Mak 13
13
Yesu nêl lec vɨyin wê ob val tɨmuên ge
(Matyu 24:1-14; Luk 21:5-19)
1Yesu lop vac Anutu xumac ngɨbua ên nêb ob la, lêc nue ngɨvihi ti nêl vô i ên nêbê, “Xolac kehe, xumac tigae, nivɨha yang dɨ tɨbii lox ya ngɨdax nivɨhavɨha.” 2Lêc Yesu nêl vô i ên nêbê, “Xumac levac wê xam dɨwê ga, a nêl vô xam bê obêc buc tɨmuên ge od ngɨdax tigae, ngwe ob dô lec ngwe kɨsii lêm. Ên tɨbii ob dii dɨ nêx sea.”
3Mêd Yesu la dô lec kɨtôn Oliv wê yuu xôn Anutu xumac ngɨbua le tɨyima ge, lêc Pita yuu Jems dɨ Jon yuu Andlu mɨla vô Yesu dɨ heche va dô, dɨ he kɨnêg vô Yesu ên nêbê, 4“Xe nêb ông nêl vô xe bê kɨyang wê ông nêl lec xumac ngɨbua ge obêc vô nôn lec yelacna? Dɨ do tina wê obêc val vô xe tax ên xe xê dɨ xovô bê kɨyang tige obêc vô nôn lecê?”
5Mêgem Yesu nêl vô he ên nêbê, “Xam viac xam nivɨha êdêc xomxo i o lêc kɨtyoo xam lêm. 6Ên xomxo tɨbeac obêc val nêl a lêg dɨ nêl bêga nêbê he Kɨlisi om obêc kɨtyoo xomxo tɨbeac.
7“Dɨ xam obêc ngô kɨyang wê nêbê vevac tyip vac vɨgwe ya mɨ xomxo hima ge od le i lêc yetac dɨ xona lêm. Ên vevac tige obêc val, lêc ge o buc myahɨpu tyo lêm. Nge, buc tyo gên yêp. 8Ên tɨbii vɨyang ngwe ob vông vevac vô vɨyang ngwe, dɨ tɨbii vɨyang vɨyang ob dô kɨdu kɨdu dɨ vông vevac vôma, dɨ ngɨyêg ob yoc vac vɨgwe ya dɨ vip ob den xomxo vac vɨgwe ya. Om vɨyin tigee wê ob val taxlee vô xomxo lêc vɨyin tɨbeac gên yêp wê ob val tɨmuên.
9“Xacxam va viac xam nivɨha, ên xomxo obêc hôm xam xôn dɨ vông xam la le kot vô kaunsil manôn, dɨ he ob hi xam vac xumac lɨlo nɨlô, dɨ he ob vông xam la le vô king hɨxôn gavman levac manôn mɨ he vông kot vô xam ên wê xam vông i vin a ge, om xam ob nêl a xolac kɨtong vô he. 10Ên xomxo vɨhati ob ngô xolac pyap lê, dêc buc myahɨpu ob val tɨmuên. 11Mêd buc wê he obêc hôm xam xôn dɨ vông xam la vac kot ge od le i lêc xona dɨ nêl bê ‘Xe ob nêl kɨyang bêna vô he?’ lêm. Buc wê xam ob la le vô he manôn ge od xam nêl i tɨyi kɨyang wê Myakɨlôhô Ngɨbua ob vông vô xam vô buc tige, ên kɨyang wê xam ob nêl ge obêc tɨyi xocbê xacxam va kɨyang ge lêm. Nge, ge kɨyang wê Myakɨlôhô Ngɨbua vông vô xam ge. 12Vô buc tige xomxo ya obêc vông heche va lie la vac tɨbii vɨgê ên nêb tɨbii i hi he yib, dɨ mae obêc vông heche va nue vô tɨbii bêge êno, dɨ nue obêc yê tae mae nipaên dɨ vông he vac tɨbii vɨgê dɨ tɨbii obêc hi he yib. 13Mêd xomxo vɨhati obêc yê xam nipaên ên wê xam vông i vin a lêg ge. Dɨ xomxo ti obêc le xêkɨzêc vac vông vinên dɨ i la tyip vô buc myahɨpu ge od Anutu obêc vông i la dô vac i ben.
