Ebikolwa by'Abatume 7
7
Sitefano ayogera
1Agho Omukulu wa Bakabona yaakoba ati: “Bityo bwe biri?” 2Sitefano yaakoba ati: “Balata ni baganda bange mumpulirise. Katonda ow'ekitiisa yabonekera dhaadha waife Aburahamu bwe yali mu Mesopotamia ng'akaali kuja kuba mu Harani,#Mainh 12:1 3yaamukoba ati, ‘Leka ensi yo n'abantu bo oje mu nsi ye nnaakulaga.’ 4Kale yaava mu nsi ey'Abakaladea yaaja yaaba mu Harani. Lata we ng'amaze okufa, Katonda yaamutoola agho yaamuleeta mu nsi eno mwe muli.#Mainh 11:31; 12:4 5Katonda ti yamugha nsi eyo kuba yiye waire akatundu akatono kati, aye yamusuubiza okugimugha ebe eyiye n'eizaire lye, waire yali nga aziraku mwana.#Mainh 12:7; 13:15; 15:18; 17:8 6Katonda yaamukoba ati, ‘Eizaire lyo liriba mu nsi etali yaalyo. Baaba bairu era baabisibwa bubi okumala emyaka ebikumi bina (400).’#Mainh 15:13-14 7Era Katonda yaakoba ati, ‘Aye ensi eyo ndigisalira omusango, era ebyo nga biwoire baliidha bansinziza mu kifo kino.’#Kuv 3:12 8Agho Katonda yaamukolera endagaano ey'okukeketa. Aburahamu yaazaala Isaaka era yaamukeketa ku lunaku olwomunaana. Isaaka yaazaala Yakobo, Yakobo eyazaala badhaadha baife eikumi n'ababiri.#Mainh 17:10-14; 21:2-4; 25:26; 29:31—35:18
9“Batabane ba Yakobo abo baagemerwa muganda waibwe Yosefu ensaalwa baamutunda e Misiri, aye era Katonda ng'ali naye.#Mainh 37:11, 28; 39:2, 21 10Katonda yaamubisa mu bizibu byonabyona yaamugha amagezi n'okugonga eri Farao, kyabazinga wa Misiri eyamugha obwami mu Misiri n'okufuga ebintu bye byonabyona.#Mainh 41:39-41 11Ghaagwagho endhala n'okudaagadaaga einho mu Misiri mwonamwona ni mu Kanaani, badhaadha baife baabulwa emere ye balya.#Mainh 42:1-2 12Aye Yakobo bwe yawulira ati mu Misiri eriyo emere, yaatumayo batabane omukuzi ogwasooka. 13Ku mukuzi ogwokubiri Yosefu yaamanhibwa baganda be, era ni Farao yaamanha ekika kya Yosefu.#Mainh 45:1, 16 14Yosefu yaayetesa Yakobo, lata we, n'ab'ekika kye boonaboona, abantu nsanvu na bataanu.#Mainh 45:9-10, 17-18; 46:27 15Yakobo yaikirira e Misiri ye yafiira ni badhaadha baife.#Mainh 46:1-7; 49:33 16Baabatwala e Shekemu baabaziika mu magombe Aburahamu ge yagula n'empiiya ku baana ba Hamori e Shekemu.#Mainh 23:3-16; 33:19; 50:7-13; Yosh 24:32
17“Ebiseera eby'okutuukiriza Katonda bye yasuubiza Aburahamu byaja nga biseeta, era abantu baaja nga baala mu Misiri.#Kuv 1:7-8 18Ghaidhagho kyabazinga ataamanha Yosefu. 19Yaasalira abantu baife amagezi, yaadaazadaaza badhaadha baife ng'abasuuza abaana baibwe bafe.#Kuv 1:10-11, 22 20Mu kiseera kino Musa yaazaalibwa, era yaaba mulungi ewa Katonda. Yaakulira mu ndhu ya ise okumala emyezi esatu.#Kuv 2:2 21Bwe yasuulibwa, mughala wa Farao yaamulonda, yaamukuza nga mutabane we.#Kuv 2:3-10 22Musa yaayegeresebwa amagezi ag'Abamisiri, yaaba wa maani mu bibono ni mu bikolwa.
