Sɩngrẽ 15
15
SOAALA NE A ABRAM
Zood yõgbo
1Dẽ loogr poore, a Abram paama Soaala-Wẽnd likri. B yeel-a lame: «Abram, da maan dabeem ye, mam ya f gũuda la f na n paama dolb wʋsg m nengẽ.» 2T'a Abram soke: «Bõe la y na n kõ-ma, Soaala-Wẽnnaam, tɩ m kʋʋndẽ n dabda n ket n nan ka rog biiga? 3Ade, yãmb ka kõ-m dogem ye la yaa m yir dakõore, Damas tẽng Eliezer, n na n wa soog m sẽn tara fãa.» 4Soaala-Wẽnd leok-a lame: «Ka yẽ n na n soog f roog ye, na n yɩɩ f meng bi-roaka.» 5#Rm 4,18; Eb 11,12. Soaala-Wẽnd talla a Abram n yi yɩnga n yeel-a: «Ges yĩngri, la f sã n tõe bɩ f sõd ãdsã; ade, f buuda neb na n yɩɩ kõn bãng n sõde.» 6#Rm 4,3; Ga 3,6; Zak 2,23. A Abram tẽe Soaala la bãmb me tõog n ges-a-la wa nin-sõngo.
7B lɛɛg n yeel-a lame: «Yaa maam, Naaba-Wẽnd, n yiis foo Ur, Kalde tẽnga, n wa kẽes f tẽn-kãnga tɩ f soog-a.» 8A Abram kʋʋga koɛɛga: «M Soaala, bõe n wilgd-ma tɩ tẽnga na n yɩɩ m soolem?» 9Dẽ la Soaala yeel-a: «Kẽng n tɩ wa ne yʋʋm a tã nag-sɛdga, n paas yʋʋm a tã bʋʋga, yʋʋm a tã pe-raoogo, pɩgdre la wall bila.» 10T'a Abram tɩ wa ne rẽ fãa, n bog-ba, a yiib yiibu, n dɩk boagã n yegl taaba. Pɩgdra la walla bal la a ka boke. 11Yɩbrend yãee nemdã n sigi t'a Abram laas-ba. 12#Zob 4,13, 14. Wĩndig sẽn waa n dabd lʋɩɩse, gõeem kãseng la rabeem yõka a Abram. 13#Ey 1,1-14; Tv 7,6. Soaala-Wẽnd yeel-a lame: «Bãng neer tɩ f yagensã na n tɩ siga sãando tẽng a ye sẽn ka b tẽnga la b na n lebga yem-daado la b na n namsa yʋʋm kobs-naase. 14#Ey 12,40-41; Tv 7,7. Buud ninga sẽn na n kẽesa bãmb yembdã, m na n wa kao-la a bʋʋdo la f yagensa na n yii be ne arzɛk kãsenga. 15Sã n ya foo, fo na n looga ne laafi n tɩ sak f saam-dãmba, f na n bãnga kʋʋlem noogo tɩ b yaool n maan f kʋʋre. 16Kaoosg sã wa beẽ, yagensa na n lɛɛg n waa kaanẽ; rũnna-rũnna, Amoritsa wẽnem ket n dabda taoore. M gũuda b wẽnema wa pid zãnga, tɩ m dig-ba.»
17Wĩndig sẽn waa n lʋɩ zãnga tɩ zĩig fãa lebg lika, bug-kãseng wa wʋng bugum, n tar zɛlma, looga nemda sʋka. 18#Tv 7,5. Badaare Soaala-Wẽnd yõga zood ne a Abram woto: «M kõta f buuda tẽn-kãnga, sẽn sɩng Ezipt kʋɩlga n digd Efrat kʋɩl-kãsenga. 19Soog Kenitse, Kenizitse, Kadmonitse, 20Ititse, Perizitse, Refayitse, 21Amoritse, Kanaã rãmba, Zirgazitse la Zebuzitse.»
