Kulawa 12
12
Ámuri yakutengeza Pashukwa
1Mola wetu Musa na Aruna wari inti ya Miswiri, kawambira kaamba: 2“Ewu mwezi-wu ndi mwezi wakwanza wa mwaka kwenu umwe. 3Wambireni jumula ya wanu piya wa Iziraeli kuwa ikifíka suku ya mwezi-kumi nowu mwezi-wu, kila mmoja pakaya pake antondore ncamba wa kondoo mmoja kwa kila wanu wakwikala nyumba moja. 4Na ikíwa pakaya-po wanu aba, awamariza kumurya, basi mwenye pakaya-po amwitire jirani wake. Wajuzi kunang'aniza kamba vyairi isabu ya wanu ya kujuzi kurya. 5Eyo ncamba-yo asiwe na kasoro íwa yonse, awe kanrumbi wa mwaka mmoja, awe kondoo au mbuzi. 6Nyama-yo mujuzi muture mpaka suku ya kumi na nne ya nowu mwezi-wu. Noyo suku-yo, waIziraeli wasinje nyama-zo wakati wa jironi.
7Na kwisa, mutware damu ya ezo nyama-zo, mupake nvizingiti na nvizimba vya miryango ya manyumba enu mwamusaka kwikala mukírya-mo. 8Nowo usiku-wo mutafune nyama yakociwa pamoja na mikate saitayiwe furumento na masamba a kuwawa. 9Musitafune nyama mbisi wala yakwipikiwa, ila mumoce nzima: kiswa, maulu pamoja na utumbo wake. 10Musilaze nyama kufika subuu, nyama isáka kubaki mpaka subuu yonse, íjuzi yociwe. 11Eyo nyama-yo murye javi: murifunge sintu, muvare viratu, na musukure ngombo mmakono. Murye upesi-upesi. Ndi Pashukwa ya Mola. 12Kamana nowo usiku-wo, nípita piya Miswiri, níwolaya piya wana vifundi wanu na manyama. Níhukumu milungu piya ya Miswiri. Omi ndi Mola mwanyewe. 13Basi damu-yo ikuwa ndi alama ya manyumba enu amwikala. Nikiwóna damu-yo, nípita baidi, anta mmoja wenu afwa na balayi, panisáka kuwolaya waMiswiri.
14Noyo suku-yo ndi suku yenu ya kumbu-kumbu. Mujuzi muture iwe suku ya kunsherehekera Mola. Umwe na vizazi vyenu, muture kamba shuruti kwa milele muntende sherehe. 15Muda wa suku saba mutafune mikate saina furumento. Mwanzo wa suku ya kwanza, mmanyumba mwenu isiwepo furumento, konta asáka kutafuna mikate ya furumento onse saunesa muda wa suku saba-wu, atuwisiwe nfululu ka waIziraeli. 16Suku ya kwanza pamoja na suku ya saba ya sherehe, mujuzi mujumane mutende nkusanyiko takatifu. Nozi suku-zi, aikoriwa kazi, ila mutengeze cakurya ca kila mmoja. 17Sherehe ya Mikate Saina Furumento mujuzi mutende, kwa sababu noyo suku-yo nûkulavyani inti ya Miswiri mikonjo mirefu. Eyo suku-yo ílazímu mufurahi umwe pamoja na vining'ini vyenu, ndi kinu canukulaizirani mutende daima. 18Mwezi wa kwanza, mwanzo wa jironi ya suku kumi na nne, mpaka jironi ya suku shirini na moja, mutafune mikate saitayiwe furumento. 19Muda wa suku saba, isiwepo furumento isáka kuwa yonse mmanyumba mwenu. Asáka kutafuna mikate ya kutaiwa furumento onse, siti atuwisiwe nfululu júmula ya waIziraeli, anta awe myeni, anta awe muIziraeli. 20Basi musitafune ciwa conse cakutaiwa furumento. Pamuwa ponse, mujuzi mutafune mikate saina furumento.”
