Fíĉilum 36
36
Gabugor Esau
1Dáure fiil Esau o guvoge me may Edom :
2Esau nayab waare bugaa Kanaan : Ada, bájur Elon ala Hit ; Oholibama, bájur Ana o Sibeon ala Hiw abuh me ; 3nabbañ ayab Basamat álin Nebayot, bugo Isimael abuh me. 4Ada nabuh Elifas, Basamat o nabuh Réuel. 5Oholibama nabajol Yéuĉ, Yalam ni Kora. Dáuru guñol Esau bugo nabuh me Kanaan.
6Esau nájaenum waarol, guñolol, sihajol ni wo nabaj ró me ᵽe Kanaan, min atos ajow árali atiol Sakob, mbaa mof mice. 7Nemme bugo éubail gubabaj mámah, gújuut guĉin gulofor, mata mof mamu dó guomme mújuut mutogil bi gakoñ dó sukoreil. 8Yo eĉil me Esau, o guvoge me may Edom, nak’aĉin ni gurijaŋ gagu gaa Seir.
9Dáure gabugor Esau aamme ᵽay afan bugaa Edom, gaĉin me ni gurijaŋ gagu gaa Seir : 10Guñol Esau wáinema ubuge : Elifas o aarol Ada abuh me, ni Réuel o aarol Basamat abuh me. 11Uᵽúr Elifas bugo guomme Teman, Omar, Sefo, Gatam ni Kenas. 12Elifas nabaj anaare áuten o naᵽañut me, gajaol Timina, abugol me ace áᵽur gajaol Amalek. Dáuru gabulaken Esau bugo n’aarol Ada. 13Uᵽúr Réuel bugo guomme Nahat, Sera, Ĉama ni Misa. Dáuru gabulaken Esau bugo n’aarol Basamat. 14Oholibama, bájur Ana o Sibeon ala Hiw abuh me, nabuh Esau úᵽur gúfaji gaamme Yéuĉ, Yalam ni Kora.
15Dáure gabulaken Esau gakan me ufan bugaa súsuh : Teman, Omar, Sefo, Kenas, 16Kora, Gatam ni Amalek ; bugo ᵽe Elifas, áᵽur Esau afamma, abugil n’aarol Ada. N’guĉin Edom.
17Ufan waw bugaa súsuh bugo Réuel abuh me, guomme Nahat, Sera, Ĉama ni Misa. Bugo may, Edom guĉine, ban bugo gabulaken Basamat ni Esau gom.
18Guñol Esau bugo Oholibama añol Ana asenol me, gaamme Yéuĉ, Yalam ni Kora, bugo éfajiil n’gukan may ufan súsuh.
19Dáuru ñer ufan waw bugaa súsuh Edom gáᵽullo me ni fiil Esau.
20-21Gamundum me guĉin ni mof mamu mal Edom, bugo guomme gabugor Seir áᵽullo me Hor. Uᵽúr Seir bugo guomme Lotan, Ĉobal, Sibeon, Ana, Diĉon, Eser ni Diĉan ; bugo ᵽe ufan súsuh bugom. 22Uᵽúr Lotan bugo guomme Hori ni Hemam ; álin Lotan gajaol Timina. 23Ĉobal úᵽurol bugo guomme Alivan, Manahat, Ebal, Ĉefo ni Onam. 24Sibeon úᵽurol bugo guomme Aya ni Ana. Ban Ana o aamme átiar ejuh ébula ni gafit gagu gámah gagu, o n’gakoñ musum ᵽayol Sibeon. 25Ana nabaje áᵽur gajaol Diĉon ni bájur gajaol Oholibama. 26Diĉon úᵽurol bugo guomme Hemudan, Eĉeban, Yitiran ni Keran. 27Eser úᵽurol n’guno Bilehan, Savan ni Akan. 28Diĉan úᵽurol bugo guomme Us ni Aran.
29-30Dáuru ñer gakan me ufan bugaa súsuh ni mof mamu maa Seir : Lotan, Ĉobal, Sibeon, Ana, Diĉon, Eser ni Diĉan.
31Ni mof mamu maa Edom, bajene úvi bala Israel gubaj bugolil. 32Atíar ahu gajaol Bela, añol Beor, ala ésuh yay yaa Dinaba. 33No naĉet me, n’gúvien Yobab añol Sera ala ésuh yay yaa Bosra. 34No may aĉila aĉet me, n’gúvien Huĉam ala mof mamu maa Teman. 35No naĉet me, Hadad añol Bedad, ala ésuh yay yaa Avit, naŋar efenjeŋ yay. Natigen bugaa Majan ni mof mamu maa Moab aham. 36No Hadad aĉet me, n’gúvien Samula ala ésuh yay yaa Masreka. 37No naĉet me, n’gúvien Ĉaul ala Rehobot yaamme galam fal. 38No naĉet me, n’gúvien Baal-Hanan añol Akubor. 39Mbi no naĉet me, n’gúvien Hadar ala ésuh yay yaa Pau. Aarol gajaol Mehetabel, bájur Matared, gabulaken Mey-Sahab.
40Dáure ufan bugaa súsuh ni mof mamu maa Edom ni guilil dó gúᵽullo me : Timina, Aliva, Yetet, 41Oholibama, Ela, Pinon, 42Kenas, Teman, Mibisar, 43Magidiel, Iram. Anóan ni bugo naogenwogen mof.
Dáuru ñer ufan mof mamu maa Edom mo Esau ailen me.
Currently Selected:
Fíĉilum 36: bqjDBL2
Highlight
Share
Copy
Want to have your highlights saved across all your devices? Sign up or sign in
Wycliffe Bible Translators, Inc. All rights reserved.
