KO ‘EKISOTO 21
21
Ko e ngaahi Lao ‘o Kau ki he Fakaehauá
1KO eni ‘a e ngaahi kupu‘i konisitūtone te ke fai fono ‘aki kiate kinautolu. 2Kapau te ke fakatau ha tamaio‘eiki Hepelū, ko e ta‘u ‘e ono te ne ngāue: pea ‘i hono fitu te ne ma‘u ‘ene tau‘atāina ta‘etotongi. 3Kapau na‘a ne ha‘u taka pē, te ne ‘alu taka pē: kapau na‘a ne fakafinemotu‘a, te ne ‘alu mo ia hono uaifi. 4Kapau kuo ‘ange ha uaifi kiate ia ‘e hono ‘eiki, pea kuo ne fā‘ele‘i kiate ia ha fānau tangata pē fānau fefine; ‘e ‘a e ‘eiki ‘a e finemotu‘a mo e fānau, pea te ne ‘alu ‘e ia toko taha pē. 5Ka ‘o kapau ‘e mātu‘aki lea ‘e he tamaio‘eiki, ‘o pehē, ‘Oku ou ‘ofa ki hoku ‘eiki, ki hoku uaifi mo ‘eku fānau; ‘e ‘ikai te u ‘alu tau‘atāina: 6pea ‘e toki fakahopo ia ‘e hono ‘eiki ‘i he ‘ao ‘o ‘Elohimi, ‘o ne fakaofi ia ki he matapā, pe ki he pou matapā; pea ‘e vili hono telinga ‘e hono ‘eiki ‘aki ha vili; pea te ne nofo ko ‘ene tamaio‘eiki ‘o ta‘engata.
7Pea kapau ‘e fakatau ‘e ha tangata hono ‘ōfefine ke kaunanga, ‘e ‘ikai te ne ‘alu atu ‘o hangē ko e ‘alu atu ‘a e kau tamaio‘eiki. 8Kapau ‘oku ‘ikai ke matamatalelei‘ia ai ‘a hono ‘eiki, ‘a ia kuo ne polo‘i ia ma‘ana, pea ke ne tuku ke huhu‘i ia: ‘e ‘ikai ngofua ha‘ane fakatau ia ki ha kakai muli, koe‘uhi kuo ne lohiaki‘i ia. 9Pea kapau kuo ne polo‘i ia ma‘a hono foha, te ne fai ma‘ana ‘a ia ‘oku fai ki ha ‘ōfefine. 10Kapau te ne to‘o mo‘ona ha fefine ‘e taha; ‘e ‘ikai te ne fakasi‘isi‘i ‘ene kiki, pe ko hono kofu, pe ko e tō‘onga ‘o e mali. 11Pea kapau ‘e ‘ikai te ne fai kiate ia ‘a e me‘a ni ‘e tolu, te ne toki ‘alu ta‘etotongi; ‘e ‘ikai ‘omi ha pa‘anga ki ai.
12Ko ia ‘oku ne taa‘i ha tangata, ‘o ne pekia, kuo pau ke mate tāmate‘i ia.#Lev 24.17 13Pea kapau na‘e ‘ikai ko ha‘ane lamalama, ka ko e ‘omi ‘e ‘Elohimi ki hono nima; pea te u toki tu‘utu‘uni ma‘au ha potu te ne hola ki ai.#Nōm 35.10-34; Teu 19.1-13; Sios 20.1-9 14Ka ‘o kapau ko e fai fakamālohi ‘e ha tangata ki ha taha kehe ke tāmate‘i fakakākā; pea neongo ko e ‘ōlita ‘o‘oku, ka te mou to‘o atu ia mei ai, ke ne mate.
15Pea ko ia te ne taa‘i ‘ene tamai, pe ko ‘ene fa‘ē, kuo pau ke mate tāmate‘i ia.
