Ñwaè' Luêk 11
11
1À m ba nyʉ̀ mò' Jisòs à ce loo mbe dǐ' mo', a ka' loo mìsi, ŋwɛ̀ mò' efa mʉ̀ ŋgǎa yɛ'ni yì buu à laa nè ye enɛ̂, “Tatâ, yɛ'ni wèr à rgèe rloo àmbò Jǒn à m yɛ'ni ŋgǎa yɛ'ni yì buu foŋ nà.” 2E m làa nè wowèe enɛ̂, “Wèe à ka' ce gèe rloo, wèe laa weenɛ̂,
‘Tàr, tɛ lo rlii li ba rrara,
tɛ yo kʉʉ yi kɛ'.
3Fa wèr byee à mnòŋ wɛɛwɛ.
4Fòosi wèr yèr buu bbebep,
njobè' wer wèr e ke fòosi ŋwɛ̀ wɛɛwɛ ce e gèe yuu bebep nè wèr.
Fa mà'shi tɛ rmòoshì li vʉ nè wèr ka'.’ ”
5E m ker laa nè wowèe enɛ̂, “Yu nda efa wèe ce e ka' tʉr ŋkar yì, ŋkar yì anà vʉ yɛ ye nè ntee tʉ', laa nè ye enɛ̂, ‘Ŋkarà, fòosi mɛ̀ mntu' baa btaar, 6njobè' ŋkarà mò' ce e ce càa càa a niŋ mɛ̀, mɛ̀ tʉr yuu ce m tar ye àgho ka',’ 7ŋgàŋ beesi embe ndàp enɛ̂, ‘Fa fa mɛ̀ ŋgɛ' ka', mɛ̀ li' ya kèŋ wɛɛ, wèr boo wa wèe à nòŋte, àde' m ker nati mbekì tɛ m bo fa yuu mo' nè wɛ̀ ka'.’ 8M ce suŋ wèe mɛnɛ ŋgàŋ à ka' tɛ nàti mbekì fa nè ye njobè' e yu ŋkar yì ka', banɛ e be nàti mbekì fa ye yuu wɛɛwɛ ce e ce ròo njobè' e làa a tambʉ. 9Banɛ m ce làa nè wèe enɛ wèe bipshi tɛ a bo fa nè wèe. Ròo nè tɛ wèe bo yɛ. Kùushi nè tɛ a bo mʉ̀' kèŋ nè wèe. 10Yi yu wa'a njobè' ŋwɛ̀ wɛɛwɛ ce e ka' ce bipshi, banɛ e be koni. Ŋwɛ̀ ce e ka' ce ròo, banɛ e be yɛ. Ŋwɛ̀ ce e ka' ce kùushi banɛ a be mʉ̀' kèŋ nè ye. 11Yu ba njɛ̀ɛ tar muu kɛ efa wěe mʉ ce muu ka' loo nca, e fa ye ba nyo? 12Wà' muu ka' loo rbùuŋgʉp, e fa ye ba ŋgaa a? 13Wèe ce wèe yu ŋgǎa ŋgèe buu bbebep, à ka' riŋ à rfa buu bbòŋboŋ nè boo wee, yi ba yi kɛ àmbò yè Ta embe bùu. Mbò e be fa Yʉ' Rara nè bèe ce a loo enɛ e fa wowèe a?”
