GENESIS 17
17
Say Segat, Tanda na Sipanan
1Nen mantaoy siamaplo tan siam si Abram, pinmanengneng ed sikato so Katawan tan inkuanto, Siak so Dios a Makapanyarin-amin. Toluk kad siak tan gawam lawas so kamaungan. 2Misipanan ak ed sika tan itdan ta kay amayamay a kabyangay boleg mo. 3Dinmakmomoy Abram ya anggad dalin so lupa to, insan inkuan na Dios. 4Misipanan ak ed sika; pagmaliwen ta kan ama na amayamay a bansa. 5Aliwa lan Abram so ngaran mo, no ag ta Abraham#17:5 ABRAHAM: Say tanul na sayan ngaran kapara toy Hebreon salita a kabaliksan toy sengeg na boleg da ray amayamay a bansa. la, ta gawaen ta kan ama na amayamay a bansa. 6Amayamay so iter kod sikan kabyangay boleg mo, magmaliw iran amayamay a bansa, tan pigarad sikaray magmaliw ya arari.
7Tooren koy impisipanan kod sika tan saray kabyangay boleg mo diad arapen iran panaon, tan ipasen kon sakey ya andi-anggaan a sipanan. Siak so Dios mo tan siak so Dios na saray kabyangay boleg mo. 8Sangkaili kayo natan ed sayan dalin a panaayaman yo; iter ko yan dalin ed sika tan saray kabyangay boleg mo. Say intiron dalin na Canaan kayaryanen ya anggad angga na saray kabyangay boleg mo, tan siak so Dios da.
9Inkuan ni na Dios ed kinen Abraham, Nakaukolan a tooren yo met so impisipanan kod sikayo, sika tan saray kabyangay boleg mo diad arapen a panaon. 10Nakaukolan a sika tan saray kabyangay boleg mo et pasegat yo so balang sakey a laki ed sikayo. 11-12Manlapud natan nakaukolan a pasegat yoy ogaw a laki no waloy agew to; pasegat yo met iray aripen a nianak ed abung yo tan saray aripen a sinaliw yod arum a bansa. Sikato yay tanda na sipanan tayo. 13Nakaukolan a mampasegat so balang sakey a laki ed sikayo, tan sikato yay tanda ed laman yo a pakanengnengan ya andianggaan so impisipanan kod sikayo. 14Siopamay lakin ag asegat et ag la nibilang a kabyangan na saray totook, ta ag to tinoor so impisipanan ko.
15Intuloy ni na Dios ya inkuan ed kinen Abraham, Ag mo la tatawagen na Sarai so asawam; manlapu lad natan Sara so ngaran to. 16Bindisionan ko tan makaanak kad sikato na sakey a laki. Bindisionan ko, et magmaliw ya ina na saray bansa, tan wala ray magmaliw ya arari ed saray kabyangay boleg to.
17Dinmakmomo si Abraham ya anggad dalin so lupa to, balet akalek nen ninunot tod sikaton dili, Makaanak ni kasiy sakey a lakin mantaon lay sanlasus? Mananak ni kasiy Sara, anta siamaplo lay taon to? 18Inkuantod Dios, Abuloyan mo lay Ismael a sikato lay mananawir ko!
19Balet inkuan na Dios, Andi. Mananak na sakey a laki si Sara ya asawam tan ingaran mo na Isaac.#17:19 ISAAC: Say tanul na sayan ngaran kapara na Hebreon ngaran a kabaliksan toy makakalek. Tooren ko so impisipanan kod sikato tan saray kabyangay boleg to. Anggad-angga yan sipanan. 20Dinengel koy kerew mo nipaakar ed kinen Ismael, kanyan bindisionan ko tan itdan koy amayamay ya anak tan amayamay a kabyangay boleg. Magmaliw ya ama na labinduan prinsipi, tan pagmaliwen kon sakey a bansa iray kabyangay boleg to. 21Balet tooren koy impisipanan kod anak mon Isaac ya iyanak nen Sara diad singa onyan panaon, no ontombuk a taon. 22Tinmaynan lay Dios nen asumpal ya akisalita ed kinen Abraham.
23Diad saman lamlamang ya agew, inonur nen Abraham so imbagay Dios, ta sinegat toy anak ton Ismael tan amin da ray lalakid abung to, pati saray aripen a nianak ed abung to tan saray aripen a sinaliw to. 24Siamaplo tan siam lay taon nen Abraham nen asegat, 25tan labintaloy taon la nen Ismael. 26Asegat iran dua ed saksakey ya agew, 27pati saray amin ya aripen nen Abraham.
