GENESIS 20
20
Si Abraham tan si Abimelec
1Manlapud Mamre inmalis si Abraham ed bandad abalaten a parti na Canaan, tan nanayam ed nanleetay Cades tan Sur. Ag abayag, nen manaayam ed Gerar, 2imbaga ton agi toy Sara ya asawa to. Kanyan impaawit nen Ari Abimelec na Gerar si Sara. 3Aminsan a labi pinmayawar ed kogip to so Dios a kuanto, Ompatey ka, ta inalam so biin wala lay asawa to.
4Balet ag inabayan nen Abimelec si Sara, kanyan inkuanto, Katawan, anggapoy kasalanan ko! Dusaen mo ak tan saray totoo? 5Si Abraham a dili so angibagad siak ya agi toy Sara, tan imbaga met nen Sara ya agi toy Abraham. Malinis so konsinsiak a nanggawad saya, tan anggapoy maoges a ginawak.
6Inmebat so Dios diad panamegley na kogip, On, amtak a malinis so konsinsiam ed impamaawit mo, kanyan ag ko inyabuloy a diwiten mo, pian ag ka mankasalanan ed siak. 7Ipawil mo la sirin imay bii ed dilin asawa to; say asawa ton propita ipikasi to kan ag ompatey. Balet no ag mo ipawil, pasakbayan ta kan ompatey ka, sika tan saray totoom.
8Diad kabkabwasan ed ontombuk ya agew, tinawag nen Abimelec ya amin iray opisyal to tan imbalita toy agawa; mapalaloy inkataktakot da. 9Insan tinawag nen Abimelec si Abraham tan inkuanto, Antoy ginawam ed sikami? Antoy maoges a ginawak ed sika, et inter mo yan segsegang ed siak tan say nanarian ko? Aliwan manepeg so ginawam ed siak! 10Akin et ginawam so onya?
11Inmebat si Abraham, “Abaloan kon anggapo diay ontatakot ed Dios, kanyan apagaan ak ta ompan pateyen da ak pian naala ray asawak. 12Diad tuay tua, sikatoy agik ta saksakey so ama mi, balet sananey so ina to. Anggaman ontan, sikatoy inasawak. 13Kanyan nen say Dios et pinataynan to ak ed abung di amak tan pinaonla to ak ed sananey iran dalin, inkuankod kinen Sara, Nipanengneng moy katooran mod siak diad pangibagam ed siopaman ya agi mo ak.
14Insan impawil nen Abimelec si Sara ed kinen Abraham; initdan to met na saray baka, karniro, tan saray aripen. 15Inkuantod Abraham, Niay intiron dalin ko; manayam kad inerman a pasen a labay mo. 16Inkuantod kinen Sara, Itdan koy agim na sanlibon pilak a pakanengnengan na amin a kaibam ya anggapoy kasalanan mo; naamtaan na amin ed satan ya anggapoy maoges a ginawam.
17-18Lapud samay agawad kinen Sara ya asawa nen Abraham, say Katawan ginawa to ya ag makapanlokun iray bibii a walad abung nen Abimelec. Kanyan impikasi nen Abraham si Abimelec, tan pinaabig na Dios. Pinaabig to met so asawa nen Abimelec tan saray bibiin aripen to, pian makapananak ira.
Currently Selected:
GENESIS 20: PnPV
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983
GENESIS 20
20
Si Abraham tan si Abimelec
1Manlapud Mamre inmalis si Abraham ed bandad abalaten a parti na Canaan, tan nanayam ed nanleetay Cades tan Sur. Ag abayag, nen manaayam ed Gerar, 2imbaga ton agi toy Sara ya asawa to. Kanyan impaawit nen Ari Abimelec na Gerar si Sara. 3Aminsan a labi pinmayawar ed kogip to so Dios a kuanto, Ompatey ka, ta inalam so biin wala lay asawa to.
4Balet ag inabayan nen Abimelec si Sara, kanyan inkuanto, Katawan, anggapoy kasalanan ko! Dusaen mo ak tan saray totoo? 5Si Abraham a dili so angibagad siak ya agi toy Sara, tan imbaga met nen Sara ya agi toy Abraham. Malinis so konsinsiak a nanggawad saya, tan anggapoy maoges a ginawak.
6Inmebat so Dios diad panamegley na kogip, On, amtak a malinis so konsinsiam ed impamaawit mo, kanyan ag ko inyabuloy a diwiten mo, pian ag ka mankasalanan ed siak. 7Ipawil mo la sirin imay bii ed dilin asawa to; say asawa ton propita ipikasi to kan ag ompatey. Balet no ag mo ipawil, pasakbayan ta kan ompatey ka, sika tan saray totoom.
8Diad kabkabwasan ed ontombuk ya agew, tinawag nen Abimelec ya amin iray opisyal to tan imbalita toy agawa; mapalaloy inkataktakot da. 9Insan tinawag nen Abimelec si Abraham tan inkuanto, Antoy ginawam ed sikami? Antoy maoges a ginawak ed sika, et inter mo yan segsegang ed siak tan say nanarian ko? Aliwan manepeg so ginawam ed siak! 10Akin et ginawam so onya?
11Inmebat si Abraham, “Abaloan kon anggapo diay ontatakot ed Dios, kanyan apagaan ak ta ompan pateyen da ak pian naala ray asawak. 12Diad tuay tua, sikatoy agik ta saksakey so ama mi, balet sananey so ina to. Anggaman ontan, sikatoy inasawak. 13Kanyan nen say Dios et pinataynan to ak ed abung di amak tan pinaonla to ak ed sananey iran dalin, inkuankod kinen Sara, Nipanengneng moy katooran mod siak diad pangibagam ed siopaman ya agi mo ak.
14Insan impawil nen Abimelec si Sara ed kinen Abraham; initdan to met na saray baka, karniro, tan saray aripen. 15Inkuantod Abraham, Niay intiron dalin ko; manayam kad inerman a pasen a labay mo. 16Inkuantod kinen Sara, Itdan koy agim na sanlibon pilak a pakanengnengan na amin a kaibam ya anggapoy kasalanan mo; naamtaan na amin ed satan ya anggapoy maoges a ginawam.
17-18Lapud samay agawad kinen Sara ya asawa nen Abraham, say Katawan ginawa to ya ag makapanlokun iray bibii a walad abung nen Abimelec. Kanyan impikasi nen Abraham si Abimelec, tan pinaabig na Dios. Pinaabig to met so asawa nen Abimelec tan saray bibiin aripen to, pian makapananak ira.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Philippine Bible Society New Testament © 1977, Bible © 1983