یارادیلیش 29
29
یعقوبون پَدّان‌اَراما گلئشی
1یعقوب یولونا داوام ورئب شرق خالقلارینین تورپاغینا گتدی. 2باخیب گؤردو کی، چؤللوکده بئر قویو وار و اونون یانیندا اوچ قویون سوروسو یاتیب، چونکی او قویودان سورولره سو ورئردئلر. قویونون آغزیندا بؤیوک بئر داش وار ائدی. 3بوتون سورولر اورایا ییغیلیردی. آداملار داشی قویونون آغزیندان یووارلاییردیلار، قویونلارا سو ورئب و گئنه داشی یرئنه، قویونون آغزینا قویوردولار.
4یعقوب اونلاردان سوروشدو: «قارداشلاریم، هارادانسینیز؟» اونلار ددئلر: «بئز خاراندانیق.» 5یعقوب اونلارا ددی: «آیا ناخورون نوه‌سی لابانی تانی‌ییرسینیز؟» اونلار ددئلر: «بلی، تانی‌ییریق.» 6یعقوب اونلاردان سوروشدو: «او، صاغ-سالاماتدیر؟» اونلار ددئلر: «بلی، صاغ-سالاماتدیر. باخ، قیزی راحئل ده قویونلارلا گلئر.» 7یعقوب ددی: «حله آخشاما چوخ واخت وار، سورولرئن ییغیلما واختی دیئل. قویونلارا سو ورئن، سونرا آپاریب اوتارین.» 8اونلار ددئلر: «بوتون سورولر ییغیلمایینجا و داش قویونون آغزیندان یووارلانمایینجا بونو اده بئلمه‌رئک، آنجاق اوندا قویونلارا سو وره بئله‌رئک.»
9یعقوب اونلارلا دانیشارکَن راحئل آتاسینین قویونلاری ائله گلدی، چونکی او، چوبان ائدی. 10یعقوب داییسی لابانین قیزی راحئلی و داییسی لابانین قویونلارینی گؤرنده یاخینلاشیب، داشی قویونون آغزیندان یووارلادی و داییسی لابانین قویونلارینا سو وردی. 11یعقوب راحئلی اؤپدو و هؤنکور-هؤنکور آغلادی. 12یعقوب راحئله بئلدئردی کی، آتاسینین قوحوملاریندان و رئبقانین اوغلودور. راحئل ده قاچیب آتاسینا خبر وردی.
13لابان باجیسی اوغلو یعقوبون گلدئیئنی اشئدنده اونون پئشوازینا قاچدی. اونو قوجاقلاییب اؤپدو و اِوئنه گتئردی. یعقوب هر شیی لابانا دانیشدی. 14لابان اونا ددی: «سن، دوغرودان دا، منئم سومویومدن، منئم اَتئمدنسن.» یعقوب اونون یانیندا بئر آی قالدی.
یعقوب لئیه و راحئلله اِوله‌نئر
15لابان یعقوبا ددی: «مگر قوحوم اولدوغون اوچون منه موفته خئدمت اده‌جکسن؟ منه دِه، حاقّین نه اولسون؟» 16لابانین ائکی قیزی وار ائدی: بؤیوکون آدی لئیه، کئچئیئن آدی راحئل ائدی. 17لئیه‌نئن گؤزلری ضعئف گؤروردو، لاکئن راحئل چوخ گؤزل و قامتلی ائدی. 18یعقوب راحئله وورولدو و ددی: «کئچئک قیزین راحئل اوچون سنه یدّی ائل خئدمت اده‌رم.» 19لابان ددی: «اونو سنه ورمک آیری آداما ورمکدن داها یاخشیدیر. یانیمدا قال.» 20یعقوب راحئله گؤره یدّی ائل خئدمت اتدی. اونو سِودئیی اوچون بو مودّت گؤزونه بئر نچه گون کئمی گؤروندو.
21یعقوب لابانا ددی: «واختیم چاتدی؛ ائندی آروادیمی منه ور کی، اونون یانینا گدئم.» 22لابان او تورپاغین بوتون آداملارینی بئر یره ییغدی و بئر ضئیافت وردی. 23گجه قیزی لئیه‌نی گؤتوروب یعقوبون یانینا آپاردی. یعقوب اونون یانینا گتدی. 24لابان اؤز کنئزی زئلپانی قیزی لئیه‌یه وردی کی، اونا کنئز اولسون. 25سحر معلوم اولدو کی، بو، لئیه‌دئر. یعقوب لابانا ددی: «نه اوچون منئمله بله رفتار اتدئن؟ مگر سنئن یانیندا راحئل اوچون خئدمت اتمه‌دئم؟ بس منی نئیه آلداتدین؟» 26لابان ددی: «بئزئم یرده کئچئک قیزی بؤیوکوندن قاباق اَره ورمک اولماز. 27بو هفته‌نی بئتئر، اونو دا سنه وره‌رئک. اونون اوچون ده یانیمدا داها یدّی ائل خئدمت اتمه‌لئسن.» 28یعقوب بله ده اتدی: او هفته‌نی بئتئردی. لابان دا قیزی راحئلی اونا وردی کی، آروادی اولسون. 29اؤز کنئزی بئلحانی دا وردی کی، قیزی راحئله کنئز اولسون. 30یعقوب راحئلئن ده یانینا گئردی. راحئلی لئیه‌دن چوخ سِودی. او، لابانین یانیندا داها یدّی ائل خئدمت اتدی.
یعقوبون اؤولادلاری
31رب لئیه‌نئن سِوئلمه‌دئیئنی گؤروب، اونون بطنئنی آچدی. لاکئن راحئل سونسوز ائدی. 32لئیه بویلو اولوب بئر اوغول دوغدو و اونون آدینی رِعوبئن#29:32 «رِعوبئن» - عئبرانی دئلئنده «باخین، بئر اوغول». قویوب ددی: «یَقئن رب منئم ذلئل‌لئیئمی گؤردو. ائندی اَرئم منی سِوه‌جک.» 33او گئنه بویلو اولوب بئر اوغول دوغدو و ددی: «رب سِوئلمه‌دئیئمی اشئدئب، منه بونو دا وردی.» اونون دا آدینی شَمعون#29:33 «شَمعون» - عئبرانی دئلئنده «اشئتمک». قویدو. 34لئیه گئنه بویلو اولوب بئر اوغول دوغدو و ددی: «ائندی بو دفه اَرئم منه باغلاناجاق، چونکی اونا اوچ اوغول دوغدوم.» بونا گؤره ده آدی لاوی#29:34 «لاوی» - عئبرانی دئلئنده «باغلانما» قویولدو. 35او گئنه بویلو اولوب بئر اوغول دوغدو و ددی: «بو دفه ربّی مدح اده‌جیم.» بونا گؤره ده اونون آدینی یهودا#29:35 «یهودا» - عئبرانی دئلئنده «مدح» قویدو. سونرا او، بئر مودّت دوغمادی.
Currently Selected:
یارادیلیش 29: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
