Mak 10
10
Gong taio i kutus a nolin
(Mt 19:1-12; Lk 16:18)
1O Iesu i wan tagitiro utong una papor Judia, ma un ara papor danim Jodan kai. A kunur na taro det wan melet toromi, ra i ususer melet det elar nama ngasino anunu. 2A ramano kum Parisi det wan toromi sur det in lari. Det tingi lena, “I tokodos ut elar nam anundat a Warkurai sur a musano in lakro ru anun a ino, o awu?” 3Ra o Iesu i balu det lena, “Asi na warkurai ra o Moses i pitar tari tamot?” 4#Lo 24:1-4; Mt 5:31Ma det balu i lena, “O Moses i mulaot tari kut sur a musano in tumus a dono buk na kutus nolin, sur din palos ru a kinkinis na nolin.” 5O Iesu i watungi tandet lena, “O Moses i tumus a warkurai ra sur mot, uni a balamot i dekdek doko. 6#Stat 5:2Ikut una turturkibin a ukukis, O God ‘i ukis a taro, sur det in musano ma det in ino’. Stat 1:27
7 #
Ep 5:31-33
‘Iri a kibino ra a musano in nan gusun o tamano ma o nano, ma in kis tomo nam anun a ino, 8sur der in takai mukut.’ Stat 2:24
Ra awu mo sur der aru, der takai mukut. 9I mo ra asau ra o God i sa kubus tomo tari, gong melet mo taio i kutusi.”
10Ra det kis sa urumu, a kum nat na ususer det ting melet o Iesu una wasiso ri. 11#Mt 5:32Ma i watungi tandet lena, “Osi ra in lu ru anun a ino, ma in nolin melet nam tu ino, a musano ra i pam a sakino torom anun a mugano ino. 12Ma ra tu ino in nan gusun anun a musano, ma in nolin melet nam tu taio, a ino ra, i kai i pam a sakino.”
O Iesu i wasiso udan a kum nat liklik
(Mt 19:13-15; Lk 18:15-17)
13A taro det ben a kum nat liklik torom o Iesu sur in ubek aru lamano sapat netes un det. Ikut a kum nat na ususer det turbat det. 14O Iesu i tama i, i kankan ra i watungi tandet lena, “Mot in madek ru a kum nat liklik sur det in nan torom iau. Gong mot turbat det, uni a matanitu anun o God anundet ra det lenri. 15#Mt 18:3A inanos mot nama lingmulus, osi ra ken ruk una matanitu anun o God elar nama natlik, ken ruk lar pas.” 16Ra i romo pas a kum nat liklik, ma i ubek aru lamano netes un det, ma i wasiso udan det.
A tene gongon
(Mt 19:16-30; Lk 18:18-30)
17Ra o Iesu i wan nanan melet, ara musano i kalabor pat toromi, i kis butkeke umatano, ma i tingi lena, “Wakak na Tene Ususer, asau ra an pami sur an rakon a nilaun tukum?” 18O Iesu i balu i lena, “Sur asau ra u watung iau a wakak? Katutaio i wakak, o God sot kut. 19#Lo 5:16-20U tasman a kum Warkurai: ‘Gong u um doko taio, gong u pam a sakino nam tu ino anun taio o nam tu musano anun taio, gong u wolong, gong u etakun torotoro, gong u toro pas tu utna anun taio ma u los pasi, un ru o tamam ma o nam.’” Kis 20:12-16
20A musano ra i balu i lena, “Tene Ususer, turpasi ra a natlik utmakai tuk uniri, a ser mur a kum Warkurai rop ri.” 21O Iesu i tamtama toromi, i marisi ra i watungi tano lena, “Ara utna mukut ra kabaut u pami. Un nan ma un siuru ru anum a kum utna rop, ra a mani taguni, un tabor a kum sibo na taro nami. Ra un pami lenra, anum a wakak na ululeng kusapat una langit. Numur un nan urin ma un mur iau.” 22I longoro a wasiso ri, ra i tamtama na tumul, ra i wan ma ikut ke gasgas, uni i labo doko anun a ululeng. 23O Iesu i ger tuptupukus torom anun a kum nat na ususer ra i watungi tandet lena, “I ngangitin doko torom a kum tene gongon sur det in ruk una matanitu anun o God.” 24A kum nat na ususer det kisin doko una wasiso ri. O Iesu i watung meleti tandet lena, “A kum nutnutung liklik, in ngangitin doko torom a taro sur det in ruk una matanitu anun o God. 25In ngangitin sur a kamel in ruk una mato na sur na susuk, ikut, i ngangitin doko ut, sur a tene gongon in ruk una matanitu anun o God.” 26A kum nat na ususer det kisin doko, ra det ting etalai det lena, “Ra i lenra, osi mo ra din ulauni?” 27O Iesu i tamtama torom det ra i watungi lena, “A taro ka det in pet lar pasi, ikut o God sot kut in pet lar pas a kum utna rop.”