Nipaên nôn obêc val tɨmuên
(Matyu 24:15-28; Luk 21:20-24)
14“Obêc buc tɨmuên ge, susu nipaên nôn wê ob vông vɨgwe vô nipaên ge obêc la le vac vɨgwe ngɨbua ti wê xomxo vɨbu nêbê susu nivɨha pɨleva ob le vac ge. (Xam wê xam kɨtong kɨyang tiga, xam xovô kɨyang tiga kehe lê.) Dɨ buc wê susu tige obêc val le seac ge od xomxo wê dô vac vɨgweJudia ge, he i pec mɨ loc lec vɨgwe kɨtôn, 15om he wê dô lec xumac kɨsii ge he i o lêc lop mɨ lax kô susu ti vac xumac nɨlô lêm, 16dɨ he wê dô vac yuac lôma ge he i o lêc pop mɨ lax kô vɨnyumên ti hɨxôn lêm. 17Dɨ vêx wê nu dô vac xêyaa hɨxôn vêx wê vông lul vô nue ge, he ob dô vac vɨyin levac vô buc tige. 18Mêgem xam kɨtaa vô Anutu bê vɨyin tige i o lêc val vô buc wê lun yuu ningɨgooên ge lêm, 19ên vɨyin wê ob val vô buc tige obêc levac mabu yocên luu vɨyin baba vɨhati vêl. Ên buc mugên ilage wê Anutu tung susu vɨhati ge dɨ i val vô buc gwêbaga, hɨxôn buc wê ob val tɨmuên ge, vɨyin tulec xomxo, lêc o tɨyi xocbê vɨyin wê a nêl ga lêm. 20Vɨyin tige obêc levac mabu, lêc Anutu obêc xovô xomxo wê i vɨnoo pyap nêb he tu ixe ge om ob tax buc tige tip myabo. Ên buc obêc yêp dia ge od vɨyin tige obêc kɨtya xomxo vɨhati vêl.
21“Vô buc tige xomxo ti obêc nêl vô xam ên nêbê, ‘Xam wê lê. Kɨlisi dô ga,’ me obêc nêl bêga nêbê, ‘Kɨlisi dô ganê’ ge od xam o lêc vông i vin lêm. 22Ên xomxo kɨtyooên ya obêc val nêbê he Kɨlisi me he plopete, dɨ he ob vông do levac hɨxôn do toto wê xomxo ob yetac ên ge dɨ pɨlepac xomxo nɨlô la vô kɨyang kɨtyooên wê he nêl ge, om obêc tɨyi ge od obêc kɨtyoo xomxo wê Anutu vɨnoo he pyap ge ya hɨxôn. 23Mêgem xam xona ên xam dɨ viac xam nivɨha, ên kɨyang wê ob vô nôn lec tɨmuên ge a nêl vɨhati kɨtong yêp seac vô xam.
Buc wê Xomxo Nu ob vena ge
(Matyu 24:29-31; Luk 21:25-28)
24“Vɨyin levac tige obêc tip la vêl, nang dêc hɨyôv yuu dentuc ob vô mapɨtoc dɨ linacên obêc ma, 25dɨ pɨtua lag puunê obêc tô sea mɨ lam, dɨ susu xêkɨzêc wê kɨsii ganê ge ob vô yocyoc mɨ la dɨ lôm. 26Mêd vô buc tige xomxo ob yê Xomxo Nu ob lam vac vɨyobtoc hɨxôn xêseac yuu xêkɨzêc levac dɨ lam. 27Mêd a ob vông angela loc vac vɨgwe vɨhati dɨ i loc tɨyi kɨbun yuu lag myahɨpu dɨ loc vɨlu vô xomxo wê Anutu vɨnoo he pyap ge vɨhati.