14Jisòs à m ce fʉr yʉ' nyʉ̀rkà' ce yi m gèe ŋwɛ̀ mò' e ce làa ka'. Yʉ' nyʉ̀rkà' anà yi ka' fʉʉ, ŋwɛ̀ anà à kɛ' a ce làa, ku' bèe ce a m ba àfo a bɛɛŋgèr sê. 15Bèe mo' a laa yap enɛ̂, “Ŋwɛ̀ ca ce fʉr byʉ' mnyʉ̌mkà' enjep bèe ba à ŋger Bɛsɛbùl ce e yu ŋkʉʉ byʉ' mnyʉ̌mkà'.” 16Bèe mo' a mooshì ye, a laa nè ye enɛ e duŋshi wowèe ncòo embe bùu. 17Jisòs à ku riŋ yuu ce wowèe a m ce kwà'shi, a laa nè wowèe enɛ̂, “To' yi ka' gapni, ke' ba cǔu mo'sir ka', banɛ to' anà yi be sà'ŋger. Ndap ka' gapni, ke' ba cǔu mo'sir ka', banɛ ndap anà be gwè. 18Banɛ Satàn ka' ce fʉr Satàn enjep bèe banɛ ŋgàpni yi yu nje yě nyòr. Yi ka' ba wa'a, àde' yi to' yi tɛɛ à njɛ̌ɛ kɛ? M ce làa wa'a njobè' wèe à làa enɛ m ce fʉr byʉ' mnyʉ̌mkà' enjep bèe ba à ŋger Bɛsɛbùl. 19M ka' ce fʉr byʉ' mnyʉ̌mkà' enjep bèe ba à ŋger Bɛsɛbùl banɛ bèe wee a ke fʉr yap byʉ' anà ba à ŋger nda? Banɛ be kù sa' ba yè bèe sa' wèe. 20Ka' ba enɛ m ce fʉr byʉ' mnyʉ̌mkà' ca wa'a, ntubo Nyʉ̀ ba njo, banɛ kʉʉ Nyʉ̀ yi vʉ̀ nè wèe. 21Ŋwɛ̀ ŋger ce e tʉr buu bìr yɛɛnì à ka' ce kè'ni yì ndap, banɛ yuu mo' embe yě ndàp yi be dù à yuu ka'. 22Geewa'a, ŋwɛ̀ mò' ce e tʉr ŋger a caa ye à ka' koŋge a ye, gha' ye, banɛ e be fàpshi yì buu bìr ce e m yɛ'ti yì nyor njo nà, kwɛ̀' buu embe ndàp ŋwɛ̀ anà wɛɛwɛ, gàpshi nè bèe. 23Ŋwɛ̀ ce e ka' tɛ ba wèr ye ka' banɛ ŋgàŋ yu yà ŋwɛ̀ bbàa. Ŋwɛ̀ ce e ka' tɛ ce baashi wèr ye ka' banɛ ŋgàŋ ce da'si da'si. 24Yʉ' bebep yi ke fʉʉ enjep ŋwɛ̀, kashi à ŋgǒŋ yuur à rròo dǐ' rlʉ̀shì. Yi ka' roo yɛ ka', yi laa enɛ̂, ‘M be kʉti mbe ndàp ce mɛ̀ m fʉʉ embo nà.’ 25Yi ce kʉti yɛ àmbò a yɛr ndap, a kupshi e ce raa. 26Yi yɛ wa'a, ker du vʉ nè byʉ' mmo' vi sàambâ, ce vi bep a caa yi, a wowèe a niŋ cu mbo, ŋgàŋ misì bep caa àmbò e m ba entombì nà.”
27Jisòs à ka' làa buu ca wa'a, njeŋwɛ̀ mò' à laa efa mʉ̀ ku' bèe ca enɛ̂, “Rbǒŋtu li yu nè ŋwɛ̀ ce e m bi wɛ̀, a nyoŋsi wɛ̀.” 28Jisòs à beesì enɛ̂, “Mbǒŋtu mi yu ba nè bèe ce a ce yu' blǎa Nyʉ̀, ce gèe yuu ce Nyʉ̀ ce làa.”
29Ku' bèe a ka' vʉ̀ gòr, e laa nè wowèe enɛ̂, “Ŋgʉ̀ bèe ca yu ŋgʉ̀ bsàrbuu. Wowèe a ce ròo enɛ a duŋshi wowèe ncòo, geewa'a, a be dùŋshi wowèe ncòo mò' càa efa yì Jonà ka'. 30Àmbò Jonà à m ba ncòo nè běe à to' Nenɛvì nà, Muu Ŋwɛ̀ ye ye be ba ncòo nè ŋgʉ̀ běe sè'ni na. 31Njeŋwɛ̀ ce e m ba ŋkʉʉ embà mbùu ŋgòŋ, be kè nàti tɛɛ à nòŋ mnsa', làa enɛ ŋgʉ̀ bèe yǐ sè'ni na à gèe yuu bebep njobè' e m vʉ̀ yi ba à njìsàp sê, à ryu' blàa bfee ce Solomʉ̀n à m ce làa. Yɛ nè! Yuu mo' yi yu mbena sè'ni ce yi càa Solomʉ̀n. 32Běe à rla' Nenɛvì a be kè nàti tɛɛ à nǒŋ mnsa', làa enɛ a ŋgʉ̀ bèe yǐ sè'ni à gèe yuu bebep njobè' Jonà à m fè'shi blǎa Nyʉ̀ nè wowèe, wowèe a kupse a ma' yàp buu bbebep. Yɛ nè! Yuu mo' yi yu mbena sè'ni na ce yi càa Jonà.
