayme an li ndaana koŋ ɦay, kay aŋŋi sa dlaŋ cona. Vana li ka maŋŋaɗi lay ni, aŋ tlam ki lay. Aŋ feɗ wa ma aŋ zaaram kaɗina ki lay. 22Mulna hin dam ana, Aŋ sa ma li sunda cona, an kaaŋ ɓakŋa kaŋŋi u boy maŋŋa aŋ damma. Aŋ wi kaŋ ana an ni sa irin eŋŋa, vana li ka mannaɗi lay ni, an tlam lay, an feɗ wa ma an zaaram kaɗina ki lay ni, 23aŋ ɦan gursu manna ka maŋ sa li sun u nambi amege? An hoŋ ay wanda fam gin u mboom um mayɗi su? 24Nam di maŋ suu egemma ana, Vam gursu mamma aya, ɦam ha maŋ ma mamma kom doogona. [25Asi ana, Mamma komma doogo day ni ko.] 26Mulna ana, Sa mamma ŋgolna ɦam ha kayam hu olo. Sa ma va ka kombina, va li kom ew ni, tlam ma kiyo. 27Suu ka min ana an kak kasi a mulnaɗina, yowonsina aya, ŋgaɗasi ki kaŋga fokon tani.»
Yesu kal Yerusalem
(Matiye 21.1-11; Mark 11.1-11; Jaŋ 12.12-19)
28Yesu daɓ ɓakŋa ki daɓmi, nam tuɗ ha fokosi a tuɗ Yerusalemba. 29Nam ca duk ɦoŋzi ma Betfage u ma Betanina eg ɦinira Conora tokŋi, Yesu sun suu haɗi mam suu mba' ha foko, 30dasi ana, «Tuɗugi ha hu zi ma ha fokogi wanna. Agi tew hu zi namma wani, agi hin fi goo kor ma bay sa ful kam tuna njuniya, buɗugina aya mbaaram ay tani. 31Lini sa joɓogi ana agi buɗum amege ni, agi dasi ana, Bu Suuna a minimu.» 32Nam hinisi asi tuɗ ɗaŋ, i fasi halaŋ ko Yesu dasira na. 33Asi a buɗumba wanni, maliyamma ana, «Agi buɗugi goo korna amege?» Asi hoŋosi dira ana, 34«Bu Suuna a minimu.» 35Asi hinisi gaw. Asi tuɗum ha maŋ Yesu, boɗ baraw masina kamu, hin tli Yesu kolo kamu. 36Nam tuɗ ha na ni, suuna boɗ baraw masina ha kaŋga fokom hu voɗta. 37Nam mbay Yerusalem tok hu voɗta, tuɗ kay ɦinira Conora. Suu molina u suu haɗi mamsina hurusi furi wanni, asi gijaŋ sawalla, geleɗ Lona kay dlara mbuɗta asi waɗta. 38Asi di ana, «Lona paɗ vunuŋ ki kay mul ma mba u sem Bu Suuna. Heɓpa huulona, geleɗta maŋ Lo ma kolona.»
39Suu Farisenna suu ɦiw duk suu tokina di Yesu ana, «Mala Haɗta, di suu haɗi maŋsina ana asi seŋ tasiya.» 40Yesu hoŋosi dira ana, «An ka dagi haa, lini asi seŋ tasi lay ni, gogoyra hin sawalla ha lay.»
Yesu tii kay zi Yerusalemma
41Yesu mba wi yam zi Yerusalemma may ni, tii kam gaw, 42di ana, «Aŋ humbi su, ay fokka wanni heɓpa kaa. Cecemi heɓ ndaɗta ŋgay ki iriŋ wa. Aŋ ka waɗ oloɗi. 43Ha fokka wanni suu maŋ suu babalira hin ŋguyuŋ yaŋu, hin ɦeɓeŋ duku. 44Asi hin hawaɗaŋ ki kaŋgaa, caŋ suu maŋŋa ki halaŋ lay. Ҥini ta dew hin ka a li jaki kolo kay ndaraɗɗi. Asi hin tooɗ ki kaŋga halaŋ, kayme aŋ wi buu ma Lona mba a njun uŋ huna kaɗi.»
