Éksodus 15
15
Lingag Mosis
1Kafnge én, mlingag Mosis na i dad bel Israél, i kdayenla Dwata i Amu. Na ani i lingagla, manla,
“Mlingag agu di Dwata i Amu,
du mdatah kenen na fagu di bong gnaganan too kenen matu.
Du i dad kudà na i dad snakay,
tatian ale bat di lam i mahin.
2Dwata i Amu, i gumlingaggu na gumdà i galgu.
Kenen i falwà deg di dad to dmuen deg.
Kenen i Dwatagu, taman, dnayengu kenen.
Kenen i Dwata fnangamfù dad gutambulgu, taman, dnayengu i kdatahan.
3Dwata i Amu, too fulung di kasfati,
Dwata i Amu i dagitan.
4I dad snakay Faraon, na i dad sundalun,
tatian bat ditù di mahin.
Na i dad mdatah ganlal Faraon
tamlimas ale di Fulè Mahin.
5Maglimun ale i bong mngalam mahin,
na galnab di too gumngalaman, gambet i batu.
6Amugu Dwata, i sigalam kwanan
too nun gnaganan.
Hae, du i sigalam kwanan
gmagan misan, na falmo i dad to dmuen dagu.
7Na di kdatah i katum
fnisanam i dad to dmuen ge.
I kaflabeam too minit gambet i lifoh,
taman, malmo ale gambet lami di lifoh.
8Tanyufam i mahin,
na masatngà na mastifun salu tah.
Na tadag i mahin gambet i diding,
na mbaling kafag na mgal tanà di gumngalam i mahin.
9Na fdag i dad to dmuen gami du manla,
‘E, tnafikmi ale, na kanfèmi ale kadang
Na sansalelmi i dad knunla,
na i kalbong knayèmi nwè, nwèmi.
Nsòmi fais di lumàmi,
du nwèmi i kdee nfunla.’
Én i kafdag i dad to dmuen gami.
10Kabay di alò sulê kyufam,
na maglimun ale i mahin.
Tì ale galnab gambet i tamla bat
di gumngalam i mahin.
11E, Amugu Dwata, simto dad mule i gasngad ge?
Simto i salngad ge, i ktium too mdatah?
Simto i salngad ge, i bong knengam too gamtikeng?
Simto i salngad ge, i bong gnaganam di kimoam dad tnikeng?
12Tatayalam sigalam kwanan,
na nlimun i mahin i dad to dmuen gami.
13Fagu di kakdom landè kgilin, dnohoam kadang i fakangam,
na nalakam i dad to tansoam mdà di falel i dad to dmuen dale.
Fagu di bong gnaganam, gmagan ge malak dale
di banwe i gumneam, i tagaam dale.
14Linge kadang kdee bung dad to gablà di kafalwaam gami di banwe Idyif,
na kankal ale di klikòla,
na too sè klikò i dad to Filistin.
15I dad ulu dad to di banwe Idom, too ale likò,
na i dad to too nun glal di banwe Moab, kankal ale.
Na kadang, i dad to di banwe Kanaan, lana i klabèla mdà di klikòla.
16Fisan ale i klikòla.
E, Amugu Dwata, di kitela i bong gnaganam,
là ale galyak, du mdà di sè klikòla,
kel di klius i dad tom,
i dad to tansoam mdà di kaglifanla.
17Satu du kadang, Amugu Dwata, nebem ale, na fneam ale di bululam,
i banwe tanalékam i gumneam,
i gumneam i too mabtas,
i gumneam ge mimò dun.
18E, Amugu Dwata, ge i magot kadang i klamang banwe
kel di landè sen.”
Ani gusen i lingag Mosis.
I lingag Miriam
19I dad bel Israél tamagu di mahin di kafag tanà, di gumasatngà i mahin. Kabay di klalò i dad to Idyif, i mebe i dad snakay na i dad kudà, tasansulê Dwata i Amu i mahin, na maglimun ale.