33“Àde' ŋwɛ̀ cʉ' lâm, tɛr ba mbe dì' ce bèe a be buu efa ryɛ kɛ̀ lor ghee kʉpshi àgho ka'. Ŋwɛ̀ à ka' cʉ' lâm, banɛ e be tɛr ba mbe tɛbùr tɛ bèe ce a ce niŋ mbe ndàp a bo yɛ àmbò ndap ce raa. 34Mo mmir mi yu àmbò lam wa'a nè yò nyor. Mo mmir mi ka' ba mmbòŋmboŋ banɛ rraa li yu à yò nyor wɛɛwɛ. Geewa'a, mo mmir mi ka' bep banɛ yò nyor wɛɛwɛ yu à tʉ̀'nji. 35Banɛ wèe lor nfè' yɛ weenɛ rraa enjep wèe na li fa ba ba tʉ̀'nji ka'. 36Banɛ rraa li ka' ba à yò nyor wɛɛwɛ, ŋgʉ̀' mò' ke' ba à tʉ̀'nji ka', banɛ rraa anà li be raa wɛ̀ à nyòr wɛɛwɛ àmbò a ke cʉ̀' lam e raa ŋwɛ̀ à nyòr wɛɛwɛ nà.”
37E ka' làa mìsi, ŋwɛ̀ Farìsi mò' à be ye enɛ a ye a du yeŋger. E du a niŋ mbe ndàp ŋwɛ̀ anà a cu à nshè a ye a bo yeŋger. 38Ŋwɛ̀ Farìsi anà à ka' yɛ enɛ Jisòs à ba su'si mmbo a ka' kɛ' a ce yeŋger ka', e bɛɛŋgèr sê. 39Tata à laa nè ye enɛ̂, “Bèe Farìsi câ, wěe ke sù'si mndoŋ ba bkaŋ embe ndù, a fyɛ' wèe enjep mʉ, wee mntee vi ruu nè mkwà'shì ce enɛ wèe à ba ce koo buu ese bèe à ŋger, ker ba bsàrbuu. 40Blʉr câ, mbò ŋwɛ̀ ce e gèe yuu embe ndù, ku ba ŋwɛ̀ ce e gèe yuu anà enjep mʉ foŋ a? 41Wèe lor buu enjep mʉ, gàpshi nè ŋgǎa fùp, tɛ buu wɛɛwɛ bo ba brara nè wèe.
42“Ndòo à co' wèe, bèe Farìsî, njobè' wee ke fa ŋgʉ̀' mò'sir efa rʉ̂ʉ, efa mʉ buu jɛɛ jɛ̀ɛ jɛɛ ce a ke lɛ̀ njep njàp, a ma' ŋgěe mini, a koŋ Nyʉ̀ ka'. Wèe à ba gèe buu ca kèr gèe mmo' ca foŋ. 43Ndòo à co' wèe, bèe Farìsî, njobè' wee ke dù à mndap mloo, koŋ à rcu à mnta' běe bgòrgòr, wee bà' à ntaa, koŋ enɛ bèe a ce vʉ ce ca'ni wèe. 44Ndòo à co' wèe njobè' wèe yu àmbò mshè ce mi ce yɛɛti ka', bèe a jɛ̀r ce càa mbo, riŋ ka'.”
