KO ‘EKISOTO 6
6
1PEA folofola ‘a Sihova kia Mōsese, Ko eni te ke mamata ki he me‘a te u fai kia Felo; he ko e tā mamafa ‘e tuku atu ai kimoutolu; ‘io, ‘i he tā mamafa te ne kapusi mei he fonua.
2Pea folofola ‘a e ‘Otua kia Mōsese, ‘o ne pehē kiate ia, Ko Sihova au.#Sēn 17.1; 28.3; 35.11; ‘Eki 3.13-15 3Na‘a ku hā kia ‘Epalahame mo ‘Aisake mo Sēkope ko e ‘Otua ko SĀTAI, ka ‘i hoku hingoa ko SIHOVA na‘e ‘ikai te nau maheni mo au.#6.3 SIHOVA; Vakai ki he 3.14. 4Pea ne u fokotu‘u foki ‘eku fuakava mo kinautolu, ke ‘ange kiate kinautolu ‘a e fonua ko Kēnani, ‘a e fonua ‘o ‘enau nofo pilikimi, ‘a ia na‘a nau nofo ‘āunofo ai. 5Kae‘uma‘ā foki kuo u ongo‘i ‘a e to‘e ‘a ha‘a ‘Isileli, ‘a ia ‘oku fakapōpula‘i ‘e he kau ‘Isipite; pea kuo u manatu ‘eku fuakava. 6Ko ia ke ke lea ki ha‘a ‘Isileli, ‘o pehē, Ko Sihova au, pea te u hamusi kimoutolu mei he ngaahi kavenga ‘a e kau ‘Isipite, pea te u fakahaofi kimoutolu mei he‘enau fakapōpula‘i, pea te u huhu‘i kimoutolu ‘aki ‘a e nima kuo hiki tā, mo e ngaahi tautea lahi: 7pea te u to‘o kimoutolu mo‘oku kakai, pea te u nofo ko homou ‘Otua: pea te mou ‘ilo ko Sihova au ko homou ‘Otua, ‘a ia ‘oku ne hamusi kimoutolu mei he ngaahi kavenga ‘a e kakai ‘Isipite. 8Pea te u ‘ohake kimoutolu ki he fonua, ‘a ia na‘a ku hiki ai hoku nima ke ‘ange ia kia ‘Epalahame mo ‘Aisake mo Sēkope; pea te u foaki ia mo‘omou tofi‘a: ko Sihova au. 9Pea na‘e lea pehē ‘a Mōsese ki ha‘a ‘Isileli, ka na‘e ‘ikai te nau tokanga kia Mōsese ko ‘enau lotosi‘i, pea mo e ongosia ‘i he fatongia.
10Pea folofola ‘a Sihova kia Mōsese, ‘o pehē, 11‘Alu ‘o lea kia Felo ko e Tu‘i ‘Isipite, ke ne tukuange ‘a ha‘a ‘Isileli mei hono fonua.
12Pea fakatau folofola ‘e Mōsese kia Sihova ‘o pehē; Vakai, kuo ‘ikai tokanga kiate au ‘e ha‘a ‘Isileli; pea fēfē ‘a e tokanga ‘a Felo kiate au, ‘a au ko e loungutu ta‘ekamu?
13Pea folofola ‘a Sihova kia Mōsese mo ‘Ēlone, ‘o ne ‘ange ha tu‘utu‘uni ki ha‘a ‘Isileli, pea mo Felo ko e Tu‘i ‘Isipite, ke ‘omi kitu‘a ‘a ha‘a ‘Isileli mei ‘Isipite.