16Pea ko ia ‘oku ne kaiha‘a ha tangata, pea ‘oku ne fakatau ia, pe ‘oku ‘iloa ia ‘oku ne kei ma‘u, kuo pau ke mate tāmate‘i ia.#Teu 24.7
17Pea ko ia ‘oku ne kape‘i ‘ene tamai, pe ko ‘ene fa‘ē, kuo pau ke mate tāmate‘i ia.#Lev 20.9; Māt 15.4; Ma‘ake 7.10
18Pea kapau ‘e kē ha tu‘unga tangata, pea te‘ia ha taha ‘e ha taha ‘aki ha maka pe ko hono nima, ka ‘oku ‘ikai te ne mate ai, kae toka fuoloa: 19kapau ‘e faifai ‘o ne ake, ‘o ne tautoko holo, pea ‘e hao ia na‘a ne fai ‘a e tā: ka te ne totongi ki he taimi ‘o ‘ene ta‘engāue, pea mo e faito‘o ki ai kae‘oua ke mo‘ui ‘aupito.
20Pea kapau ‘e taa‘i ‘e ha tangata ha‘ane tamaio‘eiki, pe kaunanga, ‘aki ha ‘akau, ‘o ne pekia ai leva; kuo pau ke fai ‘a e sauni ki ai. 21Ka ‘o kapau te ne tolonga ‘i ha ‘aho ‘e taha pe ua, ‘e ‘ikai sauni: he ko ‘ene koloa ia.
22Pea kapau ‘e feolo‘i ha tu‘unga tangata, pea lavea ai ha fefine feitama, pea tō ‘ene tama, kae ngata ai ‘a e kovi: kuo pau ke fakamo‘ua ‘a e tangata ‘o fakatatau ki he me‘a ‘e lau ‘e he husepāniti ‘o e fefine; pea te ne fai ‘a e totongi ‘i he tu‘utu‘uni ‘a e kau fakamaau. 23Ka ‘o kapau ‘e ai ha kovi ‘e hoko, pea te ke totongi ‘a e mo‘ui ‘aki ‘a e mo‘ui, 24‘a e mata ‘aki ha mata, ‘a e nifo ‘aki ha nifo, ‘a e nima ‘aki ha nima, ‘a e va‘e ‘aki ha va‘e,#Lev 24.19-20; Teu 19.21; Māt 5.38 25‘a e mōfia ‘aki ‘a e fakamomofi, ‘a e kafo ‘aki ha fakakafo, ‘a e haha ‘aki ha haha.
26Ka ‘o kapau ‘e taa‘i ‘e ha tangata ‘a e mata ‘o ‘ene tamaio‘eiki, pe ko e mata ‘o ‘ene kaunanga, ‘o ne kui; te ne fakatau‘atāina ia ko e totongi ‘o hono fo‘i mata. 27Pea kapau ‘e mokulu ha nifo ‘o ‘ene tamaio‘eiki, pe ha nifo ‘o ‘ene kaunanga, ‘i ha‘ane fai ha me‘a ki ai; te ne fakatau‘atāina ia koe‘uhi ko hono fo‘i nifo.
Ko e ngaahi Lao ki he Kakai ‘oku ‘i ai ‘Enau me‘a ‘oku Ma‘u
28Pea kapau ‘e tui‘i ‘e ha pulu ha tangata, pe ha fefine, ‘o ne pekia; kuo pau ke tolomaka‘i ‘a e pulu, pea ‘e ‘ikai kai hono kakano; kae ‘atā ‘a e tangata ‘oku ‘a‘ana. 29Ka ‘o kapau ko e pulu na‘e pau‘u mu‘a, pea kuo fai ha na‘ina‘i kiate ia ‘oku ‘a‘ana, ka ‘oku ‘ikai te ne tokanga‘i ‘a e manu, pea kuo ne tāmate‘i ha tangata pe ha fefine, pea ‘e toki tolomaka‘i ‘a e pulu, pea ‘e mate tāmate‘i mo e tangata ‘oku ‘a‘ana. 30Kapau ‘e hilifaki ha totongi, te ne ‘atu ia, pe ko e hā ha tu‘utu‘uni ‘e fai kiate ia ko e huhu‘i ‘o ‘ene mo‘ui. 31Pe kuo ne tui‘i ha foha, pe kuo ne tui‘i ha ‘ōfefine, ‘e fai pē ki ai ‘o hangē ko e tu‘utu‘uni ko eni. 32Kapau kuo tui‘i ‘e he pulu ha tamaio‘eiki, pe ko ha kaunanga, ‘e fai pa‘anga pē; te ne ‘atu ha sikeli ‘e tolungofulu ki hono ‘eiki, pea tolongi ‘a e pulu.