Mwanzo wa Pashukwa
21Ikisa Musa kaweta wakulungwa piya wa Iziraeli, kawambíra javi: “Umwe ukani mukantondore ncamba mmoja wa kondoo ka jamaa zenu, munsinje atenderiwe jambo rikulu ra Pashukwa. 22Mukinsínja, damu iwa mbasiya-yo, mutware kirami ca muti wa masamba mapusu wakwitiwa ‘usopo’, mukilóvya mukipáka nvizingiti na nvizimba vya miryango ya manyumba enu. Usiku anta munu mmoja asilawire panja, mpaka kuce subuu. 23Kamana Mola asaka kupita nsini kuwolaya waMiswiri. Akiwona damu yakupakiwa nvizingiti na nvizimba, Mola ápunda, aamwasa Nzulairi kupita mmanyumba mwenu kukuulayani. 24Eyi iwe ámuri yenu umwe pamoja na ujukulu wenu mutimize daima milele. 25Na pamusaka kwingira muinti yaakupani Mola, kamba vyaambanga lázima mutimize eyi tabiya-yi. 26Wanenu pawasaka kukudairini: ‘Nori jambo-ri mana ake kinani?’, 27umwe muwajíbu: ‘Eyi kafara ya Pashukwa yakuntukuza Mola, konta kâpita nsini ya manyumba a waIziraeli inti ya Miswiri akipúnda akinusúru, wakati wâawolaye waMiswiri.’ ” Basi wanu wakisujúdi wakintukúza. 28Ikisa waIziraeli wakúka wakiténda novire-novireni. Kamba Mola vyaawámbire Musa na Aruna, ewo watenda novyo.
Hukumu ya kumi: kuulaiwa ka vifundi vya waMiswiri
29Iri usiku wa finahari, Mola kawólaya piya vifundi vya inti ya Miswiri, mwanzo wa kifundi ca Firyauna akijuzi kuriti kiti cake ca ufalume, mpaka mwana kifundi wa wafungwa wa nkalaboshu newo. Anta na vifundi vya manyama, newo wakífwa. 30Basi Firyauna, watumisi wake piya pamoja na waMiswiri piya wakilamuka usiku. Rikiláwa lukuto rikulu sana inti ya Miswiri ire, kwa kuwa aiwerepo anta nyumba moja saafwire munu.
31Noparepare kwa usiku noure-ure, Firyauna akiwéta Musa pamoja na Aruna, akiwambíra: “Ritengezeni mulawe upesi-upesi kati ya wanu wangu! Umwe pamoja na wanu wa Iziraeli, ukani mukantumikire Mola kamba vyaâsemire. 32Sukulani makundi ka makundi a makondoo na ng'ombe vyamusaka vyonse, muke! Na omi mukanilebélele meema.”
33WaMiswiri wakiwakáza waIziraeli wasame upesi-upesi, wakámba: “Vitopesa kufwa piya-fwe!” 34Kwa javyo, waIziraeli wakitwala ufu wawo wakukandiwa wawenye, saunamba kutaiwa furumento, pamoja na gamela#12:34 Gamela mbawo ya kukandira ufu. zawo zakukandira, wakifúnga matondo ka matondo, wakisukúla mmaweya. 35Wêsa kutenda futi vyaawambire Musa, konta wâwalebela waMiswiri vifure vya parata na vya oru, na mavazi. 36Mola kêsa futi kuwatendera fadili waIziraeli mbere ya waMiswiri, kwa kuwa wawapa kila kinu cawálebele conse. Ndi javi vyaviwere, wakiláwa Miswiri wakurémeriwa wawenye.
Kulawa ka waIziraeli usiku
37Na waIziraeli waláwa kaya ya Ramesesi luwansi wakúka mpaka Sukoti. Wákiwa walume kiyasi ca alufu miya sita, bila kuwawalanga waka na wasimana. 38Wakisukúla mifuwo yawo mingi yawenye, makondoo na ng'ombe. Waláwa novyo wanu wengine wa kabila jisijisi, wakifúnga nawo nkonjo mmoja. 39Novyo, kwa kuwa waláwa Miswiri kwa haraka-haraka, awâwaire kutenda mikate ya safari, ila wâsukúla ufu tu basi wakukandiwa, saunamba kutaiwa furumento. Noparepare wakóca mikate yawo saitayiwe furumento ire.