20Na Miriam, satu tugad Dwata, i flanek Aron na Mosis libun, tufì mlingag. Nwean i satu bung agafla dnagit tamburin, na i kdee dad dademen libun lê mwè i dale tamburin, na mlalò Miriam magaf i dad agafla én na kdeela sayew dmayen Dwata. 21Na mlingag Miriam di dale na ani i lingagan, manan,
“Mlingag ito di Dwata i Amu,
du mdatah kenen, na fagu di bong gnaganan, too kenen matu.
Hae, du i dad kudà na i dad snakay mdà di Idyif
tatian ale bat di lam i mahin.”
I banwe Marah na Ilim
22Na di kdayenla Dwata, malak Mosis i dad bel Israél magu mdà di Fulè Mahin salu di banwe gulandè to dnagit Sur. Tlu du i klola magu déén di banwe gulandè to, na landè teenla yéél. 23Kafnge én, kel ale di banwe Marah, bay là ale gamginum i yéélan, du too féét, taman dnagitla Marah, du gumtatek i dagitan féét. 24Taman, nugak i dad to Mosis, na snalekla, “Na, tan sa i ninumito?”
25Di kaklinge Mosis i ugakla, too kenen fakdo mni tabeng di Dwata i Amu, na fiten di kenen i kayu lbatù. Nwè Mosis kayu én, na batan ditù di yéél, na i yéél talaan nan féét.
Klola mnè déén, banlé ale Dwata i Amu dad flalò gablà di knèla, na tnilewan i ksaligla di kenen. 26Na manan di dale, “Ku tooyu agu nimen, na i nimòyu too matlu di kitegu, na làyu fbayà bay nimenyu i dad flalògu gamu, làta gamu fanlayam di balù tan i tduk i taflayamgu aye i dad to Idyif. Agu sa Dwata i Amu, i fgulê gamu.”
27Kafnge én, mdà ale na là mlo kel ale di satu banwe dnagit Ilim. Na di Ilim ani, nun sfalò lwe sfuten, na fitu falò kayu dnagit falmira. Na flo ale mnè mdadong di dad sfuten.
Currently Selected:
Éksodus 15: ITD
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.
Éksodus 15
15
Lingag Mosis
1Kafnge én, mlingag Mosis na i dad bel Israél, i kdayenla Dwata i Amu. Na ani i lingagla, manla,
“Mlingag agu di Dwata i Amu,
du mdatah kenen na fagu di bong gnaganan too kenen matu.
Du i dad kudà na i dad snakay,
tatian ale bat di lam i mahin.
2Dwata i Amu, i gumlingaggu na gumdà i galgu.
Kenen i falwà deg di dad to dmuen deg.
Kenen i Dwatagu, taman, dnayengu kenen.
Kenen i Dwata fnangamfù dad gutambulgu, taman, dnayengu i kdatahan.
3Dwata i Amu, too fulung di kasfati,
Dwata i Amu i dagitan.
4I dad snakay Faraon, na i dad sundalun,
tatian bat ditù di mahin.
Na i dad mdatah ganlal Faraon
tamlimas ale di Fulè Mahin.
5Maglimun ale i bong mngalam mahin,
na galnab di too gumngalaman, gambet i batu.
6Amugu Dwata, i sigalam kwanan
too nun gnaganan.
Hae, du i sigalam kwanan
gmagan misan, na falmo i dad to dmuen dagu.
7Na di kdatah i katum
fnisanam i dad to dmuen ge.
I kaflabeam too minit gambet i lifoh,
taman, malmo ale gambet lami di lifoh.
8Tanyufam i mahin,
na masatngà na mastifun salu tah.
Na tadag i mahin gambet i diding,
na mbaling kafag na mgal tanà di gumngalam i mahin.
9Na fdag i dad to dmuen gami du manla,
‘E, tnafikmi ale, na kanfèmi ale kadang
Na sansalelmi i dad knunla,
na i kalbong knayèmi nwè, nwèmi.
Nsòmi fais di lumàmi,
du nwèmi i kdee nfunla.’
Én i kafdag i dad to dmuen gami.
10Kabay di alò sulê kyufam,
na maglimun ale i mahin.
