Luk 21
21
Ga sa꞉ba꞉lo꞉wa꞉ mole to꞉lolo꞉
Mak 12.41-44
1Ya꞉su e Godeya꞉ malilo꞉ aya iliki bo꞉fo꞉len amio꞉, moleyo꞉ modo꞉lo꞉ delen kaluka꞉isale iliyo꞉ ini moleyo꞉ go꞉fo꞉ amilo꞉ bobalo꞉ to꞉lola꞉len a꞉na to꞉lola꞉labi ba꞉ba꞉. 2E bo꞉fo꞉len amio꞉, ga sa꞉ba꞉lo꞉ imilig noma꞉yo꞉ e wilo꞉ma ko꞉lo꞉ mole us a꞉la꞉ a꞉no꞉ko꞉ to꞉lolabi ba꞉ba꞉. 3#2Kol 8.12Ya꞉su eyo꞉ a꞉la꞉sio꞉, “Niyo꞉ to we gimo꞉wo꞉ hendele sa꞉ma꞉nigo꞉l. Ga sa꞉ba꞉lo꞉ wema꞉lo꞉ mole to꞉lolab we, nolba꞉lo꞉ alan dimiab a꞉no꞉ e tiniab. 4Kaluka꞉isale moleyo꞉ modo꞉lo꞉ delen iliyo꞉, mole ililo꞉wo꞉ alobanalia꞉ga꞉, heb alano꞉ inino꞉ dia꞉taki, heb nolo꞉ a꞉na to꞉lolab. Ko꞉sega ga sa꞉ba꞉lo꞉ eyo꞉, mole ha꞉lula꞉su enedo꞉ ma꞉no꞉ kililia꞉no꞉ delen a꞉no꞉ko꞉ tambo dia꞉sa꞉ga꞉ to꞉lolab.”
Henfelo꞉ we elema꞉nigalikiyo꞉ hida꞉yo꞉wo꞉ alan fa꞉la꞉doma꞉ib
Madi 24.1-14, Mak 13.1-13
5Tiliwida꞉sen kalu nolba꞉yo꞉ Godeya꞉ malilo꞉ a di a꞉no꞉ ba꞉da꞉sa꞉ga꞉yo꞉, u nafaleya꞉lo꞉ a di a꞉no꞉lia꞉, kaluka꞉isaleya꞉lo꞉ boba kelego꞉ nafale ko꞉lo꞉ a momade alifelema꞉kilo꞉ dimi a꞉no꞉lia꞉ ba꞉dakiyo꞉ nenelo꞉. Ko꞉sega Ya꞉su eyo꞉ imo꞉wo꞉ a꞉la꞉sio꞉, 6#Luk 19.44“O꞉go꞉do꞉ gililo꞉ ba꞉dab we, tif amio꞉ a we tambo bidi ha꞉naki, u noma꞉ wa꞉l amilo꞉ dinafa a꞉lab we aumbo꞉ mada mo꞉doma꞉ib.”
7Ya꞉su eyo꞉ a꞉la꞉sa꞉labiki, kaluka꞉isale nolba꞉yo꞉ a꞉la꞉dabu ba꞉ba꞉, “Widan kalu, gilo꞉ sa꞉lab we ho꞉leno꞉ iga꞉sa fa꞉la꞉doma꞉iba? Ho꞉len a꞉no꞉ ko꞉na꞉ma fa꞉la꞉doma꞉nigabo꞉lo꞉b a꞉la꞉bo꞉, niliyo꞉ waga ele ba꞉ba꞉no꞉wo꞉?” 8Ya꞉su eyo꞉ a꞉ma꞉la꞉ sa꞉laki, “Kalu nolba꞉lo꞉ to dikili sa꞉lab a꞉ma꞉yo꞉ gio꞉ hala tililia꞉ ha꞉nabena꞉ki, dinafa bo꞉fo꞉lubi. Mo꞉wo꞉ ni wiya a꞉la꞉ta꞉ga꞉yo꞉, kalu modo꞉wo꞉ ya꞉siakiyo꞉ ‘Godeya꞉lo꞉ Da꞉feyo꞉ kaluwo꞉ ne’ a꞉la꞉sa꞉laki, a꞉la꞉ta꞉ga꞉ ‘Ho꞉leno꞉ o꞉go꞉ fa꞉la꞉doma꞉nigab’ a꞉la꞉sa꞉lalikiyo꞉, giliyo꞉ ililo꞉ sa꞉lab a꞉no꞉ tilida꞉da꞉so꞉bo. 9Gio꞉ ‘hen no o꞉lia꞉ bubo꞉wo꞉ alan fa꞉la꞉dowaka꞉’ a꞉la꞉ta꞉ga꞉ ‘kalu nolo꞉ gamani o꞉lia꞉ bubaka꞉’ a꞉la꞉bo꞉ da꞉dalikiyo꞉, gio꞉ tagila꞉so꞉bo! Mo꞉wo꞉ dimido꞉ we tamina fa꞉la꞉doma꞉ib, ko꞉sega elema꞉no꞉ ho꞉leno꞉ o꞉g a꞉namio꞉ bo꞉ebo꞉ mo꞉fa꞉la꞉doma꞉ib.