45Ŋwɛ̀ ryɛ'ni mncir mò' à beesì a laa nè ye enɛ̂, “Ŋwɛ̀ ryɛ'nì, wɛ̀ làa buu ca wa'a a ce cɛp wèr foŋ.” 46Jisòs à laa nè ye enɛ̂, “Ndòo à co' wèe ce wèe yu ŋgǎa ryɛ'ni mncir foŋ njobè' wee ke lɛ̀ mntɛ̀r ce vi ce rìr sê, mbendù bèe mò'. Wěe ke nàa ntubo la' wowèe à mntɛ̀r anà ka'. 47Ndòo à co' wèe njobè' wèe ce boo mshè nè ŋgǎa ncep ntuu Nyʉ̀ ce à m yʉshi ba wêe btâ, a yʉshi wowèe. 48Banɛ wèe à rìŋ, a byemi yuu ce wêe bta a m gèe. Wowèe a m yʉshi ŋgǎa ncep ntuu Nyʉ̀, wèe à ce boo ye ba mshè. 49A mbùu ce bfee Nyʉ̀ vi m làa enɛ̂, ‘M be tuusi ŋgǎa ncep ntuu Nyʉ̀ ker ba ŋgǎa ntuu nè wowèe tɛ wowèe a koo bèe mò' efa wowèe yʉshi, fa ŋgɛ' nè bèe mo' efa wowèe,’ 50tɛ ŋgʉ̀ běe sè'ni a bo làa yuu kùu ŋgǎa ntuu Nyʉ̀ ce a m yʉshi, kɛ' embe nfè' ce a m gèe ŋgòŋ ca. 51A be kɛ̀' embe nfè' ce a m yʉ Ɛbɛ̀l dù ba' mbe nfè' ce a m yʉ Sàkàriyà mbetar dǐ' ntòo rfa ba dǐ' rara. Ɛ̀no, m ce suŋ wèe mɛnɛ ŋgʉ̀ běe sè'ni a be làa yuu kuu buu ca. 52Ndòo à co' wèe ce ŋgǎa ryɛ'ni mncir njobè' wèe à lòr ki ce a ke mʉ̀' ndap bfee, a du àgho. Wèe à niŋ mbo ka', a kani bèe ce a ce ghèter à rniŋ mbo nà efa rdù mbo.”
53Jisòs à ka' lò embe ndàp anà, bèe Farìsi ba ŋgǎa ryɛ'ni mncir a kɛ' a ce làa bebep se àmbò ye, a bipshi ku' buu nè ye, 54a ce kè' enɛ e laa mʉ yuu mo' bebep tɛ a bo koo ye.
Currently Selected:
Ñwaè' Luêk 11: LNT
Highlight
Share
Copy
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.
Ñwaè' Luêk 11
11
1À m ba nyʉ̀ mò' Jisòs à ce loo mbe dǐ' mo', a ka' loo mìsi, ŋwɛ̀ mò' efa mʉ̀ ŋgǎa yɛ'ni yì buu à laa nè ye enɛ̂, “Tatâ, yɛ'ni wèr à rgèe rloo àmbò Jǒn à m yɛ'ni ŋgǎa yɛ'ni yì buu foŋ nà.” 2E m làa nè wowèe enɛ̂, “Wèe à ka' ce gèe rloo, wèe laa weenɛ̂,
‘Tàr, tɛ lo rlii li ba rrara,
tɛ yo kʉʉ yi kɛ'.
3Fa wèr byee à mnòŋ wɛɛwɛ.
4Fòosi wèr yèr buu bbebep,
njobè' wer wèr e ke fòosi ŋwɛ̀ wɛɛwɛ ce e gèe yuu bebep nè wèr.
