EKISODO 35
35
Moshe o anegela setšhaba ditaelo tša Morena. Ba ntšha dineo. Go bewa badiri ba tše kgethwa
1Moshe o kgobela phuthego ka moka ya Baisiraele, a ba anegela a re: šedi tše Morena a di boletšego, a re di dirwe: 2Mediro a e dirwe ka matšatši a selelago; la go šupa le le dire le lekgethwa, la go khutša sa ruri, la Morena. E a dirago modiro ka lona, a a bolawe. 3Ka la Sabatha le se ke la gotša mollo malapeng a lena ka moka.
4Moshe a anegela phuthego ka moka ya Baisiraele a re: Tše Morena a di laetšego šedi: 5O re: Ntšhetšang Morena motšhelo wa dilo tša lena. Mang le mang a tliše motšhelo wa Morena ka mo pelo ya gagwe e ithapago ka gona, e ka ba gauta, le ge e le silifera, le ge e le mphiri, 6le purapura e tala le e khubedu, le moretele, le leokodi, le boya bja dipudi, 7le matlalo a hubaditšwego a dikgapa, le a nebiwatle, le mamati a moduhlare, 8le makhura a sehlomapone, le dihlare tša monko o bose tša makhura a setlolo, le diorelo tša monko o bose, 9le maswikana a šohama a go thakga nkatanakgethwa le thebjana.
10Gomme bohle ba dipelo tše bohlale mo go lena ba tle, ba dire dilo tšeo Morena a di laetšego. 11Ba dire Ngwako le mašela a go o rulela, le dikobo tša go o rulela, le dingamelo tša tšona, le mamati a magwakgwa, le dipalelo tša ona, le dikokwane tša gona le maoto a tšona, 12le polokelo le diphata tša go e rwala, le sekhurumelo sa yona, le lešira la go e šira, 13le sethalana le diphata tša go se rwala, le dibjana tša sona ka moka, le dinkgwaponwa, 14le sehlomapone sa go bonegela, le dibjana tša sona, le dipone tša sona, le makhura a sehlomapone, 15le aletare ya diorelo le diphata tša go e rwala, le makhura a setlolo le diorelo tša monko o bose, le lešira la mojako wa Ngwako, 16le aletare ya dihlabelo le selogwa sa yona, le dibjana tša yona ka moka, le legopo le leoto la lona. 17Le mašela a go šira lapa, le dikokwane tša lona le maoto a tšona, le lešira la sefero sa lapa, 18le dimapolo tša Ngwako, le dimapolo tša lapa, le dithapo tša tšona, 19le diaparo tše di logilwego setšhepi tša go dira sekgethweng, le diaparo tše kgethwa tša Arone moperisita le tša barwa ba gagwe tša boperisita.
20Gomme phuthego ka moka ya Baisiraele ya tloga gona moo pele ga Moshe, 21gomme mang le mang, wa go tsošwa ke pelo ya gagwe, le wa go gapeletšwa ke moya wa gagwe, a boa a na le motšhelo wa Morena, wa tša go dira Ngwako wa Kgwerano, le tša go dira mo go wona, le tša go dira diaparo tše kgethwa. 22Ba tla, banna le basadi, ka moka ba go ithapa ka pelo, ba tliša maseka, le mangina, le dipalamonwana, le dipheta, le dilo tša mehutahuta tša gauta, ka moka ba ekere seekaro sa gauta, ba se tlišetša Morena. 23Mang le mang e a hweditšego a na le purapura e tala, le ge e le e khubedu, le moretele, le leokodi, le boya bja dipudi, le matlalo a dikgapa a a hubaditšwego, le matlalo a nebiwatle, a di tliša. 24Mang le mang e a hweditšego a na le silifera, le ge e le mphiri, a tlisa motšhelo wa Morena; le e a hweditšego a na le kwata tša moduhlare tše di kago ba le modiro, a di tliša. 25Le basadi bohle ba dipelo tše di hlalefilego ba ohla ka diatla tša bona, mme ba tliša purapura e tala le e khubedu, le moretele, le leokodi, ba di ohlile. 26Le basadi bohle ba go ithapa ka go kgona, ba ohla boya bja dipudi. 27Bagolo ba tlišitše maswikana a šohama, le a go thakga nkatanakgethwa le thebjana, 28le dihlare tša monko o bose, le makhura a go bonega, le makhura a setlolo, le diorelo tša monko o bose. 29Ba dira bjalo, banna ka moka le basadi, ba ithapa ba dira mediro ka moka ye Morena a e laetšego ka Moshe. Baisiraele ba ntšhitše ka go ithapa ba nea Morena.
30Moshe a botša Baisiraele a re: Le tsebe gore Morena o biditše Betsaliele ka leina; ke morwa wa Uri morwa wa Huri wa moloko wa Juda. 31O mo humišitše moya wa Modimo, ka bohlale le ka tlhaologanyo le ka tsebo medirong ka moka, 32gore a eleletše mediro e dirwago ka bohlale, ka gauta le ka silifera, le ka mphiri, 33le go seta maswikana a bothakga, le go betla dikwata, le go dira mediro ya mehutahuta ka keleletšo. 34Mo pelong ya gagwe Morena o mo kgoniša go ruta, yena le Oholiaba morwa wa Ahisama wa moloko wa Dani. 35O ba humišitše bohlale bja pelo, ba kgone go dira mediro ka moka ya go seta, le ya balogasetšhepi le ya go loga tša mabalabala ka purapura e tala le e khubedu, le moretele, le leokodi, le go loga mašela. Ke bona ba tlogo dira mediro ya mehutahuta, ba eleletša tša go dirwa ka bohlale.
Currently Selected:
EKISODO 35: NSO51
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1986. Used with permission. All rights reserved.
