Tongo nda ti aye 43
43
Jacob azia lege na Benjamin ti gue na Ezipte
1Nzara ni angba ti hon ndoni na sese ti Kanaan. 2So azo ti sewa ti Jacob ate ale ti *ble so ala mu na Ezipte aga na ni so kue awe, babâ ti ala atene na ala: “Ala kiri ague, avo ambeni kete kobe ndali ti e.” 3Juda atene na lo: “Koli ni atene na e mbirimbiri, atene: ‘Tongana ita ti ala ayeke na tere ti ala pepe, ala yeke baa le ti mbi pepe.’ 4Tongana mo yeda ti zia ita ti e ti gue na e, fade e gue ti vo kobe ndali ti mo. 5Tongana mo ke titene lo gue, e yeke gue pepe, ngbanga ti so koli ni atene: ‘Tongana ita ti ala ayeke na tere ti ala pepe, ala yeke baa le ti mbi pepe.’ ” 6Jacob atene: “Ngbanga ti nyen si ala tene na lo atene, mbeni ita ti ala ayeke daa so? Ala sara sioni na mbi awe.” 7Ala kiri tënë, atene: “Koli ni ahunda na e tënë mingi na ndö ti e nga na ndö ti sewa ti e, lo tene: ‘Babâ ti ala angba na fini? Mbeni ita ti ala nde ayeke daa?’ E kiri tënë na lo alingbi na ahundango ndo ti lo ni. E hinga fade e tene lo yeke hunda e titene e mu ita ti e, e gue na lo?”
8Juda atene na babâ ti lo Jacob: “Zia molenge ni, mbi na lo, e gue. Ala londo, e gue. Tongaso si e na mo, na amolenge ti e kue, e ngba na fini, e kui pepe. 9Molenge ni ayeke na maboko ti mbi. Tongana mbeni ye asi na lo, mo hunda tënë ni gi na mbi. Tongana mbi kiri na lo, mbi zia lo na gbe ti mo pepe, fade tënë ti ye ti sioni so mbi sara na mo so angba na li ti mbi kpu na kpu. 10Tongana e zia ngoi ahon fade pepe, ka e gue, e kiri fani use awe.” 11Babâ ti ala Jacob atene na ala: “Tongana ye ni ayeke tongaso, ayeke nzoni ala sara ye so mbi yeke tene na ala so. Ala mu anzoni le ti keke ti kodro ti e azia na ya ti akungba ti ala; ala gue na ni na koli ni. Ala mu ambeni yombo na yoro kete, mafuta ti wotoro kete, ambeni le ti pistashe na amande. 12Ala mu nginza so ala wara na ya ti asake ti ala so na maboko ti ala. E hinga pepe, azo ni agirisa nginza ni so girisango. Ala mu nga mbeni nginza nde so alingbi na ni, ala gue na ni. 13Ala mu nga ita ti ala ni, ala londo akiri na ndo ti koli ni so. 14Ayeke nzoni Nzapa so ngangu ti lo ahon angangu kue so, asara titene koli so abaa ala na nzoni le; lo zia lege na ita ti ala so angba kâ so, nga na Benjamin titene ala kiri. Tongana ayeke titene a zi amolenge ti mbi na maboko ti mbi, a zi ala.”
