Tongo nda ti aye 39
39
Joseph na ndo ti Potifar, zo ti Ezipte
1Azo ti mara ti Ismael ague na Joseph na Ezipte. Kâ, Potifar, mbeni kota zo ti kua ti gbia Faraon, makonzi ti aturugu so ayeke bata gbia, avo lo na maboko ti ala. 2 *KOTA GBIA ayeke na Joseph, lo ga zo so aye ti lo kue aga nzoni. Lo yeke lango na da ti wa ti lo, zo ti Ezipte so. 3Wa ti Joseph abaa so KOTA GBIA ayeke na Joseph si KOTA GBIA ayeke sara titene aye so kue lo yeke sara, aga nzoni. 4Be ti Potifar anzere mingi na Joseph si lo mu Joseph ti sara kua na lo. Lo zia lo ti baa ndo na ndö ti azo ti da ti lo nga na aye ti da ti lo kue. 5Ti londo na ndembe so Potifar azia lo na ndö ti azo ti da ti lo na aye ti lo kue, KOTA GBIA asara tufa na ndö ti azo ti da ti lo na aye ti da ti lo ndali ti Joseph. Tufa ti KOTA GBIA aga na ndö ti aye ti da ti zo ti Ezipte nga na ndö ti ayaka ti lo. 6Potifar azia aye ti lo kue na maboko ti Joseph. So lo wara Joseph awe, lo zia be ti lo na ndö ti mbeni ye oko pepe, gi na ndö ti kobe so lo yeke te so, awe.
Tënë ti Joseph na wali ti wa ti lo Potifar
Joseph ayeke mbeni maseka-koli so lo yeke pendere mingi si lo nzere na le ti azo. 7Na peko ti aye so, wali ti wa ti lo abaa lo si asara nzara ti lo. Wali ni atene na lo: “Ga mo lango na mbi.” 8Me Joseph ake si lo tene na wali ti wa ti lo, lo tene: “Baa, wa ti mbi ayeke hunda na mbi ti fa na lo peko ti aye ti da ti lo pepe. Lo zia aye ti lo kue na maboko ti mbi. 9Mbeni zo so ayeke kota ahon mbi na ya ti da so ayeke daa pepe. Lo gbanzi na mbi lege ti sarango mbeni ye oko pepe; gi mo oko, ngbanga ti so mo yeke wali ti lo. Mbi lingbi ti sara mara ti ye ti sioni tongaso tongana nyen, ti sara siokpari so ake Nzapa?” 10Wali ni angba lakue ti hunda Joseph, me Joseph ake ti ga ti lango na ndö ti gbogbo ti lo, ti duti na lo koli na wali.
11Mbeni lâ, Joseph ali na da ti sara kua ti lo. Andaa mbeni zo ti kua oko ayeke na ya ti da ni pepe. 12Wali ni agbu lo na bongo ti lo si atene na lo: “Lango na mbi!” Joseph azia bongo ti lo na maboko ti wali ni si lo kpe, lo sigigi. 13So wali ni abaa Joseph azia bongo ti lo na maboko ti lo si lo kpe, lo sigigi awe, 14wali ni airi azo ti kua ti lo si lo tene na ala: “Ala baa awe! A mu zo ti mara ti Hebro so a ga na lo titene lo he e na ngia! Lo ga titene lo lango na mbi si mbi dekongo ngangu. 15So lo baa mbi to nda ti dekongo ti iri azo, lo zia bongo ti lo na tere ti mbi si lo kpe, lo sigigi.”
16Lo bata bongo ti Joseph na tere ti lo ngbii koli ti lo akiri na da. 17Lo kiri lo fa gi peko ti oko tënë ni na koli ti lo, lo tene: “Ngbaa ti mara ti Hebro so mo ga na lo na e so, aga na tere ti mbi ti he mbi na ngia. 18Me so mbi to nda ti dekongo ngangu, lo zia bongo ti lo na tere ti mbi, lo kpe, lo sigigi.” 19So wa ti Joseph ama tënë so wali ti lo atene na lo: “Baa ye so ngbaa ti mo asara na mbi laa”, lo sara ngonzo mingi. 20Lo mu yanga titene a gbu Joseph, a bi lo na da ti kanga, na ndo so a yeke bi ka azo ti kanga ti gbia daa so.
Joseph na da ti kanga
Joseph aduti na da ti kanga ni. 21 *KOTA GBIA ayeke na Joseph, lo sara nzoni be na Joseph; lo sara titene makonzi ti da ti kanga ni abaa Joseph na nzoni le. 22Makonzi ti da ti kanga azia azo ti kanga ni kue na gbe ti komandema ti Joseph. Aye so kue azo aye ti sara na da ti kanga, ala hunda Joseph si ala sara ni. 23Aye so kue makonzi ti da ti kanga ni azia na maboko ti Joseph, makonzi ni ayeke kiri ti baa peko ni pepe, ngbanga ti so KOTA GBIA ayeke na Joseph. Aye so kue lo yeke sara, KOTA GBIA asara titene aga nzoni.