14Ko eni ‘a e ngaahi ‘ulumotu‘a ‘o hona tupu‘anga: Ko e ngaahi foha ‘o Lūpeni ko e ‘uluaki foha ‘o ‘Isileli, ko ‘Īnoke, mo Falu, ko Heseloni mo Kālimi: ko eni ia ‘a e ngaahi fāmili ‘o Lūpeni. 15Pea ko e ngaahi foha ‘o Simione; ko ‘Iemueli, mo Siamini, mo ‘Ōhati, mo Siakini, mo Soha‘a, pea mo Saula ko e tama ‘a ha fefine Kēnani: ko eni ia ‘a e ngaahi fāmili ‘o Simione. 16Pea ko eni ‘a e ngaahi hingoa ‘o e ngaahi foha ‘o Līvai, ‘o fakatatau ki honau tohi hohoko; ko Kēsoni, mo Kōhate, mo Mēlali. Pea ko e ngaahi ta‘u ‘o e mo‘ui ‘a Līvai ko e ta‘u e teau mo e ta‘u ‘e tolungofulu mā fitu.#Nōm 3.17-20; 26.57-58; 1 Kal 6.16-19 17Ko e ngaahi foha ‘o Kēsoni; ko Līpini, mo Simi ‘i he lau fāmili. 18Pea ko e ngaahi foha ‘o Kōhate; ko ‘Amilami, mo ‘Īsa‘a, mo Hepeloni, mo ‘Osieli: pea ko e ngaahi ta‘u ‘o e mo‘ui ‘a Kōhate ko e ta‘u ‘e teau mo e ta‘u ‘e tolungofulu mā tolu. 19Pea ko e ngaahi foha ‘o Mēlali; ko Māhali mo Musi: ko eni ia ‘a e ngaahi fāmili ‘o ha‘a Līvai, ‘o fakatatau ki honau tohi hohoko.
20Pea mali ‘a ‘Amilami mo Siokapesi ko e tuofefine ‘o ‘ene tamai, pea ne fanau‘i kiate ia ‘a ‘Ēlone mo Mōsese; pea ko e ngaahi ta‘u ‘o e mo‘ui ‘a ‘Amilami ko e ta‘u ‘e teau mo e ta‘u ‘e tolungofulu mā fitu. 21Pea ko e ngaahi foha ‘o ‘Īsa‘a ko Kola, mo Nēfeki, mo Sikeli. 22Pea ko e ngaahi foha ‘o ‘Osieli; ko Misaeli, mo ‘Elisafani mo Sīteli.
23Pea mali ‘a ‘Ēlone mo ‘Elisepa ko e ‘ōfefine ‘o ‘Aminatape ko e tuofefine ‘o Na‘asoni, pea ne fanau‘i kiate ia ‘a Nātapi mo ‘Āpiu, ‘a ‘Eliesa mo ‘Ītama. 24Pea ko e ngaahi foha ‘o Kola: ko ‘Āsili mo ‘Elikena mo ‘Apiesafe: ko eni ia ‘a e ngaahi fāmili ‘o ha‘a Kola. 25Pea ko ‘Eliesa ko e foha ‘o ‘Ēlone na‘a ne ma‘u uaifi mei he fānau fefine ‘a Putieli; pea ne fanau‘i kiate ia ‘a Finiasi: ko eni ia ‘a e ngaahi ‘ulumotu‘a ‘o ha‘a Līvai ‘i he lau fa‘ahinga.
26Ko eni ‘a e Mōsese mo ‘Ēlone ko ia, ‘a ia na‘e folofola ki ai ‘a Sihova ‘o pehē, Mo ‘omi kitu‘a ‘a ha‘a ‘Isileli mei he fonua ko ‘Isipite ‘i honau ngaahi matatau. 27Ko kinaua ia na‘e lea kia Felo ko e Tu‘i ‘Isipite, ke tuku atu ‘a ha‘a ‘Isileli mei ‘Isipite; ko Mōsese mo ‘Ēlone ia.
28Pea ko eni, ‘i he ‘aho na‘e folofola ai ‘a Sihova kia Mōsese ‘i he fonua ‘o ‘Isipite, 29tokua na‘e folofola ‘e Sihova kiate ia ‘o pehē, Ko Sihova au, ke ke lea kia Felo koe Tu‘i ‘Isipite ‘a e me‘a kotoa pē te u fakahā kiate koe.
30Pea fakatau folofola ‘e Mōsese kia Sihova ‘o pehē; Vakai, ko e loungutu ta‘ekamu au, pea ‘e fakaongo fēfē ‘a Felo kiate au?
Currently Selected:
KO ‘EKISOTO 6: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO ‘EKISOTO 6
6
1PEA folofola ‘a Sihova kia Mōsese, Ko eni te ke mamata ki he me‘a te u fai kia Felo; he ko e tā mamafa ‘e tuku atu ai kimoutolu; ‘io, ‘i he tā mamafa te ne kapusi mei he fonua.