10“Hen no amilo꞉ san o꞉lia꞉, hen no amilo꞉ san o꞉lia꞉yo꞉ gis diaki bubo꞉wo꞉ alan fa꞉la꞉dowa꞉i ha꞉na꞉ib. 11Hiniyo꞉ mada alan tima꞉ib. Hen ko꞉li ko꞉lilo꞉ wenamio꞉ walafo꞉ alan fa꞉la꞉doma꞉ib a꞉la꞉ta꞉ga꞉ egelo꞉wo꞉ mo꞉fa꞉la꞉ndaliki, kaluka꞉isaleyo꞉ maiyo꞉wo꞉ alan doma꞉ib. Gio꞉ tagima꞉kiyo꞉, akin halonamio꞉ ele ba꞉ba꞉no꞉wo꞉ ko꞉li ko꞉lilo꞉ ka fa꞉la꞉doma꞉ib.
12“Ko꞉sega kelego꞉ a꞉no꞉ semo꞉ fa꞉la꞉dowalikiyo꞉, kelego꞉ nolo꞉ tamina fa꞉la꞉doma꞉ib. Ni wiyo꞉ gili ta꞉lisab ko꞉lo꞉, kalu nolba꞉yo꞉ gio꞉ ta꞉lia꞉sa꞉ga꞉, gimo꞉wo꞉ hida꞉yo꞉wo꞉ ko꞉li ko꞉lilo꞉ dimia꞉ib. Iliyo꞉ gio꞉ Godeya꞉ tolo꞉ wida꞉sen aya mo꞉walila꞉sa꞉ga꞉, dibolowa to꞉loma꞉ib. A꞉la꞉ta꞉ga꞉ gio꞉ tililia꞉ ha꞉na꞉sa꞉ga꞉, gamani misa꞉ kaluwa꞉ siwa꞉la ta꞉fo꞉liki mo꞉walilima꞉ib. 13Iliyo꞉ gio꞉ mo꞉walilalikiyo꞉, gili tilidabu a꞉no꞉ imo꞉wo꞉ a꞉na fanda sa꞉ma꞉ib. 14-15#Luk 12.11-12#Ilig 6.10Niyo꞉ gio꞉ mo꞉walilalikilo꞉ to sa꞉ma꞉no꞉ asulo꞉ nafale a꞉no꞉ gimo꞉ dimia꞉no꞉ ko꞉lo꞉, gili gis kalu iliyo꞉ to gililo꞉ sa꞉lab a꞉no꞉ mo꞉wa꞉la꞉ sa꞉ndaki, gililo꞉ to a꞉no꞉ a꞉ma꞉la꞉bo꞉ mo꞉sa꞉ma꞉ib. A꞉la꞉fo꞉ko꞉lo꞉ gio꞉ mo꞉walilab a꞉namio꞉ o꞉b sa꞉ma꞉no꞉wa꞉le a꞉la꞉bo꞉ o꞉g wenamio꞉ kele asulakiyo꞉ to sa꞉ma꞉no꞉wo꞉ dimidalia꞉so꞉bo. 16#Madi 10.21-22Gili go꞉la꞉yo꞉, go꞉wa꞉yo꞉, gaowa꞉yo꞉, so꞉lo꞉wa꞉yo꞉, a꞉la꞉ta꞉ga꞉ miliya꞉yo꞉ iliyo꞉ gio꞉ teledoma꞉ib. A꞉la꞉ta꞉ga꞉ gio꞉ nolo꞉ sana soma꞉ib. 17Gio꞉ ni wiyo꞉ ta꞉lisab ko꞉lo꞉, kaluka꞉isale tambowa꞉yo꞉ gimo꞉wo꞉ kulufa꞉yo꞉wo꞉ alan doma꞉ib. 18Ko꞉sega gili misa꞉ fo꞉n imilig nowo꞉ mada mo꞉sulufa꞉ib. 19Hida꞉yo꞉wo꞉ gilo꞉wa fa꞉la꞉dowab amio꞉, gio꞉ halaido꞉ dowa꞉i ha꞉nalikiyo꞉ mela꞉no꞉ mela꞉no꞉ dia꞉ib.