A-ita ti Joseph awara tere na lo ti fani use ni
15A-ita ti Joseph amu aye ni; ala mu nginza so ala wara na ya ti asake ti ala so si ala mu nga mbeni nginza nde so alingbi na ni; ala mu Benjamin si ala londo ague na Ezipte. Ala gue, afa tere ti ala na Joseph. 16So Joseph abaa Benjamin na tere ti ala, lo tene na koli so ayeke baa lege ti aye ti da ti lo so, lo tene: “Mu azo so, mo ga na ala na da. Fâ mbeni nyama, mo to ni, ngbanga ti so azo so ayeke te ande kobe na mbi na bekombite.” 17Koli ni asara ye so Joseph ahunda na lo si lo mu ala, lo gue na ala na da ti Joseph. 18Mbeto asara ala, ngbanga ti so a mu ala, a gue na ala na da ti Joseph. Ala tene na be ti ala: “A mu e, a ga na e ge ndali ti nginza so a zia ni angba na ya ti asake ti e na ndembe so e ga ge kozoni. Nilaa lo yeke gi lege ti gbu e, ti sara sioni na e, ti sara si e ga angbaa si lo mu alele ti e.” 19So ala si na yanga ti da ni, ala gue nduru na tere ti koli so ayeke baa lege ti aye ti da ti Joseph so. 20Ala tene na lo: “Kota zo, e gbu gere ti mo, e ga lani ge kozo ti vo kobe. 21 Me na kiringo ti e, so e si na ndo so azo ti lege ayeke lango daa, e zi ya ti asake ti e si e baa so nginza ti zo oko oko ayeke na yanga ti sake ti lo. Nginza ni kue angba; ni laa e kiri na ni so. 22E mu mbeni nginza nde na tere ni si e ga na ni ti vo na akobe so. E hinga zo so amu nginza ti e si akiri azia ni na ya ti asake ti e so pepe.” 23Koli ni atene na ala: “Ala zia be ti ala aduti kpoo, ala sara mbeto pepe. Nzapa ti ala, Nzapa ti babâ ti ala laa azia mbeni mosoro na ya ti asake ti ala so. Mbi wara nginza ti ala ni awe.”
Na pekoni, lo mu Siméon, lo sigigi na lo na ala. 24Lo mu ala, lo gue na ala na da ti Joseph. Lo mu ngu na ala si ala sukula na gere ti ala; lo mu pere na alele ti ala titene ala te. 25Aye so ala ga na ni ti mu na Joseph so, ala leke ni azia ni nduru ti ku na gango ti Joseph na bekombite, ngbanga ti so ala ma a tene, ala na lo ayeke te kobe na ndo so. 26Tongana Joseph akiri na da awe, ala mu aye so ala ga na ni so, ala mu na lo. Ala kuku akpo li ti ala na sese na gbe ti lo. 27Joseph ahunda ala, atene: “Ala yeke nzoni? Babâ ti ala so aga mbakoro awe si ala tene tënë ti lo na mbi so angba na fini? Lo yeke nzoni?” 28Ala kiri tënë: “Babâ ti e, zo ti gbe ti mo, angba na fini. Lo yeke nzoni.” Ala ba, akuku akpo li ti ala na sese na gbe ti lo. 29Joseph ayo le ti lo na nduzu; lo baa ita ti lo Benjamin, so lo na lo mama oko so. Lo hunda ndo, lo tene: “Tanga ti ita ti ala so ala tene tënë ti lo na mbi so laa?” Na pekoni, lo tene: “Ayeke nzoni Nzapa asara nzoni be na mo, molenge ti mbi.”
30So Joseph abaa ita ti lo, lo kanga be ti lo gbaa ndali ti nzara ti ita ti lo ahon ndö ti lo; lo ye ti toto, lo londo hio lo gue na ya ti kubu ti lango ti lo si lo toto. 31Na pekoni, lo sukula le ti lo si lo sigigi. Lo kanga be ti lo si lo tene: “Ala ga na kobe ni, e te.” 32Ala zia ti lo kobe ni nde, ala zia ti a-ita ti lo nde si ala zia nga ti azo ti Ezipte nde, ngbanga ti so azo ti Ezipte ayeke te ka kobe na azo ti mara ti Hebro pepe. Ti ala, tengo kobe na ahebro ayeke sioni ye mingi. 33A-ita ti Joseph aduti na dawa ti lo; a zia ala, ala duti na molongo alingbi na ngu ti ala: kozo molenge ni aduti na ndo so alingbi na ngu ti lo si ngambe ni aduti nga na ndo so alingbi na ngu ti lo. Ala yeke baa le ti tere si li ti ala kue akpe. 34Joseph amu mbeni mbage ti kobe so ayeke na ndö ti meza ti lo si lo yeke tokua ni na ala. Kobe ti Benjamin ahon ti atanga ni kue fani oku. Ala na Joseph anyon samba ngbii tere ti ala kue anzere.
