Lagu Puji dong 100

100

Lagu puji yang angka sukur

Lagu puji yang minta tarima kasi.

1Samua orang di anteru dunya!

Batarea rame-rame,

ko angka puji sang TUHAN.

2Sambayang sang TUHAN,

deng hati sanáng.

Mari ko datang mangada sang Dia,

deng manyanyi angka lagu.

3Mari ko mangaku bilang,

TUHAN tu, Allah.

Te Dia yang bekin ame sang kotong,

ais kotong jadi Dia pung milik.

Kotong yang jadi Dia pung orang.

Deng kotong sama ke domba

yang makan rumput di Dia pung ladang dong.

4Mari ko maso lewat Dia pung pintu dong,

deng hati yang ponu deng rasa sukur.

Mari ko maso dalam Dia pung Ruma,

deng angka puji sang Dia.

Minta tarima kasi sang Dia!

Puji Dia pung nama!

5Te TUHAN tu, bae.

Dia pung sayang sonde tau barenti.

Apa yang Dia omong, pasti Dia bekin iko,

dari turunan satu pi turunan laen dong.#1 Sajara Israꞌel deng Yahuda 16:34; 2 Sajara Israꞌel deng Yahuda 5:13; 7:3; Esra 3:11; Lagu Puji dong 106:1; 107:1; 118:1; 136:1; Yeremia 33:11

Currently Selected:

Lagu Puji dong 100: mknNTPO

Highlight

Copy

Want to have your highlights saved across all your devices? Sign up or sign in

Learn More About Tuhan pung Kata-kata