Lukas 22
22
Ya Pagtatulag Na Mangpapasi Kiden Te Hesus
(Mt 26:1-5; Mk 14:1-2)
1A ta tanagay na ya pyesta na pan nga awan bumlad, 2a nagmamiting ya padi kiden ikid na mangituldu kiden petta pagbabidan da am had kunna mina na pangpapasi da te Hesus gafu ta tolay kiden nga dumagdag tentu.
3A tekiden para la nagmiting a itta hapa ig Hesus ikid na ituldu na kiden ta takwan na lugar, a yen hapa ya nesassarok ni Satanas ta nonot ni Hudas Iskaryote petta italaba na i Hesus, te intu ya takday na mafulu duwa kiden kahulun ni Hesus. 4A umange mantu i Hudasen nakitulag ta padi kiden ikid na maggwardya kiden ta simbaanen, petta italaba na i Hesus. 5A natalakan kid hapa ta bida na tekid, a nekari da tentu ya pirak. 6Mayat hapa i Hudas ta tulag da a yen ya pamegafu na nga magapag ta pangitalaba na te Hesus ta kawan na addu na tolay.
Ya Pangiparan Da Ta Pyesta Na Simana
(Mt 26:17-25; Mk 14:12-21; Jn 13:21-30)
7A ta araw na pangan da ta panen nga awan bumlad, a yen hapa ya pangiatang da ta kalneru, te pagnonotan da ta araw na nepangilillik na Namaratu ta gingginafu da kiden. 8A dinob ni Hesus ig Pedru ikid ni Hwan petta enda iparan ya panganan da ta kalneru da.
9“A had sin mina ya pangiparanan mi?” kunda hapa tentu.
10“E kam ta ili, te masimmu muy sangaw ya magtattun ta tākalamba na danum, a dagdagan muy la. A sangaw am nakasarok kanan ta bali a ibar muy ta makābali en, 11‘Dinob na kami ni Mistro, te itan mi kan ya lugar na panganan mi ta pamurab mi ta Simana in,’ kummuy, 12a ituldu na sangaw ya dakal na silid ta utun, a yen sangaw ya pangiparanan muy ta pamurab tam,” kun ni Hesus tekid.
13A umange kid, a naita da hala ya kuman na nebar ni Hesus tekid, a neparan da ya pamurab da ta Simana.
14A sangaw ta nekaparan na ngamin a nakiatubang ig Hesus ikid na mafulu duwa kiden ituldu na. 15A tekid para la nagkakan a naguhohug i Hesus.
“Pake ikayat ku ta magaatubang kitam ta ayanin, te awena para la dumatang na zigat kin. 16Ammi awek na sangaw makiatubang tekamuy ta isin na pamurab addet ta nakompleto ngamin ta pagariyan na Namaratu,” kunna.
17A sangaw nagibbal ta paginuman na binarayang kapye na nakimallak, a sangaw negawat na ta ituldu na kiden.
“Ye, sa uminum kanan ta isin, 18ammi teyak, awek sangaw uminum ta kumanin abat ta pagayayat tam sangaw ta pagariyan na Namaratu ewan,” kunna.
19Kabalinan na kumanen a nagibbal hapa ta tāhukal na pan kapye na nakimallak ha. A sangaw ginadgadwa na ya pan en, a nesaned na tekid.
“Kanan muy yan, te panadamdaman muy teyak, te ye-yan ya negitta ta barikin nga isagapil ku gafu tekamuy,” kunna.
(Mt 26:20-25; Mk 14:17-21; Jn 13:1-30)
20A ta nekabalin na nepamuhab da a inibbalan na ha ya paginuman na binarayang kapye na neatad tekid,
“Ye-yan ya panadamdaman muy ta bagu en tulag na Namaratu tekamuy gafu ta dagak nga magarut sangaw ta gafu tekamuy. 21A itta hapa ta lamesa in ya mangitalaba sangaw teyak, 22te mappya ta mapapasi ya Tolayin taga Langit ta kuman na nekari na Namaratu ewan, ammi kakallak sangaw ya mangitalaba in tentu,” kunna.