Yesu hu Ziŋ Lonara
(Matiye 21.12-17; Mark 11.15-19; Jaŋ 2.13-22)
45Yesu kal hu Ziŋ Lonara, gijaŋ dik suu gus tlegeyesi kina kiyo. 46Nam dasi ana, «Ay ki ɓiiri ana, Ziinda hin lini a zira cen Lona. Agi hin mbuɗuɗ ki zira kulna ni nanage?»
47Yesu haɗ suuna hu Ziŋ Lonara tew tew. Muli suu li ɓivunna u suu haɗ gaɗta u suu ŋgolo suu fok suunana halam a cam kiyo. 48Asi ka fi dlara asi a lam u ndaɗtaɗi kay suuna halaŋ humum boy mamma jiviya.
Currently Selected:
LUK 19: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
LUK 19
19
Yesu u Zake
1Yesu kal Yeriko kalni, nam a jak ha ki ŋgoo zina wanni. 2San hu dew yam ana Zake. Nammi mulna vi suu vi taara. Nammi sa ɦizina. 3Nam min a gol Yesu. Nam gedeŋe, ka wam ko suunaɗi. 4Nam liŋ ha foko, tuɗ ɗuŋ hum ŋgusna a gol Yesu, nam hin jakŋi huwa. 5Yesu tew u gu namma tew ni, tli irim kolo di Zake ana, «Ɗuŋ ay ki kaŋga zak, an tuɗ buu karammi varaŋu.» 6Nam Zake ɗuŋ ay ki kaŋga zak gaw, vam varam u furira. 7Suu wi dla ndaɗtana hosok tasi ana, «Sa namma tuɗ buu vi sa cona.» 8Nam Zake col kolo di maŋ Yesu ana, «Aŋ hum haa, Mala Haɗta. An ɓorow tlegeyen ki duk gaya gaya, suu hiŋŋa an ɦasi ki maŋ suu hawra. Sa ma an lam irim u gursu mambana, an hoŋom na ga ga fiɗi.» 9Yesu dam ana, «Suɗta kal karam hu taraŋ ndaɗta wa. Kay sa namma ni goŋ Abrahamma lay. 10Goŋ Sanna mba ni a hal suu ki viɗina a suɗusi kiyo.»
Ndal boyna kay begera
(Matiye 25.14-30)
11Yesu tin ndal boyna maŋ suu mba a humum boy mamma, kayme asi eg Yerusalem tok wanni, asi suu huna saa ana Mul Lonara mba ni mbay gaw. 12Nam dasi ana, «San dew hu deera ɦizira. Nam tuɗ hu mbassa dayra a hal mulla, hin a hoŋ ay a kak kay suu mamsina. 13Nam a tuɗta wanni yi suu mam suu sunda doogo egem bel. Nam ɦasi gursura ka mbumbu dew dew, dasi ana, Agi mbuɗum irim kaa an hin hoŋ ay tuwa. 14Suu hu mbas mambana ka minimbi. Asi sun suuna ha um ana, Ami ka min ana sa namma kak kami a mulnaɗi.
15«Nam hin tuɗ fi mulla aya, hoŋ ay hu mbassamu. Nam yi suu mam suu nam ɓorowosi begera kana ay egem a wi va ma asi fam ka una. 16Ma jewna mbaya nam di mulna ana, An fi mbumbu ka doogo u va ma aŋ ɦanna kana. 17Mulna di ma namma ana, Ni jiviya, aŋŋi sa ma li sunda jivina. Aŋ li ɗegeera ka u tlesuu ewna, an kakaŋ a mulna kay zina doogo. 18Ma mbana mba dam ana, Mulna, an fi mbumbu ka vadl u ma aŋ ɦanna kana. 19Mulna dam ana, An kakaŋŋi kay zina vadl may. 20Ma daŋŋa mba di mulna ana, Viya, ni gursu maŋ ma an ŋgayam ka kolona, 21kayme an li ndaana koŋ ɦay, kay aŋŋi sa dlaŋ cona. Vana li ka maŋŋaɗi lay ni, aŋ tlam ki lay. Aŋ feɗ wa ma aŋ zaaram kaɗina ki lay. 22Mulna hin dam ana, Aŋ sa ma li sunda cona, an kaaŋ ɓakŋa kaŋŋi u boy maŋŋa aŋ damma. Aŋ wi kaŋ ana an ni sa irin eŋŋa, vana li ka mannaɗi lay ni, an tlam lay, an feɗ wa ma an zaaram kaɗina ki lay ni, 23aŋ ɦan gursu manna ka maŋ sa li sun u nambi amege? An hoŋ ay wanda fam gin u mboom um mayɗi su? 24Nam di maŋ suu egemma ana, Vam gursu mamma aya, ɦam ha maŋ ma mamma kom doogona. [25Asi ana, Mamma komma doogo day ni ko.] 26Mulna ana, Sa mamma ŋgolna ɦam ha kayam hu olo. Sa ma va ka kombina, va li kom ew ni, tlam ma kiyo. 27Suu ka min ana an kak kasi a mulnaɗina, yowonsina aya, ŋgaɗasi ki kaŋga fokon tani.»
