Daa 18
18
Malaikaɔ bɔ mɔa Ablahaũwa
1Dii bɔ̀ à mɔ̀ Ablahaũwa Mamale gbɛ̃́nɛ líɔ kĩi. Ablahaũ zɔ̃lɛa a zwãakpɛ kpɛɛlɛ fãanɛ. 2Kɛ́ à wɛzù, à gbɛ̃ɔn aaɔ̃ɔ è zɛa.#Hɛb 13.2 Kɛ́ à ń é màa, ɔ̃ à fɛ̀lɛ a kpɛɛlɛ ń bao, à gɛ̀ dàńlɛ à wùlɛ a gbɛɛu 3à mɛ̀: Dii, ma wɛgwa, nsu gɛ̃ mapi n zɔblenaao. 4Má mɔɛ́ ń ío à gbapipi, í kãmabo lí gbau la. 5Lá a bɔlɛ ń ma bɛo, má gɛ mà mɔɛ́ ń blɛo yɔɔ à gbãa e, í gbasa da zɛ́u. Ɔ̃ aa mɛ̀: Too, kɛ lá ń òwa. 6Ɔ̃ à gɛ̀ Sala kĩi kpɛ́u à mɛ̀: Pɛ̃ɛti dã zaa lɛ aaɔ̃, pɛ̃ɛkɛ kpakpa. 7Ɔ̃ à baalɛ̀ gɛ̀ a zuɔ guu, à zunɛbɔlɔ maa kũ̀ a kpà a zĩkɛnawa, ɔ̃ zĩkɛnapi gɛ̀ a kɛ̀kɛ kpakpa. 8Ɔ̃ Ablahaũ vĩfãai ń vĩ'ipuo ń zu pɔ wa kɛ̀kɛpio sɛ̀, à gɛ̀ò a dìlɛnɛ́. Gɔɔ pɔ aalɛ pɔble, a ku ń saɛ lípi gbau we.
9Ɔ̃ aa aà là aa mɛ̀: N na Sala ku má ni? À mɛ̀: A ku kpɛ́u we. 10Ɔ̃ Dii mɛ̀: Má ɛa mà mɔ n kĩi zii maa'i, n na Sala i nɛ'i gɔ̃ɛ ũ.#Lom 9.9 Sala ku kpɛɛlɛ aà kpɛ, àlɛ ma. 11Ablahaũ ń Salao zikũ̀, Sala lɛ́ nɔɛɔ pɔ kɛ lɔo. Ɔ̃ Sala yaalɔ̀ a ò a sɔ̃ guu: 12Ma zikũ̀ mɛ́ Baa#1 Piɛ 3.6 zikũ̀ lɔ. Má pɔna yãpi dɔ̃ lɔe? 13Ɔ̃ Dii Ablahaũ là à mɛ̀: Bɔyãi Sala yaalɔ̀i? À mɛ̀ a gbɛ̃́ pɔ a zikũ̀ á fɔ̃ nɛ'i lɔe? 14Yãe líɔ zĩ'ũmɛɛo.#Luk 1.37 Zii maa'i tó a gɔɔ kà, má mɔ́ n kĩi, Sala i gbasa nɛ'i gɔ̃ɛ ũ. 15Ɔ̃ Sala lelekpà, à mɛ̀ i yaalɔo, asa vĩa aà kũ̀ɛ. Ɔ̃ Dii mɛ̀: E'e, n yaalɔ̀ se.
Ablahaũ awakpaa Diiɛ Sɔdɔũ yãmusu
16Kɛ́ gbɛ̃́piɔ fɛ̀lɛ, Ablahaũ gɛ̀ zɛinɛ́, ɔ̃ aa Sɔdɔũ kĩi oi gwà. 17Ɔ̃ Dii mɛ̀: Má yã pɔ má ye mà kɛ ulɛ Ablahaũɛo. 18Aà buiɔ aaɔ zɔ̃ɔ mɛ́ aaɔ gbãa vĩ. Bui pɔ ku dũniauɔ pii aa ɛfãai e aà sabaiɛ. 19Asa ma aà sɛ̀, kɛ́ aà o a nɛɔnɛ ń a buiɔ a kpɛ aaɔ ma yã kũa, aai yãmaa zɛde kɛ, mí yã pɔ ma a lɛgbɛ̃̀ɛ kɛɛ̀. 20Ɔ̃ Dii ɛ̀a mɛ̀: Yã pɔ wàlɛ o Sɔdɔũ ń Gɔmɔɔo musu dasikũ̀, an duuna zɔ̃ɔkũ̀ maamaaɛ. 21Má gɛ́ we sa mà gwa, tó yã pɔ aalɛ kɛ vãi kà lá malɛ mawa. Tó a dɛ màa sɔ̃o, míɔ dɔ̃. 22Kɛ́ an gbɛ̃ɔn plaɔ dà zɛ́u, aalɛ gɛ́ Sɔdɔũpi, ɔ̃ Dii gɔ̃̀ ń Ablahaũo we.