Kɨyang pɨlepacên lec xax wê mi pwoc ge
(Matyu 24:32-35; Luk 21:29-33)
28“Xam xovô kɨyang lec xuc. Ên xuc obêc val ge od xam xovô ên xam nêbê buc wê susu ob vô nôn nivɨha lec ge val. 29Mêgem xam obêc wê susu wê a nêl vô xam ga obêc vô nôn lec ge od xam obêc xovô bêga bê buc wê a obêc lop mɨ lôm ge vô kwabo lec. 30A nêl hɨxôn nôn vô xam bê xomxo wê dô gwêbaga ge obêc dô dɨ kɨyang wê a nêl ga vɨhati obêc vô nôn lec vêl lê. 31Lag yuu kɨbun xôa obêc ma, dɨ a kɨyang ti xôa obêc ma hɨxôn lêm. Nge, vɨhati obêc yêp.
Xomxo ti o xovô buc wê Yesu obêc vena lec ge lêm
(Matyu 24:36-44)
32“Buc ti wê kɨyang tige ob vô nôn lec ge, xomxo ti o xovô buc tige lêm, dɨ angela wê dô lag puunê ge êno o xovô buc tige lêm, dɨ Anutu nu a, a êno lungên, dɨ Mag vaci tibed wê xovô buc tige. 33Om xam viac xam dɨ bin buc wê Xomxo Nu ob vena lec ge, ên buc tige xam o xovô lêm.
34“Ge tɨyi xocbê xomxo ti sea ben ên nêb ob la dô vɨgwe bangwe, om vông yuac wê i vông ge vac nue toto vɨgê ên nêb he i viac, dɨ nêl vô xomxo ti wê mi viac vuayen ge nêb i dô dɨ yaxên buc wê ob vena lec ge. 35Mêgem xam êno, xam dô mɨ yaxên buc, ên xam o xovô buc wê xomxo levac tyo ob vena lec ge lêm, om mêd obêc vena vô bucên me vɨvuaên mahɨgun, me wê kokɨlêx ob vô vya ge me vɨgwe vɨdiiên, ge xam lungên. 36Om xam dô mɨ yaxên, ên gec lêc xam dɨwêp dɨ i vena lutibed. 37Om kɨyang ga, a nêl vô xam dɨ a nêl vô xomxo vɨhati hɨxôn bêga ên a nêbê xam dô dɨ yaxên buc tige.”
Currently Selected:
Mak 13: ptpNT
Highlight
Share
Copy
Want to have your highlights saved across all your devices? Sign up or sign in
© 1986, Wycliffe Bible Translators, Inc. All rights reserved.
Mak 13
13
Yesu nêl lec vɨyin wê ob val tɨmuên ge
(Matyu 24:1-14; Luk 21:5-19)
1Yesu lop vac Anutu xumac ngɨbua ên nêb ob la, lêc nue ngɨvihi ti nêl vô i ên nêbê, “Xolac kehe, xumac tigae, nivɨha yang dɨ tɨbii lox ya ngɨdax nivɨhavɨha.” 2Lêc Yesu nêl vô i ên nêbê, “Xumac levac wê xam dɨwê ga, a nêl vô xam bê obêc buc tɨmuên ge od ngɨdax tigae, ngwe ob dô lec ngwe kɨsii lêm. Ên tɨbii ob dii dɨ nêx sea.”
3Mêd Yesu la dô lec kɨtôn Oliv wê yuu xôn Anutu xumac ngɨbua le tɨyima ge, lêc Pita yuu Jems dɨ Jon yuu Andlu mɨla vô Yesu dɨ heche va dô, dɨ he kɨnêg vô Yesu ên nêbê, 4“Xe nêb ông nêl vô xe bê kɨyang wê ông nêl lec xumac ngɨbua ge obêc vô nôn lec yelacna? Dɨ do tina wê obêc val vô xe tax ên xe xê dɨ xovô bê kɨyang tige obêc vô nôn lecê?”
5Mêgem Yesu nêl vô he ên nêbê, “Xam viac xam nivɨha êdêc xomxo i o lêc kɨtyoo xam lêm. 6Ên xomxo tɨbeac obêc val nêl a lêg dɨ nêl bêga nêbê he Kɨlisi om obêc kɨtyoo xomxo tɨbeac.