23“Musa bwe yagheza emyaka amakumi ana (40), yaafuna mule ekirowoozo eky'okukyalira baganda be Abaisiraeli.#Kuv 2:11-15 24Bwe yabona Omumisiri ng'ali kudaazadaaza Omuisiraeli, yaaja yaabeeraku Omuisiraeli yaakuba Omumisiri yaamwita. 25Yali adhuuba ati baganda be banaamanha bati Katonda amutairegho okubanunula, aye tibaakimanha. 26Olunaku olwairirira, yaabona Abaisiraeli babiri nga balwana, yaagezaaku okubagaya ng'akoba ati, ‘Muli baluganda, ekibalwania ni ki.’ 27Aye eyali ali kudaazadaaza mwine yaasindika ere Musa ng'akoba ati: ‘Naani eyakufuula omwami era omulamuzi waife? 28Otaba ng'oyenda kundhita nga idho bwe waise Omumisiri!’ 29Musa olwawulira ebyo yaalumukira e Midia, yaazaalira eyo abaana abalenzi ababiri.#Kuv 18:3-4
30“Emyaka amakumi ana (40) bwe gyabitagho, malaika yaabonekera Musa mu nnimi edh'omuliro ogwali gwakira mu kisaka eyo mu irungu okumpi n'olusozi Sinai.#Kuv 3:1-10 31Musa yeewuunhia kye yali abona, era yaaseeta okwekalirisa. Yaawulira Musengwa ng'akoba ati, 32‘Ninze Katonda wa badhaadha bo: Katonda wa Aburahamu, ni Isaaka, ni Yakobo.’ Aye Musa yaadhugumira era tiyakana kwekalirisa. 33Musengwa yaamukoba ati, ‘Toolamu engaito mu bigere byo, kuba gh'oyemereire kifo kitukuvu. 34Mboine abantu bange abali mu Misiri bwe badaazibwadaazibwa, naawulira n'okulira kwaibwe, era ndidhie okubanunula. Mperaano idha, nkutume e Misiri.’
35“Musa oyo abantu ye baaloba nga bakoba bati, ‘Naani eyakufuula omwami era omulamuzi.’ Oyo Katonda ye yatuma okubafuga era okubanunula ng'abita mu malaika eyamubonekera mu kisaka.#Kuv 2:14 36Yaabakulembera yaaja ng'akola ebyewuunhio n'obumanhiso, e Misiri, mu Nhandha Emyufu, ni mu irungu, okumala emyaka amakumi ana (40).#Kuv 7:5; 14:21; Kub 14:33 37Musa ono n'eyakoba Abaisiraeli ati: ‘Katonda aidha kubatumira omulanzi okuva mu imwe beene, nga nze bwe yantuma.’#Ma 18:15, 18 38N'oyo eyali n'Abaisiraeli nga beesoloiza mu irungu. Yali ni malaika yaayogera naye ku lusozi Sinai. Yali ni badhaadha baife era n'eyafuna ebibono bya Katonda eby'obulamu asobole okubitukobera.#Kuv 19:1—20:17; Ma 5:1-33
39“Aye badhaadha baife baaloba okumuwulira baamusambaadha, ebirowoozo byaibwe nga bibali Misiri. 40Baakoba Aaroni bati, ‘Tukolereyo bakatonda abanaatukulemberangamu, kuba Musa oyo eyatutoola mu Misiri titwidhi bw'abaire.’#Kuv 32:1 41Agho, mu nnaku edho, baakola ekifaananie eky'ente ento. Baagheereza ekisinzibwa ekyo ekitali Katonda omusengo era baasagambya olw'ekintu ekyo kye baakola obukole.#Kuv 32:2-6 42Aye Katonda yaabavaaku yaabaleka okusinzanga emuunienie edh'omu igulu nga bwe kyaghandiikibwa mu kitabo ky'abalanzi kiti,#Amo 5:25-27
‘Imwe abantu ba Isiraeli,
ensolo dhe mwaitanga n'emisengo gye mwagheerezanga
emyaka amakumi ana (40) mu irungu, timwabikolera nze.
