Luke 4:5-8

Ale Tiapolo mo lavi Iesu mo sahe aulu na masapa, ale vahatea purongo, mo vujangia na jara tari na varama sei supe la lo tauri na suiha hinira, ale mo verea isana mara, “A pa sileho na nora suiha peresi na nora hasohaso, matan hinau tari sei la lo toho na limaku, ale a er̃i silera isan hare na opoia. Vara o lotuau purongo, hinau tari sei la pa nom!” Ale Iesu mo r̃aramia mara, “Retiulia mo verea vara, ‘O pa lotu Moli nom God, ale o pa volitusi isana hasena!’”