Fa mà'shi tɛ rmòoshì li vʉ nè wèr ka'.’ ”
5E m ker laa nè wowèe enɛ̂, “Yu nda efa wèe ce e ka' tʉr ŋkar yì, ŋkar yì anà vʉ yɛ ye nè ntee tʉ', laa nè ye enɛ̂, ‘Ŋkarà, fòosi mɛ̀ mntu' baa btaar, 6njobè' ŋkarà mò' ce e ce càa càa a niŋ mɛ̀, mɛ̀ tʉr yuu ce m tar ye àgho ka',’ 7ŋgàŋ beesi embe ndàp enɛ̂, ‘Fa fa mɛ̀ ŋgɛ' ka', mɛ̀ li' ya kèŋ wɛɛ, wèr boo wa wèe à nòŋte, àde' m ker nati mbekì tɛ m bo fa yuu mo' nè wɛ̀ ka'.’ 8M ce suŋ wèe mɛnɛ ŋgàŋ à ka' tɛ nàti mbekì fa nè ye njobè' e yu ŋkar yì ka', banɛ e be nàti mbekì fa ye yuu wɛɛwɛ ce e ce ròo njobè' e làa a tambʉ. 9Banɛ m ce làa nè wèe enɛ wèe bipshi tɛ a bo fa nè wèe. Ròo nè tɛ wèe bo yɛ. Kùushi nè tɛ a bo mʉ̀' kèŋ nè wèe. 10Yi yu wa'a njobè' ŋwɛ̀ wɛɛwɛ ce e ka' ce bipshi, banɛ e be koni. Ŋwɛ̀ ce e ka' ce ròo, banɛ e be yɛ. Ŋwɛ̀ ce e ka' ce kùushi banɛ a be mʉ̀' kèŋ nè ye. 11Yu ba njɛ̀ɛ tar muu kɛ efa wěe mʉ ce muu ka' loo nca, e fa ye ba nyo? 12Wà' muu ka' loo rbùuŋgʉp, e fa ye ba ŋgaa a? 13Wèe ce wèe yu ŋgǎa ŋgèe buu bbebep, à ka' riŋ à rfa buu bbòŋboŋ nè boo wee, yi ba yi kɛ àmbò yè Ta embe bùu. Mbò e be fa Yʉ' Rara nè bèe ce a loo enɛ e fa wowèe a?”
14Jisòs à m ce fʉr yʉ' nyʉ̀rkà' ce yi m gèe ŋwɛ̀ mò' e ce làa ka'. Yʉ' nyʉ̀rkà' anà yi ka' fʉʉ, ŋwɛ̀ anà à kɛ' a ce làa, ku' bèe ce a m ba àfo a bɛɛŋgèr sê. 15Bèe mo' a laa yap enɛ̂, “Ŋwɛ̀ ca ce fʉr byʉ' mnyʉ̌mkà' enjep bèe ba à ŋger Bɛsɛbùl ce e yu ŋkʉʉ byʉ' mnyʉ̌mkà'.” 16Bèe mo' a mooshì ye, a laa nè ye enɛ e duŋshi wowèe ncòo embe bùu. 17Jisòs à ku riŋ yuu ce wowèe a m ce kwà'shi, a laa nè wowèe enɛ̂, “To' yi ka' gapni, ke' ba cǔu mo'sir ka', banɛ to' anà yi be sà'ŋger. Ndap ka' gapni, ke' ba cǔu mo'sir ka', banɛ ndap anà be gwè. 18Banɛ Satàn ka' ce fʉr Satàn enjep bèe banɛ ŋgàpni yi yu nje yě nyòr. Yi ka' ba wa'a, àde' yi to' yi tɛɛ à njɛ̌ɛ kɛ? M ce làa wa'a njobè' wèe à làa enɛ m ce fʉr byʉ' mnyʉ̌mkà' enjep bèe ba à ŋger Bɛsɛbùl. 19M ka' ce fʉr byʉ' mnyʉ̌mkà' enjep bèe ba à ŋger Bɛsɛbùl banɛ bèe wee a ke fʉr yap byʉ' anà ba à ŋger nda? Banɛ be kù sa' ba yè bèe sa' wèe. 20Ka' ba enɛ m ce fʉr byʉ' mnyʉ̌mkà' ca wa'a, ntubo Nyʉ̀ ba njo, banɛ kʉʉ Nyʉ̀ yi vʉ̀ nè wèe. 21Ŋwɛ̀ ŋger ce e tʉr buu bìr yɛɛnì à ka' ce kè'ni yì ndap, banɛ yuu mo' embe yě ndàp yi be dù à yuu ka'. 22Geewa'a, ŋwɛ̀ mò' ce e tʉr ŋger a caa ye à ka' koŋge a ye, gha' ye, banɛ e be fàpshi yì buu bìr ce e m yɛ'ti yì nyor njo nà, kwɛ̀' buu embe ndàp ŋwɛ̀ anà wɛɛwɛ, gàpshi nè bèe. 23Ŋwɛ̀ ce e ka' tɛ ba wèr ye ka' banɛ ŋgàŋ yu yà ŋwɛ̀ bbàa. Ŋwɛ̀ ce e ka' tɛ ce baashi wèr ye ka' banɛ ŋgàŋ ce da'si da'si. 24Yʉ' bebep yi ke fʉʉ enjep ŋwɛ̀, kashi à ŋgǒŋ yuur à rròo dǐ' rlʉ̀shì. Yi ka' roo yɛ ka', yi laa enɛ̂, ‘M be kʉti mbe ndàp ce mɛ̀ m fʉʉ embo nà.’ 25Yi ce kʉti yɛ àmbò a yɛr ndap, a kupshi e ce raa. 26Yi yɛ wa'a, ker du vʉ nè byʉ' mmo' vi sàambâ, ce vi bep a caa yi, a wowèe a niŋ cu mbo, ŋgàŋ misì bep caa àmbò e m ba entombì nà.”