EKISODO 35
35
Moshe o anegela setšhaba ditaelo tša Morena. Ba ntšha dineo. Go bewa badiri ba tše kgethwa
1Moshe o kgobela phuthego ka moka ya Baisiraele, a ba anegela a re: šedi tše Morena a di boletšego, a re di dirwe: 2Mediro a e dirwe ka matšatši a selelago; la go šupa le le dire le lekgethwa, la go khutša sa ruri, la Morena. E a dirago modiro ka lona, a a bolawe. 3Ka la Sabatha le se ke la gotša mollo malapeng a lena ka moka.
4Moshe a anegela phuthego ka moka ya Baisiraele a re: Tše Morena a di laetšego šedi: 5O re: Ntšhetšang Morena motšhelo wa dilo tša lena. Mang le mang a tliše motšhelo wa Morena ka mo pelo ya gagwe e ithapago ka gona, e ka ba gauta, le ge e le silifera, le ge e le mphiri, 6le purapura e tala le e khubedu, le moretele, le leokodi, le boya bja dipudi, 7le matlalo a hubaditšwego a dikgapa, le a nebiwatle, le mamati a moduhlare, 8le makhura a sehlomapone, le dihlare tša monko o bose tša makhura a setlolo, le diorelo tša monko o bose, 9le maswikana a šohama a go thakga nkatanakgethwa le thebjana.
10Gomme bohle ba dipelo tše bohlale mo go lena ba tle, ba dire dilo tšeo Morena a di laetšego. 11Ba dire Ngwako le mašela a go o rulela, le dikobo tša go o rulela, le dingamelo tša tšona, le mamati a magwakgwa, le dipalelo tša ona, le dikokwane tša gona le maoto a tšona, 12le polokelo le diphata tša go e rwala, le sekhurumelo sa yona, le lešira la go e šira, 13le sethalana le diphata tša go se rwala, le dibjana tša sona ka moka, le dinkgwaponwa, 14le sehlomapone sa go bonegela, le dibjana tša sona, le dipone tša sona, le makhura a sehlomapone, 15le aletare ya diorelo le diphata tša go e rwala, le makhura a setlolo le diorelo tša monko o bose, le lešira la mojako wa Ngwako, 16le aletare ya dihlabelo le selogwa sa yona, le dibjana tša yona ka moka, le legopo le leoto la lona. 17Le mašela a go šira lapa, le dikokwane tša lona le maoto a tšona, le lešira la sefero sa lapa, 18le dimapolo tša Ngwako, le dimapolo tša lapa, le dithapo tša tšona, 19le diaparo tše di logilwego setšhepi tša go dira sekgethweng, le diaparo tše kgethwa tša Arone moperisita le tša barwa ba gagwe tša boperisita.
20Gomme phuthego ka moka ya Baisiraele ya tloga gona moo pele ga Moshe, 21gomme mang le mang, wa go tsošwa ke pelo ya gagwe, le wa go gapeletšwa ke moya wa gagwe, a boa a na le motšhelo wa Morena, wa tša go dira Ngwako wa Kgwerano, le tša go dira mo go wona, le tša go dira diaparo tše kgethwa. 22Ba tla, banna le basadi, ka moka ba go ithapa ka pelo, ba tliša maseka, le mangina, le dipalamonwana, le dipheta, le dilo tša mehutahuta tša gauta, ka moka ba ekere seekaro sa gauta, ba se tlišetša Morena. 23Mang le mang e a hweditšego a na le purapura e tala, le ge e le e khubedu, le moretele, le leokodi, le boya bja dipudi, le matlalo a dikgapa a a hubaditšwego, le matlalo a nebiwatle, a di tliša. 24Mang le mang e a hweditšego a na le silifera, le ge e le mphiri, a tlisa motšhelo wa Morena; le e a hweditšego a na le kwata tša moduhlare tše di kago ba le modiro, a di tliša. 25Le basadi bohle ba dipelo tše di hlalefilego ba ohla ka diatla tša bona, mme ba tliša purapura e tala le e khubedu, le moretele, le leokodi, ba di ohlile. 26Le basadi bohle ba go ithapa ka go kgona, ba ohla boya bja dipudi. 27Bagolo ba tlišitše maswikana a šohama, le a go thakga nkatanakgethwa le thebjana, 28le dihlare tša monko o bose, le makhura a go bonega, le makhura a setlolo, le diorelo tša monko o bose. 29Ba dira bjalo, banna ka moka le basadi, ba ithapa ba dira mediro ka moka ye Morena a e laetšego ka Moshe. Baisiraele ba ntšhitše ka go ithapa ba nea Morena.
30Moshe a botša Baisiraele a re: Le tsebe gore Morena o biditše Betsaliele ka leina; ke morwa wa Uri morwa wa Huri wa moloko wa Juda. 31O mo humišitše moya wa Modimo, ka bohlale le ka tlhaologanyo le ka tsebo medirong ka moka, 32gore a eleletše mediro e dirwago ka bohlale, ka gauta le ka silifera, le ka mphiri, 33le go seta maswikana a bothakga, le go betla dikwata, le go dira mediro ya mehutahuta ka keleletšo. 34Mo pelong ya gagwe Morena o mo kgoniša go ruta, yena le Oholiaba morwa wa Ahisama wa moloko wa Dani. 35O ba humišitše bohlale bja pelo, ba kgone go dira mediro ka moka ya go seta, le ya balogasetšhepi le ya go loga tša mabalabala ka purapura e tala le e khubedu, le moretele, le leokodi, le go loga mašela. Ke bona ba tlogo dira mediro ya mehutahuta, ba eleletša tša go dirwa ka bohlale.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1986. Used with permission. All rights reserved.