40Muda waIziraeli wawainshire inti ya Miswiri íwa myaka miya nne na talatini. 41Îwa suku noyo-noyoni yaitimire myaka miya nne na talatini, wanu piya wa Mola wakiláwa Miswiri mikonjo mirefu. 42Nowo usiku-wo, Mola ndi wâwanang'anize waIziraeli, akiwalávya Miswiri. Ntamana daima kila mwaka, ukuwa usiku wakunang'aniza ka Mola wanu piya wa Iziraeli vizazi piya.
43Visitoshe, Mola kawambira Musa na Aruna: “Ezi ndi shariya za Pashukwa: myeni onse aarya cakurya ca Pashukwa. 44Fala ntwana oziwe na atayiwe itani onse, aruhusiwa kurya. 45Myeni wakupita wala myeni nkolakazi wasirye cakurya-co. 46Kondoo wa Pashukwa ajuzi atafuniriwe nnyumba. Nyama yake musilavire panja anta kipande, wala makongolo ake musipanje. 47Júmula ya wanu wa Iziraeli piya wajuzi washerehekere Pashukwa. 48Akiwapo myeni wakukufikirani penu, akisáka kusherehekera Pashukwa ka Mola, ilazimu awataye itani wanawalume piya. Ikisa asanganyike atende Pashukwa, awalangiwa kuwa mwenye-kaya. Fala saatayiwe itani onse, asirye fúti eco cakurya-co. 49Shariya moja nozo zikuhusuni waIziraeli-mwe na wayeni wamwikala nawo.”
50WaIziraeli piya wakitimíza kamba Mola vyaamwambire Musa na Aruna. 51Na noire suku ire, Mola kawalavya waIziraeli Miswiri makundi ka makundi a mikonjo mirefu.
Currently Selected:
Kulawa 12: wmwBI
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Kulawa 12
12
Ámuri yakutengeza Pashukwa
1Mola wetu Musa na Aruna wari inti ya Miswiri, kawambira kaamba: 2“Ewu mwezi-wu ndi mwezi wakwanza wa mwaka kwenu umwe. 3Wambireni jumula ya wanu piya wa Iziraeli kuwa ikifíka suku ya mwezi-kumi nowu mwezi-wu, kila mmoja pakaya pake antondore ncamba wa kondoo mmoja kwa kila wanu wakwikala nyumba moja. 4Na ikíwa pakaya-po wanu aba, awamariza kumurya, basi mwenye pakaya-po amwitire jirani wake. Wajuzi kunang'aniza kamba vyairi isabu ya wanu ya kujuzi kurya. 5Eyo ncamba-yo asiwe na kasoro íwa yonse, awe kanrumbi wa mwaka mmoja, awe kondoo au mbuzi. 6Nyama-yo mujuzi muture mpaka suku ya kumi na nne ya nowu mwezi-wu. Noyo suku-yo, waIziraeli wasinje nyama-zo wakati wa jironi.
7Na kwisa, mutware damu ya ezo nyama-zo, mupake nvizingiti na nvizimba vya miryango ya manyumba enu mwamusaka kwikala mukírya-mo. 8Nowo usiku-wo mutafune nyama yakociwa pamoja na mikate saitayiwe furumento na masamba a kuwawa. 9Musitafune nyama mbisi wala yakwipikiwa, ila mumoce nzima: kiswa, maulu pamoja na utumbo wake. 10Musilaze nyama kufika subuu, nyama isáka kubaki mpaka subuu yonse, íjuzi yociwe. 11Eyo nyama-yo murye javi: murifunge sintu, muvare viratu, na musukure ngombo mmakono. Murye upesi-upesi. Ndi Pashukwa ya Mola. 12Kamana nowo usiku-wo, nípita piya Miswiri, níwolaya piya wana vifundi wanu na manyama. Níhukumu milungu piya ya Miswiri. Omi ndi Mola mwanyewe. 13Basi damu-yo ikuwa ndi alama ya manyumba enu amwikala. Nikiwóna damu-yo, nípita baidi, anta mmoja wenu afwa na balayi, panisáka kuwolaya waMiswiri.