23A nagimpopohutan da hapa am inya panaw tekid ya mangitalaba sangaw tentu.
Ya Pagingfulfulatan Na Ituldu Na Kiden Ta Pinakadakal Da
24A sangaw nakidibati hapa ya ituldu kiden ni Hesus, te nagingfulfulatan da am inya tekid ya pinakadakal da. 25Ammi nedangagan na kid ni Hesus, a pake tinabarangan na kid.
“Amu muy ya gagangay na ari na Hentil kiden ta ikwenta da ya iturayan da kiden ta kuman na tagabu da, a ingagan da hapa ya bari da ta mangikerutan. 26Ammi awemuy mina parigan yen kid, te ya kadakalan muy a magbalin mina ta kaassangan muy ikid na magserbi en tekamuy. 27Ta kuman na uray na tolay a intu dakdakal ya imatuttuden mangan ammi ta mangiatubang ta kanan na. Ammi mappya ta iyak ya parigan muy te itta yak sin tekamuy ta kuman na mangiatubang ta kanan.
28“Mappya te ikamuy ya kanayun nehulhulun teyak ta ngamin kiden zigat ken. 29A ya neatad ni Damakewan teyak ta iturayan ku a yen hapa ya isipat ku tekamuy, 30petta ikamuy hapa sangaw ya makiatubang teyak ta lamesaken ta lugar na pagariyan ku. A magtogkok hapa sangaw ya tagtakday tekamuy ta kuman na agtogkokan na ari, petta magibbal kam hapa sangaw ta mafulu duwa kiden tribu na Istralita kiden.
31“A iko hapa Simon, a dangagam ya ibar ku teko, te pake ikayat ni Satanas ya mangalap tekamuy ngamin, petta paruban na kam sangaw ta kuman na magsap ta aggik, 32ammi iko Simon ya pake nepakimallak ku petta awena mawakay na pangurug mu teyak. Ammi sangaw am nagbabawi kan ta pagtalekud mu teyak a uffunam hapa ya kabagis mu kiden, petta magsikan hapa ya pangurug da,” kun ni Hesus te Pedru.
33“Ay, Afu, aweta ka pagtalekudan maski mehulunak teko mebalud ikid na mapapasi,” kunna hapa.
34“Itam sangaw awa kustu ya uhohug ku teko, Pedru,” kunna ha ni Hesus tentu, “te maski ta awena para la pagtareknay na manuk ta hiklamin yan a mamillu ka sangaw mangilemad ta pakkamum teyak,” kunna.
35A sangaw nagbida ha i Hesus tekid ngamin,
“Tekamuyen immange nangipadangag ta idi ta awemuyen nepagbalun a itta de ya nagkurangan muy?” kunna.
“Awan O, Afu” kunda hapa.
36,37“A onay. Ammi bakkan sangaw ta kunna ten, te ya uhohug na aglavunen gafu teyak a ‘Isipat da sangaw ta dulay kiden na tolay’, kunna ta surat na en. A gafu ta magdulot hala sangaw ya nesurat na en a ikatupag da kam hapa sangaw gafu teyak. A mappya mantu ta ikamuy hapa la sangaw ya makkamu ta ngamin masapul muy nga pirak ikid na ga-gamit muy kiden. A gafu ta zigat muy sangaw a pake karkaragatan muy ya kampilan ammi ta ulat muyen,” kunna.
38“A itam, Afu, duwa haman ya kampilan mi,” kunda hapa.
“Bay-an muy na ya kumanina na bida,” kunna hapa tekid.
