Mak 16
16
Ya꞉suwo꞉ a꞉ma꞉la꞉ dasi
Madi 28.1-8, Luk 24.1-10
1-2Ha꞉fo꞉lo꞉ Dowan ho꞉leno꞉ edabikiyo꞉, Malia Magdalayo꞉, Ya꞉ma꞉sa꞉ ano Maliayo꞉, a꞉la꞉ta꞉ga꞉ Salomeyo꞉ iliyo꞉ wa ho꞉n mundo꞉ nafayo꞉ Ya꞉suwa꞉ do꞉mo꞉wa dia꞉fa꞉no꞉ a꞉la꞉ta꞉ga꞉ kilili ko꞉lo꞉, doma꞉ kea꞉fo, ofo꞉ fa꞉la꞉dota꞉ga꞉ so꞉so꞉labikiyo꞉, iyo꞉ toga ha꞉nakiyo꞉ 3egelebo꞉ a꞉la꞉sio꞉, “U alana꞉lo꞉ ifa꞉ a꞉no꞉, a꞉ma꞉la꞉bo꞉ abe fo꞉fo꞉goloma꞉nigaba꞉le?”
4Iyo꞉ ha꞉na꞉sa꞉ga꞉, u no꞉no꞉lo꞉ a꞉no꞉ ko꞉na꞉ma dowaki ba꞉ba꞉ amio꞉, u no꞉no꞉ amilo꞉, u alan a꞉no꞉ fo꞉fo꞉golofa꞉ya ba꞉ba꞉. 5Ba꞉da꞉sa꞉ga꞉, iyo꞉ u no꞉no꞉ us a꞉na tiane. Iyo꞉ a꞉na tiane amio꞉, kalu so꞉wa nowo꞉, helebeso꞉g ho꞉lo꞉wa꞉ momadelia꞉ga꞉, dagi ililiba sena ba꞉ba꞉. Ba꞉da꞉sa꞉ga꞉ iyo꞉ mada iligo꞉.
6Kalu a꞉ma꞉ sa꞉laki, “Gio꞉ iligakiyo꞉ tagila꞉so꞉bo! Gio꞉ Nasala꞉t Ya꞉su so꞉no꞉ difa꞉ weno꞉ ko꞉lo꞉ ba꞉ba꞉ni mio꞉. Ko꞉sega e o꞉ma dasilia꞉gane. E wilo꞉ma. Elo꞉ difa꞉ we, gio꞉ bo꞉ba. 7#Madi 26.32, Mak 14.28Ko꞉sega gio꞉ a꞉ma꞉la꞉ ha꞉na꞉ga꞉, Bidayo꞉ a꞉la꞉ta꞉ga꞉ enedo꞉ tiliwida꞉sen kalu nolbo꞉wo꞉lo꞉ a꞉la꞉sa꞉la꞉bi, ‘Ga꞉liliyo꞉ e ko꞉le tamina ha꞉nab ko꞉lo꞉, gio꞉ e a꞉na galima꞉ib. Tamin amilo꞉ enedo꞉ gimo꞉lo꞉ sio꞉ o꞉lea꞉ngab,’” a꞉la꞉sio꞉.
8Iyo꞉ kiyo꞉ bibisoda꞉sa꞉ga꞉, asugo꞉ babale dowabiki, ha꞉la꞉ya handalota꞉ga꞉ dalaido꞉. Iyo꞉ tagi dalaidakiyo꞉, kalu nolbo꞉wo꞉ mo꞉malolome.
9Ya꞉suwo꞉ doma꞉ kea꞉fole dasilia꞉ga꞉, Malia Magdala elo꞉ amio꞉ tamina handalowo꞉. Ga a꞉no꞉ tamin amio꞉ mama mogago꞉ dom a꞉la꞉fo꞉wo꞉ eya elen ko꞉lo꞉, Ya꞉su e o꞉luga꞉felo꞉. 10A꞉la꞉ta꞉ga꞉ kaluka꞉isale Ya꞉su o꞉lia꞉lo꞉ sia꞉sen a꞉no꞉ nofolaki ya꞉la꞉li sen ami, Malia eyo꞉ Ya꞉suwo꞉ ba꞉ba꞉ ko꞉lo꞉, e ha꞉na꞉sa꞉ga꞉ fa꞉la꞉dowakiyo꞉ imo꞉ malolome. 11Malia eyo꞉ imo꞉wo꞉ a꞉la꞉sio꞉, “Ya꞉suwo꞉ mela꞉no꞉wo꞉ dia꞉sa꞉ga꞉ dasilia꞉ ha꞉nabiki, ni ba꞉ba꞉” a꞉la꞉likiyo꞉, imo꞉wo꞉ malolome ko꞉sega, iliyo꞉ to elo꞉ sio꞉ a꞉no꞉ mo꞉tilidabu.
