Hwan 7
7
Ya Pagsoysoy Na Kabagis Kiden Ni Hesus
1A ta nekabalin na en a awena nekayat ni Hesus magayn ta lugar na Hudeya gafu ta Hudyo kiden nga mangigakkad ta pasi na. A yen ta pinasyaran na ya kadwan kiden babali ta lugar na Galileya. 2,3Ammi sangaw ta kaatubangan na Pyesta na Ba-bali Kiden ta iten Hudeya, a nepapilit na kabagis na kiden ta ange mina i Hesus ta pyesta en.
“Mappya ta awem magaagyan ta isin, te e ka mina ta iten Hudeya, petta maita na ituldum kiden ya pakapangwam. 4Te anum haman ilemad ya tarabakum? Am malalaki ya tarabakum a mappya ta ipaitam mina ta ngamin tolay,” kunda.
5A yen ya inuhohug da tentu, te maski kabagis na kid a aweda mangurug tentu.
6A ya tabbag na hapa tekid a
“Awek para umange, te bakkan para la ta araw ku. Ammi tekamuy a sigida itta ya araw muy, 7te awena kam ikatupag na tolay kiden. Iyak ya ikatupag da, gafu ta iyak ya mangipasikkal ta kadulay na tarabakun da. 8Mappya mantu ta ikamuy na ya ange ta pyesta en, te awek ange, te bakkan para la ta pake araw ku,” kunna.
9A yen ta nasirak la i Hesus ta lugar na Galileya.
Ya Ange Ni Hesus Ta Pyesta Na Ba-bali Kiden
10Ammi ta nepakagon na kabagis na kiden ta agyan na pyesta en a gimon na hala i Hesus, ammi awena nakihulun ta addu na tolay, petta awan ta mangibar tentu ta makipyesta kiden. 11Ammi ya pinakadakal na Hudyo kiden a apagan da hala i Hesus, te ikatalak da ta umange, a yen ta pinohutan da ta tolay kiden am naita da. 12A addu hapa ya nean-anisat na tolay kiden gafu tentu.
“Mappya na tolay yen O,” kun na kadwan.
Ammi ta kadwan a
“Mappya hud yeyana, te mangitawag ta tolay kiden,” kunda.
13Ammi gafu ta talaw da ta pinakadakal da kiden a aweda pake bibidan i Hesus ta kaddun na tolay.
14A ta mekappat na araw na pyesta en a gimon i Hesus ta agyan na simbaanen, a namegafu nangituldu ta tolay kiden ten. 15A pake nepagpaka-lat da hapa na pinakadakal na Hudyo kiden.
“Anu itta ya amu na inin, bakawa awena haman nagadal ta mistro tam kiden?” kunda.
16Ammi ya tabbag ni Hesus ta uhohug da en a intu yan:
“Maski awek nagadal ta mistro muy kiden a bakkan hala ta iyak ya nagafun na itulduk tekamuy, te ya Namaratu ewan nga nangidob teyak ya nagafun na. 17A maski am inya ya mayat nga mangidulot ta patarabaku na Namaratu ewan tentu a melasin na hala am Namaratu ya pagafun na itulduk, ono am magurayak la maguhohug ta kabukodan na nonot ku. 18Te ya maguray maguhohug ta kabukodan na nonot na a awan ta takwan na padayaw na am bakkan ta bari na hapa la. Ammi ya mangipadayaw ta nangidoben tentu a yen ya mekatalak nga mangituldu, te awan ta pagkilluyan na. 19Pake dayawan muy hala i mina Mosesen gafu ta intu ya nangisirak ta lintig kiden tekamuy. Ammi maski kunna ten awan haman tekamuy ta mangitug ta nesirak na en tekamuy, te igakkad dak haman papasin maski am awan ta pangpapasin muy teyak,” kunna.
20A ya tabbag na tolay kiden hapa a
“Itta hud ya manggakkad mamapapasi teko? Itta de ya anitum nga nagpaguyung teko,” kunda.
