Awatokua 2
2
Gango ti Yingo-Vuru
1 So lango ti *Pantekote asi awe, azo ti Jésus kue abongbi tere ti ala na ndo oko. 2Gi hio tongaso, mbeni toto so akpa toto ti kota pupu alondo na nduzu si amu ya ti da so ala yeke daa so kue. 3Ala baa ambeni ye so akpa amenga ti wâ asi; amenga ti wâ ni akangbi ya ti ala si aduti na li ti zo oko oko kue. 4Ala kue asi na Yingo-Vuru si ala to nda ti tene tënë na ayanga nde nde tongana ti so Yingo amu na ala lege ti tenengo ni.
5Andaa ambeni zuife so aye tënë ti Nzapa mingi ayeke na Jérusalem. Ala londo na akodro nde nde ti dunia mobimba si ala ga. 6So ala ma go ti azo ni, ala ga abongbi tere ti ala gbani gbani. Li ti azo ni aga kirikiri, ngbanga ti so zo oko oko ayeke ma azo ti Jésus so ayeke tene tënë taa na yanga ti kodro ti lo. 7Li ti ala kue akpe, be ti ala ado si ala tene: “Azo so ayeke tene tënë so, ala kue ayeke azo ti Galile pepe? 8Asara tongana nyen si zo oko oko na popo ti e ayeke ma ala taa na yanga ti kodro ti lo so? 9E so e londo na Parte, na Medii, na Elam, na Mezopotamii, na Judée, na Kapadose, na Pon, na Azii, 10na Frizii, na Panfilii, na Ezipte, na akodro ti Libii, nduru na Sirene; ambeni alondo na Rome si asara kodro ge; 11ambeni alondo na Krete nga na Arabii. E so kue e yeke ge, azuife na ambeni zo so ayeke bata *Ndia ti Moïse, e yeke ma ala na taa ayanga ti kodro ti e; ala yeke tene tënë ti akota ye so Nzapa asara!” 12So li ti ala kue akpe si ala hinga li ti ala na ye ni pepe, ala hunda tere ti ala, atene: “So aye ti tene nyen?” 13Me ambeni ayeke he azo ti Jésus, atene: “Azo so anyon samba agbu le ti ala awe!”
Fango tënë ti Pierre
14Pierre aluti, lo na amba ti lo *awatokua baleoko na oko si lo tene tënë na kota go, lo tene: “Amba ti mbi azuife na ala so kue asara kodro na Jérusalem, ala zi mê ti ala, ala ma mbi nzoni. Mbi ye ti fa nda ti ye so na ala. 15Azo so anyon samba ahon ndö ti ala pepe, tongana ti so ala yeke tene na be ti ala so. Biani, e yeke gi na ngbonga gumbaya ti ndaperere. 16Me tënë so Wayanga-Nzapa Joël atene ando so, ni laa asi awe so; lo tene:
17 ‘Nzapa atene: Na ya ti alango ti ndani,
fade mbi yeke sara titene Yingo ti mbi
aga na ndö ti azo kue;
amolenge ti ala ti koli na ti wali
ayeke tene peko ti tënë ti yanga ti mbi,
amaseka ti ala ti koli ayeke baa aye
na ya ti mbeni ye tongana bango-li,
ambakoro ti ala ayeke baa li ti ala.
18Biani, na ya ti alango ni so,
mbi yeke sara titene Yingo ti mbi
aga na ndö ti azo ti kua ti mbi ti koli na ti wali
si ala yeke tene peko ti tënë ti yanga ti mbi.
19Fade mbi yeke sara aye ti dongo be na le ti nduzu
si mbi yeke sara aye ti kpene na ndö ti sese:
mene, wâ na ngbongboro guru ti wâ,
20lâ ayeke ga vukongo ndo,
nze ayeke ga bengba tongana mene.
Na pekoni, fade lango ti *Kota Gbia ayeke si,
kota lango so azo ayeke baa gonda ti Nzapa.
21Tongaso, zo so kue ayeke iri Kota Gbia
ti mu maboko na lo,
fade lo yeke soo kuâ.’
22“Azo ti Israel, ala ma tënë so! Jésus, zo ti Nazaret ayeke mbeni zo so Nzapa afa na le ti ala so ni laa ni tokua lo. Nilaa Nzapa asara akota ye, na aye ti dongo be na aye ti kpene na lege ti lo. Ala wani, ala baa aye ni, ngbanga ti so aye ni kue asi gi na popo ti ala. 23 A zia koli so na maboko ti ala, ala kanga lo na ndö ti keke ti kroa si ala fâ lo. Andaa Nzapa ahinga kozoni si lo leke na be ti lo awe. 24 Me Nzapa azingo lo na kuâ awe, lo zi lo na ya ti pasi ti kuâ, ngbanga ti so kuâ ayeke na ngangu pepe ti gbanzi lo. 25 Biani, David atene tënë ti lo, atene:
‘Mbi yeke baa Kota Gbia na dawa ti mbi lakue,
lo yeke na mbage ti maboko ti mbi ti koli,
mbeni ye ti yingi mbi ayeke daa pepe.