27Jisòs à ka' làa buu ca wa'a, njeŋwɛ̀ mò' à laa efa mʉ̀ ku' bèe ca enɛ̂, “Rbǒŋtu li yu nè ŋwɛ̀ ce e m bi wɛ̀, a nyoŋsi wɛ̀.” 28Jisòs à beesì enɛ̂, “Mbǒŋtu mi yu ba nè bèe ce a ce yu' blǎa Nyʉ̀, ce gèe yuu ce Nyʉ̀ ce làa.”
29Ku' bèe a ka' vʉ̀ gòr, e laa nè wowèe enɛ̂, “Ŋgʉ̀ bèe ca yu ŋgʉ̀ bsàrbuu. Wowèe a ce ròo enɛ a duŋshi wowèe ncòo, geewa'a, a be dùŋshi wowèe ncòo mò' càa efa yì Jonà ka'. 30Àmbò Jonà à m ba ncòo nè běe à to' Nenɛvì nà, Muu Ŋwɛ̀ ye ye be ba ncòo nè ŋgʉ̀ běe sè'ni na. 31Njeŋwɛ̀ ce e m ba ŋkʉʉ embà mbùu ŋgòŋ, be kè nàti tɛɛ à nòŋ mnsa', làa enɛ ŋgʉ̀ bèe yǐ sè'ni na à gèe yuu bebep njobè' e m vʉ̀ yi ba à njìsàp sê, à ryu' blàa bfee ce Solomʉ̀n à m ce làa. Yɛ nè! Yuu mo' yi yu mbena sè'ni ce yi càa Solomʉ̀n. 32Běe à rla' Nenɛvì a be kè nàti tɛɛ à nǒŋ mnsa', làa enɛ a ŋgʉ̀ bèe yǐ sè'ni à gèe yuu bebep njobè' Jonà à m fè'shi blǎa Nyʉ̀ nè wowèe, wowèe a kupse a ma' yàp buu bbebep. Yɛ nè! Yuu mo' yi yu mbena sè'ni na ce yi càa Jonà.
33“Àde' ŋwɛ̀ cʉ' lâm, tɛr ba mbe dì' ce bèe a be buu efa ryɛ kɛ̀ lor ghee kʉpshi àgho ka'. Ŋwɛ̀ à ka' cʉ' lâm, banɛ e be tɛr ba mbe tɛbùr tɛ bèe ce a ce niŋ mbe ndàp a bo yɛ àmbò ndap ce raa. 34Mo mmir mi yu àmbò lam wa'a nè yò nyor. Mo mmir mi ka' ba mmbòŋmboŋ banɛ rraa li yu à yò nyor wɛɛwɛ. Geewa'a, mo mmir mi ka' bep banɛ yò nyor wɛɛwɛ yu à tʉ̀'nji. 35Banɛ wèe lor nfè' yɛ weenɛ rraa enjep wèe na li fa ba ba tʉ̀'nji ka'. 36Banɛ rraa li ka' ba à yò nyor wɛɛwɛ, ŋgʉ̀' mò' ke' ba à tʉ̀'nji ka', banɛ rraa anà li be raa wɛ̀ à nyòr wɛɛwɛ àmbò a ke cʉ̀' lam e raa ŋwɛ̀ à nyòr wɛɛwɛ nà.”
