Jenesis-Agafa 13
13
1Isipi mopareti Abramu'a hakare afufenoma'a enerino nenarone, Lotine neznavreno Negev zge hnati kaziga mago asoparega noti kaziga vu'ne. 2Menina Abramu'a afu'zgama, kolima, silvama huno tusi'a feno ne' hampre'ne. 3Hagi msetere hume nevuno, Negev mopare vuno ko'ma mani'neno hu'nere uhnati'ne. Mago kaziga Beteli kuma me'negeno, mago kaziga Ai kuma amu'nompi uhnati'ne. 4Abramu'a ko'ma have itama tro hunte'nere anante uhnatino, Ra Anumzamofo mono hunte'ne.
Loti'a Abramu atreno Sodomu vu'nea naneke
5Abramu'ene vu'nea nera, Lotina afu'zga'ane, noma'ane me'nea nere. 6Hianagi ana mopamo'a knarera huoznantene magopima maniana, maka afuzga zniamo'a titipa huno kave nezamo'a upa higeno magote manigara osu'na'e. 7Ana nehigeno Abramune, Loti'gizni afu kva vahe'mo'za fravzi'naze. Ana knafina Kenani vahe'ene, Perisi vahe'mo'za ana moparera mani titipa hu'naze. 8Abramu, amanage huno Lotina asmi'ne, tagra mago kora mani'noku fra ovazisnue, burimaka afu'tiare kva nehza vahe'mo'zanena fra ovazi hnazanki, 9rama'a mopa me'neanki kagra kavesite vanuema hnana kaziga vuo, kagrama hoga kaziga vugahue hnanke'na, nagra tamaga kaziga vugahue. Hanki kagrama tamaga kaziga vugahue hnankena, nagra hoga kaziga vugahue. 10Loti'ma kesga huno kegantugma huno keana, Jordani kokamo'a hakare kaziga masvenke huno Ra Anumzamofo hoza (Edeni) gna nehuno Isipi mopagna hu'negeno ke'ne, ananteti vuno Zoarima uhnati'neane Sodomu'ne, Gomorane'ma Ra Anumzamo ahe fnanema osu'nea knafine. 11Anante Loti'a mika Jordani agupoma hunehamprino'a zge hnatitega vu'ne, ananteti naga'ane otre atre hu'na'e. 12Abramu'a Kenani mopare manigeno, Loti'a ranku'ma zga me'nefi Jodani agupofi Sodomu tva'onte seri noma'a omegino mani'ne. 13Sodomu vahe'mo'za havi avu'ava ene kumi huhakare nehu'za, Ra Anumzamofo ha' rente'naze.
Abramu'a Hebroni kumate vu'nea naneke
14Loti'ma, Abramu atreno vutegeno, Ra Anumzamo Abramunku amanage huno asmi'ne, Kesga hunka zge hnatitegane, zge fretegane keganti kegma hunka ko, 15mika kagri'ene, kagehe'ine tmi vaneroe. 16Nagra kagehe'ina zamazeri hakare ha'nena ama mopafi ksepankna kugusopa hanige'za, hamprisnimo'a, kagehe'ina ana zanke huno hamprigahie. 17Hagi otinka vunka enka hunka kamisua mopa agema'a go. 18Higeno, Abramu otino seri noma'a tagna vzino erino vuno Mamre'a oak'zafa tvaonte Hebroni kumate, Ra Anumzante ita tro hu'ne.
Currently Selected:
Jenesis-Agafa 13: kbq
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.