Ya꞉lusalemo꞉ bidila꞉ma꞉ib
Madi 24.15-21, Mak 13.14-19
20“Ko꞉sega gio꞉ gisa꞉ ame kaluwa꞉yo꞉ Ya꞉lusalemo꞉ bana gidabiki ba꞉dakiyo꞉, Ya꞉lusalemo꞉ bidila꞉ma꞉no꞉ ho꞉leno꞉ ko꞉na꞉ma fa꞉la꞉doma꞉nigab a꞉la꞉asuluma꞉ib. 21Dimidab a꞉no꞉ fa꞉la꞉dowalikiyo꞉, kaluka꞉isaleyo꞉ tambo Yudia hen amilo꞉ sen a꞉no꞉ hen misio꞉ nol a꞉namida꞉ nai ha꞉na꞉sia꞉bi. Kaluka꞉isale Ya꞉lusalemdo꞉ sen a꞉no꞉ ta꞉ta꞉ga꞉ ha꞉la꞉ya ha꞉na꞉bi. A꞉la꞉ta꞉ga꞉ kaluka꞉isale ha꞉la꞉ amilo꞉ sen a꞉no꞉ a꞉ma꞉la꞉ amisa꞉n usamio꞉ tina꞉so꞉bo. 22#Jer 5.29, 46.10, Hos 9.7Ho꞉len we, Godeya꞉ enedo꞉ wa꞉dema꞉no꞉ ho꞉leno꞉ o꞉m ko꞉lo꞉, Godeya꞉ ene to sa꞉sa꞉lo꞉ a꞉no꞉ tambo ilili alitaki, kelego꞉ a꞉no꞉ fa꞉la꞉doma꞉ib. 23Ho꞉len a꞉namio꞉ ka꞉isale so꞉walo꞉ alela꞉sen o꞉lia꞉, so꞉wamo꞉lo꞉ bolo꞉ mea꞉lab ka꞉isale a꞉no꞉lia꞉yo꞉, mada halaido꞉ doma꞉ib. Mo꞉wo꞉ hen wenamio꞉ hida꞉yo꞉wo꞉ alan fa꞉la꞉dowaki, Gode eyo꞉ kaluka꞉isale wemo꞉ gadiakiyo꞉ falasila꞉ma꞉ib. 24#Song 79.1, Kala 11.2Gis kalu iliyo꞉ iyo꞉ helebesi sambowa꞉ sana soma꞉ib. A꞉la꞉ta꞉ga꞉ nolo꞉ ta꞉lia꞉sa꞉ga꞉ madali nanog dima꞉ki, heno꞉ tambo ami tililia꞉ ha꞉na꞉sima꞉ib. Yu kaluma iliyo꞉ Ya꞉lusalem amisa꞉no꞉ wa꞉la꞉ sa꞉nda꞉liki eleno꞉, ho꞉len imo꞉lo꞉ bo꞉fo꞉melea꞉kilo꞉ da꞉feyo꞉ a꞉no꞉ edaliki elema꞉ib.
Kalule Dowo꞉wo꞉ mia꞉ib
Madi 24.29-31, Mak 13.24-27
25 #
Ais 13.10, Ese 32.7, Joel 2.31, Kala 6.12-13 “Ho꞉len a꞉namio꞉ ofo꞉, eleyo꞉, a꞉la꞉ta꞉ga꞉ tamino꞉ a꞉namio꞉ ele ba꞉ba꞉no꞉ ko꞉li ko꞉lilo꞉wo꞉ fa꞉la꞉doma꞉ib. Henfelo꞉ wenamio꞉ so꞉lu ho꞉n gomo꞉ alan dibidaki, fowo꞉ alan doma꞉ib ko꞉lo꞉, kaluka꞉isale tambowo꞉ babale dowaki kele asuluma꞉ib. 26Kaluka꞉isaleyo꞉ kelego꞉ o꞉b fa꞉la꞉doma꞉nigaba꞉le a꞉la꞉li kele asulakiyo꞉, alan tagilaki habaya soma꞉ib. Mo꞉wo꞉ akin amilo꞉ kelego꞉ da꞉lab a꞉no꞉ tambo ida꞉li alifelema꞉ib. 27#Dan 7.13, Madi 26.64, Kala 1.7O꞉g ho꞉len a꞉namio꞉ Kalule Dowo꞉ e, halaido꞉ o꞉lia꞉ ho꞉len fo꞉fo꞉lesodo꞉ alan o꞉lia꞉ kola꞉ wa꞉la yalikiyo꞉, kaluka꞉isaleya꞉yo꞉ ini siya꞉ ba꞉ba꞉ib. 28Dimido꞉ ko꞉li ko꞉lilo꞉ a꞉no꞉ mo꞉mo꞉da fa꞉la꞉dowalikiyo꞉, gililo꞉ ga꞉li sili alitakilo꞉ gasilia꞉no꞉wo꞉ ko꞉na꞉ma dowaliki auma꞉ib ko꞉lo꞉, gio꞉ dinafa kagafo꞉liki alolo bo꞉fo꞉lubi.”