23Ɔ̃ Ablahaũ sɔ̃̀aazi à mɛ̀: Ńyɔ̃ gbɛ̃maaɔ waa sãnu ń gbɛ̃vãiɔ yã? 24Tó gbɛ̃maaɔ ku wɛ̃lɛpiu gbɛ̃ɔn blakwi, ńyɔ̃ ń waa yã? Ńyɔ̃ suuukɛ ń wɛ̃lɛpio gbɛ̃maa gbɛ̃ɔn blakwipiɔ yãio le? 25Suuukɛ! Nsu kɛ màao, nsu gbɛ̃maaɔ dɛdɛ sãnu ń gbɛ̃vãiɔ lá aa doũwaɛo. Suuukɛ! Nsu kɛ màao. N gbɛ̃́ pɔ ń dɛ dũnia bṹu yãkpalɛkɛna ũ, ńyɔ̃ yãkɛ a zɛ́wao le? 26Ɔ̃ Dii mɛ̀: Tó ma gbɛ̃maaɔ è Sɔdɔũ gbɛ̃ɔn blakwi, má suuukɛ ń wɛ̃lɛpio an yãi.
27Ɔ̃ Ablahaũ ɛ̀a ò lɔ: Ma gbɛ̃́ pɔ má dɛ busuti ń túfuo ũ, gaafaakɛmɛɛ mà ɛa mà yã'onɛ, Dii. 28Tó gbɛ̃ɔn sɔo kɛ̃̀sã gbɛ̃ɔn blakwipiu, gbɛ̃ɔn sɔopiɔ yãi ɔ̃ ńyɔ̃ wɛ̃lɛpi kaalɛia? Ɔ̃ Dii mɛ̀: Tó ma gbɛ̃maaɔ è gbɛ̃ɔn blasɔo, má wɛ̃lɛpi kaalɛo. 29Ɔ̃ Ablahaũ gì àlɛ yã'oɛ̀ à mɛ̀: Tó gbɛ̃maaɔ kà bla sɔ̃ bɛ? Ɔ̃ Dii mɛ̀: Má yãe kɛo gbɛ̃ɔn blapiɔ yãi. 30Ɔ̃ à mɛ̀: Dii, n yã na! Nsu to n pɔ pao, má ye mà yã'o lɔ. Tó gbɛ̃maaɔ kà baakwi sɔ̃ bɛ? A wèwà à mɛ̀: Tó ma gbɛ̃maaɔ è gbɛ̃ɔn baakwi, má yãe kɛo. 31Ɔ̃ à mɛ̀: Gaafaakɛmɛɛ lɔ Dii, mà yã'onɛ. Tó gbɛ̃maaɔ kà gbɛ̃ɔn bao sɔ̃ bɛ? A wèwà à mɛ̀: Má wɛ̃lɛpi kaalɛo gbɛ̃ɔn baopiɔ yãi. 32Ɔ̃ à mɛ̀: Dii, nsu to n pɔ pao, yãɛ bee baasio má yã'o lɔo. Tó gbɛ̃maaɔ kà kwi sɔ̃ bɛ? A wèwà à mɛ̀: Má wɛ̃lɛpi kaalɛo gbɛ̃ɔn kwipiɔ yãi. 33Kɛ́ Dii yã'ò Ablahaũɛ a làa, à gɛ̃̀zɛa, ɔ̃ Ablahaũ ɛ̀a tà bɛ.
Currently Selected:
Daa 18: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