43Mwabbeedanga ntindi ya Moleki
na muunienie ya musambwa Refani, ebisinzibwa ebyo ebitali Katonda bye mwakola ni mubisinzanga.
Kale ni ndidha kubabinga mbatuumye ni Babiloni.’
44 #
Kuv 25:9, 40 “Badhaadha baife nga bali mu irungu baali n'eweema eraga nga Katonda ali nabo. Eweema eyo yakolebwa nga Katonda bwe yakoba Musa okugikola, era yagikola nga Katonda bwe yagimulaga. 45#Yosh 3:14-17 Badhaadha baife era baaleeta eweema eyo ni Yoshua bwe bangira okutwala ensi Katonda ye yabingamu abantu abandi, nga badhaadha baife babona. Eweema eyo yaaba mu nsi muno okutuukiza irala mu byanda bya Daudi. 46#2 Sam 7:1-16; 1 Byom 17:1-14 Daudi oyo yaasiimibwa Katonda era yaasaba Katonda amuganhe azimbire Katonda wa Yakobo oyo endhu. 47#1 Bakyab 6:1-38; 2 Byom 3:1-17 Aye Solomoni n'eyamuzimbira endhu.
48“Aye Katonda oyo Ali Ghaigulu Yeene, tasula mu ndhu dhizimbibwa bantu, ng'omulanzi bw'akoba ati,
49 #
Isa 66:1, 2 ‘Eigulu n'ekityamo kyange,
ate n'ensi, okwo kwe nta ebigere byange.
Kale mulinzimbira ndhu nabaki?
Oba kifo ki mwe ndiwuumulira?
50Ti ninze eyakola ebyo byonabyona?’
51 #
Isa 63:10
“Imwe ab'empwitu, ab'emyoyo emikalangufu era abaloba okuwulira ekibono kya Katonda! Buliidho mutakania Mwoyo Mutukuvu. Nga badhaadha baimwe bwe baali, mwena bwe muli. 52Mulanzi ki badhaadha baimwe ye bataakiriga? Baita abo abaalanga okwidha kw'omugheereza we omutuufu, imwe ye mwalyamu olukwe ni mumwita. 53Niimwe abaafuna Amateeka bwe gaalangirirwa ba malaika, ate mwaloba okugagema.”
Sitefano bamukuba amabaale
54Bwe baawulira ebyo, baidhula obusungu, baaluma emba. 55Aye Sitefano nga aidhwire Mwoyo Mutukuvu, yaalingirira mu igulu era yaabona ekitiisa kya Katonda, ni Yesu nga ayemereire ku luuyi olw'omukono omusaadha ogwa Katonda. 56Sitefano yaakoba ati: “Bona ndi kubona eigulu nga libwikwike n'Omwana w'Omuntu nga ayemereire ku luuyi olw'omukono omusaadha ogwa Katonda.”
57Aye bale baayasiikana nga basembye amatu gaibwe, boonaboona baamunhaagaana. 58Baamufulumya mu kibuga, baamukuba amabaale. Abadhulizi baata engoye dhaibwe gha bigere by'omwisuka eriina lye Saulo. 59Bwe baali nga bamukuba amabaale, Sitefano yaasaba ati: “Musengwa Yesu, twala omwoyo gwange.” 60Yaakuba amakiryaivu, yaaleekaana ati: “Musengwa ekibi kino tokibavunaana.” Bwe yamala okwogera atyo yaafa.