21A ya tabbag na en hapa a
“Maski kustu hala ya inuhohug ken, te ka-ma kam la nakaporay gafu ta takday la na tarabakuk ta araw na agimmang. 22Ammi sigida magtarabaku kam hapa ta araw na agimmang, te yen haman ya pagbanggit muy ta mayaten mesipat tekamuy. A yen ya idulot muy gafu ta lintig na agbanggit nga nesirak ni mina Mosesen tekamuy. Ammi maski kunna ten a bakkan haman te Mosesen ya nagafun na am awa gingginafu muy kiden nga napopolu ammi tentu. 23A am ituluk muy mantu ta mabanggit ya tolay ta araw na agimmang petta awemuy makaliwat ta lintig ni Moses a anu haman ta magporay kam teyak ta pagpamappyak ta napilay ta araw na agimmang? 24Mappya ta awemuy hamhama ya pangnonot muy, te mangnonot kam mina ta katunungan na nonot,” kunna tekid.
Ya Pagbida Ni Hesus Ta Nagafun Na
25A gafu ta tabbag ni Hesus a tumubbat hapa naguhohug ya kadwan kiden tolay taga ili na Herusalem.
“Talaga ta ye-yan na tolay ya ikayat da en papasin,” kunda. 26“Ammi itan muy awa itta in magbida ta tolay kidin, a awena haman magtalaw, yaga aweda hapa pakidibatin na pinakadakal tam kiden. Nelasin dan de ta intu hala ya Mangikerutan nga ange kan tekitam?” kunda hapa.
27Ammi ya uhohug na kadwan a
“Awan, te am makipaita sangaw ya Mangikerutan a awan kan ta makkamu am had ya pagafun na, ammi amu tam haman ya nagafun na inin,” kunda.
28,29A gafu ta mangituldu para la i Hesus ta umag na simbaanen a neayag na ya tabbag na ta bida na tolay kiden tentu.
“Maski am amu muy ya ngagan kin ikid na lugaren nga nagafun ku a awemuy haman amu ya nangidoben teyak, ammi iyak ya makkamu tentu, te awek mina umange sin am awenak dinob. Awemuy amu ya nangidob teyak, te intu ya kettayan na ngamin kakurugan, a naggafuyak tentu,” kunna.
30A gafu ta uhohug na en a ginafut da mina ammi awan ta nakagafut tentu, te bakkan para la ta araw na en. 31Ammi ta kadwan kiden tolay nga nakadangag tentu a addu hapa ya nangurug ta intu hala ya Mangikerutan nga dana nebar na Namaratu, te ya uhohug da a
“Talaga ta intu hala ya Mangikerutanen, te am bakkan, a awan mina ta pakapangwa na ta kuman na nepaita na tekitam,” kunda.
Ya Pangidob Da Ta Manggafut Te Hesus
32A ya Pariseyu kiden hapa a nedangagan da ya nean-anisat na tolay kiden gafu te Hesus, a yen ta umange kid nakibidan ta kadwan kiden padi na Hudyo, a nagbabidan da ya pangidob da ta polis kiden, petta gafutan da i Hesus. 33A ta datang na polis kiden a magbida para la i Hesus ta tolay kiden.
“Assang na la ya kettakin tekamuy, kapyek sangaw magtoli ta nangidoben teyak. 34A apagan muy sangaw ya Mangikerutan tekamuy, ammi awemuy sangaw maapagan, te awemuy makaange ta datangan ku,” kunna.
35A nagimpopohutan na Hudyo kiden ya ikayat na uhohugan.
“Had hud para ya eyan na en nga awetam sangaw maapagan?” kun na kadwan.
“Ikayat na panaw ange ta Hudyo kiden nga nesansaned ta lugar na Giregu kiden petta mangituldu hapa tekid ikid na Giregu kiden?” kun na kadwan para.
36A ta kadwan para a
“Anu hud ya ikayat na uhohugan ta apagan tam sangaw, ammi awe tam sangaw maapagan? A had kukun na uhohug na en ta awe tam makaange ta eyan na en?” kunda.
37A ta kapozyanan na araw na pyesta en a sa magkakampat ya ngamin tolay ta simbaanen, a nagtayuk i Hesus kapye na nagayag tekid ta masikan.
“Am itta ya makainum a ange mina teyak petta uminum. 38Te ya mangikatalak teyak a Itta hala sangaw ya kuman na karayan na danum nga magarut ta umag na en nga mangtolay tentu, te yen ya nesurat ta Bibliya en,” kunna.
39Ammi intu bidan na ya Kahalwa na Namaratu nga iatad na sangaw ta ngamin kiden mangurug tentu. Ammi awena la bit nedob tekid te awena para la madayawan ni Hesus ta langitewan.
40A ta nepakadangag na tolay kiden ta uhohug ni Hesus a nebar na kadwan ta
“Talaga ta intu hala ya paguhohugan na Namaratu nga binida ni mina Mosesen,” kunda.
