Lukasi 3
3
Yohanesi mano webaptisi kaiwasa dohong kaiwoariri
(Matiusi 3:1-12; Markusi 1:1-8)
1Defuina bo suraya ring na rabuang bo Kaisari Tiberiusi wemananu fo, amani Pontiusi Pilatusi wegubernuri na Yudea, tutu Herodesi Antipasi wemambaiseng na Galilea, ne tahatui Pilipusi wemambaiseng na Iturea tutu Trakonitisi, mae Lisaniasi wemambaiseng na Abilene. 2Mano uru wang imami fuba fo suru mani, Anasi tutu Kayafasi. Na defuina bonani andino Seng Allai medu we Zakariai antungno Yohanesi na katai minano wekamamiei. 3Ainanaya Yohanesi da to kataifoi sentenang rurang waya Yardeni, tutu wiuwu kaiwofo deyo, “Metarabera mea weru mene sasariwa, mewebaptisi, ambori Allai feriri mene sasariwa.” 4Nana mani wetarai kariri kaiwo nabi Yesayai soi fo, dotu tonina:
“Inontarai manei sahu pampang na katai wekamamiei minano foi deyo,
‘Memainenang rang beng feai we Sempaisi,
tuti menaria mimoya wei.
5Weenangwa tautawanaia mai,
uai tuti wiwoi naria maikaburu.
Rang takahapa naria mimoya,
rang sanggangging araraya kasisau.
6Kaiwasa nunei sentenang ambori ewati
Seng Allai feriri inontarainesa rai.’ ”#Yesayai 40:3-5
7Kaiwasa bitoya era we Yohanesi ma weo webaptisisa. Yohanesi medu wesa deyo, “E, inontarai mewarami aipaya di mea, mene tarai toyari tawai memuna, dohona menemitituai we mera ma iwebaptisi mea terai tonanai ambori mekaharai weru Seng Allai ne aiboi katu ma da ma fo fe? 8Mae toyari aio webong beng, mea kontai meteinawiai na metohong toa wa we metarabera mea weru mene sasariwa ampa. Dohonao meteyo mea mani mene wereng di Abrahami ampafe ambori mekaharai weru Allai ne aiboifo fe.#3:8 Raminde nana mani, Yahudifosa enemitituai esobu mai ki weo eweriria na Abrahami, mano Allai dohong ne arerafo wei fo. Mearomioai we Seng Allai mani mawa arora we I we niari riria Abrahami na kamamieinei kontai. 9Tamangfoi meinenang na ai newafoi we robani. Ampafe ai bodoni dino webong kaha mani, robani tuti kabioi to adia rorong fo.”
10Ampafe kaiwasafoi etutang bera Yohanesi eteyo, “Tonana mani amenari todoni?”
11Yohanesi yoa wesa deyo, “Inontarai manei ne ansung beru mani, dohong eai we mano ne pari foi, tuti mano ne fiang foi deto we mano ne pari fiang foi.”
12Mano efanduhi pajaki we Mananu Kaisari, ea kontai era we Yohanesi ma we webaptisisa. Etutani eteyo, “Mataunaune wau ne, amenari todoni?”
13Yohanesi yoa wesa deyo, “Mefanduhio pajaki mani, wiro fuba sewa Mananu Kaisari demi wea fo fanai.”
14Mano eru fimamuna fosa kontai etutani eteyo, “Amea mani, amenari todoni?” Yohanesi yoa wesa deyo, “Dohonao metohong tati inontaraifosa mewawu ene ra, tuti dohonao metohong babusa ambori meha ene doifo, mae mesobu doi ria mene babafosara mani, ainana to.”
15Kaiwasa bitoya foi enemitawanai tutuo etamang weo ene Mananu Mampariri foi, ampafe ewatioai tuti etarami fi Yohanesi deyoa foa nanai, enemitituaitai eteyo, “Dohonao Mananu Mampariri foi dine.” 16Manamo Yohanesi medu wesa deyo, “Yau mani iwebaptisi mea na mereha terai, mae manei datuwa yau, i mani fiabai sewa yau tuti we irehu ne wai sapatu fo terai ki, wiro imai we inari finana kaha. I mani webaptisi mea na Nuaninu Mirarebana foi tuti na adia, amani niari mea memararebanai tarai.#3:16 Tarahai, ‘na adia’ ne maksuti siai, amani dohong aiboi we mano etaraberasa weru ene sasarifo kaha fosa. 17Ne sosirufi meinenang na warangfo ampa we kifa pafoi ambori mirarebanai. Pa taraifoi fianduhi afui wiatai na munu rorongfo, mae nukahaifoi ambori kebioia dansoi na adia wiro fefe naea kaha.” 18Yohanesi dohong kaiwo aunau fiabai tuti deiriri kariri Kaiwo Mahikai fo we kaiwasa bitoya foi.
