Fíĉilum 40
40
1-2Ᵽio bo, funah fice, bugagu úvula gúuba bugal ávi Esíp n’gutil ni o. Ace ni bugo o aĉil me miremay mamu mola, ahuo o aamme afan usoa unaĉol. Aví ahu fiiñol ni fitiñil 3ak’ajogil abaŋ ni fipeh fafu fal afan upoyaol, dó may Susef apegi me. 4Afan upoya ahu nábahenil ahat ni gañen Susef min acokoril. N’gunamo ró gunah guman.
Susef o n’éᵽajul síyeut upegoraol gúuba
5Efuga ece, bugo éubail n’gúyeut síyeut sábuliore. 6No Susef akelil me bujuh ni bujom, natogil min guñahore, 7naagil : « Buru jama junogorom bugan gasarut. Wa ubajul ? » 8N’guogol : « Jíyeuyeut éubaoli, ban an ájuut agitenóli wa sulobe. » Naagil : « Aláemit nevonol nájue áᵽajulul so. Jigitenom so ᵽaa ! »
9Ñer aĉil me miremay ávi nagiten aah : « Injé ni síyeutom nijuge bíbiñu biilo bújoŋorom, 10m’bubaj uan wono úfaji. Ban ni bijef to baenah, iki buya min bubuh gújeŋ iki gújuh. 11Nítuh n’gañenom éremuma ávi ahu, niŋar subugum sasu iñafen dó n’éremuma yay. Mbiban nisenol yo arem. » 12Susef naagol : « Síyeuti maa sulobe : Uan waw úfaji wo uomme gunah gúfaji. 13Ban tale gunah gúfaji, ávi ahu ᵽan atebeni fatiya, ak’abbañeni buroki ; ᵽan nuh’uñurenol éremumaol ti no. 14Ñer uboket jamb’újumorom aw babbañer unamo jon. Mb’ulob múmbam ávi ahu, tima níᵽur ni fipeh fe. 15Ti maagen, babu guramulom n’ésuh yay yal Ehíbori|Híbori yay, ban babe ímusut ikan maarat maĉil me n’gupegom dáre. »
16Ñer afan usoaaw najuh búoh bagitener babu búariari. Naah Susef : « Injé may níyeute, niteb ni fuhoom utegel úfaji wájutenore wal unaĉ wásume. 17Ni gaa fatiya, ganaĉ gánogan go asoa nah’akan bi fitiñ ávi ahu, ugu ró. Ban mupu mamu nihi múkail mitiñ dó. » 18Susef naagol : « Síyeuti maa sulobe : Utegel waw úfaji wo uomme gunah gúfaji. 19Ban tale gunah gúfaji, ávi ahu ᵽan atebeni fatiya, bare bi eĉagi úrien ni bununuh, min mupu mamu múkail mitiñ efuluŋi. »
20Mb’uĉiga funah fúfaten, ávi ahu náni n’ekan úvulaol gaggan funagol fo nabugi me. Ñer naboñ gúhanul afan miremayol ni ala usoaol unaĉ bújoŋor ésuh yay ᵽe. 21Aĉil me miremay mamu, ávi nabbañenol burokol min abbañ nah’añurenol éremuma yay. 22Bare ahu, naboñ min guĉagol árien, ti Susef alob yo me.
23Toker afan miremayol o bájumorer Susef faĉaw.
Currently Selected:
Fíĉilum 40: bqjDBL2
Highlight
Share
Copy
Want to have your highlights saved across all your devices? Sign up or sign in
Wycliffe Bible Translators, Inc. All rights reserved.
Fíĉilum 40
40
1-2Ᵽio bo, funah fice, bugagu úvula gúuba bugal ávi Esíp n’gutil ni o. Ace ni bugo o aĉil me miremay mamu mola, ahuo o aamme afan usoa unaĉol. Aví ahu fiiñol ni fitiñil 3ak’ajogil abaŋ ni fipeh fafu fal afan upoyaol, dó may Susef apegi me. 4Afan upoya ahu nábahenil ahat ni gañen Susef min acokoril. N’gunamo ró gunah guman.
Susef o n’éᵽajul síyeut upegoraol gúuba
5Efuga ece, bugo éubail n’gúyeut síyeut sábuliore. 6No Susef akelil me bujuh ni bujom, natogil min guñahore, 7naagil : « Buru jama junogorom bugan gasarut. Wa ubajul ? » 8N’guogol : « Jíyeuyeut éubaoli, ban an ájuut agitenóli wa sulobe. » Naagil : « Aláemit nevonol nájue áᵽajulul so. Jigitenom so ᵽaa ! »
9Ñer aĉil me miremay ávi nagiten aah : « Injé ni síyeutom nijuge bíbiñu biilo bújoŋorom, 10m’bubaj uan wono úfaji. Ban ni bijef to baenah, iki buya min bubuh gújeŋ iki gújuh. 11Nítuh n’gañenom éremuma ávi ahu, niŋar subugum sasu iñafen dó n’éremuma yay. Mbiban nisenol yo arem. » 12Susef naagol : « Síyeuti maa sulobe : Uan waw úfaji wo uomme gunah gúfaji. 13Ban tale gunah gúfaji, ávi ahu ᵽan atebeni fatiya, ak’abbañeni buroki ; ᵽan nuh’uñurenol éremumaol ti no. 14Ñer uboket jamb’újumorom aw babbañer unamo jon. Mb’ulob múmbam ávi ahu, tima níᵽur ni fipeh fe. 15Ti maagen, babu guramulom n’ésuh yay yal Ehíbori|Híbori yay, ban babe ímusut ikan maarat maĉil me n’gupegom dáre. »
16Ñer afan usoaaw najuh búoh bagitener babu búariari. Naah Susef : « Injé may níyeute, niteb ni fuhoom utegel úfaji wájutenore wal unaĉ wásume. 17Ni gaa fatiya, ganaĉ gánogan go asoa nah’akan bi fitiñ ávi ahu, ugu ró. Ban mupu mamu nihi múkail mitiñ dó. » 18Susef naagol : « Síyeuti maa sulobe : Utegel waw úfaji wo uomme gunah gúfaji. 19Ban tale gunah gúfaji, ávi ahu ᵽan atebeni fatiya, bare bi eĉagi úrien ni bununuh, min mupu mamu múkail mitiñ efuluŋi. »
20Mb’uĉiga funah fúfaten, ávi ahu náni n’ekan úvulaol gaggan funagol fo nabugi me. Ñer naboñ gúhanul afan miremayol ni ala usoaol unaĉ bújoŋor ésuh yay ᵽe. 21Aĉil me miremay mamu, ávi nabbañenol burokol min abbañ nah’añurenol éremuma yay. 22Bare ahu, naboñ min guĉagol árien, ti Susef alob yo me.
23Toker afan miremayol o bájumorer Susef faĉaw.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Wycliffe Bible Translators, Inc. All rights reserved.