7“Dɨ xam obêc ngô kɨyang wê nêbê vevac tyip vac vɨgwe ya mɨ xomxo hima ge od le i lêc yetac dɨ xona lêm. Ên vevac tige obêc val, lêc ge o buc myahɨpu tyo lêm. Nge, buc tyo gên yêp. 8Ên tɨbii vɨyang ngwe ob vông vevac vô vɨyang ngwe, dɨ tɨbii vɨyang vɨyang ob dô kɨdu kɨdu dɨ vông vevac vôma, dɨ ngɨyêg ob yoc vac vɨgwe ya dɨ vip ob den xomxo vac vɨgwe ya. Om vɨyin tigee wê ob val taxlee vô xomxo lêc vɨyin tɨbeac gên yêp wê ob val tɨmuên.
9“Xacxam va viac xam nivɨha, ên xomxo obêc hôm xam xôn dɨ vông xam la le kot vô kaunsil manôn, dɨ he ob hi xam vac xumac lɨlo nɨlô, dɨ he ob vông xam la le vô king hɨxôn gavman levac manôn mɨ he vông kot vô xam ên wê xam vông i vin a ge, om xam ob nêl a xolac kɨtong vô he. 10Ên xomxo vɨhati ob ngô xolac pyap lê, dêc buc myahɨpu ob val tɨmuên. 11Mêd buc wê he obêc hôm xam xôn dɨ vông xam la vac kot ge od le i lêc xona dɨ nêl bê ‘Xe ob nêl kɨyang bêna vô he?’ lêm. Buc wê xam ob la le vô he manôn ge od xam nêl i tɨyi kɨyang wê Myakɨlôhô Ngɨbua ob vông vô xam vô buc tige, ên kɨyang wê xam ob nêl ge obêc tɨyi xocbê xacxam va kɨyang ge lêm. Nge, ge kɨyang wê Myakɨlôhô Ngɨbua vông vô xam ge. 12Vô buc tige xomxo ya obêc vông heche va lie la vac tɨbii vɨgê ên nêb tɨbii i hi he yib, dɨ mae obêc vông heche va nue vô tɨbii bêge êno, dɨ nue obêc yê tae mae nipaên dɨ vông he vac tɨbii vɨgê dɨ tɨbii obêc hi he yib. 13Mêd xomxo vɨhati obêc yê xam nipaên ên wê xam vông i vin a lêg ge. Dɨ xomxo ti obêc le xêkɨzêc vac vông vinên dɨ i la tyip vô buc myahɨpu ge od Anutu obêc vông i la dô vac i ben.
Nipaên nôn obêc val tɨmuên
(Matyu 24:15-28; Luk 21:20-24)
14“Obêc buc tɨmuên ge, susu nipaên nôn wê ob vông vɨgwe vô nipaên ge obêc la le vac vɨgwe ngɨbua ti wê xomxo vɨbu nêbê susu nivɨha pɨleva ob le vac ge. (Xam wê xam kɨtong kɨyang tiga, xam xovô kɨyang tiga kehe lê.) Dɨ buc wê susu tige obêc val le seac ge od xomxo wê dô vac vɨgweJudia ge, he i pec mɨ loc lec vɨgwe kɨtôn, 15om he wê dô lec xumac kɨsii ge he i o lêc lop mɨ lax kô susu ti vac xumac nɨlô lêm, 16dɨ he wê dô vac yuac lôma ge he i o lêc pop mɨ lax kô vɨnyumên ti hɨxôn lêm. 17Dɨ vêx wê nu dô vac xêyaa hɨxôn vêx wê vông lul vô nue ge, he ob dô vac vɨyin levac vô buc tige. 18Mêgem xam kɨtaa vô Anutu bê vɨyin tige i o lêc val vô buc wê lun yuu ningɨgooên ge lêm, 19ên vɨyin wê ob val vô buc tige obêc levac mabu yocên luu vɨyin baba vɨhati vêl. Ên buc mugên ilage wê Anutu tung susu vɨhati ge dɨ i val vô buc gwêbaga, hɨxôn buc wê ob val tɨmuên ge, vɨyin tulec xomxo, lêc o tɨyi xocbê vɨyin wê a nêl ga lêm. 20Vɨyin tige obêc levac mabu, lêc Anutu obêc xovô xomxo wê i vɨnoo pyap nêb he tu ixe ge om ob tax buc tige tip myabo. Ên buc obêc yêp dia ge od vɨyin tige obêc kɨtya xomxo vɨhati vêl.