37E ka' làa mìsi, ŋwɛ̀ Farìsi mò' à be ye enɛ a ye a du yeŋger. E du a niŋ mbe ndàp ŋwɛ̀ anà a cu à nshè a ye a bo yeŋger. 38Ŋwɛ̀ Farìsi anà à ka' yɛ enɛ Jisòs à ba su'si mmbo a ka' kɛ' a ce yeŋger ka', e bɛɛŋgèr sê. 39Tata à laa nè ye enɛ̂, “Bèe Farìsi câ, wěe ke sù'si mndoŋ ba bkaŋ embe ndù, a fyɛ' wèe enjep mʉ, wee mntee vi ruu nè mkwà'shì ce enɛ wèe à ba ce koo buu ese bèe à ŋger, ker ba bsàrbuu. 40Blʉr câ, mbò ŋwɛ̀ ce e gèe yuu embe ndù, ku ba ŋwɛ̀ ce e gèe yuu anà enjep mʉ foŋ a? 41Wèe lor buu enjep mʉ, gàpshi nè ŋgǎa fùp, tɛ buu wɛɛwɛ bo ba brara nè wèe.
42“Ndòo à co' wèe, bèe Farìsî, njobè' wee ke fa ŋgʉ̀' mò'sir efa rʉ̂ʉ, efa mʉ buu jɛɛ jɛ̀ɛ jɛɛ ce a ke lɛ̀ njep njàp, a ma' ŋgěe mini, a koŋ Nyʉ̀ ka'. Wèe à ba gèe buu ca kèr gèe mmo' ca foŋ. 43Ndòo à co' wèe, bèe Farìsî, njobè' wee ke dù à mndap mloo, koŋ à rcu à mnta' běe bgòrgòr, wee bà' à ntaa, koŋ enɛ bèe a ce vʉ ce ca'ni wèe. 44Ndòo à co' wèe njobè' wèe yu àmbò mshè ce mi ce yɛɛti ka', bèe a jɛ̀r ce càa mbo, riŋ ka'.”
45Ŋwɛ̀ ryɛ'ni mncir mò' à beesì a laa nè ye enɛ̂, “Ŋwɛ̀ ryɛ'nì, wɛ̀ làa buu ca wa'a a ce cɛp wèr foŋ.” 46Jisòs à laa nè ye enɛ̂, “Ndòo à co' wèe ce wèe yu ŋgǎa ryɛ'ni mncir foŋ njobè' wee ke lɛ̀ mntɛ̀r ce vi ce rìr sê, mbendù bèe mò'. Wěe ke nàa ntubo la' wowèe à mntɛ̀r anà ka'. 47Ndòo à co' wèe njobè' wèe ce boo mshè nè ŋgǎa ncep ntuu Nyʉ̀ ce à m yʉshi ba wêe btâ, a yʉshi wowèe. 48Banɛ wèe à rìŋ, a byemi yuu ce wêe bta a m gèe. Wowèe a m yʉshi ŋgǎa ncep ntuu Nyʉ̀, wèe à ce boo ye ba mshè. 49A mbùu ce bfee Nyʉ̀ vi m làa enɛ̂, ‘M be tuusi ŋgǎa ncep ntuu Nyʉ̀ ker ba ŋgǎa ntuu nè wowèe tɛ wowèe a koo bèe mò' efa wowèe yʉshi, fa ŋgɛ' nè bèe mo' efa wowèe,’ 50tɛ ŋgʉ̀ běe sè'ni a bo làa yuu kùu ŋgǎa ntuu Nyʉ̀ ce a m yʉshi, kɛ' embe nfè' ce a m gèe ŋgòŋ ca. 51A be kɛ̀' embe nfè' ce a m yʉ Ɛbɛ̀l dù ba' mbe nfè' ce a m yʉ Sàkàriyà mbetar dǐ' ntòo rfa ba dǐ' rara. Ɛ̀no, m ce suŋ wèe mɛnɛ ŋgʉ̀ běe sè'ni a be làa yuu kuu buu ca. 52Ndòo à co' wèe ce ŋgǎa ryɛ'ni mncir njobè' wèe à lòr ki ce a ke mʉ̀' ndap bfee, a du àgho. Wèe à niŋ mbo ka', a kani bèe ce a ce ghèter à rniŋ mbo nà efa rdù mbo.”
53Jisòs à ka' lò embe ndàp anà, bèe Farìsi ba ŋgǎa ryɛ'ni mncir a kɛ' a ce làa bebep se àmbò ye, a bipshi ku' buu nè ye, 54a ce kè' enɛ e laa mʉ yuu mo' bebep tɛ a bo koo ye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Limbum New Testament © Bible Society of Cameroon, 2003.