Currently Selected:
Tongo nda ti aye 39: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Tongo nda ti aye 39
39
Joseph na ndo ti Potifar, zo ti Ezipte
1Azo ti mara ti Ismael ague na Joseph na Ezipte. Kâ, Potifar, mbeni kota zo ti kua ti gbia Faraon, makonzi ti aturugu so ayeke bata gbia, avo lo na maboko ti ala. 2 *KOTA GBIA ayeke na Joseph, lo ga zo so aye ti lo kue aga nzoni. Lo yeke lango na da ti wa ti lo, zo ti Ezipte so. 3Wa ti Joseph abaa so KOTA GBIA ayeke na Joseph si KOTA GBIA ayeke sara titene aye so kue lo yeke sara, aga nzoni. 4Be ti Potifar anzere mingi na Joseph si lo mu Joseph ti sara kua na lo. Lo zia lo ti baa ndo na ndö ti azo ti da ti lo nga na aye ti da ti lo kue. 5Ti londo na ndembe so Potifar azia lo na ndö ti azo ti da ti lo na aye ti lo kue, KOTA GBIA asara tufa na ndö ti azo ti da ti lo na aye ti da ti lo ndali ti Joseph. Tufa ti KOTA GBIA aga na ndö ti aye ti da ti zo ti Ezipte nga na ndö ti ayaka ti lo. 6Potifar azia aye ti lo kue na maboko ti Joseph. So lo wara Joseph awe, lo zia be ti lo na ndö ti mbeni ye oko pepe, gi na ndö ti kobe so lo yeke te so, awe.
Tënë ti Joseph na wali ti wa ti lo Potifar
Joseph ayeke mbeni maseka-koli so lo yeke pendere mingi si lo nzere na le ti azo. 7Na peko ti aye so, wali ti wa ti lo abaa lo si asara nzara ti lo. Wali ni atene na lo: “Ga mo lango na mbi.” 8Me Joseph ake si lo tene na wali ti wa ti lo, lo tene: “Baa, wa ti mbi ayeke hunda na mbi ti fa na lo peko ti aye ti da ti lo pepe. Lo zia aye ti lo kue na maboko ti mbi. 9Mbeni zo so ayeke kota ahon mbi na ya ti da so ayeke daa pepe. Lo gbanzi na mbi lege ti sarango mbeni ye oko pepe; gi mo oko, ngbanga ti so mo yeke wali ti lo. Mbi lingbi ti sara mara ti ye ti sioni tongaso tongana nyen, ti sara siokpari so ake Nzapa?” 10Wali ni angba lakue ti hunda Joseph, me Joseph ake ti ga ti lango na ndö ti gbogbo ti lo, ti duti na lo koli na wali.
11Mbeni lâ, Joseph ali na da ti sara kua ti lo. Andaa mbeni zo ti kua oko ayeke na ya ti da ni pepe. 12Wali ni agbu lo na bongo ti lo si atene na lo: “Lango na mbi!” Joseph azia bongo ti lo na maboko ti wali ni si lo kpe, lo sigigi. 13So wali ni abaa Joseph azia bongo ti lo na maboko ti lo si lo kpe, lo sigigi awe, 14wali ni airi azo ti kua ti lo si lo tene na ala: “Ala baa awe! A mu zo ti mara ti Hebro so a ga na lo titene lo he e na ngia! Lo ga titene lo lango na mbi si mbi dekongo ngangu. 15So lo baa mbi to nda ti dekongo ti iri azo, lo zia bongo ti lo na tere ti mbi si lo kpe, lo sigigi.”
16Lo bata bongo ti Joseph na tere ti lo ngbii koli ti lo akiri na da. 17Lo kiri lo fa gi peko ti oko tënë ni na koli ti lo, lo tene: “Ngbaa ti mara ti Hebro so mo ga na lo na e so, aga na tere ti mbi ti he mbi na ngia. 18Me so mbi to nda ti dekongo ngangu, lo zia bongo ti lo na tere ti mbi, lo kpe, lo sigigi.” 19So wa ti Joseph ama tënë so wali ti lo atene na lo: “Baa ye so ngbaa ti mo asara na mbi laa”, lo sara ngonzo mingi. 20Lo mu yanga titene a gbu Joseph, a bi lo na da ti kanga, na ndo so a yeke bi ka azo ti kanga ti gbia daa so.
Joseph na da ti kanga
Joseph aduti na da ti kanga ni. 21 *KOTA GBIA ayeke na Joseph, lo sara nzoni be na Joseph; lo sara titene makonzi ti da ti kanga ni abaa Joseph na nzoni le. 22Makonzi ti da ti kanga azia azo ti kanga ni kue na gbe ti komandema ti Joseph. Aye so kue azo aye ti sara na da ti kanga, ala hunda Joseph si ala sara ni. 23Aye so kue makonzi ti da ti kanga ni azia na maboko ti Joseph, makonzi ni ayeke kiri ti baa peko ni pepe, ngbanga ti so KOTA GBIA ayeke na Joseph. Aye so kue lo yeke sara, KOTA GBIA asara titene aga nzoni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010