Alona꞉iya bale sio꞉
Madi 24.32-35, Mak 13.28-31
29Ya꞉su eyo꞉ to nowo꞉ bale sa꞉laki a꞉la꞉sio꞉, “Gio꞉ alona꞉i o꞉lia꞉ i nol o꞉lia꞉ a꞉no꞉ tambo asuluma. 30I fo꞉s ho꞉giyo꞉ fa꞉la꞉dowab amio꞉, gio꞉ ba꞉da꞉sa꞉ga꞉yo꞉, ho꞉len a꞉no꞉ imo doma꞉no꞉wo꞉ ko꞉na꞉ma fa꞉la꞉doma꞉nigab a꞉la꞉asula꞉sen. 31O꞉leaumbo꞉ nilo꞉ so꞉lo꞉l a꞉no꞉ hendele fa꞉la꞉dowaliki ba꞉dakiyo꞉, gio꞉ Godeya꞉lo꞉ bo꞉fo꞉mela꞉no꞉ ho꞉len a꞉no꞉ ko꞉na꞉ma dowab a꞉la꞉asuluma꞉ib. 32Niyo꞉ gimo꞉wo꞉ hendele so꞉lo꞉l. Kaluka꞉isale o꞉gdo꞉ sab we semo꞉sowo꞉ o꞉elenka, nilo꞉ so꞉lo꞉l we hendele fa꞉la꞉doma꞉nigab. 33Henfelo꞉ o꞉lia꞉ akin o꞉lia꞉yo꞉ kelege doma꞉ib, ko꞉sega ni towo꞉ mada mo꞉kelegema꞉ib.
Dinafa yasita꞉bi
34-35“Gio꞉ ginina꞉ma꞉la꞉yo꞉ dinafa bo꞉fo꞉lubi. Gio꞉ aluna꞉ ho꞉n na꞉sa꞉ga꞉lo꞉ no꞉nolakilo꞉ dimidan man a꞉no꞉lia꞉, a꞉la꞉ta꞉ga꞉ gili do꞉mo꞉wa꞉lo꞉ tili doma꞉no꞉ kele asulan man a꞉no꞉lia꞉yo꞉, gili asulo꞉ amio꞉ go꞉lulia꞉sa꞉ga꞉ dia꞉foma꞉kiyo꞉ asula꞉so꞉bo. Gio꞉ ko꞉lo꞉ a꞉la꞉dimidalega, dafa amilo꞉ walalan o꞉leaumbo꞉, ho꞉len a꞉no꞉ gilo꞉ amio꞉ a꞉la꞉ka fa꞉la꞉doma꞉ib. Ho꞉len a꞉no꞉ kaluka꞉isale henfelo꞉ wilo꞉ sab a꞉namio꞉ tambo fa꞉la꞉doma꞉ib. 36A꞉la꞉fo꞉ko꞉lo꞉ gio꞉ ho꞉leno꞉ tambowo꞉ yasi siliki bo꞉fo꞉lubi. Gio꞉ hida꞉yo꞉ fa꞉la꞉doma꞉nigab a꞉no꞉ tambo tininila꞉sa꞉ga꞉ ga꞉li doma꞉ki, a꞉la꞉ta꞉ga꞉ Kalule Dowo꞉ e siwa꞉l amio꞉ mo꞉sendelowa kagama꞉ki, giliyo꞉ Godemo꞉ dulugu sa꞉la꞉lubi.” Ya꞉su eyo꞉ imo꞉wo꞉ a꞉la꞉wido꞉.
37Ho꞉leno꞉ tambo amio꞉ Ya꞉su eyo꞉ Godeya꞉ malilo꞉ ayamio꞉ to mano꞉ wida꞉sen. A꞉la꞉ta꞉ga꞉ ho꞉leno꞉ tambo ga꞉lo dowab amio꞉, e a꞉ma꞉la꞉ ha꞉na꞉sa꞉ga꞉, nuluwo꞉ e O꞉lif misio꞉ a꞉na doma꞉ni ha꞉na꞉sen. 38Ho꞉leno꞉ tambo kea꞉foleyo꞉ kaluka꞉isaleyo꞉ Ya꞉suwa꞉lo꞉ Godeya꞉ malilo꞉ ayamilo꞉ to man widab a꞉no꞉ da꞉ba꞉ni ya꞉sen.