19Manamo mayeaia mani deiua Herodes Antipasi, mano wemambaiseng na Galilea foi, weo dauo ne tafuai#3:19 Ete ne tahatui. binengno Herodiasi ampa, tuti weo ne wara aipaya siai fo kontai. 20Ampafe Herodesi kesou mambiriu aha, ainanaya demi ne raifosa etohong Yohanesi to aitamu rorong foa.
Yohanesi webaptisi Yesusi
(Matiusi 3:13-17; Markusi 1:9-11; Yohanesi 1:32-34)
21Wiro Herodesi samuo Yohanesi na aitamu rorong kaharai, mae Yohanesi webaptisi kaiwasafoi, tuti na iyari nanai Yesusi kontai da ma we Yohanesi webaptisi. Yesusi webaptisi mae wenadi, na kutu nanai mae rorafaisi tifai, 22tuti Sempaisi Nuaninufaisi, ne tarai toyari muntung manei, sea meu minohi sau Yesusi. Mayeai tarao Allai raofuifoi medu na rorafaisi meu deyo, “Wau mani nehu Kaisung enehuwawuti fi di Wau. Wau ka enehurorong fine.”
Yesusi ne ririafo
(Matiusi 1:1-17)
23Na reantenang Yesusi deunau tuti deiriri Sempaisi ne Kaiwofoa mani, ne defuina piareya sura teai. Inontaraifosa enemitituaitai weo i mani tamang di Yusupi,
Yusupi tamangno Eli, 24Eli tamangno Matati,
Matati tamangno Lewi, Lewi tamangno Marki,
Marki tamangno Yanai, 25Yanai tamangno Yusupi,
Yusupi tamangno Matatiasi, Matatiasi tamangno Amosi,
Amosi tamangno Nahumi, Nahumi tamangno Esiri,
Esiri tamangno Nagai, 26Nagai tamangno Mati,
Mati tamangno Matatiasi, Matatiasi tamangno Semei,
Semei tamangno Yoseki, Yoseki tamangno Yodai,
27Yodai tamangno Yoanani, Yoanani tamangno Resai,
Resai tamangno Zerubabeli, Zerubabeli tamangno Sealieri,
Sealieri tamangno Neri, 28Neri tamangno Marki,
Marki tamangno Adi, Adi tamangno Kosami,
Kosami tamangno Ermadami, Ermadami tamangno Eri,
29Eri tamangno Yesuai, Yesuai tamangno Erieseri,
Erieseri tamangno Yorimi, Yorimi tamangno Matati,
Matati tamangno Lewi, 30Lewi tamangno Simioni,
Simioni tamangno Yehudai, Yehudai tamangno Yusupi,
Yusupi tamangno Yonami, Yonami tamangno Eriakimi,
31Eriakimi tamangno Mereai, Mereai tamangno Mina,
Mina tamangno Matatai, Matatai tamangno Natani,
Natani tamangno Dauti, 32Dauti tamangno Yesi,
Yesi tamangno Obeti, Obeti tamangno Boasi,
Boasi tamangno Salmoni, Salmoni tamangno Nahasoni,
33Nahasoni tamangno Aminadapi, Aminadapi tamangno Adimini,
Adimini tamangno Arni, Arni tamangno Eseroni,
Eseroni tamangno Peresi, Peresi tamangno Yehudai,
34Yehudai tamangno Yakupi, Yakupi tamangno Isaki,
Isaki tamangno Abrahami, Abrahami tamangno Terai,
Terai tamangno Nahori, 35Nahori tamangno Seruki,
Seruki tamangno Rehui, Rehui tamangno Perehi,
Perehi tamangno Eberi, Eberi tamangno Serahi,
36Serahi tamangno Kenani, Kenani tamangno Afahati,
Afahati tamangno Semi, Semi tamangno Noaki,
Noaki tamangno Lameki, 37Lameki tamangno Metusaraki,
Metusaraki tamangno Henoki, Henoki tamangno Yereti,
Yereti tamangno Mahalaleri, Mahalaleri tamangno Kenani,
38Kenani tamangno Enosi, Enosi tamangno Seti,
Seti tamangno Adami, Adami tamangno Seng Allai.
