Matiu 24

A kum ukinalong ra in ese a ururop na bung

(Mk 13:1-13; Lk 21:5-19)

1O Iesu i pirso gusun in noworo ina rumu na etabor. Ra i wan nanan, anun a kum nat na ususer det wan toromi, ma det inanosi sur in tama a kum rumu nisan a rumu na etabor. 2#Lk 19:44Ra i watungi tandet, “Mot tama i ut a kum rumu ri, niko? A inanos mot nama lingmulus, numur din rege ginogino det rop, ma katu wat in inep netes un tu wat.”

3Ra o Iesu i kis sapat netes una Tangai na Oliw, a kum nat na ususer det wanpat eno toromi, ma det watungi tano lena, “Un inanos met, nangisin mo a kum utna ri in nanpat? Ma asi na ukinalong ra in ese anum a milmilet ma a ururop ina rakrakon bual?” 4O Iesu i balu det lena, “Mot in tumarong, sako taio in toro pas mot. 5#Mt 24:23-24; 1 Jon 2:18Uni a susut na taro det in nanpat nama risang, ma det in warango det lena, ‘Iau a Karisito,’ ra det in toro lako susut na taro. 6Mot in longoro a kum inaim ma a kum inarang na inaim, ikut gong mot lai taru. A kum utna lenri det in nanpat, ikut a ururop ina rakrakon bual kura utmakai. 7A kum kabotaro det in tur na inaim torom a kum se kabotaro, ma ara gapman in tur na inaim torom ara gapman. A kum lamlabino munurak, ma a kum guri in nanpat una kum tamon. 8A kum utna rop ri, i elar nama kum mugano ngunungut, ra i ser wanpat una ino ra i ling na usus.

9 # Mt 10:22 “Kura numur, din pitar mot sur din ban laulau mot, ma din um doko mot, ma a taro tagun a kum gapman rop det in nget mot, uni mot anungi. 10Una kum bung ra, a susut det in nan gisen gusun a nurnur. Det in pitar etetalai det torom a kum ebar, ma det in nget etetalai det. 11#Mt 24:5, 24; 1 Jon 4:1A susut na torotoro na poropet kai det in nanpat, ma det in toro pas a susut na taro. 12A marmaris anun lako susut in rop, uni a kum sakino petutna in labo nanan. 13#Mt 10:22Ikut osi ra in tur dekdek tuk anun a nilaun in rop, o God in ulauni. 14#Mt 28:19Din warawai nama Wakak na Wasiso una matanitu anun o God torom a taro tagun a rakrakon bual rop, sur a wasiso talapor in nan torom a taro tagun a kum gapman rop, ra numur a ururop na bung in nanpat maragom.

A utumarong una sakino utna ra in nanpat

(Mk 13:14-23; Lk 21:20-24)

15 # Dan 9:27; 11:31; 12:11 “Mot in tama ara sakino utna sakit in nanpat, in kis una rumu anun o God ra in ban udur a rumu ra. A utna ra, o Daniel a poropet i sa wasiso mugu taru uni. Osi ra in luk a kum wasiso ri, i wakak sur in mananos uni. 16Una bung ra, det ra det kis una papor Judia, det in kalabor eno usapat una kum tangai. 17#Lk 17:31Ra taio in kis sapat netes una nun a rumu#24:17 A ngas na rumu anun a taro Israel, sapat na lur na rumu i elaro kut, ma det ser kis utkai uni., ra in pirso, gong i ruk sur in los pas tu utna tagisa urumu. 18Ma ra taio in kis sa ukinobot, gong i milet melet unago utamon sur anun a saket. 19Una kum bung ra, in laulau doko torom a kum tianan, ma torom a kum ino kai ra a kum nutnutun det, det sus utmakai. 20Mot in wararing sur gong mot kalabor song una kum kalang na kotokoto, o una Bung na Sabat. 21#Dan 12:1Uni una kum bung ra, in labo sakit a ngunungut. In labo taun a kum ngunungut ra i ser wanpat una rakrakon bual. Turpasi una turturkibin ina rakrakon bual tuk uniri, ma numur kai, katu ngunungut in elar nami. 22Ra gunuk o God ken kutus pirso a kum bung ra, kataio ut in laun. Ikut in kutus pirso ru i sur det ra i sa pilok pas det, det in laun.

23 # Mt 24:5 “Una kum bung ra, ra taio in watungi torom mot lena, ‘Tama i, a Karisito kuri i,’ o ‘Kurong i,’ gong mot nurnur. 24#Lo 13:1-3; 2 Tes 2:8-9; Tam 13:13-14Uni lako kum torotoro na Karisito, ma lako kum torotoro na poropet det in nanpat. Det in pam lako kum labino ukinalong ma lako kum utna na ukisin sur det in toro pas a taro ra o God i sa pilok pas det, raut ko det in pet lar pasi. Ikut ka det in pet lar pasi. 25Tama i, a sa inanos mugu tar mot uni.