Currently Selected:
Luk 21: BCO
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
Luk 21
21
Ga sa꞉ba꞉lo꞉wa꞉ mole to꞉lolo꞉
Mak 12.41-44
1Ya꞉su e Godeya꞉ malilo꞉ aya iliki bo꞉fo꞉len amio꞉, moleyo꞉ modo꞉lo꞉ delen kaluka꞉isale iliyo꞉ ini moleyo꞉ go꞉fo꞉ amilo꞉ bobalo꞉ to꞉lola꞉len a꞉na to꞉lola꞉labi ba꞉ba꞉. 2E bo꞉fo꞉len amio꞉, ga sa꞉ba꞉lo꞉ imilig noma꞉yo꞉ e wilo꞉ma ko꞉lo꞉ mole us a꞉la꞉ a꞉no꞉ko꞉ to꞉lolabi ba꞉ba꞉. 3#2Kol 8.12Ya꞉su eyo꞉ a꞉la꞉sio꞉, “Niyo꞉ to we gimo꞉wo꞉ hendele sa꞉ma꞉nigo꞉l. Ga sa꞉ba꞉lo꞉ wema꞉lo꞉ mole to꞉lolab we, nolba꞉lo꞉ alan dimiab a꞉no꞉ e tiniab. 4Kaluka꞉isale moleyo꞉ modo꞉lo꞉ delen iliyo꞉, mole ililo꞉wo꞉ alobanalia꞉ga꞉, heb alano꞉ inino꞉ dia꞉taki, heb nolo꞉ a꞉na to꞉lolab. Ko꞉sega ga sa꞉ba꞉lo꞉ eyo꞉, mole ha꞉lula꞉su enedo꞉ ma꞉no꞉ kililia꞉no꞉ delen a꞉no꞉ko꞉ tambo dia꞉sa꞉ga꞉ to꞉lolab.”
Henfelo꞉ we elema꞉nigalikiyo꞉ hida꞉yo꞉wo꞉ alan fa꞉la꞉doma꞉ib
Madi 24.1-14, Mak 13.1-13
5Tiliwida꞉sen kalu nolba꞉yo꞉ Godeya꞉ malilo꞉ a di a꞉no꞉ ba꞉da꞉sa꞉ga꞉yo꞉, u nafaleya꞉lo꞉ a di a꞉no꞉lia꞉, kaluka꞉isaleya꞉lo꞉ boba kelego꞉ nafale ko꞉lo꞉ a momade alifelema꞉kilo꞉ dimi a꞉no꞉lia꞉ ba꞉dakiyo꞉ nenelo꞉. Ko꞉sega Ya꞉su eyo꞉ imo꞉wo꞉ a꞉la꞉sio꞉, 6#Luk 19.44“O꞉go꞉do꞉ gililo꞉ ba꞉dab we, tif amio꞉ a we tambo bidi ha꞉naki, u noma꞉ wa꞉l amilo꞉ dinafa a꞉lab we aumbo꞉ mada mo꞉doma꞉ib.”
7Ya꞉su eyo꞉ a꞉la꞉sa꞉labiki, kaluka꞉isale nolba꞉yo꞉ a꞉la꞉dabu ba꞉ba꞉, “Widan kalu, gilo꞉ sa꞉lab we ho꞉leno꞉ iga꞉sa fa꞉la꞉doma꞉iba? Ho꞉len a꞉no꞉ ko꞉na꞉ma fa꞉la꞉doma꞉nigabo꞉lo꞉b a꞉la꞉bo꞉, niliyo꞉ waga ele ba꞉ba꞉no꞉wo꞉?” 8Ya꞉su eyo꞉ a꞉ma꞉la꞉ sa꞉laki, “Kalu nolba꞉lo꞉ to dikili sa꞉lab a꞉ma꞉yo꞉ gio꞉ hala tililia꞉ ha꞉nabena꞉ki, dinafa bo꞉fo꞉lubi. Mo꞉wo꞉ ni wiya a꞉la꞉ta꞉ga꞉yo꞉, kalu modo꞉wo꞉ ya꞉siakiyo꞉ ‘Godeya꞉lo꞉ Da꞉feyo꞉ kaluwo꞉ ne’ a꞉la꞉sa꞉laki, a꞉la꞉ta꞉ga꞉ ‘Ho꞉leno꞉ o꞉go꞉ fa꞉la꞉doma꞉nigab’ a꞉la꞉sa꞉lalikiyo꞉, giliyo꞉ ililo꞉ sa꞉lab a꞉no꞉ tilida꞉da꞉so꞉bo. 9Gio꞉ ‘hen no o꞉lia꞉ bubo꞉wo꞉ alan fa꞉la꞉dowaka꞉’ a꞉la꞉ta꞉ga꞉ ‘kalu nolo꞉ gamani o꞉lia꞉ bubaka꞉’ a꞉la꞉bo꞉ da꞉dalikiyo꞉, gio꞉ tagila꞉so꞉bo! Mo꞉wo꞉ dimido꞉ we tamina fa꞉la꞉doma꞉ib, ko꞉sega elema꞉no꞉ ho꞉leno꞉ o꞉g a꞉namio꞉ bo꞉ebo꞉ mo꞉fa꞉la꞉doma꞉ib.