Currently Selected:
Ebikolwa by'Abatume 7: Sog
Highlight
Share
Copy
Want to have your highlights saved across all your devices? Sign up or sign in
Baibuli Ekibono kya Katonda © The Bible Society of Uganda, 2014
Ebikolwa by'Abatume 7
7
Sitefano ayogera
1Agho Omukulu wa Bakabona yaakoba ati: “Bityo bwe biri?” 2Sitefano yaakoba ati: “Balata ni baganda bange mumpulirise. Katonda ow'ekitiisa yabonekera dhaadha waife Aburahamu bwe yali mu Mesopotamia ng'akaali kuja kuba mu Harani,#Mainh 12:1 3yaamukoba ati, ‘Leka ensi yo n'abantu bo oje mu nsi ye nnaakulaga.’ 4Kale yaava mu nsi ey'Abakaladea yaaja yaaba mu Harani. Lata we ng'amaze okufa, Katonda yaamutoola agho yaamuleeta mu nsi eno mwe muli.#Mainh 11:31; 12:4 5Katonda ti yamugha nsi eyo kuba yiye waire akatundu akatono kati, aye yamusuubiza okugimugha ebe eyiye n'eizaire lye, waire yali nga aziraku mwana.#Mainh 12:7; 13:15; 15:18; 17:8 6Katonda yaamukoba ati, ‘Eizaire lyo liriba mu nsi etali yaalyo. Baaba bairu era baabisibwa bubi okumala emyaka ebikumi bina (400).’#Mainh 15:13-14 7Era Katonda yaakoba ati, ‘Aye ensi eyo ndigisalira omusango, era ebyo nga biwoire baliidha bansinziza mu kifo kino.’#Kuv 3:12 8Agho Katonda yaamukolera endagaano ey'okukeketa. Aburahamu yaazaala Isaaka era yaamukeketa ku lunaku olwomunaana. Isaaka yaazaala Yakobo, Yakobo eyazaala badhaadha baife eikumi n'ababiri.#Mainh 17:10-14; 21:2-4; 25:26; 29:31—35:18
9“Batabane ba Yakobo abo baagemerwa muganda waibwe Yosefu ensaalwa baamutunda e Misiri, aye era Katonda ng'ali naye.#Mainh 37:11, 28; 39:2, 21 10Katonda yaamubisa mu bizibu byonabyona yaamugha amagezi n'okugonga eri Farao, kyabazinga wa Misiri eyamugha obwami mu Misiri n'okufuga ebintu bye byonabyona.#Mainh 41:39-41 11Ghaagwagho endhala n'okudaagadaaga einho mu Misiri mwonamwona ni mu Kanaani, badhaadha baife baabulwa emere ye balya.#Mainh 42:1-2 12Aye Yakobo bwe yawulira ati mu Misiri eriyo emere, yaatumayo batabane omukuzi ogwasooka. 13Ku mukuzi ogwokubiri Yosefu yaamanhibwa baganda be, era ni Farao yaamanha ekika kya Yosefu.#Mainh 45:1, 16 14Yosefu yaayetesa Yakobo, lata we, n'ab'ekika kye boonaboona, abantu nsanvu na bataanu.#Mainh 45:9-10, 17-18; 46:27 15Yakobo yaikirira e Misiri ye yafiira ni badhaadha baife.#Mainh 46:1-7; 49:33 16Baabatwala e Shekemu baabaziika mu magombe Aburahamu ge yagula n'empiiya ku baana ba Hamori e Shekemu.#Mainh 23:3-16; 33:19; 50:7-13; Yosh 24:32
17“Ebiseera eby'okutuukiriza Katonda bye yasuubiza Aburahamu byaja nga biseeta, era abantu baaja nga baala mu Misiri.#Kuv 1:7-8 18Ghaidhagho kyabazinga ataamanha Yosefu. 19Yaasalira abantu baife amagezi, yaadaazadaaza badhaadha baife ng'abasuuza abaana baibwe bafe.#Kuv 1:10-11, 22 20Mu kiseera kino Musa yaazaalibwa, era yaaba mulungi ewa Katonda. Yaakulira mu ndhu ya ise okumala emyezi esatu.#Kuv 2:2 21Bwe yasuulibwa, mughala wa Farao yaamulonda, yaamukuza nga mutabane we.#Kuv 2:3-10 22Musa yaayegeresebwa amagezi ag'Abamisiri, yaaba wa maani mu bibono ni mu bikolwa.