Ya Pakimallak Ni Hesus Ta Bagetay Na Olibo
(Mt 26:36-46; Mk 14:32-42)
39A ta kabalin na en a imuhet kid ni Hesus ta bali, a umange kid ta Bagetayen Olibo ta kuman na gagangay ni Hesus ta idi. 40A ta datang da ta lugaren nga kanayun nakimallakan na a
“Magyan kanan la sin, a makimallak kanan ta awemuy timuluk ta mamahpahuba en tekamuy,” kun ni Hesus tekid,
41kapye na sang imadayu tekid. A sangaw namalentud ta lutak, a nakimallak.
42“Amang, am mappya ta uray mu a azim haen ya zigatin yan. Ammi maski kunku a bakkan mina ta yen ya magdulot, te mappya ta ikayat men ya idulot ku,” kunna ta pakimallak na.
43A lumattog hapa ya anghel na Namaratu nga nangpasikan tentu. 44A gafu ta pake nazigatan a pinasikan na para ya pakimallak na addet ta neugang ya daga na en, a nagsaddu ta lutak. 45A tentu en imivwat ta nakimallakan na en a nagtoli ta ituldu na kiden, ammi nakakasidug kid na gafu ta pake nabannag kid na ta pagdamdam da tentu.
46“Anu masidug kanan? Imivwat kanan, a makimallak kam petta awemuy mina maayayyaw,” kunna hapa tekid.
Ya Paggafut Da Te Hesus
(Mt 26:47-56; Mk 14:43-50; Jn 18:1-11)
47A ta paguhohug para la ni Hesus tekid a dumatang na i Hudasen, a nehulun hapa tentu ya addu na tolay. A umange i Hudas te Hesus petta amuyan na mina, 48ammi ya uhohug ni Hesus tentu a
“Anu haman ta amuyam, Hudas, ya Tolayin taga Langit ta pangitalabam tentu?” kunna.
49A ta nepakaita na kahulun ni Hesus ta gafutan da a
“Mappya de, Afu, ta katkattaban mi kid na?” kunda.
50A ka-ma la kinattab na takdayen ya tagabu na kadakalanen padi, a newasik na ya takday bangbang na.
51“Awemuy na!” kunna hapa ni Hesus tekid,
otturu sini-ged na ya bangbang na kinattab da en, a nagmappyan. 52A sangaw naguhohug hapa i Hesus ta ange kiden nanggafut tentu.
“Anu, dulayak hud na tolay, petta endak gafutan konsu kampilan ikid na paluk ta kuman na panggafut muy ta tulisan? 53Kinanghahaw itta yak haman tekamuy ta simbaanen nga nangitultuldu, anu bakkan ta yen ya nanggafutan muy teyak? Ammi gagangay ta ayanin ya oras muy te sugiram ya oras na mamadday ta dulay,” kunna tekid.
54A ta nepakagafut dan tentu a netugut da neange ta bali na kadakalan na padi, a tinultulitul na kid ni Pedru. 55Datang da ta bagaw na bali en a naghatung kid ta paggukupan da, a nakipagtuttud hapa i Pedru tekid.
Ya Pangilemad Ni Pedru Te Hesus
(Mt 26:69-75; Mk 14:66-72; Jn 18:25-27)
56A ta pagtuttud para la ni Pedru ta dakar na afuyen a nagtalib ya babbayen tagabu, a pake inita na ta mappya kapye na netuldu ta kadwan kiden.
“Yeyan hapa ya takday kahulun na ginafut da en,” kunna.
57Ammi nelemad ni Pedru.
“Awek amu yen O,” kunna.
58Ammi sangaw ta magananwan a itta hapa ya takday nga nakalasin tentu a
“Maski iko hapa ya takday,” kunna.
“O iyak hud O,” kunna ha ni Pedru.
59A sangaw ta pagtalib na kuman na takday oras a pake nepapilit para na takday ta intu.
“Talaga ta iko hapa ya takday kahulun na, te taga Galileya ka,” kunna.