26 # Lk 17:23-24 “Ra det in watungi tamot lena, ‘Kura i kis una nubual kalako taro uni,’ gong mot wan suri, ma ra det in watungi kai lena, ‘Kuri una rumu,’ gong mot nurnur. 27#Mt 24:37-39Uni una bung na inawan pat anun a Nutun a Musano, a taro rop det in tama i. In elar namin nememe, ra i meme i tagitong una matmatano tobar, tuk una matmatano lubur. 28#Lk 17:37A nubual ra a minat i inep uni, a kum kotkot det in nan tomo iai.

A Nutun a Musano in nanpat

(Mk 13:24-27; Lk 21:25-28)

29 # Ese 32:7; Jol 2:10, 31; 2 Pit 3:10; Tam 6:12-13 “Uniutra, ra i sa rop a kum mamaut ma a kum ngunungut una kum bung ra,

‘in matanas in dumirum,

a kalang ken talapor,

a kum nangnang det in puku pirso tagisapat una bakut,

ma a kum utna sapat netes una bakut det in tugunugunu.’ Ais 13:10; 34:4

30 # Sek 12:10; Tam 1:7; Dan 7:13 “Una bung ra, a ukinalong ina Nutun a Musano in nanpat una bakut. Ma a taro tagun a kum gapman rop una rakrakon bual det in domos. Ma det in tama a Nutun a Musano in nanpat una kum du bakut tagisapat una langit, nama dekdek ma a labino minamar. 31#1 Kor 15:52; 1 Tes 4:16In tuwuru in tangis bing, ra a Nutun a Musano in tulu pirso anun a kum ensel, sur det in ben tomo anun a taro na pipilok tagun a wat na matmatano wuwu, tagun ara papor rakrakon bual tuk tong una ara papor rakrakon bual.

A wasiso elelar unin nanai na fig

(Mk 13:28-31; Lk 21:29-33)

32“Mot in ususer unin nanai na fig. Ra a kum kanokano in sibul pat melet, ma a kum dono in tapalos, mot tasmani lena a kum kalang na mararong i sa milau. 33Lenkutkai ra mot in tama a kum utna rop ra a wasiso taru uni in nanpat, mot in tasmani lena, a du bung i sa milau. 34#Mt 16:28A inanos mot nama lingmulus, a kum utna rop ri in nanpat ra a taro tagun uniri det laun utmakai. 35#Mt 5:18A langit ma a rakrakon bual der in rop, ikut anung a kum wasiso ken rop.

Katutaio i tasman a bung ra a Nutun a Musano in nanpat

(Mk 13:32-37; Lk 17:26-30, 34-36)

36 # Ap 1:7; 1 Tes 5:1-2 “Katutaio i tasman a bung o a du bung ra a kum utna ri in nanpat. A kum ensel sapat una langit ka det tasmani, ma o Nutunu kai ke tasmani, o Tamano sot kut i tasmani. 37#Stat 6:5-8A inawan pat melet anun a Nutun a Musano, in elar nama kum bung anun o Noa. 38Una kum bung ra in nolomom ke wanpat utmakai, det wangon, det inum, ma det unolin det, tuk una bung ra o Noa i kas una sip. 39#Stat 7:21-23Ma ka det tasman asau ra in nanpat, tuk in nolomom i wanpat, ra i los rop ru det. In lenkutkai ra una inawan pat melet anun a Nutun a Musano. 40Una bung ra, ra lako ru musano der in papam sa ukinobot, din los pas tu pasander kut, ma ara pasander awu. 41Ra lako ru ino kai der in gino a wit nama wat sur in nanpat a palawa, din los pas tu pasander kut, ma ara pasander awu.

42 # Mt 25:13 “I mo ra mot in tumarong, uni ka mot tasman a bung ra anumot a Labino in nanpat uni. 43#Lk 12:39-40; Tam 16:15Mot in tasmani: Ra a taman a rumu in tasman a du bung una mirum ra a tene wolong in nanpat uni, in kis ma in tamtamabat anun a rumu. Ken madek ru anun a rumu sur din wolongi. 44Mot kai, mot in koikoi taru, uni a Nutun a Musano in nanpat una du bung ra ka mot nuki lena in nanpat uni.

A lingmulus na tultul ma a tultul ra ke lingmulus

(Lk 12:41-48)

45“A tultul ra i lingmulus una nun a pinapam ma i mananos kai, anun a labino in ukis tari sur in mugumugu anun a kum tultul una nun a rumu, sur in ser tabor det nama andet a utna na inangon una kum du bung na inangon. 46A tultul ra, in dan ra anun a labino in nanpat ma in tama i ra i pam sot pas anun a pinapam. 47#Mt 25:21, 23A inanos mot nama lingmulus, anun a labino in ubek tari sur in tene tamtamabat una nun a kum utna rop. 48Ikut ra a tultul ra, i a sakino tultul, ma i nuki lena, anun a labino ken nanpat lakit, 49in turpasi sur in um a kum tultul ra det papam tomo nami. Ma in nangon ma in inum tomo nama kum tene ininum. 50Anun a labino in nanpat un tu bung o tu du bung ra a tultul ke tasmani, ma ke nuki lena in nanpat uni. 51Ra a labino in tau kutkutusi, ma in pitar tar a warkurai na minabalu toromi, sur in kis tomo nama kum tene torotoro, una nubual ra di tangtangis ma di ungingit lokondi iai.

Currently Selected:

Matiu 24: kqw

Highlight

Copy