Yesu kal Yerusalem
(Matiye 21.1-11; Mark 11.1-11; Jaŋ 12.12-19)
28Yesu daɓ ɓakŋa ki daɓmi, nam tuɗ ha fokosi a tuɗ Yerusalemba. 29Nam ca duk ɦoŋzi ma Betfage u ma Betanina eg ɦinira Conora tokŋi, Yesu sun suu haɗi mam suu mba' ha foko, 30dasi ana, «Tuɗugi ha hu zi ma ha fokogi wanna. Agi tew hu zi namma wani, agi hin fi goo kor ma bay sa ful kam tuna njuniya, buɗugina aya mbaaram ay tani. 31Lini sa joɓogi ana agi buɗum amege ni, agi dasi ana, Bu Suuna a minimu.» 32Nam hinisi asi tuɗ ɗaŋ, i fasi halaŋ ko Yesu dasira na. 33Asi a buɗumba wanni, maliyamma ana, «Agi buɗugi goo korna amege?» Asi hoŋosi dira ana, 34«Bu Suuna a minimu.» 35Asi hinisi gaw. Asi tuɗum ha maŋ Yesu, boɗ baraw masina kamu, hin tli Yesu kolo kamu. 36Nam tuɗ ha na ni, suuna boɗ baraw masina ha kaŋga fokom hu voɗta. 37Nam mbay Yerusalem tok hu voɗta, tuɗ kay ɦinira Conora. Suu molina u suu haɗi mamsina hurusi furi wanni, asi gijaŋ sawalla, geleɗ Lona kay dlara mbuɗta asi waɗta. 38Asi di ana, «Lona paɗ vunuŋ ki kay mul ma mba u sem Bu Suuna. Heɓpa huulona, geleɗta maŋ Lo ma kolona.»
39Suu Farisenna suu ɦiw duk suu tokina di Yesu ana, «Mala Haɗta, di suu haɗi maŋsina ana asi seŋ tasiya.» 40Yesu hoŋosi dira ana, «An ka dagi haa, lini asi seŋ tasi lay ni, gogoyra hin sawalla ha lay.»
Yesu tii kay zi Yerusalemma
41Yesu mba wi yam zi Yerusalemma may ni, tii kam gaw, 42di ana, «Aŋ humbi su, ay fokka wanni heɓpa kaa. Cecemi heɓ ndaɗta ŋgay ki iriŋ wa. Aŋ ka waɗ oloɗi. 43Ha fokka wanni suu maŋ suu babalira hin ŋguyuŋ yaŋu, hin ɦeɓeŋ duku. 44Asi hin hawaɗaŋ ki kaŋgaa, caŋ suu maŋŋa ki halaŋ lay. Ҥini ta dew hin ka a li jaki kolo kay ndaraɗɗi. Asi hin tooɗ ki kaŋga halaŋ, kayme aŋ wi buu ma Lona mba a njun uŋ huna kaɗi.»
Yesu hu Ziŋ Lonara
(Matiye 21.12-17; Mark 11.15-19; Jaŋ 2.13-22)
45Yesu kal hu Ziŋ Lonara, gijaŋ dik suu gus tlegeyesi kina kiyo. 46Nam dasi ana, «Ay ki ɓiiri ana, Ziinda hin lini a zira cen Lona. Agi hin mbuɗuɗ ki zira kulna ni nanage?»
47Yesu haɗ suuna hu Ziŋ Lonara tew tew. Muli suu li ɓivunna u suu haɗ gaɗta u suu ŋgolo suu fok suunana halam a cam kiyo. 48Asi ka fi dlara asi a lam u ndaɗtaɗi kay suuna halaŋ humum boy mamma jiviya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.