Zlr 6
6
Fərta ta dmakwa mnduha.
1Ma zlrafta mnduha ta yaku ta ghəŋa haɗik, ka yayatá həŋ ta kuʼaha ná, 2ka nghə zwana Lazglafta #6:2 Zwana Lazglafta: Ta mnay lu nda təvi his. Ta mnay lu ta həŋ kawayaka skwi gwal ksa saɗa Lazglafta ta sabi nda ma mndəra Set kəʼa. Ngha ta Zlr 4:17, 5:32. Ta mnay lu nda həŋ guli kawayaka skwi duhwalha Lazglafta ta luwa ya kəʼa. Ngha ta Ayu 1:6, 2:1; Lah 25:1, 89:6; Yuh 6. ta kwagha mnduha ná, ɗina ɗina həŋ. Ka zabaʼatá həŋ mataba taŋ ta gwal kumaŋ həŋ ŋa miʼa taŋ. 3Ka Yawe mantsa: « Haɗ hafa ɗa dzaʼa gɗavata ŋa ɗekɗek ma mndu wu, kabga dzaʼa rwaku həŋ. Nzəglata a həŋ ka malaghuta imi dərmək nda hisambsak wu, » kaʼa. 4Ma tsa fitik ya, si mamu gwal nda slara nda slara ta haɗik. Ta hada həŋ guli ma sliʼagata tsa zwana Lazglafta ya slanaghatá tsa kwagha mnda səla ya, ka yayanatá həŋ ta zwani ta həŋ. Hahəŋ gwal viɗviɗ kulaŋ lu ghalya.
5Ka nghə Yawe ná, dagala ghwaɗaka skwi ta mag mnduha ta haɗik. Ma inda ndana taŋ ná, ta ghəŋa ndana maga ghwaɗaka skwi inda fitik yeya ma ŋuɗufa taŋ. 6Ta haga madər Yawe nda magaf ni ta mndu ta ghəŋa haɗik. Nda gurɗa ŋuɗufa ni. 7Ka Yawe tama mantsa: « Na mndu zlaganab yu na ná, dzaʼa hərɗiŋ hərɗa yu ta ghəŋa haɗik. Dzaʼa hərɗiŋ hərɗa yu nda mndu tani, nda rini nda nimtak tani, nda inda skwiha ta mbaɗa nda huɗi ta haɗik tani, nda ɗyakha nda zarakha ta luwa tani, kabga ta haga madər yu ta ghəŋa magafta ɗa ta həŋ, » kaʼa. 8Ama ka mutsaftá Nuhu ta zɗakatahuɗi da Yawe.
Kurata Lazglafta ta dzaʼa mbanaftá Nuhu
9Wya rusa ta ghəŋa Nuhu. Mataba mnduha ta tsa fitik ya ná, Nuhu tɗukwa mndu, haɗ rutsak tida wa. Ta nzakw ma zɗaku nda Lazglafta. 10Nuhu ná, da ni ma zwani hkən ya, i Sem nda Ham nda Yefet.
11Ta nghadaptá Lazglafta ná, nda ɓadza haɗik. Nda ndəgha haɗik da maga mbraku mbraku. 12Ka nghanatá Lazglafta ta haɗik ná, nda ɓadza. Ɓadziŋ ɓadza Inda skwi ta hafu ná, tərɗiŋ tərɗa həŋ ta nzakwa taŋ ta haɗik. 13Ka Lazglafta nda Nuhu mantsa: « Dzaʼa hərɗiŋtá inda skwi ta hafu yu ta haɗik. Dabga hahəŋ ná, nda ndəgha haɗik nda mbraku mbraku. Wana yu dzaʼa zaɗanatá həŋ nda haɗik tani. 14Sliʼaf sliʼa ka magafta ka ta mghama kwambalu nda udzu nda mbra#6:14 Klata ghəŋa udzu nda mbra mbəɗap lu nda mbra kəʼa hadna ná, udza gufer ya nda gwaɗa Hebru, ama sna a lu ta vərɗa klatá ghəŋa ni wa.. Ka daganapta ka ta dzuguviha ma huɗa ni, zlərɓap ka ta huɗa ni nda hula ni tani guli nda kwalta. 15Tsa kwambalu ya ná, mitər dərmək nda hutaf mbsak slrakwa ni, mitər hisambsak hutaf mida bughwata ni, mitər ghwaŋpəɗ hutaf lafa ni ta luwa. 16Ka mbsafta ka ta ghəŋa ni, ka tsafta gha ta hulkuɗak tida ka rita mista patsaka ni, ŋa tsata gha ta wa tgha ta slərpa tsa kwambalu ya. Ka daganapta slrakwa lafa ni ta luwa ka huɗi hkən. 17Wana iʼi dzaʼa bərzlagatá ima zlakwa luwa ta haɗik. Dzaʼa zaɗana zaɗa imi ta inda skwiha ta hafu nzanagha luwa. Dzaʼa zaɗana zaɗa yu ta inda skwi ta haɗik, ŋa rwuta taŋ. 18Ama dzaʼa dzraf dzra yu ta wi nda kagha. Ka lama ka, kagha nda zwana gha, nda markwa ghuni, nda ghwaʼalha gha, da tsa mghama kwambalu ya. 19Dzaʼa hladam hla ka ta inda mndəra skwiha kavghakavgha nda hafu mida his his his, marakw nda zəʼal marakw nda zəʼal, ŋa nzulanatá həŋ nda hafu kawadaga nda kagha. 20Inda mndəra ɗyakha nda zarakha, nda inda mndəra rini nda nimtak, nda inda mndəra skwiha ta mbaɗa nda huɗi, dzaʼa sliʼakta his his his da kagha ŋa nzulakwa hafa taŋ. 21Kagha, ka tsakafta ka ta inda mndəra skwa zay ta zə lu nda za, ka payanata ka da kagha, ŋa zay gha nda hahəŋ tani, » kaʼa. 22Mantsa tama, inda skwi mnana Lazglafta ta Nuhu ŋa magay ya, ka magatá tsi.
Currently Selected:
Zlr 6: xed
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