Currently Selected:
Tongo nda ti aye 43: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
Tongo nda ti aye 43
43
Jacob azia lege na Benjamin ti gue na Ezipte
1Nzara ni angba ti hon ndoni na sese ti Kanaan. 2So azo ti sewa ti Jacob ate ale ti *ble so ala mu na Ezipte aga na ni so kue awe, babâ ti ala atene na ala: “Ala kiri ague, avo ambeni kete kobe ndali ti e.” 3Juda atene na lo: “Koli ni atene na e mbirimbiri, atene: ‘Tongana ita ti ala ayeke na tere ti ala pepe, ala yeke baa le ti mbi pepe.’ 4Tongana mo yeda ti zia ita ti e ti gue na e, fade e gue ti vo kobe ndali ti mo. 5Tongana mo ke titene lo gue, e yeke gue pepe, ngbanga ti so koli ni atene: ‘Tongana ita ti ala ayeke na tere ti ala pepe, ala yeke baa le ti mbi pepe.’ ” 6Jacob atene: “Ngbanga ti nyen si ala tene na lo atene, mbeni ita ti ala ayeke daa so? Ala sara sioni na mbi awe.” 7Ala kiri tënë, atene: “Koli ni ahunda na e tënë mingi na ndö ti e nga na ndö ti sewa ti e, lo tene: ‘Babâ ti ala angba na fini? Mbeni ita ti ala nde ayeke daa?’ E kiri tënë na lo alingbi na ahundango ndo ti lo ni. E hinga fade e tene lo yeke hunda e titene e mu ita ti e, e gue na lo?”
8Juda atene na babâ ti lo Jacob: “Zia molenge ni, mbi na lo, e gue. Ala londo, e gue. Tongaso si e na mo, na amolenge ti e kue, e ngba na fini, e kui pepe. 9Molenge ni ayeke na maboko ti mbi. Tongana mbeni ye asi na lo, mo hunda tënë ni gi na mbi. Tongana mbi kiri na lo, mbi zia lo na gbe ti mo pepe, fade tënë ti ye ti sioni so mbi sara na mo so angba na li ti mbi kpu na kpu. 10Tongana e zia ngoi ahon fade pepe, ka e gue, e kiri fani use awe.” 11Babâ ti ala Jacob atene na ala: “Tongana ye ni ayeke tongaso, ayeke nzoni ala sara ye so mbi yeke tene na ala so. Ala mu anzoni le ti keke ti kodro ti e azia na ya ti akungba ti ala; ala gue na ni na koli ni. Ala mu ambeni yombo na yoro kete, mafuta ti wotoro kete, ambeni le ti pistashe na amande. 12Ala mu nginza so ala wara na ya ti asake ti ala so na maboko ti ala. E hinga pepe, azo ni agirisa nginza ni so girisango. Ala mu nga mbeni nginza nde so alingbi na ni, ala gue na ni. 13Ala mu nga ita ti ala ni, ala londo akiri na ndo ti koli ni so. 14Ayeke nzoni Nzapa so ngangu ti lo ahon angangu kue so, asara titene koli so abaa ala na nzoni le; lo zia lege na ita ti ala so angba kâ so, nga na Benjamin titene ala kiri. Tongana ayeke titene a zi amolenge ti mbi na maboko ti mbi, a zi ala.”