33Pea kapau ‘e tangaki ‘e ha tangata ha luo, pe keli ha luo, ‘o ‘ikai te ne ‘ufi‘ufi, pea tō ai ha pulu pe ha ‘asi, 34pea ko ia ‘oku ‘a‘ana ‘a e luo te ne fakaai: te ne ‘atu ha pa‘anga kiate ia ‘oku ‘a‘ana, kae ‘iate ia ‘a e manu kuo mate. 35Pea kapau ‘e lavea ‘a e pulu ‘a ha tangata ‘i he pulu ‘a ha taha kehe, ‘o ne mate ai; pea te na fakatau ‘a e pulu ‘oku kei mo‘ui, ‘o vahevahe ‘a e pa‘anga, pea te na vahevahe foki mo e manu kuo mate. 36Ka ‘o kapau ‘oku hā ko e pulu na‘e pau‘u mu‘a, pea kuo ‘ikai tokanga ki ai ‘a e tangata ‘oku ‘a‘ana, kuo pau ke ne fakaai, ‘o totongi ‘a e pulu ‘aki ha pulu, kae ‘a‘ana ‘a e manu kuo mate.
Currently Selected:
KO ‘EKISOTO 21: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘EKISOTO 21
21
Ko e ngaahi Lao ‘o Kau ki he Fakaehauá
1KO eni ‘a e ngaahi kupu‘i konisitūtone te ke fai fono ‘aki kiate kinautolu. 2Kapau te ke fakatau ha tamaio‘eiki Hepelū, ko e ta‘u ‘e ono te ne ngāue: pea ‘i hono fitu te ne ma‘u ‘ene tau‘atāina ta‘etotongi. 3Kapau na‘a ne ha‘u taka pē, te ne ‘alu taka pē: kapau na‘a ne fakafinemotu‘a, te ne ‘alu mo ia hono uaifi. 4Kapau kuo ‘ange ha uaifi kiate ia ‘e hono ‘eiki, pea kuo ne fā‘ele‘i kiate ia ha fānau tangata pē fānau fefine; ‘e ‘a e ‘eiki ‘a e finemotu‘a mo e fānau, pea te ne ‘alu ‘e ia toko taha pē. 5Ka ‘o kapau ‘e mātu‘aki lea ‘e he tamaio‘eiki, ‘o pehē, ‘Oku ou ‘ofa ki hoku ‘eiki, ki hoku uaifi mo ‘eku fānau; ‘e ‘ikai te u ‘alu tau‘atāina: 6pea ‘e toki fakahopo ia ‘e hono ‘eiki ‘i he ‘ao ‘o ‘Elohimi, ‘o ne fakaofi ia ki he matapā, pe ki he pou matapā; pea ‘e vili hono telinga ‘e hono ‘eiki ‘aki ha vili; pea te ne nofo ko ‘ene tamaio‘eiki ‘o ta‘engata.