Currently Selected:
Lukasi 3: amk
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
Lukasi 3
3
Yohanesi mano webaptisi kaiwasa dohong kaiwoariri
(Matiusi 3:1-12; Markusi 1:1-8)
1Defuina bo suraya ring na rabuang bo Kaisari Tiberiusi wemananu fo, amani Pontiusi Pilatusi wegubernuri na Yudea, tutu Herodesi Antipasi wemambaiseng na Galilea, ne tahatui Pilipusi wemambaiseng na Iturea tutu Trakonitisi, mae Lisaniasi wemambaiseng na Abilene. 2Mano uru wang imami fuba fo suru mani, Anasi tutu Kayafasi. Na defuina bonani andino Seng Allai medu we Zakariai antungno Yohanesi na katai minano wekamamiei. 3Ainanaya Yohanesi da to kataifoi sentenang rurang waya Yardeni, tutu wiuwu kaiwofo deyo, “Metarabera mea weru mene sasariwa, mewebaptisi, ambori Allai feriri mene sasariwa.” 4Nana mani wetarai kariri kaiwo nabi Yesayai soi fo, dotu tonina:
“Inontarai manei sahu pampang na katai wekamamiei minano foi deyo,
‘Memainenang rang beng feai we Sempaisi,
tuti menaria mimoya wei.
5Weenangwa tautawanaia mai,
uai tuti wiwoi naria maikaburu.
Rang takahapa naria mimoya,
rang sanggangging araraya kasisau.
6Kaiwasa nunei sentenang ambori ewati
Seng Allai feriri inontarainesa rai.’ ”#Yesayai 40:3-5
7Kaiwasa bitoya era we Yohanesi ma weo webaptisisa. Yohanesi medu wesa deyo, “E, inontarai mewarami aipaya di mea, mene tarai toyari tawai memuna, dohona menemitituai we mera ma iwebaptisi mea terai tonanai ambori mekaharai weru Seng Allai ne aiboi katu ma da ma fo fe? 8Mae toyari aio webong beng, mea kontai meteinawiai na metohong toa wa we metarabera mea weru mene sasariwa ampa. Dohonao meteyo mea mani mene wereng di Abrahami ampafe ambori mekaharai weru Allai ne aiboifo fe.#3:8 Raminde nana mani, Yahudifosa enemitituai esobu mai ki weo eweriria na Abrahami, mano Allai dohong ne arerafo wei fo. Mearomioai we Seng Allai mani mawa arora we I we niari riria Abrahami na kamamieinei kontai. 9Tamangfoi meinenang na ai newafoi we robani. Ampafe ai bodoni dino webong kaha mani, robani tuti kabioi to adia rorong fo.”
10Ampafe kaiwasafoi etutang bera Yohanesi eteyo, “Tonana mani amenari todoni?”
11Yohanesi yoa wesa deyo, “Inontarai manei ne ansung beru mani, dohong eai we mano ne pari foi, tuti mano ne fiang foi deto we mano ne pari fiang foi.”
12Mano efanduhi pajaki we Mananu Kaisari, ea kontai era we Yohanesi ma we webaptisisa. Etutani eteyo, “Mataunaune wau ne, amenari todoni?”
13Yohanesi yoa wesa deyo, “Mefanduhio pajaki mani, wiro fuba sewa Mananu Kaisari demi wea fo fanai.”
14Mano eru fimamuna fosa kontai etutani eteyo, “Amea mani, amenari todoni?” Yohanesi yoa wesa deyo, “Dohonao metohong tati inontaraifosa mewawu ene ra, tuti dohonao metohong babusa ambori meha ene doifo, mae mesobu doi ria mene babafosara mani, ainana to.”
15Kaiwasa bitoya foi enemitawanai tutuo etamang weo ene Mananu Mampariri foi, ampafe ewatioai tuti etarami fi Yohanesi deyoa foa nanai, enemitituaitai eteyo, “Dohonao Mananu Mampariri foi dine.” 16Manamo Yohanesi medu wesa deyo, “Yau mani iwebaptisi mea na mereha terai, mae manei datuwa yau, i mani fiabai sewa yau tuti we irehu ne wai sapatu fo terai ki, wiro imai we inari finana kaha. I mani webaptisi mea na Nuaninu Mirarebana foi tuti na adia, amani niari mea memararebanai tarai.#3:16 Tarahai, ‘na adia’ ne maksuti siai, amani dohong aiboi we mano etaraberasa weru ene sasarifo kaha fosa. 17Ne sosirufi meinenang na warangfo ampa we kifa pafoi ambori mirarebanai. Pa taraifoi fianduhi afui wiatai na munu rorongfo, mae nukahaifoi ambori kebioia dansoi na adia wiro fefe naea kaha.” 18Yohanesi dohong kaiwo aunau fiabai tuti deiriri kariri Kaiwo Mahikai fo we kaiwasa bitoya foi.