A-ita ti Joseph awara tere na lo ti fani use ni
15A-ita ti Joseph amu aye ni; ala mu nginza so ala wara na ya ti asake ti ala so si ala mu nga mbeni nginza nde so alingbi na ni; ala mu Benjamin si ala londo ague na Ezipte. Ala gue, afa tere ti ala na Joseph. 16So Joseph abaa Benjamin na tere ti ala, lo tene na koli so ayeke baa lege ti aye ti da ti lo so, lo tene: “Mu azo so, mo ga na ala na da. Fâ mbeni nyama, mo to ni, ngbanga ti so azo so ayeke te ande kobe na mbi na bekombite.” 17Koli ni asara ye so Joseph ahunda na lo si lo mu ala, lo gue na ala na da ti Joseph. 18Mbeto asara ala, ngbanga ti so a mu ala, a gue na ala na da ti Joseph. Ala tene na be ti ala: “A mu e, a ga na e ge ndali ti nginza so a zia ni angba na ya ti asake ti e na ndembe so e ga ge kozoni. Nilaa lo yeke gi lege ti gbu e, ti sara sioni na e, ti sara si e ga angbaa si lo mu alele ti e.” 19So ala si na yanga ti da ni, ala gue nduru na tere ti koli so ayeke baa lege ti aye ti da ti Joseph so. 20Ala tene na lo: “Kota zo, e gbu gere ti mo, e ga lani ge kozo ti vo kobe. 21 Me na kiringo ti e, so e si na ndo so azo ti lege ayeke lango daa, e zi ya ti asake ti e si e baa so nginza ti zo oko oko ayeke na yanga ti sake ti lo. Nginza ni kue angba; ni laa e kiri na ni so. 22E mu mbeni nginza nde na tere ni si e ga na ni ti vo na akobe so. E hinga zo so amu nginza ti e si akiri azia ni na ya ti asake ti e so pepe.” 23Koli ni atene na ala: “Ala zia be ti ala aduti kpoo, ala sara mbeto pepe. Nzapa ti ala, Nzapa ti babâ ti ala laa azia mbeni mosoro na ya ti asake ti ala so. Mbi wara nginza ti ala ni awe.”
Na pekoni, lo mu Siméon, lo sigigi na lo na ala. 24Lo mu ala, lo gue na ala na da ti Joseph. Lo mu ngu na ala si ala sukula na gere ti ala; lo mu pere na alele ti ala titene ala te. 25Aye so ala ga na ni ti mu na Joseph so, ala leke ni azia ni nduru ti ku na gango ti Joseph na bekombite, ngbanga ti so ala ma a tene, ala na lo ayeke te kobe na ndo so. 26Tongana Joseph akiri na da awe, ala mu aye so ala ga na ni so, ala mu na lo. Ala kuku akpo li ti ala na sese na gbe ti lo. 27Joseph ahunda ala, atene: “Ala yeke nzoni? Babâ ti ala so aga mbakoro awe si ala tene tënë ti lo na mbi so angba na fini? Lo yeke nzoni?” 28Ala kiri tënë: “Babâ ti e, zo ti gbe ti mo, angba na fini. Lo yeke nzoni.” Ala ba, akuku akpo li ti ala na sese na gbe ti lo. 29Joseph ayo le ti lo na nduzu; lo baa ita ti lo Benjamin, so lo na lo mama oko so. Lo hunda ndo, lo tene: “Tanga ti ita ti ala so ala tene tënë ti lo na mbi so laa?” Na pekoni, lo tene: “Ayeke nzoni Nzapa asara nzoni be na mo, molenge ti mbi.”
30So Joseph abaa ita ti lo, lo kanga be ti lo gbaa ndali ti nzara ti ita ti lo ahon ndö ti lo; lo ye ti toto, lo londo hio lo gue na ya ti kubu ti lango ti lo si lo toto. 31Na pekoni, lo sukula le ti lo si lo sigigi. Lo kanga be ti lo si lo tene: “Ala ga na kobe ni, e te.” 32Ala zia ti lo kobe ni nde, ala zia ti a-ita ti lo nde si ala zia nga ti azo ti Ezipte nde, ngbanga ti so azo ti Ezipte ayeke te ka kobe na azo ti mara ti Hebro pepe. Ti ala, tengo kobe na ahebro ayeke sioni ye mingi. 33A-ita ti Joseph aduti na dawa ti lo; a zia ala, ala duti na molongo alingbi na ngu ti ala: kozo molenge ni aduti na ndo so alingbi na ngu ti lo si ngambe ni aduti nga na ndo so alingbi na ngu ti lo. Ala yeke baa le ti tere si li ti ala kue akpe. 34Joseph amu mbeni mbage ti kobe so ayeke na ndö ti meza ti lo si lo yeke tokua ni na ala. Kobe ti Benjamin ahon ti atanga ni kue fani oku. Ala na Joseph anyon samba ngbii tere ti ala kue anzere.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010