26Ndani laa be ti mbi anzere
si mbi yeke he bia na ngia.
Ataa so mbi yeke zo so ayeke kui ande kuingo,
mbi zia be ti mbi ti ku mo.
27Fade mo yeke zia mbi
na ndo ti akuâ pepe;
mbi so mbi zia be ti mbi kue ti sara na mo,
fade mo yeke zia mbi ti fun na ya ti du ti kuâ pepe.
28Mo fa na mbi lege so ayeke gue na zo na fini,
fade mbi yeke duti na ngia na le ti mo.’
29“A-ita, mbi ye ti tene na ala tënë mbirimbiri na ndö ti kotara ti e David: lo kui si a lu lo, sende ti kuâ ti lo angba laso na popo ti e. 30 Lo yeke lani wayanga-Nzapa si lo hinga ye so Nzapa adeba yanga ti sara na lo: fade mbeni *hale ti lo ayeke duti na ndö ti mbata ti gbia na peko ti lo. 31David ahinga kozoni so fade *Mesii ayeke zingo na kuâ, nilaa lo tene:
‘Nzapa azia lo na ndo ti akuâ pepe,
tere ti lo afun na ya ti du ti kuâ pepe.’
32“Jésus so mbi yeke tene tënë ti lo so, Nzapa azingo lo na kuâ, e kue, e baa ye ni na le ti e. 33Nzapa aya lo na nduzu si azia lo na mbage ti maboko ti lo ti koli, lo wara na maboko ti Babâ Yingo-Vuru so a mu zendo ni. Fadeso lo sara si Yingo ni aga na ndö ti e; ni laa ala yeke baa ni si ala yeke ma ni so. 34 David, so lo wani, lo ma kâ na yayu laoko pepe, lo tene:
‘Kota Gbia atene na Kota Gbia ti mbi, atene:
duti na mbage ti maboko ti mbi ti koli,
35ngbii mbi sara titene awato ti mo
aga tongana mbata ti gbe ti gere ti mo si.’
36“Ayeke nzoni azo ti Israel kue ahinga tënë so mbirimbiri: Jésus so ala fâ lo na ndö ti keke ti kroa so, Nzapa asara si lo ga Kota Gbia na Mesii!”
37So azo ni ama tënë so, tënë ni agbu be ti ala mingi si ala hunda Pierre na ambeni watokua ni, atene: “A-ita, nyen laa alingbi e sara?” 38Pierre akiri tënë na ala: “Ayeke nzoni ala oko oko kue azia ngbene lege ti sarango ye ti ala, ala wara bateme na iri ti Jésus Christ titene Nzapa azi siokpari na li ti ala, tongaso fade Nzapa ayeke mu na ala Yingo-Vuru. 39Biani, Nzapa amu zendo ni ndali ti ala, ndali ti amolenge ti ala nga ndali ti gba ti azo so kue ayeke na yongoro ndo, ala so kue fade Nzapa, Kota Gbia ti e ayeke iri ala.”
40Pierre atene ambeni tënë mingi, lo mu wango na ala titene tënë ni ali be ti ala si amu ngangu na be ti ala; lo tene: “Azo ti fadeso ayeke asioni zo; ayeke nzoni ala sigigi na popo ti ala si ala soo kuâ.” 41Azo so ayeda na tënë ti Pierre, ala wara bateme. Na lango ni so, azo nduru na saki ota ama na be si ala li na ya ti bongbi ti azo ti Jésus.
Dutingo ti akozo zo ti Jésus
42Ala yeke bongbi lakue na tere ti *awatokua ti manda ye, ti duti na beoko, ti te kobe ti beoko, ti sambela Nzapa. 43Awatokua asara aye ti dongo be mingi na aye ti kpene si mbeto agbu azo kue. 44 Azo ti Jésus kue ayeke duti na beoko si ala yeke bongbi aye ti ala oko. 45Ala yeke ka aye ti ala, ala yeke kangbi nginza ni na popo ti ala, zo oko oko awara ye alingbi na ye so atia lo. 46Na ya ti lango oko oko, na beoko, ala yeke bongbi na ya ti kota da ti Nzapa, ala yeke te kobe na ndo oko na ya ti ada ti ala, ala yeke te ni na ngia na nzoni be. 47Ala yeke sepela Nzapa si azo kue aye ala. Na ya ti lango oko oko, Nzapa ayeke sara si ambeni zo so asoo kuâ ayeke li na ya ti bongbi ti ala.