23“Musa bwe yagheza emyaka amakumi ana (40), yaafuna mule ekirowoozo eky'okukyalira baganda be Abaisiraeli.#Kuv 2:11-15 24Bwe yabona Omumisiri ng'ali kudaazadaaza Omuisiraeli, yaaja yaabeeraku Omuisiraeli yaakuba Omumisiri yaamwita. 25Yali adhuuba ati baganda be banaamanha bati Katonda amutairegho okubanunula, aye tibaakimanha. 26Olunaku olwairirira, yaabona Abaisiraeli babiri nga balwana, yaagezaaku okubagaya ng'akoba ati, ‘Muli baluganda, ekibalwania ni ki.’ 27Aye eyali ali kudaazadaaza mwine yaasindika ere Musa ng'akoba ati: ‘Naani eyakufuula omwami era omulamuzi waife? 28Otaba ng'oyenda kundhita nga idho bwe waise Omumisiri!’ 29Musa olwawulira ebyo yaalumukira e Midia, yaazaalira eyo abaana abalenzi ababiri.#Kuv 18:3-4
30“Emyaka amakumi ana (40) bwe gyabitagho, malaika yaabonekera Musa mu nnimi edh'omuliro ogwali gwakira mu kisaka eyo mu irungu okumpi n'olusozi Sinai.#Kuv 3:1-10 31Musa yeewuunhia kye yali abona, era yaaseeta okwekalirisa. Yaawulira Musengwa ng'akoba ati, 32‘Ninze Katonda wa badhaadha bo: Katonda wa Aburahamu, ni Isaaka, ni Yakobo.’ Aye Musa yaadhugumira era tiyakana kwekalirisa. 33Musengwa yaamukoba ati, ‘Toolamu engaito mu bigere byo, kuba gh'oyemereire kifo kitukuvu. 34Mboine abantu bange abali mu Misiri bwe badaazibwadaazibwa, naawulira n'okulira kwaibwe, era ndidhie okubanunula. Mperaano idha, nkutume e Misiri.’
35“Musa oyo abantu ye baaloba nga bakoba bati, ‘Naani eyakufuula omwami era omulamuzi.’ Oyo Katonda ye yatuma okubafuga era okubanunula ng'abita mu malaika eyamubonekera mu kisaka.#Kuv 2:14 36Yaabakulembera yaaja ng'akola ebyewuunhio n'obumanhiso, e Misiri, mu Nhandha Emyufu, ni mu irungu, okumala emyaka amakumi ana (40).#Kuv 7:5; 14:21; Kub 14:33 37Musa ono n'eyakoba Abaisiraeli ati: ‘Katonda aidha kubatumira omulanzi okuva mu imwe beene, nga nze bwe yantuma.’#Ma 18:15, 18 38N'oyo eyali n'Abaisiraeli nga beesoloiza mu irungu. Yali ni malaika yaayogera naye ku lusozi Sinai. Yali ni badhaadha baife era n'eyafuna ebibono bya Katonda eby'obulamu asobole okubitukobera.#Kuv 19:1—20:17; Ma 5:1-33
39“Aye badhaadha baife baaloba okumuwulira baamusambaadha, ebirowoozo byaibwe nga bibali Misiri. 40Baakoba Aaroni bati, ‘Tukolereyo bakatonda abanaatukulemberangamu, kuba Musa oyo eyatutoola mu Misiri titwidhi bw'abaire.’#Kuv 32:1 41Agho, mu nnaku edho, baakola ekifaananie eky'ente ento. Baagheereza ekisinzibwa ekyo ekitali Katonda omusengo era baasagambya olw'ekintu ekyo kye baakola obukole.#Kuv 32:2-6 42Aye Katonda yaabavaaku yaabaleka okusinzanga emuunienie edh'omu igulu nga bwe kyaghandiikibwa mu kitabo ky'abalanzi kiti,#Amo 5:25-27
‘Imwe abantu ba Isiraeli,
ensolo dhe mwaitanga n'emisengo gye mwagheerezanga
emyaka amakumi ana (40) mu irungu, timwabikolera nze.
