GENESI 16
16
Hagara le Isimaele
1Sarai mosadi wa Aborama o be a sa belege. O be a na le lekaota la Moegipita; leina la yena eo e be e le Hagara. 2Bjale Sarai a bolela le Aborama a re: O a di bona, nna Morena o ntimile ngwana. A ko tsene go molata wa ka; mohlomongwe ke tlo bona bana ka yena. Aborama a kwa se Sarai a se boletšego. 3Sarai mosadi wa Aborama a tšea Hagara molata wa gagwe wa Moegipita, a mo neela Aborama monna wa gagwe, a ba mosadi wa gagwe. Ke ge go fetile nywaga e lesome Aborama a dutše mo nageng ya Kanana. 4A tsena go Hagara; Hagara a ima. Ge a bona a imile, a lebelela mong wa gagwe ka go mo nyatša.
5Sarai a bolela le Aborama a re: Ge ke nyatšega di na le wena. Ke nna ke go gafetšego molata wa ka matsogong a gago; bjale o bona ge a imile o thoma go ntebelela ka go nnyatša. Morena o tlo re ahlolela taba ye.
6Aborama a bolela le Sarai a re: Hleng ke molata wa gago; o mo diatleng tša gago; mo dire ka mo o ratago ka gona. Bjale Sarai ge a mo kokobetša, a tšhaba.
7Morongwa wa Morena a mo hwetša sedibeng gare ga naga, sedibeng se se lego tseleng ya go ya Suri. 8Morongwa a re: Hagara, wena molata wa Sarai, o tšwa kae, mme o ya kae?
Hagara a re: Ke tšhabile Sarai mong wa ka.
9Morongwa wa Morena a re: Boela go mong wa gago, o ikokobetše ka tlase ga diatla tša gagwe. 10Le gona Morongwa wa Morena a re: Bana ba gago ke tlo ba atiša gagolo, mme ba ka se ke ba balwa ka bontši. 11A re: Bjale o imile; mme o tlo belega ngwana wa lesogana, o mo reele leina la Isimaele, ka gobane Morena o kwile tša go hlaka ga gago. 12E tlo ba motho moetšapokolo ya naga; seatla sa gagwe se tlo lwa le bohle; mme diatla tša bohle di tlo lwa nae; o tlo aga, bana babo bohle ba mo lebeletše.
13Bjale Hagara a rapela leina la Morena e a boletšego le yena, a re: O Modimo wa go bona. Le nna ke bone go fetile yo a mponago. A realo. 14Ke ka baka leo sediba seo ba rego ke Sediba sa Mophelaampona. Se mo gare ga Kadese le Barede.
15Gomme Hagara a belegela Aborama morwa. Morwa yena eo e a belegwego ke Hagara, Aborama o mo reetše leina la Isimaele. 16Aborama e be e le monna wa nywaga ya masome a seswai le nywaga e selelago ge Hagara a mmelegela Isimaele.
Currently Selected:
GENESI 16: NSO51
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1986. Used with permission. All rights reserved.
GENESI 16
16
Hagara le Isimaele
1Sarai mosadi wa Aborama o be a sa belege. O be a na le lekaota la Moegipita; leina la yena eo e be e le Hagara. 2Bjale Sarai a bolela le Aborama a re: O a di bona, nna Morena o ntimile ngwana. A ko tsene go molata wa ka; mohlomongwe ke tlo bona bana ka yena. Aborama a kwa se Sarai a se boletšego. 3Sarai mosadi wa Aborama a tšea Hagara molata wa gagwe wa Moegipita, a mo neela Aborama monna wa gagwe, a ba mosadi wa gagwe. Ke ge go fetile nywaga e lesome Aborama a dutše mo nageng ya Kanana. 4A tsena go Hagara; Hagara a ima. Ge a bona a imile, a lebelela mong wa gagwe ka go mo nyatša.
5Sarai a bolela le Aborama a re: Ge ke nyatšega di na le wena. Ke nna ke go gafetšego molata wa ka matsogong a gago; bjale o bona ge a imile o thoma go ntebelela ka go nnyatša. Morena o tlo re ahlolela taba ye.
6Aborama a bolela le Sarai a re: Hleng ke molata wa gago; o mo diatleng tša gago; mo dire ka mo o ratago ka gona. Bjale Sarai ge a mo kokobetša, a tšhaba.
7Morongwa wa Morena a mo hwetša sedibeng gare ga naga, sedibeng se se lego tseleng ya go ya Suri. 8Morongwa a re: Hagara, wena molata wa Sarai, o tšwa kae, mme o ya kae?
Hagara a re: Ke tšhabile Sarai mong wa ka.
9Morongwa wa Morena a re: Boela go mong wa gago, o ikokobetše ka tlase ga diatla tša gagwe. 10Le gona Morongwa wa Morena a re: Bana ba gago ke tlo ba atiša gagolo, mme ba ka se ke ba balwa ka bontši. 11A re: Bjale o imile; mme o tlo belega ngwana wa lesogana, o mo reele leina la Isimaele, ka gobane Morena o kwile tša go hlaka ga gago. 12E tlo ba motho moetšapokolo ya naga; seatla sa gagwe se tlo lwa le bohle; mme diatla tša bohle di tlo lwa nae; o tlo aga, bana babo bohle ba mo lebeletše.
13Bjale Hagara a rapela leina la Morena e a boletšego le yena, a re: O Modimo wa go bona. Le nna ke bone go fetile yo a mponago. A realo. 14Ke ka baka leo sediba seo ba rego ke Sediba sa Mophelaampona. Se mo gare ga Kadese le Barede.
15Gomme Hagara a belegela Aborama morwa. Morwa yena eo e a belegwego ke Hagara, Aborama o mo reetše leina la Isimaele. 16Aborama e be e le monna wa nywaga ya masome a seswai le nywaga e selelago ge Hagara a mmelegela Isimaele.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1986. Used with permission. All rights reserved.