14Noyo suku-yo ndi suku yenu ya kumbu-kumbu. Mujuzi muture iwe suku ya kunsherehekera Mola. Umwe na vizazi vyenu, muture kamba shuruti kwa milele muntende sherehe. 15Muda wa suku saba mutafune mikate saina furumento. Mwanzo wa suku ya kwanza, mmanyumba mwenu isiwepo furumento, konta asáka kutafuna mikate ya furumento onse saunesa muda wa suku saba-wu, atuwisiwe nfululu ka waIziraeli. 16Suku ya kwanza pamoja na suku ya saba ya sherehe, mujuzi mujumane mutende nkusanyiko takatifu. Nozi suku-zi, aikoriwa kazi, ila mutengeze cakurya ca kila mmoja. 17Sherehe ya Mikate Saina Furumento mujuzi mutende, kwa sababu noyo suku-yo nûkulavyani inti ya Miswiri mikonjo mirefu. Eyo suku-yo ílazímu mufurahi umwe pamoja na vining'ini vyenu, ndi kinu canukulaizirani mutende daima. 18Mwezi wa kwanza, mwanzo wa jironi ya suku kumi na nne, mpaka jironi ya suku shirini na moja, mutafune mikate saitayiwe furumento. 19Muda wa suku saba, isiwepo furumento isáka kuwa yonse mmanyumba mwenu. Asáka kutafuna mikate ya kutaiwa furumento onse, siti atuwisiwe nfululu júmula ya waIziraeli, anta awe myeni, anta awe muIziraeli. 20Basi musitafune ciwa conse cakutaiwa furumento. Pamuwa ponse, mujuzi mutafune mikate saina furumento.”
Mwanzo wa Pashukwa
21Ikisa Musa kaweta wakulungwa piya wa Iziraeli, kawambíra javi: “Umwe ukani mukantondore ncamba mmoja wa kondoo ka jamaa zenu, munsinje atenderiwe jambo rikulu ra Pashukwa. 22Mukinsínja, damu iwa mbasiya-yo, mutware kirami ca muti wa masamba mapusu wakwitiwa ‘usopo’, mukilóvya mukipáka nvizingiti na nvizimba vya miryango ya manyumba enu. Usiku anta munu mmoja asilawire panja, mpaka kuce subuu. 23Kamana Mola asaka kupita nsini kuwolaya waMiswiri. Akiwona damu yakupakiwa nvizingiti na nvizimba, Mola ápunda, aamwasa Nzulairi kupita mmanyumba mwenu kukuulayani. 24Eyi iwe ámuri yenu umwe pamoja na ujukulu wenu mutimize daima milele. 25Na pamusaka kwingira muinti yaakupani Mola, kamba vyaambanga lázima mutimize eyi tabiya-yi. 26Wanenu pawasaka kukudairini: ‘Nori jambo-ri mana ake kinani?’, 27umwe muwajíbu: ‘Eyi kafara ya Pashukwa yakuntukuza Mola, konta kâpita nsini ya manyumba a waIziraeli inti ya Miswiri akipúnda akinusúru, wakati wâawolaye waMiswiri.’ ” Basi wanu wakisujúdi wakintukúza. 28Ikisa waIziraeli wakúka wakiténda novire-novireni. Kamba Mola vyaawámbire Musa na Aruna, ewo watenda novyo.
Hukumu ya kumi: kuulaiwa ka vifundi vya waMiswiri
29Iri usiku wa finahari, Mola kawólaya piya vifundi vya inti ya Miswiri, mwanzo wa kifundi ca Firyauna akijuzi kuriti kiti cake ca ufalume, mpaka mwana kifundi wa wafungwa wa nkalaboshu newo. Anta na vifundi vya manyama, newo wakífwa. 30Basi Firyauna, watumisi wake piya pamoja na waMiswiri piya wakilamuka usiku. Rikiláwa lukuto rikulu sana inti ya Miswiri ire, kwa kuwa aiwerepo anta nyumba moja saafwire munu.