28O Pita i watungi tan o Iesu lena, “Tama i, met sa wan gusun anumet a kum utna rop, ra met mur ui.” 29O Iesu i watungi lena, “A inanos mot nama lingmulus: Ra taio in nan gusun anun a rumu, o gusun a kum tistisino a kum musano ma a kum ino, o gusun o nano, o gusun o tamano, o gusun a kum nutnutunu o gusun anun a piso, uni i mur iau ma a Wakak na Wasiso, 30una nilaun ri, din pitar arara mar tagun a kum ututna ri tano: a kum rumu, a kum tistisino a kum musano ma a kum ino, a kum nanano, a kum nutnutunu ma a piso, ma a kum ngunungut utkai. Ma una nilaun numur din tabori nama nilaun tukum. 31#Mt 20:16; Lk 13:30Ikut a susut ra det mugu uniri, numur det in mur, ma det ra det mur uniri, numur det in mugu.”
O Iesu i mantulu wasiso una nun a minat
(Mt 20:17-19; Lk 18:31-34)
32 #
Mk 8:31; 9:31 O Iesu tomo nam anun a kum nat na ususer det wan nanan usapat o Jerusalem. O Iesu i mugu nanan tandet, ra a kum nat na ususer det nuknuk doko, ma a taro kai ra det muri det ngara. O Iesu i ben gisen melet pas anun a noino ma aru nat na ususer, ra i inanos det una kum utna ra in nanpat uni. 33I watungi lena, “Tama i, iri dat wan nanan usapat o Jerusalem. Din pitar a Nutun a Musano torom a kum lamlabino tene etabor torom o God, ma a kum tene ususer tagun a Warkurai. Det in warkurai i sur in iru, ma det in pitar tari torom det ra awu sur a taro Juda. 34Det in urongon laulau uni, det in ibisi, det in mirasi ma det in um doko i. Ra a tulu bung in rop in katutur melet.”
A sasaring anun o Jems mo Jon
(Mt 20:20-28)
35Aru nutnutun o Sebedi, o Jems ma o Jon, der wan torom o Iesu ra der inanosi lena, “Tene Ususer, mir saring ui sur un pam asau ra mir nemi tam.” 36Ra i ting der lena, “Asau ra mur nemi tang?” 37Der balu i lena, “Un ukis mir una num a minamar, ma datul in warkurai tomo, ara una sot na lamam ma ara pasamir kai una kair.”
38 #
Mk 14:36; Lk 12:50 O Iesu i inanos der lena, “Ka mur tasman asau ra mur sasaring suri. Pepetlai, in topasi sur mur kai mur in inum una kap na mamaut ra an inum uni? Ma in topasi kai sur din baptaiso mur nama baptais na ngunungut ra din baptaiso iau nami?” 39#Ap 12:2; Tam 1:9Ma der balu i lena, “Mir in pet lar pasi kut.” O Iesu i watungi tander, “A kap na mamaut ra an inum uni, mur kai mur in inum uni, ma a baptais ra din baptaiso iau nami, din baptaiso mur kai nami. 40Ikut a kinkinis una sot na lamang ma una kair, awu sur iau, a warkurai sur an pitari. O God ut in pitari torom det ra i sa waninar tari sur det.”