60“Atsi O, awek para la aamu yen O!” kunna ha naglemad,
a ka-ma la nagtareknay ya manuk. 61A nagbalittag na hapa i Hesus nga imatubang tentu, a yen hapa ya nepakanonot ni Pedru ta uhohug ni Hesus tentu ta “Mamillu ka mangilemad teyak ta awena para la pagtareknay na manuk,” kunna. 62A insigida nagtugut i Pedru, a masikan nagtangit.
Ya Pangpabanglu Da Te Hesus
(Mt 26:67,68; Mk 14:65)
63,64A ya tolay kiden nga naggwardya te Hesus a pinābānglu da, te tinappanan da ya mata na kiden kapye da pinalpaluk,
“O, ibar mu am inya ya nagpaluk teko, te malalaki ka haman maglavun,” kunda.
65A addu para ya inuhohug da tentu ta pamadpadulay da tentu.
66A ta magkarawanen a nagkakampat ya padi kiden ikid na abugado kiden ikid na ngamin kiden kalalaklakayan, a neange da i Hesus ta atubang na ngamin kiden konsihal petta idarum da. A ya uhohug da te Hesus a
67“Am kakurugan ta iko ya Ari en Kristu nga nekari na Namaratu, a ibar mun,” kunda tentu.
Ammi ya tabbag na en tekid a
“Am ibar ku mina tekamuy a awemuy haman kurugan, 68a am itta ya pohut ku tekamuy a awemuy hapa tabbagan. 69Ammi awena la mabayag a makipagtuttud ya Tolayin taga Langit ta kanawan na Namaratu ewan nga Makapangwa ta Ngamin,” kunna tekid.
70“A ta kuman na ikayat mu uhohugan a iko ya Anak na Namaratu ewan?” kunda.
“Kakurugan ta iyakin yen,” kunna hapa.
71“Itan muy yen, masapul hud para ya mangipasikkal ta liwat na, te ikitanan hapa la ya nakadangag ta uhohug na,” kunda.
Currently Selected:
Lukas 22: agt
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Lukas 22
22
Ya Pagtatulag Na Mangpapasi Kiden Te Hesus
(Mt 26:1-5; Mk 14:1-2)
1A ta tanagay na ya pyesta na pan nga awan bumlad, 2a nagmamiting ya padi kiden ikid na mangituldu kiden petta pagbabidan da am had kunna mina na pangpapasi da te Hesus gafu ta tolay kiden nga dumagdag tentu.
3A tekiden para la nagmiting a itta hapa ig Hesus ikid na ituldu na kiden ta takwan na lugar, a yen hapa ya nesassarok ni Satanas ta nonot ni Hudas Iskaryote petta italaba na i Hesus, te intu ya takday na mafulu duwa kiden kahulun ni Hesus. 4A umange mantu i Hudasen nakitulag ta padi kiden ikid na maggwardya kiden ta simbaanen, petta italaba na i Hesus. 5A natalakan kid hapa ta bida na tekid, a nekari da tentu ya pirak. 6Mayat hapa i Hudas ta tulag da a yen ya pamegafu na nga magapag ta pangitalaba na te Hesus ta kawan na addu na tolay.
Ya Pangiparan Da Ta Pyesta Na Simana
(Mt 26:17-25; Mk 14:12-21; Jn 13:21-30)
7A ta araw na pangan da ta panen nga awan bumlad, a yen hapa ya pangiatang da ta kalneru, te pagnonotan da ta araw na nepangilillik na Namaratu ta gingginafu da kiden. 8A dinob ni Hesus ig Pedru ikid ni Hwan petta enda iparan ya panganan da ta kalneru da.
9“A had sin mina ya pangiparanan mi?” kunda hapa tentu.