Tì ale galnab gambet i tamla bat
di gumngalam i mahin.
11E, Amugu Dwata, simto dad mule i gasngad ge?
Simto i salngad ge, i ktium too mdatah?
Simto i salngad ge, i bong knengam too gamtikeng?
Simto i salngad ge, i bong gnaganam di kimoam dad tnikeng?
12Tatayalam sigalam kwanan,
na nlimun i mahin i dad to dmuen gami.
13Fagu di kakdom landè kgilin, dnohoam kadang i fakangam,
na nalakam i dad to tansoam mdà di falel i dad to dmuen dale.
Fagu di bong gnaganam, gmagan ge malak dale
di banwe i gumneam, i tagaam dale.
14Linge kadang kdee bung dad to gablà di kafalwaam gami di banwe Idyif,
na kankal ale di klikòla,
na too sè klikò i dad to Filistin.
15I dad ulu dad to di banwe Idom, too ale likò,
na i dad to too nun glal di banwe Moab, kankal ale.
Na kadang, i dad to di banwe Kanaan, lana i klabèla mdà di klikòla.
16Fisan ale i klikòla.
E, Amugu Dwata, di kitela i bong gnaganam,
là ale galyak, du mdà di sè klikòla,
kel di klius i dad tom,
i dad to tansoam mdà di kaglifanla.
17Satu du kadang, Amugu Dwata, nebem ale, na fneam ale di bululam,
i banwe tanalékam i gumneam,
i gumneam i too mabtas,
i gumneam ge mimò dun.
18E, Amugu Dwata, ge i magot kadang i klamang banwe
kel di landè sen.”
Ani gusen i lingag Mosis.
I lingag Miriam
19I dad bel Israél tamagu di mahin di kafag tanà, di gumasatngà i mahin. Kabay di klalò i dad to Idyif, i mebe i dad snakay na i dad kudà, tasansulê Dwata i Amu i mahin, na maglimun ale.
20Na Miriam, satu tugad Dwata, i flanek Aron na Mosis libun, tufì mlingag. Nwean i satu bung agafla dnagit tamburin, na i kdee dad dademen libun lê mwè i dale tamburin, na mlalò Miriam magaf i dad agafla én na kdeela sayew dmayen Dwata. 21Na mlingag Miriam di dale na ani i lingagan, manan,
“Mlingag ito di Dwata i Amu,
du mdatah kenen, na fagu di bong gnaganan, too kenen matu.
Hae, du i dad kudà na i dad snakay mdà di Idyif
tatian ale bat di lam i mahin.”
I banwe Marah na Ilim
22Na di kdayenla Dwata, malak Mosis i dad bel Israél magu mdà di Fulè Mahin salu di banwe gulandè to dnagit Sur. Tlu du i klola magu déén di banwe gulandè to, na landè teenla yéél. 23Kafnge én, kel ale di banwe Marah, bay là ale gamginum i yéélan, du too féét, taman dnagitla Marah, du gumtatek i dagitan féét. 24Taman, nugak i dad to Mosis, na snalekla, “Na, tan sa i ninumito?”
25Di kaklinge Mosis i ugakla, too kenen fakdo mni tabeng di Dwata i Amu, na fiten di kenen i kayu lbatù. Nwè Mosis kayu én, na batan ditù di yéél, na i yéél talaan nan féét.
Klola mnè déén, banlé ale Dwata i Amu dad flalò gablà di knèla, na tnilewan i ksaligla di kenen. 26Na manan di dale, “Ku tooyu agu nimen, na i nimòyu too matlu di kitegu, na làyu fbayà bay nimenyu i dad flalògu gamu, làta gamu fanlayam di balù tan i tduk i taflayamgu aye i dad to Idyif. Agu sa Dwata i Amu, i fgulê gamu.”
27Kafnge én, mdà ale na là mlo kel ale di satu banwe dnagit Ilim. Na di Ilim ani, nun sfalò lwe sfuten, na fitu falò kayu dnagit falmira. Na flo ale mnè mdadong di dad sfuten.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.