10“Hen no amilo꞉ san o꞉lia꞉, hen no amilo꞉ san o꞉lia꞉yo꞉ gis diaki bubo꞉wo꞉ alan fa꞉la꞉dowa꞉i ha꞉na꞉ib. 11Hiniyo꞉ mada alan tima꞉ib. Hen ko꞉li ko꞉lilo꞉ wenamio꞉ walafo꞉ alan fa꞉la꞉doma꞉ib a꞉la꞉ta꞉ga꞉ egelo꞉wo꞉ mo꞉fa꞉la꞉ndaliki, kaluka꞉isaleyo꞉ maiyo꞉wo꞉ alan doma꞉ib. Gio꞉ tagima꞉kiyo꞉, akin halonamio꞉ ele ba꞉ba꞉no꞉wo꞉ ko꞉li ko꞉lilo꞉ ka fa꞉la꞉doma꞉ib.
12“Ko꞉sega kelego꞉ a꞉no꞉ semo꞉ fa꞉la꞉dowalikiyo꞉, kelego꞉ nolo꞉ tamina fa꞉la꞉doma꞉ib. Ni wiyo꞉ gili ta꞉lisab ko꞉lo꞉, kalu nolba꞉yo꞉ gio꞉ ta꞉lia꞉sa꞉ga꞉, gimo꞉wo꞉ hida꞉yo꞉wo꞉ ko꞉li ko꞉lilo꞉ dimia꞉ib. Iliyo꞉ gio꞉ Godeya꞉ tolo꞉ wida꞉sen aya mo꞉walila꞉sa꞉ga꞉, dibolowa to꞉loma꞉ib. A꞉la꞉ta꞉ga꞉ gio꞉ tililia꞉ ha꞉na꞉sa꞉ga꞉, gamani misa꞉ kaluwa꞉ siwa꞉la ta꞉fo꞉liki mo꞉walilima꞉ib. 13Iliyo꞉ gio꞉ mo꞉walilalikiyo꞉, gili tilidabu a꞉no꞉ imo꞉wo꞉ a꞉na fanda sa꞉ma꞉ib. 14-15#Luk 12.11-12#Ilig 6.10Niyo꞉ gio꞉ mo꞉walilalikilo꞉ to sa꞉ma꞉no꞉ asulo꞉ nafale a꞉no꞉ gimo꞉ dimia꞉no꞉ ko꞉lo꞉, gili gis kalu iliyo꞉ to gililo꞉ sa꞉lab a꞉no꞉ mo꞉wa꞉la꞉ sa꞉ndaki, gililo꞉ to a꞉no꞉ a꞉ma꞉la꞉bo꞉ mo꞉sa꞉ma꞉ib. A꞉la꞉fo꞉ko꞉lo꞉ gio꞉ mo꞉walilab a꞉namio꞉ o꞉b sa꞉ma꞉no꞉wa꞉le a꞉la꞉bo꞉ o꞉g wenamio꞉ kele asulakiyo꞉ to sa꞉ma꞉no꞉wo꞉ dimidalia꞉so꞉bo. 16#Madi 10.21-22Gili go꞉la꞉yo꞉, go꞉wa꞉yo꞉, gaowa꞉yo꞉, so꞉lo꞉wa꞉yo꞉, a꞉la꞉ta꞉ga꞉ miliya꞉yo꞉ iliyo꞉ gio꞉ teledoma꞉ib. A꞉la꞉ta꞉ga꞉ gio꞉ nolo꞉ sana soma꞉ib. 17Gio꞉ ni wiyo꞉ ta꞉lisab ko꞉lo꞉, kaluka꞉isale tambowa꞉yo꞉ gimo꞉wo꞉ kulufa꞉yo꞉wo꞉ alan doma꞉ib. 18Ko꞉sega gili misa꞉ fo꞉n imilig nowo꞉ mada mo꞉sulufa꞉ib. 19Hida꞉yo꞉wo꞉ gilo꞉wa fa꞉la꞉dowab amio꞉, gio꞉ halaido꞉ dowa꞉i ha꞉nalikiyo꞉ mela꞉no꞉ mela꞉no꞉ dia꞉ib.