41A ya uhohug na kadwan a
“Maski intu hala ya Mangikerutan,” kunda.
Ammi awena nangurug na kadwan, te
“Taga Galileya hud sangaw ya Mangikerutan tekitam? 42Te ya nesurat ta Bibliya a intu sangaw ya pangpanga ni mina Dabiden, a meanak sangaw ta ili na Betlihem, te yen haman ya lugar ni mina Dabiden,” kunda.
43A nagkakattway mantu ya nonot na tolay kiden gafu tentu, 44te ikayat na kadwan ta gafutan da mina, ammi maski kunna ten a awan haman ta nangsi-ged tentu.
45A ta pagtoli na polis kiden ta padi kiden ikid na Pariseyu kiden nga nangidob tekid a
“Anu hud ta awemuy inalap?” kunda tekid.
46“A awemi ginafut, te awan ta takwan na amu mi nga makauhohug ta kuman na nadangag mi en tentu,” kunda.
47“Anu kuga naayayyaw kam hapa ta laddud na. 48Itta hud ya nangurug tentu ta pinakadakal muy ono Pariseyu?” kunna hapa na Pariseyu kiden tekid. 49“Pa-gangan na Namaratu ye-yan kid na tolay nga awan makkamu ta lintig na kiden,” kunda ha.
50,51Ammi ya uhohug ni Nikodemu ta sakā Pariseyu na kiden a
“Ta kuman na uhohug na lintig tam kiden a mehangat kitam mangpa-gang ta tolay am dana awetam bit dangagan ya bida na, petta amu tam ya liwat na,” kunna.
I Nikodemu ya umange nakibidan te Hesus ta hiklam.
52A ya tabbag na kadwan kiden tentu a
“Anu? Taga Galileya ka hapa, petta ikerutam ya kagittam. Pake basam mina ya surat na pinaguhohug kiden na Namaratu, te maitam sangaw ta bakkan ta Galileya ya pagafun na paguhohugan na en nga nebar na tekitam,” kunda.
53A sangaw naggagungay kid, te immange ya tagtakday tekid ta bali da.
Currently Selected:
Hwan 7: agt
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Hwan 7
7
Ya Pagsoysoy Na Kabagis Kiden Ni Hesus
1A ta nekabalin na en a awena nekayat ni Hesus magayn ta lugar na Hudeya gafu ta Hudyo kiden nga mangigakkad ta pasi na. A yen ta pinasyaran na ya kadwan kiden babali ta lugar na Galileya. 2,3Ammi sangaw ta kaatubangan na Pyesta na Ba-bali Kiden ta iten Hudeya, a nepapilit na kabagis na kiden ta ange mina i Hesus ta pyesta en.
“Mappya ta awem magaagyan ta isin, te e ka mina ta iten Hudeya, petta maita na ituldum kiden ya pakapangwam. 4Te anum haman ilemad ya tarabakum? Am malalaki ya tarabakum a mappya ta ipaitam mina ta ngamin tolay,” kunda.
5A yen ya inuhohug da tentu, te maski kabagis na kid a aweda mangurug tentu.
6A ya tabbag na hapa tekid a
“Awek para umange, te bakkan para la ta araw ku. Ammi tekamuy a sigida itta ya araw muy, 7te awena kam ikatupag na tolay kiden. Iyak ya ikatupag da, gafu ta iyak ya mangipasikkal ta kadulay na tarabakun da. 8Mappya mantu ta ikamuy na ya ange ta pyesta en, te awek ange, te bakkan para la ta pake araw ku,” kunna.
9A yen ta nasirak la i Hesus ta lugar na Galileya.
Ya Ange Ni Hesus Ta Pyesta Na Ba-bali Kiden
10Ammi ta nepakagon na kabagis na kiden ta agyan na pyesta en a gimon na hala i Hesus, ammi awena nakihulun ta addu na tolay, petta awan ta mangibar tentu ta makipyesta kiden. 11Ammi ya pinakadakal na Hudyo kiden a apagan da hala i Hesus, te ikatalak da ta umange, a yen ta pinohutan da ta tolay kiden am naita da. 12A addu hapa ya nean-anisat na tolay kiden gafu tentu.
“Mappya na tolay yen O,” kun na kadwan.
Ammi ta kadwan a
“Mappya hud yeyana, te mangitawag ta tolay kiden,” kunda.