10“E kam ta ili, te masimmu muy sangaw ya magtattun ta tākalamba na danum, a dagdagan muy la. A sangaw am nakasarok kanan ta bali a ibar muy ta makābali en, 11‘Dinob na kami ni Mistro, te itan mi kan ya lugar na panganan mi ta pamurab mi ta Simana in,’ kummuy, 12a ituldu na sangaw ya dakal na silid ta utun, a yen sangaw ya pangiparanan muy ta pamurab tam,” kun ni Hesus tekid.
13A umange kid, a naita da hala ya kuman na nebar ni Hesus tekid, a neparan da ya pamurab da ta Simana.
14A sangaw ta nekaparan na ngamin a nakiatubang ig Hesus ikid na mafulu duwa kiden ituldu na. 15A tekid para la nagkakan a naguhohug i Hesus.
“Pake ikayat ku ta magaatubang kitam ta ayanin, te awena para la dumatang na zigat kin. 16Ammi awek na sangaw makiatubang tekamuy ta isin na pamurab addet ta nakompleto ngamin ta pagariyan na Namaratu,” kunna.
17A sangaw nagibbal ta paginuman na binarayang kapye na nakimallak, a sangaw negawat na ta ituldu na kiden.
“Ye, sa uminum kanan ta isin, 18ammi teyak, awek sangaw uminum ta kumanin abat ta pagayayat tam sangaw ta pagariyan na Namaratu ewan,” kunna.
19Kabalinan na kumanen a nagibbal hapa ta tāhukal na pan kapye na nakimallak ha. A sangaw ginadgadwa na ya pan en, a nesaned na tekid.
“Kanan muy yan, te panadamdaman muy teyak, te ye-yan ya negitta ta barikin nga isagapil ku gafu tekamuy,” kunna.
(Mt 26:20-25; Mk 14:17-21; Jn 13:1-30)
20A ta nekabalin na nepamuhab da a inibbalan na ha ya paginuman na binarayang kapye na neatad tekid,
“Ye-yan ya panadamdaman muy ta bagu en tulag na Namaratu tekamuy gafu ta dagak nga magarut sangaw ta gafu tekamuy. 21A itta hapa ta lamesa in ya mangitalaba sangaw teyak, 22te mappya ta mapapasi ya Tolayin taga Langit ta kuman na nekari na Namaratu ewan, ammi kakallak sangaw ya mangitalaba in tentu,” kunna.
23A nagimpopohutan da hapa am inya panaw tekid ya mangitalaba sangaw tentu.
Ya Pagingfulfulatan Na Ituldu Na Kiden Ta Pinakadakal Da
24A sangaw nakidibati hapa ya ituldu kiden ni Hesus, te nagingfulfulatan da am inya tekid ya pinakadakal da. 25Ammi nedangagan na kid ni Hesus, a pake tinabarangan na kid.
“Amu muy ya gagangay na ari na Hentil kiden ta ikwenta da ya iturayan da kiden ta kuman na tagabu da, a ingagan da hapa ya bari da ta mangikerutan. 26Ammi awemuy mina parigan yen kid, te ya kadakalan muy a magbalin mina ta kaassangan muy ikid na magserbi en tekamuy. 27Ta kuman na uray na tolay a intu dakdakal ya imatuttuden mangan ammi ta mangiatubang ta kanan na. Ammi mappya ta iyak ya parigan muy te itta yak sin tekamuy ta kuman na mangiatubang ta kanan.
28“Mappya te ikamuy ya kanayun nehulhulun teyak ta ngamin kiden zigat ken. 29A ya neatad ni Damakewan teyak ta iturayan ku a yen hapa ya isipat ku tekamuy, 30petta ikamuy hapa sangaw ya makiatubang teyak ta lamesaken ta lugar na pagariyan ku. A magtogkok hapa sangaw ya tagtakday tekamuy ta kuman na agtogkokan na ari, petta magibbal kam hapa sangaw ta mafulu duwa kiden tribu na Istralita kiden.