Ya꞉lusalemo꞉ bidila꞉ma꞉ib
Madi 24.15-21, Mak 13.14-19
20“Ko꞉sega gio꞉ gisa꞉ ame kaluwa꞉yo꞉ Ya꞉lusalemo꞉ bana gidabiki ba꞉dakiyo꞉, Ya꞉lusalemo꞉ bidila꞉ma꞉no꞉ ho꞉leno꞉ ko꞉na꞉ma fa꞉la꞉doma꞉nigab a꞉la꞉asuluma꞉ib. 21Dimidab a꞉no꞉ fa꞉la꞉dowalikiyo꞉, kaluka꞉isaleyo꞉ tambo Yudia hen amilo꞉ sen a꞉no꞉ hen misio꞉ nol a꞉namida꞉ nai ha꞉na꞉sia꞉bi. Kaluka꞉isale Ya꞉lusalemdo꞉ sen a꞉no꞉ ta꞉ta꞉ga꞉ ha꞉la꞉ya ha꞉na꞉bi. A꞉la꞉ta꞉ga꞉ kaluka꞉isale ha꞉la꞉ amilo꞉ sen a꞉no꞉ a꞉ma꞉la꞉ amisa꞉n usamio꞉ tina꞉so꞉bo. 22#Jer 5.29, 46.10, Hos 9.7Ho꞉len we, Godeya꞉ enedo꞉ wa꞉dema꞉no꞉ ho꞉leno꞉ o꞉m ko꞉lo꞉, Godeya꞉ ene to sa꞉sa꞉lo꞉ a꞉no꞉ tambo ilili alitaki, kelego꞉ a꞉no꞉ fa꞉la꞉doma꞉ib. 23Ho꞉len a꞉namio꞉ ka꞉isale so꞉walo꞉ alela꞉sen o꞉lia꞉, so꞉wamo꞉lo꞉ bolo꞉ mea꞉lab ka꞉isale a꞉no꞉lia꞉yo꞉, mada halaido꞉ doma꞉ib. Mo꞉wo꞉ hen wenamio꞉ hida꞉yo꞉wo꞉ alan fa꞉la꞉dowaki, Gode eyo꞉ kaluka꞉isale wemo꞉ gadiakiyo꞉ falasila꞉ma꞉ib. 24#Song 79.1, Kala 11.2Gis kalu iliyo꞉ iyo꞉ helebesi sambowa꞉ sana soma꞉ib. A꞉la꞉ta꞉ga꞉ nolo꞉ ta꞉lia꞉sa꞉ga꞉ madali nanog dima꞉ki, heno꞉ tambo ami tililia꞉ ha꞉na꞉sima꞉ib. Yu kaluma iliyo꞉ Ya꞉lusalem amisa꞉no꞉ wa꞉la꞉ sa꞉nda꞉liki eleno꞉, ho꞉len imo꞉lo꞉ bo꞉fo꞉melea꞉kilo꞉ da꞉feyo꞉ a꞉no꞉ edaliki elema꞉ib.
Kalule Dowo꞉wo꞉ mia꞉ib
Madi 24.29-31, Mak 13.24-27
25 #
Ais 13.10, Ese 32.7, Joel 2.31, Kala 6.12-13 “Ho꞉len a꞉namio꞉ ofo꞉, eleyo꞉, a꞉la꞉ta꞉ga꞉ tamino꞉ a꞉namio꞉ ele ba꞉ba꞉no꞉ ko꞉li ko꞉lilo꞉wo꞉ fa꞉la꞉doma꞉ib. Henfelo꞉ wenamio꞉ so꞉lu ho꞉n gomo꞉ alan dibidaki, fowo꞉ alan doma꞉ib ko꞉lo꞉, kaluka꞉isale tambowo꞉ babale dowaki kele asuluma꞉ib. 26Kaluka꞉isaleyo꞉ kelego꞉ o꞉b fa꞉la꞉doma꞉nigaba꞉le a꞉la꞉li kele asulakiyo꞉, alan tagilaki habaya soma꞉ib. Mo꞉wo꞉ akin amilo꞉ kelego꞉ da꞉lab a꞉no꞉ tambo ida꞉li alifelema꞉ib. 27#Dan 7.13, Madi 26.64, Kala 1.7O꞉g ho꞉len a꞉namio꞉ Kalule Dowo꞉ e, halaido꞉ o꞉lia꞉ ho꞉len fo꞉fo꞉lesodo꞉ alan o꞉lia꞉ kola꞉ wa꞉la yalikiyo꞉, kaluka꞉isaleya꞉yo꞉ ini siya꞉ ba꞉ba꞉ib. 28Dimido꞉ ko꞉li ko꞉lilo꞉ a꞉no꞉ mo꞉mo꞉da fa꞉la꞉dowalikiyo꞉, gililo꞉ ga꞉li sili alitakilo꞉ gasilia꞉no꞉wo꞉ ko꞉na꞉ma dowaliki auma꞉ib ko꞉lo꞉, gio꞉ dinafa kagafo꞉liki alolo bo꞉fo꞉lubi.”