Currently Selected:
Awatokua 2: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Awatokua 2
2
Gango ti Yingo-Vuru
1 So lango ti *Pantekote asi awe, azo ti Jésus kue abongbi tere ti ala na ndo oko. 2Gi hio tongaso, mbeni toto so akpa toto ti kota pupu alondo na nduzu si amu ya ti da so ala yeke daa so kue. 3Ala baa ambeni ye so akpa amenga ti wâ asi; amenga ti wâ ni akangbi ya ti ala si aduti na li ti zo oko oko kue. 4Ala kue asi na Yingo-Vuru si ala to nda ti tene tënë na ayanga nde nde tongana ti so Yingo amu na ala lege ti tenengo ni.
5Andaa ambeni zuife so aye tënë ti Nzapa mingi ayeke na Jérusalem. Ala londo na akodro nde nde ti dunia mobimba si ala ga. 6So ala ma go ti azo ni, ala ga abongbi tere ti ala gbani gbani. Li ti azo ni aga kirikiri, ngbanga ti so zo oko oko ayeke ma azo ti Jésus so ayeke tene tënë taa na yanga ti kodro ti lo. 7Li ti ala kue akpe, be ti ala ado si ala tene: “Azo so ayeke tene tënë so, ala kue ayeke azo ti Galile pepe? 8Asara tongana nyen si zo oko oko na popo ti e ayeke ma ala taa na yanga ti kodro ti lo so? 9E so e londo na Parte, na Medii, na Elam, na Mezopotamii, na Judée, na Kapadose, na Pon, na Azii, 10na Frizii, na Panfilii, na Ezipte, na akodro ti Libii, nduru na Sirene; ambeni alondo na Rome si asara kodro ge; 11ambeni alondo na Krete nga na Arabii. E so kue e yeke ge, azuife na ambeni zo so ayeke bata *Ndia ti Moïse, e yeke ma ala na taa ayanga ti kodro ti e; ala yeke tene tënë ti akota ye so Nzapa asara!” 12So li ti ala kue akpe si ala hinga li ti ala na ye ni pepe, ala hunda tere ti ala, atene: “So aye ti tene nyen?” 13Me ambeni ayeke he azo ti Jésus, atene: “Azo so anyon samba agbu le ti ala awe!”
Fango tënë ti Pierre
14Pierre aluti, lo na amba ti lo *awatokua baleoko na oko si lo tene tënë na kota go, lo tene: “Amba ti mbi azuife na ala so kue asara kodro na Jérusalem, ala zi mê ti ala, ala ma mbi nzoni. Mbi ye ti fa nda ti ye so na ala. 15Azo so anyon samba ahon ndö ti ala pepe, tongana ti so ala yeke tene na be ti ala so. Biani, e yeke gi na ngbonga gumbaya ti ndaperere. 16Me tënë so Wayanga-Nzapa Joël atene ando so, ni laa asi awe so; lo tene:
17 ‘Nzapa atene: Na ya ti alango ti ndani,
fade mbi yeke sara titene Yingo ti mbi
aga na ndö ti azo kue;
amolenge ti ala ti koli na ti wali
ayeke tene peko ti tënë ti yanga ti mbi,
amaseka ti ala ti koli ayeke baa aye
na ya ti mbeni ye tongana bango-li,
ambakoro ti ala ayeke baa li ti ala.
18Biani, na ya ti alango ni so,
mbi yeke sara titene Yingo ti mbi
aga na ndö ti azo ti kua ti mbi ti koli na ti wali
si ala yeke tene peko ti tënë ti yanga ti mbi.
19Fade mbi yeke sara aye ti dongo be na le ti nduzu
si mbi yeke sara aye ti kpene na ndö ti sese:
mene, wâ na ngbongboro guru ti wâ,
20lâ ayeke ga vukongo ndo,
nze ayeke ga bengba tongana mene.
Na pekoni, fade lango ti *Kota Gbia ayeke si,
kota lango so azo ayeke baa gonda ti Nzapa.
21Tongaso, zo so kue ayeke iri Kota Gbia
ti mu maboko na lo,
fade lo yeke soo kuâ.’
22“Azo ti Israel, ala ma tënë so! Jésus, zo ti Nazaret ayeke mbeni zo so Nzapa afa na le ti ala so ni laa ni tokua lo. Nilaa Nzapa asara akota ye, na aye ti dongo be na aye ti kpene na lege ti lo. Ala wani, ala baa aye ni, ngbanga ti so aye ni kue asi gi na popo ti ala. 23 A zia koli so na maboko ti ala, ala kanga lo na ndö ti keke ti kroa si ala fâ lo. Andaa Nzapa ahinga kozoni si lo leke na be ti lo awe. 24 Me Nzapa azingo lo na kuâ awe, lo zi lo na ya ti pasi ti kuâ, ngbanga ti so kuâ ayeke na ngangu pepe ti gbanzi lo. 25 Biani, David atene tënë ti lo, atene:
‘Mbi yeke baa Kota Gbia na dawa ti mbi lakue,
lo yeke na mbage ti maboko ti mbi ti koli,
mbeni ye ti yingi mbi ayeke daa pepe.