41A noino nat na ususer det longoro i, ra det kankan torom o Jems ma o Jon. 42#Lk 22:25-26O Iesu i kabo tomo pas det, ra i watungi lena, “Mot tasmani lena, det ra di watung det a kum tene warkurai anun a taro ra awu sur a taro Juda, det kuro laulau a taro. Ma anundet a kum mugumugu kai det pitar a kum dekdek na warkurai torom anundet a taro. 43#Mt 23:11; Mk 9:35Ikut torom mot ken lenra. Osi ra i nemi sur in labo taun mot, in unatino pasi ut sur in tultul anumot. 44Ma osi ra i nemi sur in mugumugu anumot, in papam oros kut torom a taro rop ma ka din kuli. 45A Nutun a Musano kai, ke wanpat sur din papam toromi. I wanpat suri ut in papam torom a taro, ma in pitar tar anun a nilaun, a ikul, sur in kul langolango pas a susut na taro.”
O Iesu i utamtama pas o Batimaus a pulu
(Mt 20:29-34; Lk 18:35-43)
46Det wanpat tiro o Jeriko. Numur, o Iesu tomo nam anun a kum nat na ususer ma a kunur na taro det wan tagitiro. Ara musano kura i kis taru una papor ina kisapi, a musano ra a pulu, a risano o Batimaus (a kukuraino a nutun o Timaus) ma i ser saring utna. 47I longoro i lena o Iesu a te Nasaret i wan sakit, ra i turpas a kakabo sapat lena, “Iesu, a Nutun o Dewid, un maris iau!” 48A susut na taro det turbati sur in kis wowowon. Ikut i kakabo dekdek makai usapat lena, “Nutun o Dewid, un maris iau!” 49O Iesu i tur sikot ra i lena, “Mot kabo i urin.” Ra det kabo pas a pulu, ma det watungi tano lena, “Kosom taru tam! Tur! O Iesu i kabo ui.” 50O Batimaus i woro pirso ru anun a saket, i tur, ra i wan torom o Iesu. 51O Iesu i tingi lena, “Asau ra u nemi sur an pami un ui?” A pulu i balu i lena, “Tene Ususer, a nemi sur an tamtama.” 52#Mk 5:34O Iesu i watungi lena, “Un nan! Anum a nurnur i sa utamtama pas ui.” Uniutra i tamtama, ma i mur o Iesu una kisapi.
Currently Selected:
Mak 10: kqw
Highlight
Share
Copy
Want to have your highlights saved across all your devices? Sign up or sign in
© 2019 Wycliffe Bible Translators, Inc. All rights reserved.
Mak 10
10
Gong taio i kutus a nolin
(Mt 19:1-12; Lk 16:18)
1O Iesu i wan tagitiro utong una papor Judia, ma un ara papor danim Jodan kai. A kunur na taro det wan melet toromi, ra i ususer melet det elar nama ngasino anunu. 2A ramano kum Parisi det wan toromi sur det in lari. Det tingi lena, “I tokodos ut elar nam anundat a Warkurai sur a musano in lakro ru anun a ino, o awu?” 3Ra o Iesu i balu det lena, “Asi na warkurai ra o Moses i pitar tari tamot?” 4#Lo 24:1-4; Mt 5:31Ma det balu i lena, “O Moses i mulaot tari kut sur a musano in tumus a dono buk na kutus nolin, sur din palos ru a kinkinis na nolin.” 5O Iesu i watungi tandet lena, “O Moses i tumus a warkurai ra sur mot, uni a balamot i dekdek doko. 6#Stat 5:2Ikut una turturkibin a ukukis, O God ‘i ukis a taro, sur det in musano ma det in ino’. Stat 1:27
7 #
Ep 5:31-33
‘Iri a kibino ra a musano in nan gusun o tamano ma o nano, ma in kis tomo nam anun a ino, 8sur der in takai mukut.’ Stat 2:24
Ra awu mo sur der aru, der takai mukut. 9I mo ra asau ra o God i sa kubus tomo tari, gong melet mo taio i kutusi.”
10Ra det kis sa urumu, a kum nat na ususer det ting melet o Iesu una wasiso ri. 11#Mt 5:32Ma i watungi tandet lena, “Osi ra in lu ru anun a ino, ma in nolin melet nam tu ino, a musano ra i pam a sakino torom anun a mugano ino. 12Ma ra tu ino in nan gusun anun a musano, ma in nolin melet nam tu taio, a ino ra, i kai i pam a sakino.”