43Mwabbeedanga ntindi ya Moleki
na muunienie ya musambwa Refani, ebisinzibwa ebyo ebitali Katonda bye mwakola ni mubisinzanga.
Kale ni ndidha kubabinga mbatuumye ni Babiloni.’
44 #
Kuv 25:9, 40 “Badhaadha baife nga bali mu irungu baali n'eweema eraga nga Katonda ali nabo. Eweema eyo yakolebwa nga Katonda bwe yakoba Musa okugikola, era yagikola nga Katonda bwe yagimulaga. 45#Yosh 3:14-17 Badhaadha baife era baaleeta eweema eyo ni Yoshua bwe bangira okutwala ensi Katonda ye yabingamu abantu abandi, nga badhaadha baife babona. Eweema eyo yaaba mu nsi muno okutuukiza irala mu byanda bya Daudi. 46#2 Sam 7:1-16; 1 Byom 17:1-14 Daudi oyo yaasiimibwa Katonda era yaasaba Katonda amuganhe azimbire Katonda wa Yakobo oyo endhu. 47#1 Bakyab 6:1-38; 2 Byom 3:1-17 Aye Solomoni n'eyamuzimbira endhu.
48“Aye Katonda oyo Ali Ghaigulu Yeene, tasula mu ndhu dhizimbibwa bantu, ng'omulanzi bw'akoba ati,
49 #
Isa 66:1, 2 ‘Eigulu n'ekityamo kyange,
ate n'ensi, okwo kwe nta ebigere byange.
Kale mulinzimbira ndhu nabaki?
Oba kifo ki mwe ndiwuumulira?
50Ti ninze eyakola ebyo byonabyona?’
51 #
Isa 63:10
“Imwe ab'empwitu, ab'emyoyo emikalangufu era abaloba okuwulira ekibono kya Katonda! Buliidho mutakania Mwoyo Mutukuvu. Nga badhaadha baimwe bwe baali, mwena bwe muli. 52Mulanzi ki badhaadha baimwe ye bataakiriga? Baita abo abaalanga okwidha kw'omugheereza we omutuufu, imwe ye mwalyamu olukwe ni mumwita. 53Niimwe abaafuna Amateeka bwe gaalangirirwa ba malaika, ate mwaloba okugagema.”
Sitefano bamukuba amabaale
54Bwe baawulira ebyo, baidhula obusungu, baaluma emba. 55Aye Sitefano nga aidhwire Mwoyo Mutukuvu, yaalingirira mu igulu era yaabona ekitiisa kya Katonda, ni Yesu nga ayemereire ku luuyi olw'omukono omusaadha ogwa Katonda. 56Sitefano yaakoba ati: “Bona ndi kubona eigulu nga libwikwike n'Omwana w'Omuntu nga ayemereire ku luuyi olw'omukono omusaadha ogwa Katonda.”
57Aye bale baayasiikana nga basembye amatu gaibwe, boonaboona baamunhaagaana. 58Baamufulumya mu kibuga, baamukuba amabaale. Abadhulizi baata engoye dhaibwe gha bigere by'omwisuka eriina lye Saulo. 59Bwe baali nga bamukuba amabaale, Sitefano yaasaba ati: “Musengwa Yesu, twala omwoyo gwange.” 60Yaakuba amakiryaivu, yaaleekaana ati: “Musengwa ekibi kino tokibavunaana.” Bwe yamala okwogera atyo yaafa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baibuli Ekibono kya Katonda © The Bible Society of Uganda, 2014