Currently Selected:
GENESIS 17: PnPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983
GENESIS 17
17
Say Segat, Tanda na Sipanan
1Nen mantaoy siamaplo tan siam si Abram, pinmanengneng ed sikato so Katawan tan inkuanto, Siak so Dios a Makapanyarin-amin. Toluk kad siak tan gawam lawas so kamaungan. 2Misipanan ak ed sika tan itdan ta kay amayamay a kabyangay boleg mo. 3Dinmakmomoy Abram ya anggad dalin so lupa to, insan inkuan na Dios. 4Misipanan ak ed sika; pagmaliwen ta kan ama na amayamay a bansa. 5Aliwa lan Abram so ngaran mo, no ag ta Abraham#17:5 ABRAHAM: Say tanul na sayan ngaran kapara toy Hebreon salita a kabaliksan toy sengeg na boleg da ray amayamay a bansa. la, ta gawaen ta kan ama na amayamay a bansa. 6Amayamay so iter kod sikan kabyangay boleg mo, magmaliw iran amayamay a bansa, tan pigarad sikaray magmaliw ya arari.
7Tooren koy impisipanan kod sika tan saray kabyangay boleg mo diad arapen iran panaon, tan ipasen kon sakey ya andi-anggaan a sipanan. Siak so Dios mo tan siak so Dios na saray kabyangay boleg mo. 8Sangkaili kayo natan ed sayan dalin a panaayaman yo; iter ko yan dalin ed sika tan saray kabyangay boleg mo. Say intiron dalin na Canaan kayaryanen ya anggad angga na saray kabyangay boleg mo, tan siak so Dios da.
9Inkuan ni na Dios ed kinen Abraham, Nakaukolan a tooren yo met so impisipanan kod sikayo, sika tan saray kabyangay boleg mo diad arapen a panaon. 10Nakaukolan a sika tan saray kabyangay boleg mo et pasegat yo so balang sakey a laki ed sikayo. 11-12Manlapud natan nakaukolan a pasegat yoy ogaw a laki no waloy agew to; pasegat yo met iray aripen a nianak ed abung yo tan saray aripen a sinaliw yod arum a bansa. Sikato yay tanda na sipanan tayo. 13Nakaukolan a mampasegat so balang sakey a laki ed sikayo, tan sikato yay tanda ed laman yo a pakanengnengan ya andianggaan so impisipanan kod sikayo. 14Siopamay lakin ag asegat et ag la nibilang a kabyangan na saray totook, ta ag to tinoor so impisipanan ko.
15Intuloy ni na Dios ya inkuan ed kinen Abraham, Ag mo la tatawagen na Sarai so asawam; manlapu lad natan Sara so ngaran to. 16Bindisionan ko tan makaanak kad sikato na sakey a laki. Bindisionan ko, et magmaliw ya ina na saray bansa, tan wala ray magmaliw ya arari ed saray kabyangay boleg to.
17Dinmakmomo si Abraham ya anggad dalin so lupa to, balet akalek nen ninunot tod sikaton dili, Makaanak ni kasiy sakey a lakin mantaon lay sanlasus? Mananak ni kasiy Sara, anta siamaplo lay taon to? 18Inkuantod Dios, Abuloyan mo lay Ismael a sikato lay mananawir ko!
19Balet inkuan na Dios, Andi. Mananak na sakey a laki si Sara ya asawam tan ingaran mo na Isaac.#17:19 ISAAC: Say tanul na sayan ngaran kapara na Hebreon ngaran a kabaliksan toy makakalek. Tooren ko so impisipanan kod sikato tan saray kabyangay boleg to. Anggad-angga yan sipanan. 20Dinengel koy kerew mo nipaakar ed kinen Ismael, kanyan bindisionan ko tan itdan koy amayamay ya anak tan amayamay a kabyangay boleg. Magmaliw ya ama na labinduan prinsipi, tan pagmaliwen kon sakey a bansa iray kabyangay boleg to. 21Balet tooren koy impisipanan kod anak mon Isaac ya iyanak nen Sara diad singa onyan panaon, no ontombuk a taon. 22Tinmaynan lay Dios nen asumpal ya akisalita ed kinen Abraham.
23Diad saman lamlamang ya agew, inonur nen Abraham so imbagay Dios, ta sinegat toy anak ton Ismael tan amin da ray lalakid abung to, pati saray aripen a nianak ed abung to tan saray aripen a sinaliw to. 24Siamaplo tan siam lay taon nen Abraham nen asegat, 25tan labintaloy taon la nen Ismael. 26Asegat iran dua ed saksakey ya agew, 27pati saray amin ya aripen nen Abraham.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983