21“Vô buc tige xomxo ti obêc nêl vô xam ên nêbê, ‘Xam wê lê. Kɨlisi dô ga,’ me obêc nêl bêga nêbê, ‘Kɨlisi dô ganê’ ge od xam o lêc vông i vin lêm. 22Ên xomxo kɨtyooên ya obêc val nêbê he Kɨlisi me he plopete, dɨ he ob vông do levac hɨxôn do toto wê xomxo ob yetac ên ge dɨ pɨlepac xomxo nɨlô la vô kɨyang kɨtyooên wê he nêl ge, om obêc tɨyi ge od obêc kɨtyoo xomxo wê Anutu vɨnoo he pyap ge ya hɨxôn. 23Mêgem xam xona ên xam dɨ viac xam nivɨha, ên kɨyang wê ob vô nôn lec tɨmuên ge a nêl vɨhati kɨtong yêp seac vô xam.
Buc wê Xomxo Nu ob vena ge
(Matyu 24:29-31; Luk 21:25-28)
24“Vɨyin levac tige obêc tip la vêl, nang dêc hɨyôv yuu dentuc ob vô mapɨtoc dɨ linacên obêc ma, 25dɨ pɨtua lag puunê obêc tô sea mɨ lam, dɨ susu xêkɨzêc wê kɨsii ganê ge ob vô yocyoc mɨ la dɨ lôm. 26Mêd vô buc tige xomxo ob yê Xomxo Nu ob lam vac vɨyobtoc hɨxôn xêseac yuu xêkɨzêc levac dɨ lam. 27Mêd a ob vông angela loc vac vɨgwe vɨhati dɨ i loc tɨyi kɨbun yuu lag myahɨpu dɨ loc vɨlu vô xomxo wê Anutu vɨnoo he pyap ge vɨhati.
Kɨyang pɨlepacên lec xax wê mi pwoc ge
(Matyu 24:32-35; Luk 21:29-33)
28“Xam xovô kɨyang lec xuc. Ên xuc obêc val ge od xam xovô ên xam nêbê buc wê susu ob vô nôn nivɨha lec ge val. 29Mêgem xam obêc wê susu wê a nêl vô xam ga obêc vô nôn lec ge od xam obêc xovô bêga bê buc wê a obêc lop mɨ lôm ge vô kwabo lec. 30A nêl hɨxôn nôn vô xam bê xomxo wê dô gwêbaga ge obêc dô dɨ kɨyang wê a nêl ga vɨhati obêc vô nôn lec vêl lê. 31Lag yuu kɨbun xôa obêc ma, dɨ a kɨyang ti xôa obêc ma hɨxôn lêm. Nge, vɨhati obêc yêp.
Xomxo ti o xovô buc wê Yesu obêc vena lec ge lêm
(Matyu 24:36-44)
32“Buc ti wê kɨyang tige ob vô nôn lec ge, xomxo ti o xovô buc tige lêm, dɨ angela wê dô lag puunê ge êno o xovô buc tige lêm, dɨ Anutu nu a, a êno lungên, dɨ Mag vaci tibed wê xovô buc tige. 33Om xam viac xam dɨ bin buc wê Xomxo Nu ob vena lec ge, ên buc tige xam o xovô lêm.
34“Ge tɨyi xocbê xomxo ti sea ben ên nêb ob la dô vɨgwe bangwe, om vông yuac wê i vông ge vac nue toto vɨgê ên nêb he i viac, dɨ nêl vô xomxo ti wê mi viac vuayen ge nêb i dô dɨ yaxên buc wê ob vena lec ge. 35Mêgem xam êno, xam dô mɨ yaxên buc, ên xam o xovô buc wê xomxo levac tyo ob vena lec ge lêm, om mêd obêc vena vô bucên me vɨvuaên mahɨgun, me wê kokɨlêx ob vô vya ge me vɨgwe vɨdiiên, ge xam lungên. 36Om xam dô mɨ yaxên, ên gec lêc xam dɨwêp dɨ i vena lutibed. 37Om kɨyang ga, a nêl vô xam dɨ a nêl vô xomxo vɨhati hɨxôn bêga ên a nêbê xam dô dɨ yaxên buc tige.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1986, Wycliffe Bible Translators, Inc. All rights reserved.