13Ammi gafu ta talaw da ta pinakadakal da kiden a aweda pake bibidan i Hesus ta kaddun na tolay.
14A ta mekappat na araw na pyesta en a gimon i Hesus ta agyan na simbaanen, a namegafu nangituldu ta tolay kiden ten. 15A pake nepagpaka-lat da hapa na pinakadakal na Hudyo kiden.
“Anu itta ya amu na inin, bakawa awena haman nagadal ta mistro tam kiden?” kunda.
16Ammi ya tabbag ni Hesus ta uhohug da en a intu yan:
“Maski awek nagadal ta mistro muy kiden a bakkan hala ta iyak ya nagafun na itulduk tekamuy, te ya Namaratu ewan nga nangidob teyak ya nagafun na. 17A maski am inya ya mayat nga mangidulot ta patarabaku na Namaratu ewan tentu a melasin na hala am Namaratu ya pagafun na itulduk, ono am magurayak la maguhohug ta kabukodan na nonot ku. 18Te ya maguray maguhohug ta kabukodan na nonot na a awan ta takwan na padayaw na am bakkan ta bari na hapa la. Ammi ya mangipadayaw ta nangidoben tentu a yen ya mekatalak nga mangituldu, te awan ta pagkilluyan na. 19Pake dayawan muy hala i mina Mosesen gafu ta intu ya nangisirak ta lintig kiden tekamuy. Ammi maski kunna ten awan haman tekamuy ta mangitug ta nesirak na en tekamuy, te igakkad dak haman papasin maski am awan ta pangpapasin muy teyak,” kunna.
20A ya tabbag na tolay kiden hapa a
“Itta hud ya manggakkad mamapapasi teko? Itta de ya anitum nga nagpaguyung teko,” kunda.
21A ya tabbag na en hapa a
“Maski kustu hala ya inuhohug ken, te ka-ma kam la nakaporay gafu ta takday la na tarabakuk ta araw na agimmang. 22Ammi sigida magtarabaku kam hapa ta araw na agimmang, te yen haman ya pagbanggit muy ta mayaten mesipat tekamuy. A yen ya idulot muy gafu ta lintig na agbanggit nga nesirak ni mina Mosesen tekamuy. Ammi maski kunna ten a bakkan haman te Mosesen ya nagafun na am awa gingginafu muy kiden nga napopolu ammi tentu. 23A am ituluk muy mantu ta mabanggit ya tolay ta araw na agimmang petta awemuy makaliwat ta lintig ni Moses a anu haman ta magporay kam teyak ta pagpamappyak ta napilay ta araw na agimmang? 24Mappya ta awemuy hamhama ya pangnonot muy, te mangnonot kam mina ta katunungan na nonot,” kunna tekid.
Ya Pagbida Ni Hesus Ta Nagafun Na
25A gafu ta tabbag ni Hesus a tumubbat hapa naguhohug ya kadwan kiden tolay taga ili na Herusalem.
“Talaga ta ye-yan na tolay ya ikayat da en papasin,” kunda. 26“Ammi itan muy awa itta in magbida ta tolay kidin, a awena haman magtalaw, yaga aweda hapa pakidibatin na pinakadakal tam kiden. Nelasin dan de ta intu hala ya Mangikerutan nga ange kan tekitam?” kunda hapa.
27Ammi ya uhohug na kadwan a
“Awan, te am makipaita sangaw ya Mangikerutan a awan kan ta makkamu am had ya pagafun na, ammi amu tam haman ya nagafun na inin,” kunda.
28,29A gafu ta mangituldu para la i Hesus ta umag na simbaanen a neayag na ya tabbag na ta bida na tolay kiden tentu.
“Maski am amu muy ya ngagan kin ikid na lugaren nga nagafun ku a awemuy haman amu ya nangidoben teyak, ammi iyak ya makkamu tentu, te awek mina umange sin am awenak dinob. Awemuy amu ya nangidob teyak, te intu ya kettayan na ngamin kakurugan, a naggafuyak tentu,” kunna.
30A gafu ta uhohug na en a ginafut da mina ammi awan ta nakagafut tentu, te bakkan para la ta araw na en. 31Ammi ta kadwan kiden tolay nga nakadangag tentu a addu hapa ya nangurug ta intu hala ya Mangikerutan nga dana nebar na Namaratu, te ya uhohug da a
“Talaga ta intu hala ya Mangikerutanen, te am bakkan, a awan mina ta pakapangwa na ta kuman na nepaita na tekitam,” kunda.