Alona꞉iya bale sio꞉
Madi 24.32-35, Mak 13.28-31
29Ya꞉su eyo꞉ to nowo꞉ bale sa꞉laki a꞉la꞉sio꞉, “Gio꞉ alona꞉i o꞉lia꞉ i nol o꞉lia꞉ a꞉no꞉ tambo asuluma. 30I fo꞉s ho꞉giyo꞉ fa꞉la꞉dowab amio꞉, gio꞉ ba꞉da꞉sa꞉ga꞉yo꞉, ho꞉len a꞉no꞉ imo doma꞉no꞉wo꞉ ko꞉na꞉ma fa꞉la꞉doma꞉nigab a꞉la꞉asula꞉sen. 31O꞉leaumbo꞉ nilo꞉ so꞉lo꞉l a꞉no꞉ hendele fa꞉la꞉dowaliki ba꞉dakiyo꞉, gio꞉ Godeya꞉lo꞉ bo꞉fo꞉mela꞉no꞉ ho꞉len a꞉no꞉ ko꞉na꞉ma dowab a꞉la꞉asuluma꞉ib. 32Niyo꞉ gimo꞉wo꞉ hendele so꞉lo꞉l. Kaluka꞉isale o꞉gdo꞉ sab we semo꞉sowo꞉ o꞉elenka, nilo꞉ so꞉lo꞉l we hendele fa꞉la꞉doma꞉nigab. 33Henfelo꞉ o꞉lia꞉ akin o꞉lia꞉yo꞉ kelege doma꞉ib, ko꞉sega ni towo꞉ mada mo꞉kelegema꞉ib.
Dinafa yasita꞉bi
34-35“Gio꞉ ginina꞉ma꞉la꞉yo꞉ dinafa bo꞉fo꞉lubi. Gio꞉ aluna꞉ ho꞉n na꞉sa꞉ga꞉lo꞉ no꞉nolakilo꞉ dimidan man a꞉no꞉lia꞉, a꞉la꞉ta꞉ga꞉ gili do꞉mo꞉wa꞉lo꞉ tili doma꞉no꞉ kele asulan man a꞉no꞉lia꞉yo꞉, gili asulo꞉ amio꞉ go꞉lulia꞉sa꞉ga꞉ dia꞉foma꞉kiyo꞉ asula꞉so꞉bo. Gio꞉ ko꞉lo꞉ a꞉la꞉dimidalega, dafa amilo꞉ walalan o꞉leaumbo꞉, ho꞉len a꞉no꞉ gilo꞉ amio꞉ a꞉la꞉ka fa꞉la꞉doma꞉ib. Ho꞉len a꞉no꞉ kaluka꞉isale henfelo꞉ wilo꞉ sab a꞉namio꞉ tambo fa꞉la꞉doma꞉ib. 36A꞉la꞉fo꞉ko꞉lo꞉ gio꞉ ho꞉leno꞉ tambowo꞉ yasi siliki bo꞉fo꞉lubi. Gio꞉ hida꞉yo꞉ fa꞉la꞉doma꞉nigab a꞉no꞉ tambo tininila꞉sa꞉ga꞉ ga꞉li doma꞉ki, a꞉la꞉ta꞉ga꞉ Kalule Dowo꞉ e siwa꞉l amio꞉ mo꞉sendelowa kagama꞉ki, giliyo꞉ Godemo꞉ dulugu sa꞉la꞉lubi.” Ya꞉su eyo꞉ imo꞉wo꞉ a꞉la꞉wido꞉.
37Ho꞉leno꞉ tambo amio꞉ Ya꞉su eyo꞉ Godeya꞉ malilo꞉ ayamio꞉ to mano꞉ wida꞉sen. A꞉la꞉ta꞉ga꞉ ho꞉leno꞉ tambo ga꞉lo dowab amio꞉, e a꞉ma꞉la꞉ ha꞉na꞉sa꞉ga꞉, nuluwo꞉ e O꞉lif misio꞉ a꞉na doma꞉ni ha꞉na꞉sen. 38Ho꞉leno꞉ tambo kea꞉foleyo꞉ kaluka꞉isaleyo꞉ Ya꞉suwa꞉lo꞉ Godeya꞉ malilo꞉ ayamilo꞉ to man widab a꞉no꞉ da꞉ba꞉ni ya꞉sen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.