7Pea kapau ‘e fakatau ‘e ha tangata hono ‘ōfefine ke kaunanga, ‘e ‘ikai te ne ‘alu atu ‘o hangē ko e ‘alu atu ‘a e kau tamaio‘eiki. 8Kapau ‘oku ‘ikai ke matamatalelei‘ia ai ‘a hono ‘eiki, ‘a ia kuo ne polo‘i ia ma‘ana, pea ke ne tuku ke huhu‘i ia: ‘e ‘ikai ngofua ha‘ane fakatau ia ki ha kakai muli, koe‘uhi kuo ne lohiaki‘i ia. 9Pea kapau kuo ne polo‘i ia ma‘a hono foha, te ne fai ma‘ana ‘a ia ‘oku fai ki ha ‘ōfefine. 10Kapau te ne to‘o mo‘ona ha fefine ‘e taha; ‘e ‘ikai te ne fakasi‘isi‘i ‘ene kiki, pe ko hono kofu, pe ko e tō‘onga ‘o e mali. 11Pea kapau ‘e ‘ikai te ne fai kiate ia ‘a e me‘a ni ‘e tolu, te ne toki ‘alu ta‘etotongi; ‘e ‘ikai ‘omi ha pa‘anga ki ai.
12Ko ia ‘oku ne taa‘i ha tangata, ‘o ne pekia, kuo pau ke mate tāmate‘i ia.#Lev 24.17 13Pea kapau na‘e ‘ikai ko ha‘ane lamalama, ka ko e ‘omi ‘e ‘Elohimi ki hono nima; pea te u toki tu‘utu‘uni ma‘au ha potu te ne hola ki ai.#Nōm 35.10-34; Teu 19.1-13; Sios 20.1-9 14Ka ‘o kapau ko e fai fakamālohi ‘e ha tangata ki ha taha kehe ke tāmate‘i fakakākā; pea neongo ko e ‘ōlita ‘o‘oku, ka te mou to‘o atu ia mei ai, ke ne mate.
15Pea ko ia te ne taa‘i ‘ene tamai, pe ko ‘ene fa‘ē, kuo pau ke mate tāmate‘i ia.
16Pea ko ia ‘oku ne kaiha‘a ha tangata, pea ‘oku ne fakatau ia, pe ‘oku ‘iloa ia ‘oku ne kei ma‘u, kuo pau ke mate tāmate‘i ia.#Teu 24.7
17Pea ko ia ‘oku ne kape‘i ‘ene tamai, pe ko ‘ene fa‘ē, kuo pau ke mate tāmate‘i ia.#Lev 20.9; Māt 15.4; Ma‘ake 7.10
18Pea kapau ‘e kē ha tu‘unga tangata, pea te‘ia ha taha ‘e ha taha ‘aki ha maka pe ko hono nima, ka ‘oku ‘ikai te ne mate ai, kae toka fuoloa: 19kapau ‘e faifai ‘o ne ake, ‘o ne tautoko holo, pea ‘e hao ia na‘a ne fai ‘a e tā: ka te ne totongi ki he taimi ‘o ‘ene ta‘engāue, pea mo e faito‘o ki ai kae‘oua ke mo‘ui ‘aupito.
20Pea kapau ‘e taa‘i ‘e ha tangata ha‘ane tamaio‘eiki, pe kaunanga, ‘aki ha ‘akau, ‘o ne pekia ai leva; kuo pau ke fai ‘a e sauni ki ai. 21Ka ‘o kapau te ne tolonga ‘i ha ‘aho ‘e taha pe ua, ‘e ‘ikai sauni: he ko ‘ene koloa ia.
22Pea kapau ‘e feolo‘i ha tu‘unga tangata, pea lavea ai ha fefine feitama, pea tō ‘ene tama, kae ngata ai ‘a e kovi: kuo pau ke fakamo‘ua ‘a e tangata ‘o fakatatau ki he me‘a ‘e lau ‘e he husepāniti ‘o e fefine; pea te ne fai ‘a e totongi ‘i he tu‘utu‘uni ‘a e kau fakamaau. 23Ka ‘o kapau ‘e ai ha kovi ‘e hoko, pea te ke totongi ‘a e mo‘ui ‘aki ‘a e mo‘ui, 24‘a e mata ‘aki ha mata, ‘a e nifo ‘aki ha nifo, ‘a e nima ‘aki ha nima, ‘a e va‘e ‘aki ha va‘e,#Lev 24.19-20; Teu 19.21; Māt 5.38 25‘a e mōfia ‘aki ‘a e fakamomofi, ‘a e kafo ‘aki ha fakakafo, ‘a e haha ‘aki ha haha.