O Iesu i wasiso udan a kum nat liklik
(Mt 19:13-15; Lk 18:15-17)
13A taro det ben a kum nat liklik torom o Iesu sur in ubek aru lamano sapat netes un det. Ikut a kum nat na ususer det turbat det. 14O Iesu i tama i, i kankan ra i watungi tandet lena, “Mot in madek ru a kum nat liklik sur det in nan torom iau. Gong mot turbat det, uni a matanitu anun o God anundet ra det lenri. 15#Mt 18:3A inanos mot nama lingmulus, osi ra ken ruk una matanitu anun o God elar nama natlik, ken ruk lar pas.” 16Ra i romo pas a kum nat liklik, ma i ubek aru lamano netes un det, ma i wasiso udan det.
A tene gongon
(Mt 19:16-30; Lk 18:18-30)
17Ra o Iesu i wan nanan melet, ara musano i kalabor pat toromi, i kis butkeke umatano, ma i tingi lena, “Wakak na Tene Ususer, asau ra an pami sur an rakon a nilaun tukum?” 18O Iesu i balu i lena, “Sur asau ra u watung iau a wakak? Katutaio i wakak, o God sot kut. 19#Lo 5:16-20U tasman a kum Warkurai: ‘Gong u um doko taio, gong u pam a sakino nam tu ino anun taio o nam tu musano anun taio, gong u wolong, gong u etakun torotoro, gong u toro pas tu utna anun taio ma u los pasi, un ru o tamam ma o nam.’” Kis 20:12-16
20A musano ra i balu i lena, “Tene Ususer, turpasi ra a natlik utmakai tuk uniri, a ser mur a kum Warkurai rop ri.” 21O Iesu i tamtama toromi, i marisi ra i watungi tano lena, “Ara utna mukut ra kabaut u pami. Un nan ma un siuru ru anum a kum utna rop, ra a mani taguni, un tabor a kum sibo na taro nami. Ra un pami lenra, anum a wakak na ululeng kusapat una langit. Numur un nan urin ma un mur iau.” 22I longoro a wasiso ri, ra i tamtama na tumul, ra i wan ma ikut ke gasgas, uni i labo doko anun a ululeng. 23O Iesu i ger tuptupukus torom anun a kum nat na ususer ra i watungi tandet lena, “I ngangitin doko torom a kum tene gongon sur det in ruk una matanitu anun o God.” 24A kum nat na ususer det kisin doko una wasiso ri. O Iesu i watung meleti tandet lena, “A kum nutnutung liklik, in ngangitin doko torom a taro sur det in ruk una matanitu anun o God. 25In ngangitin sur a kamel in ruk una mato na sur na susuk, ikut, i ngangitin doko ut, sur a tene gongon in ruk una matanitu anun o God.” 26A kum nat na ususer det kisin doko, ra det ting etalai det lena, “Ra i lenra, osi mo ra din ulauni?” 27O Iesu i tamtama torom det ra i watungi lena, “A taro ka det in pet lar pasi, ikut o God sot kut in pet lar pas a kum utna rop.”
28O Pita i watungi tan o Iesu lena, “Tama i, met sa wan gusun anumet a kum utna rop, ra met mur ui.” 29O Iesu i watungi lena, “A inanos mot nama lingmulus: Ra taio in nan gusun anun a rumu, o gusun a kum tistisino a kum musano ma a kum ino, o gusun o nano, o gusun o tamano, o gusun a kum nutnutunu o gusun anun a piso, uni i mur iau ma a Wakak na Wasiso, 30una nilaun ri, din pitar arara mar tagun a kum ututna ri tano: a kum rumu, a kum tistisino a kum musano ma a kum ino, a kum nanano, a kum nutnutunu ma a piso, ma a kum ngunungut utkai. Ma una nilaun numur din tabori nama nilaun tukum. 31#Mt 20:16; Lk 13:30Ikut a susut ra det mugu uniri, numur det in mur, ma det ra det mur uniri, numur det in mugu.”