19Manamo mayeaia mani deiua Herodes Antipasi, mano wemambaiseng na Galilea foi, weo dauo ne tafuai#3:19 Ete ne tahatui. binengno Herodiasi ampa, tuti weo ne wara aipaya siai fo kontai. 20Ampafe Herodesi kesou mambiriu aha, ainanaya demi ne raifosa etohong Yohanesi to aitamu rorong foa.
Yohanesi webaptisi Yesusi
(Matiusi 3:13-17; Markusi 1:9-11; Yohanesi 1:32-34)
21Wiro Herodesi samuo Yohanesi na aitamu rorong kaharai, mae Yohanesi webaptisi kaiwasafoi, tuti na iyari nanai Yesusi kontai da ma we Yohanesi webaptisi. Yesusi webaptisi mae wenadi, na kutu nanai mae rorafaisi tifai, 22tuti Sempaisi Nuaninufaisi, ne tarai toyari muntung manei, sea meu minohi sau Yesusi. Mayeai tarao Allai raofuifoi medu na rorafaisi meu deyo, “Wau mani nehu Kaisung enehuwawuti fi di Wau. Wau ka enehurorong fine.”
Yesusi ne ririafo
(Matiusi 1:1-17)
23Na reantenang Yesusi deunau tuti deiriri Sempaisi ne Kaiwofoa mani, ne defuina piareya sura teai. Inontaraifosa enemitituaitai weo i mani tamang di Yusupi,
Yusupi tamangno Eli, 24Eli tamangno Matati,
Matati tamangno Lewi, Lewi tamangno Marki,
Marki tamangno Yanai, 25Yanai tamangno Yusupi,
Yusupi tamangno Matatiasi, Matatiasi tamangno Amosi,
Amosi tamangno Nahumi, Nahumi tamangno Esiri,
Esiri tamangno Nagai, 26Nagai tamangno Mati,
Mati tamangno Matatiasi, Matatiasi tamangno Semei,
Semei tamangno Yoseki, Yoseki tamangno Yodai,
27Yodai tamangno Yoanani, Yoanani tamangno Resai,
Resai tamangno Zerubabeli, Zerubabeli tamangno Sealieri,
Sealieri tamangno Neri, 28Neri tamangno Marki,
Marki tamangno Adi, Adi tamangno Kosami,
Kosami tamangno Ermadami, Ermadami tamangno Eri,
29Eri tamangno Yesuai, Yesuai tamangno Erieseri,
Erieseri tamangno Yorimi, Yorimi tamangno Matati,
Matati tamangno Lewi, 30Lewi tamangno Simioni,
Simioni tamangno Yehudai, Yehudai tamangno Yusupi,
Yusupi tamangno Yonami, Yonami tamangno Eriakimi,
31Eriakimi tamangno Mereai, Mereai tamangno Mina,
Mina tamangno Matatai, Matatai tamangno Natani,
Natani tamangno Dauti, 32Dauti tamangno Yesi,
Yesi tamangno Obeti, Obeti tamangno Boasi,
Boasi tamangno Salmoni, Salmoni tamangno Nahasoni,
33Nahasoni tamangno Aminadapi, Aminadapi tamangno Adimini,
Adimini tamangno Arni, Arni tamangno Eseroni,
Eseroni tamangno Peresi, Peresi tamangno Yehudai,
34Yehudai tamangno Yakupi, Yakupi tamangno Isaki,
Isaki tamangno Abrahami, Abrahami tamangno Terai,
Terai tamangno Nahori, 35Nahori tamangno Seruki,
Seruki tamangno Rehui, Rehui tamangno Perehi,
Perehi tamangno Eberi, Eberi tamangno Serahi,
36Serahi tamangno Kenani, Kenani tamangno Afahati,
Afahati tamangno Semi, Semi tamangno Noaki,
Noaki tamangno Lameki, 37Lameki tamangno Metusaraki,
Metusaraki tamangno Henoki, Henoki tamangno Yereti,
Yereti tamangno Mahalaleri, Mahalaleri tamangno Kenani,
38Kenani tamangno Enosi, Enosi tamangno Seti,
Seti tamangno Adami, Adami tamangno Seng Allai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.