Currently Selected:
Sɩngrẽ 15: SSDC98
Highlight
Share
Copy
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.
Sɩngrẽ 15
15
SOAALA NE A ABRAM
Zood yõgbo
1Dẽ loogr poore, a Abram paama Soaala-Wẽnd likri. B yeel-a lame: «Abram, da maan dabeem ye, mam ya f gũuda la f na n paama dolb wʋsg m nengẽ.» 2T'a Abram soke: «Bõe la y na n kõ-ma, Soaala-Wẽnnaam, tɩ m kʋʋndẽ n dabda n ket n nan ka rog biiga? 3Ade, yãmb ka kõ-m dogem ye la yaa m yir dakõore, Damas tẽng Eliezer, n na n wa soog m sẽn tara fãa.» 4Soaala-Wẽnd leok-a lame: «Ka yẽ n na n soog f roog ye, na n yɩɩ f meng bi-roaka.» 5#Rm 4,18; Eb 11,12. Soaala-Wẽnd talla a Abram n yi yɩnga n yeel-a: «Ges yĩngri, la f sã n tõe bɩ f sõd ãdsã; ade, f buuda neb na n yɩɩ kõn bãng n sõde.» 6#Rm 4,3; Ga 3,6; Zak 2,23. A Abram tẽe Soaala la bãmb me tõog n ges-a-la wa nin-sõngo.
7B lɛɛg n yeel-a lame: «Yaa maam, Naaba-Wẽnd, n yiis foo Ur, Kalde tẽnga, n wa kẽes f tẽn-kãnga tɩ f soog-a.» 8A Abram kʋʋga koɛɛga: «M Soaala, bõe n wilgd-ma tɩ tẽnga na n yɩɩ m soolem?» 9Dẽ la Soaala yeel-a: «Kẽng n tɩ wa ne yʋʋm a tã nag-sɛdga, n paas yʋʋm a tã bʋʋga, yʋʋm a tã pe-raoogo, pɩgdre la wall bila.» 10T'a Abram tɩ wa ne rẽ fãa, n bog-ba, a yiib yiibu, n dɩk boagã n yegl taaba. Pɩgdra la walla bal la a ka boke. 11Yɩbrend yãee nemdã n sigi t'a Abram laas-ba. 12#Zob 4,13, 14. Wĩndig sẽn waa n dabd lʋɩɩse, gõeem kãseng la rabeem yõka a Abram. 13#Ey 1,1-14; Tv 7,6. Soaala-Wẽnd yeel-a lame: «Bãng neer tɩ f yagensã na n tɩ siga sãando tẽng a ye sẽn ka b tẽnga la b na n lebga yem-daado la b na n namsa yʋʋm kobs-naase. 14#Ey 12,40-41; Tv 7,7. Buud ninga sẽn na n kẽesa bãmb yembdã, m na n wa kao-la a bʋʋdo la f yagensa na n yii be ne arzɛk kãsenga. 15Sã n ya foo, fo na n looga ne laafi n tɩ sak f saam-dãmba, f na n bãnga kʋʋlem noogo tɩ b yaool n maan f kʋʋre. 16Kaoosg sã wa beẽ, yagensa na n lɛɛg n waa kaanẽ; rũnna-rũnna, Amoritsa wẽnem ket n dabda taoore. M gũuda b wẽnema wa pid zãnga, tɩ m dig-ba.»
17Wĩndig sẽn waa n lʋɩ zãnga tɩ zĩig fãa lebg lika, bug-kãseng wa wʋng bugum, n tar zɛlma, looga nemda sʋka. 18#Tv 7,5. Badaare Soaala-Wẽnd yõga zood ne a Abram woto: «M kõta f buuda tẽn-kãnga, sẽn sɩng Ezipt kʋɩlga n digd Efrat kʋɩl-kãsenga. 19Soog Kenitse, Kenizitse, Kadmonitse, 20Ititse, Perizitse, Refayitse, 21Amoritse, Kanaã rãmba, Zirgazitse la Zebuzitse.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.