31“A iko hapa Simon, a dangagam ya ibar ku teko, te pake ikayat ni Satanas ya mangalap tekamuy ngamin, petta paruban na kam sangaw ta kuman na magsap ta aggik, 32ammi iko Simon ya pake nepakimallak ku petta awena mawakay na pangurug mu teyak. Ammi sangaw am nagbabawi kan ta pagtalekud mu teyak a uffunam hapa ya kabagis mu kiden, petta magsikan hapa ya pangurug da,” kun ni Hesus te Pedru.
33“Ay, Afu, aweta ka pagtalekudan maski mehulunak teko mebalud ikid na mapapasi,” kunna hapa.
34“Itam sangaw awa kustu ya uhohug ku teko, Pedru,” kunna ha ni Hesus tentu, “te maski ta awena para la pagtareknay na manuk ta hiklamin yan a mamillu ka sangaw mangilemad ta pakkamum teyak,” kunna.
35A sangaw nagbida ha i Hesus tekid ngamin,
“Tekamuyen immange nangipadangag ta idi ta awemuyen nepagbalun a itta de ya nagkurangan muy?” kunna.
“Awan O, Afu” kunda hapa.
36,37“A onay. Ammi bakkan sangaw ta kunna ten, te ya uhohug na aglavunen gafu teyak a ‘Isipat da sangaw ta dulay kiden na tolay’, kunna ta surat na en. A gafu ta magdulot hala sangaw ya nesurat na en a ikatupag da kam hapa sangaw gafu teyak. A mappya mantu ta ikamuy hapa la sangaw ya makkamu ta ngamin masapul muy nga pirak ikid na ga-gamit muy kiden. A gafu ta zigat muy sangaw a pake karkaragatan muy ya kampilan ammi ta ulat muyen,” kunna.
38“A itam, Afu, duwa haman ya kampilan mi,” kunda hapa.
“Bay-an muy na ya kumanina na bida,” kunna hapa tekid.
Ya Pakimallak Ni Hesus Ta Bagetay Na Olibo
(Mt 26:36-46; Mk 14:32-42)
39A ta kabalin na en a imuhet kid ni Hesus ta bali, a umange kid ta Bagetayen Olibo ta kuman na gagangay ni Hesus ta idi. 40A ta datang da ta lugaren nga kanayun nakimallakan na a
“Magyan kanan la sin, a makimallak kanan ta awemuy timuluk ta mamahpahuba en tekamuy,” kun ni Hesus tekid,
41kapye na sang imadayu tekid. A sangaw namalentud ta lutak, a nakimallak.
42“Amang, am mappya ta uray mu a azim haen ya zigatin yan. Ammi maski kunku a bakkan mina ta yen ya magdulot, te mappya ta ikayat men ya idulot ku,” kunna ta pakimallak na.
43A lumattog hapa ya anghel na Namaratu nga nangpasikan tentu. 44A gafu ta pake nazigatan a pinasikan na para ya pakimallak na addet ta neugang ya daga na en, a nagsaddu ta lutak. 45A tentu en imivwat ta nakimallakan na en a nagtoli ta ituldu na kiden, ammi nakakasidug kid na gafu ta pake nabannag kid na ta pagdamdam da tentu.
46“Anu masidug kanan? Imivwat kanan, a makimallak kam petta awemuy mina maayayyaw,” kunna hapa tekid.
Ya Paggafut Da Te Hesus
(Mt 26:47-56; Mk 14:43-50; Jn 18:1-11)
47A ta paguhohug para la ni Hesus tekid a dumatang na i Hudasen, a nehulun hapa tentu ya addu na tolay. A umange i Hudas te Hesus petta amuyan na mina, 48ammi ya uhohug ni Hesus tentu a
“Anu haman ta amuyam, Hudas, ya Tolayin taga Langit ta pangitalabam tentu?” kunna.
49A ta nepakaita na kahulun ni Hesus ta gafutan da a
“Mappya de, Afu, ta katkattaban mi kid na?” kunda.