26Ndani laa be ti mbi anzere
si mbi yeke he bia na ngia.
Ataa so mbi yeke zo so ayeke kui ande kuingo,
mbi zia be ti mbi ti ku mo.
27Fade mo yeke zia mbi
na ndo ti akuâ pepe;
mbi so mbi zia be ti mbi kue ti sara na mo,
fade mo yeke zia mbi ti fun na ya ti du ti kuâ pepe.
28Mo fa na mbi lege so ayeke gue na zo na fini,
fade mbi yeke duti na ngia na le ti mo.’
29“A-ita, mbi ye ti tene na ala tënë mbirimbiri na ndö ti kotara ti e David: lo kui si a lu lo, sende ti kuâ ti lo angba laso na popo ti e. 30 Lo yeke lani wayanga-Nzapa si lo hinga ye so Nzapa adeba yanga ti sara na lo: fade mbeni *hale ti lo ayeke duti na ndö ti mbata ti gbia na peko ti lo. 31David ahinga kozoni so fade *Mesii ayeke zingo na kuâ, nilaa lo tene:
‘Nzapa azia lo na ndo ti akuâ pepe,
tere ti lo afun na ya ti du ti kuâ pepe.’
32“Jésus so mbi yeke tene tënë ti lo so, Nzapa azingo lo na kuâ, e kue, e baa ye ni na le ti e. 33Nzapa aya lo na nduzu si azia lo na mbage ti maboko ti lo ti koli, lo wara na maboko ti Babâ Yingo-Vuru so a mu zendo ni. Fadeso lo sara si Yingo ni aga na ndö ti e; ni laa ala yeke baa ni si ala yeke ma ni so. 34 David, so lo wani, lo ma kâ na yayu laoko pepe, lo tene:
‘Kota Gbia atene na Kota Gbia ti mbi, atene:
duti na mbage ti maboko ti mbi ti koli,
35ngbii mbi sara titene awato ti mo
aga tongana mbata ti gbe ti gere ti mo si.’
36“Ayeke nzoni azo ti Israel kue ahinga tënë so mbirimbiri: Jésus so ala fâ lo na ndö ti keke ti kroa so, Nzapa asara si lo ga Kota Gbia na Mesii!”
37So azo ni ama tënë so, tënë ni agbu be ti ala mingi si ala hunda Pierre na ambeni watokua ni, atene: “A-ita, nyen laa alingbi e sara?” 38Pierre akiri tënë na ala: “Ayeke nzoni ala oko oko kue azia ngbene lege ti sarango ye ti ala, ala wara bateme na iri ti Jésus Christ titene Nzapa azi siokpari na li ti ala, tongaso fade Nzapa ayeke mu na ala Yingo-Vuru. 39Biani, Nzapa amu zendo ni ndali ti ala, ndali ti amolenge ti ala nga ndali ti gba ti azo so kue ayeke na yongoro ndo, ala so kue fade Nzapa, Kota Gbia ti e ayeke iri ala.”
40Pierre atene ambeni tënë mingi, lo mu wango na ala titene tënë ni ali be ti ala si amu ngangu na be ti ala; lo tene: “Azo ti fadeso ayeke asioni zo; ayeke nzoni ala sigigi na popo ti ala si ala soo kuâ.” 41Azo so ayeda na tënë ti Pierre, ala wara bateme. Na lango ni so, azo nduru na saki ota ama na be si ala li na ya ti bongbi ti azo ti Jésus.
Dutingo ti akozo zo ti Jésus
42Ala yeke bongbi lakue na tere ti *awatokua ti manda ye, ti duti na beoko, ti te kobe ti beoko, ti sambela Nzapa. 43Awatokua asara aye ti dongo be mingi na aye ti kpene si mbeto agbu azo kue. 44 Azo ti Jésus kue ayeke duti na beoko si ala yeke bongbi aye ti ala oko. 45Ala yeke ka aye ti ala, ala yeke kangbi nginza ni na popo ti ala, zo oko oko awara ye alingbi na ye so atia lo. 46Na ya ti lango oko oko, na beoko, ala yeke bongbi na ya ti kota da ti Nzapa, ala yeke te kobe na ndo oko na ya ti ada ti ala, ala yeke te ni na ngia na nzoni be. 47Ala yeke sepela Nzapa si azo kue aye ala. Na ya ti lango oko oko, Nzapa ayeke sara si ambeni zo so asoo kuâ ayeke li na ya ti bongbi ti ala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010