12Tif amio꞉ Ya꞉suwa꞉ enedo꞉ tili wida꞉sen kalu a꞉la꞉yo꞉ ilaboda꞉ ha꞉na꞉len amio꞉, Ya꞉su e do꞉mo꞉wo꞉ ko꞉li dota꞉ga꞉, a꞉la꞉lo꞉ a꞉na handalowo꞉. 13A꞉la꞉yo꞉ a꞉ma꞉la꞉ ha꞉na꞉sa꞉ga꞉, Ya꞉suwa꞉ enedo꞉ tili wida꞉sen kalu nolbo꞉wo꞉ sio꞉ ko꞉sega, iliyo꞉ a꞉la꞉ma꞉lo꞉ to sa꞉lab a꞉no꞉lo꞉ mo꞉tilidabu.
14 #
1Kol 15.5
Tif amio꞉ Ya꞉suwo꞉ ha꞉na꞉sa꞉ga꞉, tili wida꞉sen kalu kelen a꞉la꞉fo꞉lo꞉ ma꞉n na꞉likilo꞉ sendo꞉ a꞉naka handalowo꞉. Iliyo꞉ Ya꞉suwo꞉ a꞉ma꞉la꞉ dasika꞉ a꞉la꞉likilo꞉, nolba꞉lo꞉ ba꞉ba꞉ sa꞉lab a꞉no꞉ mo꞉tilidabu ko꞉lo꞉, iyo꞉ mo꞉tilidabu a꞉na ilikiyo꞉, Ya꞉su eyo꞉ mo꞉beo꞉ towo꞉ imo꞉wo꞉ a꞉na sio꞉. 15#Ilig 1.8To a꞉no꞉ sa꞉la꞉sa꞉ga꞉yo꞉, imo꞉wo꞉ a꞉la꞉sio꞉, “Gio꞉ henfelo꞉ we tambo sia꞉likiyo꞉, ni to nafa we kaluka꞉isaleyo꞉ tambo dabuma꞉ki, walasa꞉ma꞉ni hamana! 16#Ilig 2.38Kaluka꞉isale abeyo꞉ to gilo꞉wo꞉ tilida꞉da꞉sa꞉ga꞉ ho꞉na to꞉lolalega, niyo꞉ e a꞉ma꞉la꞉ gasilia꞉no꞉. Ko꞉sega kaluka꞉isale abeyo꞉ to a꞉no꞉ mo꞉tilida꞉dalega, Gode eyo꞉ mo꞉walilaki falasila꞉ma꞉ib 17#Ilig 2.4, 8.7Tilidabu kaluka꞉isale iliyo꞉ nanog dimidalikiyo꞉, e amilo꞉ ele ba꞉ba꞉no꞉wo꞉ we o꞉ngo꞉ fa꞉la꞉doma꞉ib. Iyo꞉ ne wi halaido꞉ a꞉na ilikiyo꞉, mama mogago꞉ dowab a꞉no꞉ o꞉luga꞉felema꞉ib. A꞉la꞉ta꞉ga꞉ to ho꞉gi ko꞉li ko꞉lilo꞉wo꞉ ili mego꞉fa sahandaloma꞉ib. 18#Luk 10.19, Ilig 28.3-6Iliyo꞉ kisa꞉wa꞉lo꞉ ga꞉li ta꞉li doma꞉ib. A꞉la꞉ta꞉ga꞉ iso꞉lo ibo꞉ nalikiyo꞉, iyo꞉ mo꞉mogagila꞉ma꞉ib. Iliyo꞉ walaf kaluwa꞉ do꞉mo꞉wa golalikiyo꞉, walafo꞉ falele alita꞉mela꞉ib.”
19 #
Ilig 1.9-11, 2.33-34 Alan Ya꞉su eyo꞉ imo꞉wo꞉ towo꞉ sa꞉la꞉sa꞉ga꞉ dotabiyo꞉, Gode eyo꞉ e Hebene halona dia꞉gane ko꞉lo꞉, Ya꞉su e Godeya꞉ ene dagi ililiba mesa꞉ni ane. 20#Ilig 14.3, Hibu 2.3-4A꞉la꞉ta꞉ga꞉yo꞉ Ya꞉suwa꞉ enedo꞉ tili wida꞉len kaluwo꞉ ha꞉na꞉siakiyo꞉, to nafa a꞉no꞉ heno꞉ tambo amio꞉ wida꞉liki sia꞉len. Iliyo꞉ to nafa a꞉no꞉ widab amio꞉, Alan Ya꞉su eneno꞉ i o꞉lia꞉ dowaki, kaluka꞉isaleyo꞉ ili to a꞉no꞉ hendele tilidabuma꞉kiyo꞉, molo ha꞉na꞉no꞉wo꞉ a꞉na dimida꞉li sia꞉len.