50A ka-ma la kinattab na takdayen ya tagabu na kadakalanen padi, a newasik na ya takday bangbang na.
51“Awemuy na!” kunna hapa ni Hesus tekid,
otturu sini-ged na ya bangbang na kinattab da en, a nagmappyan. 52A sangaw naguhohug hapa i Hesus ta ange kiden nanggafut tentu.
“Anu, dulayak hud na tolay, petta endak gafutan konsu kampilan ikid na paluk ta kuman na panggafut muy ta tulisan? 53Kinanghahaw itta yak haman tekamuy ta simbaanen nga nangitultuldu, anu bakkan ta yen ya nanggafutan muy teyak? Ammi gagangay ta ayanin ya oras muy te sugiram ya oras na mamadday ta dulay,” kunna tekid.
54A ta nepakagafut dan tentu a netugut da neange ta bali na kadakalan na padi, a tinultulitul na kid ni Pedru. 55Datang da ta bagaw na bali en a naghatung kid ta paggukupan da, a nakipagtuttud hapa i Pedru tekid.
Ya Pangilemad Ni Pedru Te Hesus
(Mt 26:69-75; Mk 14:66-72; Jn 18:25-27)
56A ta pagtuttud para la ni Pedru ta dakar na afuyen a nagtalib ya babbayen tagabu, a pake inita na ta mappya kapye na netuldu ta kadwan kiden.
“Yeyan hapa ya takday kahulun na ginafut da en,” kunna.
57Ammi nelemad ni Pedru.
“Awek amu yen O,” kunna.
58Ammi sangaw ta magananwan a itta hapa ya takday nga nakalasin tentu a
“Maski iko hapa ya takday,” kunna.
“O iyak hud O,” kunna ha ni Pedru.
59A sangaw ta pagtalib na kuman na takday oras a pake nepapilit para na takday ta intu.
“Talaga ta iko hapa ya takday kahulun na, te taga Galileya ka,” kunna.
60“Atsi O, awek para la aamu yen O!” kunna ha naglemad,
a ka-ma la nagtareknay ya manuk. 61A nagbalittag na hapa i Hesus nga imatubang tentu, a yen hapa ya nepakanonot ni Pedru ta uhohug ni Hesus tentu ta “Mamillu ka mangilemad teyak ta awena para la pagtareknay na manuk,” kunna. 62A insigida nagtugut i Pedru, a masikan nagtangit.
Ya Pangpabanglu Da Te Hesus
(Mt 26:67,68; Mk 14:65)
63,64A ya tolay kiden nga naggwardya te Hesus a pinābānglu da, te tinappanan da ya mata na kiden kapye da pinalpaluk,
“O, ibar mu am inya ya nagpaluk teko, te malalaki ka haman maglavun,” kunda.
65A addu para ya inuhohug da tentu ta pamadpadulay da tentu.
66A ta magkarawanen a nagkakampat ya padi kiden ikid na abugado kiden ikid na ngamin kiden kalalaklakayan, a neange da i Hesus ta atubang na ngamin kiden konsihal petta idarum da. A ya uhohug da te Hesus a
67“Am kakurugan ta iko ya Ari en Kristu nga nekari na Namaratu, a ibar mun,” kunda tentu.
Ammi ya tabbag na en tekid a
“Am ibar ku mina tekamuy a awemuy haman kurugan, 68a am itta ya pohut ku tekamuy a awemuy hapa tabbagan. 69Ammi awena la mabayag a makipagtuttud ya Tolayin taga Langit ta kanawan na Namaratu ewan nga Makapangwa ta Ngamin,” kunna tekid.
70“A ta kuman na ikayat mu uhohugan a iko ya Anak na Namaratu ewan?” kunda.
“Kakurugan ta iyakin yen,” kunna hapa.
71“Itan muy yen, masapul hud para ya mangipasikkal ta liwat na, te ikitanan hapa la ya nakadangag ta uhohug na,” kunda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.