31Noparepare kwa usiku noure-ure, Firyauna akiwéta Musa pamoja na Aruna, akiwambíra: “Ritengezeni mulawe upesi-upesi kati ya wanu wangu! Umwe pamoja na wanu wa Iziraeli, ukani mukantumikire Mola kamba vyaâsemire. 32Sukulani makundi ka makundi a makondoo na ng'ombe vyamusaka vyonse, muke! Na omi mukanilebélele meema.”
33WaMiswiri wakiwakáza waIziraeli wasame upesi-upesi, wakámba: “Vitopesa kufwa piya-fwe!” 34Kwa javyo, waIziraeli wakitwala ufu wawo wakukandiwa wawenye, saunamba kutaiwa furumento, pamoja na gamela#12:34 Gamela mbawo ya kukandira ufu. zawo zakukandira, wakifúnga matondo ka matondo, wakisukúla mmaweya. 35Wêsa kutenda futi vyaawambire Musa, konta wâwalebela waMiswiri vifure vya parata na vya oru, na mavazi. 36Mola kêsa futi kuwatendera fadili waIziraeli mbere ya waMiswiri, kwa kuwa wawapa kila kinu cawálebele conse. Ndi javi vyaviwere, wakiláwa Miswiri wakurémeriwa wawenye.
Kulawa ka waIziraeli usiku
37Na waIziraeli waláwa kaya ya Ramesesi luwansi wakúka mpaka Sukoti. Wákiwa walume kiyasi ca alufu miya sita, bila kuwawalanga waka na wasimana. 38Wakisukúla mifuwo yawo mingi yawenye, makondoo na ng'ombe. Waláwa novyo wanu wengine wa kabila jisijisi, wakifúnga nawo nkonjo mmoja. 39Novyo, kwa kuwa waláwa Miswiri kwa haraka-haraka, awâwaire kutenda mikate ya safari, ila wâsukúla ufu tu basi wakukandiwa, saunamba kutaiwa furumento. Noparepare wakóca mikate yawo saitayiwe furumento ire.
40Muda waIziraeli wawainshire inti ya Miswiri íwa myaka miya nne na talatini. 41Îwa suku noyo-noyoni yaitimire myaka miya nne na talatini, wanu piya wa Mola wakiláwa Miswiri mikonjo mirefu. 42Nowo usiku-wo, Mola ndi wâwanang'anize waIziraeli, akiwalávya Miswiri. Ntamana daima kila mwaka, ukuwa usiku wakunang'aniza ka Mola wanu piya wa Iziraeli vizazi piya.
43Visitoshe, Mola kawambira Musa na Aruna: “Ezi ndi shariya za Pashukwa: myeni onse aarya cakurya ca Pashukwa. 44Fala ntwana oziwe na atayiwe itani onse, aruhusiwa kurya. 45Myeni wakupita wala myeni nkolakazi wasirye cakurya-co. 46Kondoo wa Pashukwa ajuzi atafuniriwe nnyumba. Nyama yake musilavire panja anta kipande, wala makongolo ake musipanje. 47Júmula ya wanu wa Iziraeli piya wajuzi washerehekere Pashukwa. 48Akiwapo myeni wakukufikirani penu, akisáka kusherehekera Pashukwa ka Mola, ilazimu awataye itani wanawalume piya. Ikisa asanganyike atende Pashukwa, awalangiwa kuwa mwenye-kaya. Fala saatayiwe itani onse, asirye fúti eco cakurya-co. 49Shariya moja nozo zikuhusuni waIziraeli-mwe na wayeni wamwikala nawo.”
50WaIziraeli piya wakitimíza kamba Mola vyaamwambire Musa na Aruna. 51Na noire suku ire, Mola kawalavya waIziraeli Miswiri makundi ka makundi a mikonjo mirefu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.