Currently Selected:
Mak 16: BCO
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
Mak 16
16
Ya꞉suwo꞉ a꞉ma꞉la꞉ dasi
Madi 28.1-8, Luk 24.1-10
1-2Ha꞉fo꞉lo꞉ Dowan ho꞉leno꞉ edabikiyo꞉, Malia Magdalayo꞉, Ya꞉ma꞉sa꞉ ano Maliayo꞉, a꞉la꞉ta꞉ga꞉ Salomeyo꞉ iliyo꞉ wa ho꞉n mundo꞉ nafayo꞉ Ya꞉suwa꞉ do꞉mo꞉wa dia꞉fa꞉no꞉ a꞉la꞉ta꞉ga꞉ kilili ko꞉lo꞉, doma꞉ kea꞉fo, ofo꞉ fa꞉la꞉dota꞉ga꞉ so꞉so꞉labikiyo꞉, iyo꞉ toga ha꞉nakiyo꞉ 3egelebo꞉ a꞉la꞉sio꞉, “U alana꞉lo꞉ ifa꞉ a꞉no꞉, a꞉ma꞉la꞉bo꞉ abe fo꞉fo꞉goloma꞉nigaba꞉le?”
4Iyo꞉ ha꞉na꞉sa꞉ga꞉, u no꞉no꞉lo꞉ a꞉no꞉ ko꞉na꞉ma dowaki ba꞉ba꞉ amio꞉, u no꞉no꞉ amilo꞉, u alan a꞉no꞉ fo꞉fo꞉golofa꞉ya ba꞉ba꞉. 5Ba꞉da꞉sa꞉ga꞉, iyo꞉ u no꞉no꞉ us a꞉na tiane. Iyo꞉ a꞉na tiane amio꞉, kalu so꞉wa nowo꞉, helebeso꞉g ho꞉lo꞉wa꞉ momadelia꞉ga꞉, dagi ililiba sena ba꞉ba꞉. Ba꞉da꞉sa꞉ga꞉ iyo꞉ mada iligo꞉.
6Kalu a꞉ma꞉ sa꞉laki, “Gio꞉ iligakiyo꞉ tagila꞉so꞉bo! Gio꞉ Nasala꞉t Ya꞉su so꞉no꞉ difa꞉ weno꞉ ko꞉lo꞉ ba꞉ba꞉ni mio꞉. Ko꞉sega e o꞉ma dasilia꞉gane. E wilo꞉ma. Elo꞉ difa꞉ we, gio꞉ bo꞉ba. 7#Madi 26.32, Mak 14.28Ko꞉sega gio꞉ a꞉ma꞉la꞉ ha꞉na꞉ga꞉, Bidayo꞉ a꞉la꞉ta꞉ga꞉ enedo꞉ tiliwida꞉sen kalu nolbo꞉wo꞉lo꞉ a꞉la꞉sa꞉la꞉bi, ‘Ga꞉liliyo꞉ e ko꞉le tamina ha꞉nab ko꞉lo꞉, gio꞉ e a꞉na galima꞉ib. Tamin amilo꞉ enedo꞉ gimo꞉lo꞉ sio꞉ o꞉lea꞉ngab,’” a꞉la꞉sio꞉.
8Iyo꞉ kiyo꞉ bibisoda꞉sa꞉ga꞉, asugo꞉ babale dowabiki, ha꞉la꞉ya handalota꞉ga꞉ dalaido꞉. Iyo꞉ tagi dalaidakiyo꞉, kalu nolbo꞉wo꞉ mo꞉malolome.
9Ya꞉suwo꞉ doma꞉ kea꞉fole dasilia꞉ga꞉, Malia Magdala elo꞉ amio꞉ tamina handalowo꞉. Ga a꞉no꞉ tamin amio꞉ mama mogago꞉ dom a꞉la꞉fo꞉wo꞉ eya elen ko꞉lo꞉, Ya꞉su e o꞉luga꞉felo꞉. 10A꞉la꞉ta꞉ga꞉ kaluka꞉isale Ya꞉su o꞉lia꞉lo꞉ sia꞉sen a꞉no꞉ nofolaki ya꞉la꞉li sen ami, Malia eyo꞉ Ya꞉suwo꞉ ba꞉ba꞉ ko꞉lo꞉, e ha꞉na꞉sa꞉ga꞉ fa꞉la꞉dowakiyo꞉ imo꞉ malolome. 11Malia eyo꞉ imo꞉wo꞉ a꞉la꞉sio꞉, “Ya꞉suwo꞉ mela꞉no꞉wo꞉ dia꞉sa꞉ga꞉ dasilia꞉ ha꞉nabiki, ni ba꞉ba꞉” a꞉la꞉likiyo꞉, imo꞉wo꞉ malolome ko꞉sega, iliyo꞉ to elo꞉ sio꞉ a꞉no꞉ mo꞉tilidabu.