Ya Pangidob Da Ta Manggafut Te Hesus
32A ya Pariseyu kiden hapa a nedangagan da ya nean-anisat na tolay kiden gafu te Hesus, a yen ta umange kid nakibidan ta kadwan kiden padi na Hudyo, a nagbabidan da ya pangidob da ta polis kiden, petta gafutan da i Hesus. 33A ta datang na polis kiden a magbida para la i Hesus ta tolay kiden.
“Assang na la ya kettakin tekamuy, kapyek sangaw magtoli ta nangidoben teyak. 34A apagan muy sangaw ya Mangikerutan tekamuy, ammi awemuy sangaw maapagan, te awemuy makaange ta datangan ku,” kunna.
35A nagimpopohutan na Hudyo kiden ya ikayat na uhohugan.
“Had hud para ya eyan na en nga awetam sangaw maapagan?” kun na kadwan.
“Ikayat na panaw ange ta Hudyo kiden nga nesansaned ta lugar na Giregu kiden petta mangituldu hapa tekid ikid na Giregu kiden?” kun na kadwan para.
36A ta kadwan para a
“Anu hud ya ikayat na uhohugan ta apagan tam sangaw, ammi awe tam sangaw maapagan? A had kukun na uhohug na en ta awe tam makaange ta eyan na en?” kunda.
37A ta kapozyanan na araw na pyesta en a sa magkakampat ya ngamin tolay ta simbaanen, a nagtayuk i Hesus kapye na nagayag tekid ta masikan.
“Am itta ya makainum a ange mina teyak petta uminum. 38Te ya mangikatalak teyak a Itta hala sangaw ya kuman na karayan na danum nga magarut ta umag na en nga mangtolay tentu, te yen ya nesurat ta Bibliya en,” kunna.
39Ammi intu bidan na ya Kahalwa na Namaratu nga iatad na sangaw ta ngamin kiden mangurug tentu. Ammi awena la bit nedob tekid te awena para la madayawan ni Hesus ta langitewan.
40A ta nepakadangag na tolay kiden ta uhohug ni Hesus a nebar na kadwan ta
“Talaga ta intu hala ya paguhohugan na Namaratu nga binida ni mina Mosesen,” kunda.
41A ya uhohug na kadwan a
“Maski intu hala ya Mangikerutan,” kunda.
Ammi awena nangurug na kadwan, te
“Taga Galileya hud sangaw ya Mangikerutan tekitam? 42Te ya nesurat ta Bibliya a intu sangaw ya pangpanga ni mina Dabiden, a meanak sangaw ta ili na Betlihem, te yen haman ya lugar ni mina Dabiden,” kunda.
43A nagkakattway mantu ya nonot na tolay kiden gafu tentu, 44te ikayat na kadwan ta gafutan da mina, ammi maski kunna ten a awan haman ta nangsi-ged tentu.
45A ta pagtoli na polis kiden ta padi kiden ikid na Pariseyu kiden nga nangidob tekid a
“Anu hud ta awemuy inalap?” kunda tekid.
46“A awemi ginafut, te awan ta takwan na amu mi nga makauhohug ta kuman na nadangag mi en tentu,” kunda.
47“Anu kuga naayayyaw kam hapa ta laddud na. 48Itta hud ya nangurug tentu ta pinakadakal muy ono Pariseyu?” kunna hapa na Pariseyu kiden tekid. 49“Pa-gangan na Namaratu ye-yan kid na tolay nga awan makkamu ta lintig na kiden,” kunda ha.
50,51Ammi ya uhohug ni Nikodemu ta sakā Pariseyu na kiden a
“Ta kuman na uhohug na lintig tam kiden a mehangat kitam mangpa-gang ta tolay am dana awetam bit dangagan ya bida na, petta amu tam ya liwat na,” kunna.
I Nikodemu ya umange nakibidan te Hesus ta hiklam.
52A ya tabbag na kadwan kiden tentu a
“Anu? Taga Galileya ka hapa, petta ikerutam ya kagittam. Pake basam mina ya surat na pinaguhohug kiden na Namaratu, te maitam sangaw ta bakkan ta Galileya ya pagafun na paguhohugan na en nga nebar na tekitam,” kunda.
53A sangaw naggagungay kid, te immange ya tagtakday tekid ta bali da.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.