O Iesu i mantulu wasiso una nun a minat
(Mt 20:17-19; Lk 18:31-34)
32 #
Mk 8:31; 9:31 O Iesu tomo nam anun a kum nat na ususer det wan nanan usapat o Jerusalem. O Iesu i mugu nanan tandet, ra a kum nat na ususer det nuknuk doko, ma a taro kai ra det muri det ngara. O Iesu i ben gisen melet pas anun a noino ma aru nat na ususer, ra i inanos det una kum utna ra in nanpat uni. 33I watungi lena, “Tama i, iri dat wan nanan usapat o Jerusalem. Din pitar a Nutun a Musano torom a kum lamlabino tene etabor torom o God, ma a kum tene ususer tagun a Warkurai. Det in warkurai i sur in iru, ma det in pitar tari torom det ra awu sur a taro Juda. 34Det in urongon laulau uni, det in ibisi, det in mirasi ma det in um doko i. Ra a tulu bung in rop in katutur melet.”
A sasaring anun o Jems mo Jon
(Mt 20:20-28)
35Aru nutnutun o Sebedi, o Jems ma o Jon, der wan torom o Iesu ra der inanosi lena, “Tene Ususer, mir saring ui sur un pam asau ra mir nemi tam.” 36Ra i ting der lena, “Asau ra mur nemi tang?” 37Der balu i lena, “Un ukis mir una num a minamar, ma datul in warkurai tomo, ara una sot na lamam ma ara pasamir kai una kair.”
38 #
Mk 14:36; Lk 12:50 O Iesu i inanos der lena, “Ka mur tasman asau ra mur sasaring suri. Pepetlai, in topasi sur mur kai mur in inum una kap na mamaut ra an inum uni? Ma in topasi kai sur din baptaiso mur nama baptais na ngunungut ra din baptaiso iau nami?” 39#Ap 12:2; Tam 1:9Ma der balu i lena, “Mir in pet lar pasi kut.” O Iesu i watungi tander, “A kap na mamaut ra an inum uni, mur kai mur in inum uni, ma a baptais ra din baptaiso iau nami, din baptaiso mur kai nami. 40Ikut a kinkinis una sot na lamang ma una kair, awu sur iau, a warkurai sur an pitari. O God ut in pitari torom det ra i sa waninar tari sur det.”
41A noino nat na ususer det longoro i, ra det kankan torom o Jems ma o Jon. 42#Lk 22:25-26O Iesu i kabo tomo pas det, ra i watungi lena, “Mot tasmani lena, det ra di watung det a kum tene warkurai anun a taro ra awu sur a taro Juda, det kuro laulau a taro. Ma anundet a kum mugumugu kai det pitar a kum dekdek na warkurai torom anundet a taro. 43#Mt 23:11; Mk 9:35Ikut torom mot ken lenra. Osi ra i nemi sur in labo taun mot, in unatino pasi ut sur in tultul anumot. 44Ma osi ra i nemi sur in mugumugu anumot, in papam oros kut torom a taro rop ma ka din kuli. 45A Nutun a Musano kai, ke wanpat sur din papam toromi. I wanpat suri ut in papam torom a taro, ma in pitar tar anun a nilaun, a ikul, sur in kul langolango pas a susut na taro.”
O Iesu i utamtama pas o Batimaus a pulu
(Mt 20:29-34; Lk 18:35-43)
46Det wanpat tiro o Jeriko. Numur, o Iesu tomo nam anun a kum nat na ususer ma a kunur na taro det wan tagitiro. Ara musano kura i kis taru una papor ina kisapi, a musano ra a pulu, a risano o Batimaus (a kukuraino a nutun o Timaus) ma i ser saring utna. 47I longoro i lena o Iesu a te Nasaret i wan sakit, ra i turpas a kakabo sapat lena, “Iesu, a Nutun o Dewid, un maris iau!” 48A susut na taro det turbati sur in kis wowowon. Ikut i kakabo dekdek makai usapat lena, “Nutun o Dewid, un maris iau!” 49O Iesu i tur sikot ra i lena, “Mot kabo i urin.” Ra det kabo pas a pulu, ma det watungi tano lena, “Kosom taru tam! Tur! O Iesu i kabo ui.” 50O Batimaus i woro pirso ru anun a saket, i tur, ra i wan torom o Iesu. 51O Iesu i tingi lena, “Asau ra u nemi sur an pami un ui?” A pulu i balu i lena, “Tene Ususer, a nemi sur an tamtama.” 52#Mk 5:34O Iesu i watungi lena, “Un nan! Anum a nurnur i sa utamtama pas ui.” Uniutra i tamtama, ma i mur o Iesu una kisapi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Wycliffe Bible Translators, Inc. All rights reserved.