12Tif amio꞉ Ya꞉suwa꞉ enedo꞉ tili wida꞉sen kalu a꞉la꞉yo꞉ ilaboda꞉ ha꞉na꞉len amio꞉, Ya꞉su e do꞉mo꞉wo꞉ ko꞉li dota꞉ga꞉, a꞉la꞉lo꞉ a꞉na handalowo꞉. 13A꞉la꞉yo꞉ a꞉ma꞉la꞉ ha꞉na꞉sa꞉ga꞉, Ya꞉suwa꞉ enedo꞉ tili wida꞉sen kalu nolbo꞉wo꞉ sio꞉ ko꞉sega, iliyo꞉ a꞉la꞉ma꞉lo꞉ to sa꞉lab a꞉no꞉lo꞉ mo꞉tilidabu.
14 #
1Kol 15.5
Tif amio꞉ Ya꞉suwo꞉ ha꞉na꞉sa꞉ga꞉, tili wida꞉sen kalu kelen a꞉la꞉fo꞉lo꞉ ma꞉n na꞉likilo꞉ sendo꞉ a꞉naka handalowo꞉. Iliyo꞉ Ya꞉suwo꞉ a꞉ma꞉la꞉ dasika꞉ a꞉la꞉likilo꞉, nolba꞉lo꞉ ba꞉ba꞉ sa꞉lab a꞉no꞉ mo꞉tilidabu ko꞉lo꞉, iyo꞉ mo꞉tilidabu a꞉na ilikiyo꞉, Ya꞉su eyo꞉ mo꞉beo꞉ towo꞉ imo꞉wo꞉ a꞉na sio꞉. 15#Ilig 1.8To a꞉no꞉ sa꞉la꞉sa꞉ga꞉yo꞉, imo꞉wo꞉ a꞉la꞉sio꞉, “Gio꞉ henfelo꞉ we tambo sia꞉likiyo꞉, ni to nafa we kaluka꞉isaleyo꞉ tambo dabuma꞉ki, walasa꞉ma꞉ni hamana! 16#Ilig 2.38Kaluka꞉isale abeyo꞉ to gilo꞉wo꞉ tilida꞉da꞉sa꞉ga꞉ ho꞉na to꞉lolalega, niyo꞉ e a꞉ma꞉la꞉ gasilia꞉no꞉. Ko꞉sega kaluka꞉isale abeyo꞉ to a꞉no꞉ mo꞉tilida꞉dalega, Gode eyo꞉ mo꞉walilaki falasila꞉ma꞉ib 17#Ilig 2.4, 8.7Tilidabu kaluka꞉isale iliyo꞉ nanog dimidalikiyo꞉, e amilo꞉ ele ba꞉ba꞉no꞉wo꞉ we o꞉ngo꞉ fa꞉la꞉doma꞉ib. Iyo꞉ ne wi halaido꞉ a꞉na ilikiyo꞉, mama mogago꞉ dowab a꞉no꞉ o꞉luga꞉felema꞉ib. A꞉la꞉ta꞉ga꞉ to ho꞉gi ko꞉li ko꞉lilo꞉wo꞉ ili mego꞉fa sahandaloma꞉ib. 18#Luk 10.19, Ilig 28.3-6Iliyo꞉ kisa꞉wa꞉lo꞉ ga꞉li ta꞉li doma꞉ib. A꞉la꞉ta꞉ga꞉ iso꞉lo ibo꞉ nalikiyo꞉, iyo꞉ mo꞉mogagila꞉ma꞉ib. Iliyo꞉ walaf kaluwa꞉ do꞉mo꞉wa golalikiyo꞉, walafo꞉ falele alita꞉mela꞉ib.”
19 #
Ilig 1.9-11, 2.33-34 Alan Ya꞉su eyo꞉ imo꞉wo꞉ towo꞉ sa꞉la꞉sa꞉ga꞉ dotabiyo꞉, Gode eyo꞉ e Hebene halona dia꞉gane ko꞉lo꞉, Ya꞉su e Godeya꞉ ene dagi ililiba mesa꞉ni ane. 20#Ilig 14.3, Hibu 2.3-4A꞉la꞉ta꞉ga꞉yo꞉ Ya꞉suwa꞉ enedo꞉ tili wida꞉len kaluwo꞉ ha꞉na꞉siakiyo꞉, to nafa a꞉no꞉ heno꞉ tambo amio꞉ wida꞉liki sia꞉len. Iliyo꞉ to nafa a꞉no꞉ widab amio꞉, Alan Ya꞉su eneno꞉ i o꞉lia꞉ dowaki, kaluka꞉isaleyo꞉ ili to a꞉no꞉ hendele tilidabuma꞉kiyo꞉, molo ha꞉na꞉no꞉wo꞉ a꞉na dimida꞉li sia꞉len.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.