26Ka ‘o kapau ‘e taa‘i ‘e ha tangata ‘a e mata ‘o ‘ene tamaio‘eiki, pe ko e mata ‘o ‘ene kaunanga, ‘o ne kui; te ne fakatau‘atāina ia ko e totongi ‘o hono fo‘i mata. 27Pea kapau ‘e mokulu ha nifo ‘o ‘ene tamaio‘eiki, pe ha nifo ‘o ‘ene kaunanga, ‘i ha‘ane fai ha me‘a ki ai; te ne fakatau‘atāina ia koe‘uhi ko hono fo‘i nifo.
Ko e ngaahi Lao ki he Kakai ‘oku ‘i ai ‘Enau me‘a ‘oku Ma‘u
28Pea kapau ‘e tui‘i ‘e ha pulu ha tangata, pe ha fefine, ‘o ne pekia; kuo pau ke tolomaka‘i ‘a e pulu, pea ‘e ‘ikai kai hono kakano; kae ‘atā ‘a e tangata ‘oku ‘a‘ana. 29Ka ‘o kapau ko e pulu na‘e pau‘u mu‘a, pea kuo fai ha na‘ina‘i kiate ia ‘oku ‘a‘ana, ka ‘oku ‘ikai te ne tokanga‘i ‘a e manu, pea kuo ne tāmate‘i ha tangata pe ha fefine, pea ‘e toki tolomaka‘i ‘a e pulu, pea ‘e mate tāmate‘i mo e tangata ‘oku ‘a‘ana. 30Kapau ‘e hilifaki ha totongi, te ne ‘atu ia, pe ko e hā ha tu‘utu‘uni ‘e fai kiate ia ko e huhu‘i ‘o ‘ene mo‘ui. 31Pe kuo ne tui‘i ha foha, pe kuo ne tui‘i ha ‘ōfefine, ‘e fai pē ki ai ‘o hangē ko e tu‘utu‘uni ko eni. 32Kapau kuo tui‘i ‘e he pulu ha tamaio‘eiki, pe ko ha kaunanga, ‘e fai pa‘anga pē; te ne ‘atu ha sikeli ‘e tolungofulu ki hono ‘eiki, pea tolongi ‘a e pulu.
33Pea kapau ‘e tangaki ‘e ha tangata ha luo, pe keli ha luo, ‘o ‘ikai te ne ‘ufi‘ufi, pea tō ai ha pulu pe ha ‘asi, 34pea ko ia ‘oku ‘a‘ana ‘a e luo te ne fakaai: te ne ‘atu ha pa‘anga kiate ia ‘oku ‘a‘ana, kae ‘iate ia ‘a e manu kuo mate. 35Pea kapau ‘e lavea ‘a e pulu ‘a ha tangata ‘i he pulu ‘a ha taha kehe, ‘o ne mate ai; pea te na fakatau ‘a e pulu ‘oku kei mo‘ui, ‘o vahevahe ‘a e pa‘anga, pea te na vahevahe foki mo e manu kuo mate. 36Ka ‘o kapau ‘oku hā ko e pulu na‘e pau‘u mu‘a, pea kuo ‘ikai tokanga ki ai ‘a e tangata ‘oku ‘a‘ana, kuo pau ke ne fakaai, ‘o totongi ‘a e pulu ‘aki ha pulu, kae ‘a‘ana ‘a e manu kuo mate.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.