2Pea folofola ‘a e ‘Otua kia Mōsese, ‘o ne pehē kiate ia, Ko Sihova au.#Sēn 17.1; 28.3; 35.11; ‘Eki 3.13-15 3Na‘a ku hā kia ‘Epalahame mo ‘Aisake mo Sēkope ko e ‘Otua ko SĀTAI, ka ‘i hoku hingoa ko SIHOVA na‘e ‘ikai te nau maheni mo au.#6.3 SIHOVA; Vakai ki he 3.14. 4Pea ne u fokotu‘u foki ‘eku fuakava mo kinautolu, ke ‘ange kiate kinautolu ‘a e fonua ko Kēnani, ‘a e fonua ‘o ‘enau nofo pilikimi, ‘a ia na‘a nau nofo ‘āunofo ai. 5Kae‘uma‘ā foki kuo u ongo‘i ‘a e to‘e ‘a ha‘a ‘Isileli, ‘a ia ‘oku fakapōpula‘i ‘e he kau ‘Isipite; pea kuo u manatu ‘eku fuakava. 6Ko ia ke ke lea ki ha‘a ‘Isileli, ‘o pehē, Ko Sihova au, pea te u hamusi kimoutolu mei he ngaahi kavenga ‘a e kau ‘Isipite, pea te u fakahaofi kimoutolu mei he‘enau fakapōpula‘i, pea te u huhu‘i kimoutolu ‘aki ‘a e nima kuo hiki tā, mo e ngaahi tautea lahi: 7pea te u to‘o kimoutolu mo‘oku kakai, pea te u nofo ko homou ‘Otua: pea te mou ‘ilo ko Sihova au ko homou ‘Otua, ‘a ia ‘oku ne hamusi kimoutolu mei he ngaahi kavenga ‘a e kakai ‘Isipite. 8Pea te u ‘ohake kimoutolu ki he fonua, ‘a ia na‘a ku hiki ai hoku nima ke ‘ange ia kia ‘Epalahame mo ‘Aisake mo Sēkope; pea te u foaki ia mo‘omou tofi‘a: ko Sihova au. 9Pea na‘e lea pehē ‘a Mōsese ki ha‘a ‘Isileli, ka na‘e ‘ikai te nau tokanga kia Mōsese ko ‘enau lotosi‘i, pea mo e ongosia ‘i he fatongia.
10Pea folofola ‘a Sihova kia Mōsese, ‘o pehē, 11‘Alu ‘o lea kia Felo ko e Tu‘i ‘Isipite, ke ne tukuange ‘a ha‘a ‘Isileli mei hono fonua.
12Pea fakatau folofola ‘e Mōsese kia Sihova ‘o pehē; Vakai, kuo ‘ikai tokanga kiate au ‘e ha‘a ‘Isileli; pea fēfē ‘a e tokanga ‘a Felo kiate au, ‘a au ko e loungutu ta‘ekamu?
13Pea folofola ‘a Sihova kia Mōsese mo ‘Ēlone, ‘o ne ‘ange ha tu‘utu‘uni ki ha‘a ‘Isileli, pea mo Felo ko e Tu‘i ‘Isipite, ke ‘omi kitu‘a ‘a ha‘a ‘Isileli mei ‘Isipite.
14Ko eni ‘a e ngaahi ‘ulumotu‘a ‘o hona tupu‘anga: Ko e ngaahi foha ‘o Lūpeni ko e ‘uluaki foha ‘o ‘Isileli, ko ‘Īnoke, mo Falu, ko Heseloni mo Kālimi: ko eni ia ‘a e ngaahi fāmili ‘o Lūpeni. 15Pea ko e ngaahi foha ‘o Simione; ko ‘Iemueli, mo Siamini, mo ‘Ōhati, mo Siakini, mo Soha‘a, pea mo Saula ko e tama ‘a ha fefine Kēnani: ko eni ia ‘a e ngaahi fāmili ‘o Simione. 16Pea ko eni ‘a e ngaahi hingoa ‘o e ngaahi foha ‘o Līvai, ‘o fakatatau ki honau tohi hohoko; ko Kēsoni, mo Kōhate, mo Mēlali. Pea ko e ngaahi ta‘u ‘o e mo‘ui ‘a Līvai ko e ta‘u e teau mo e ta‘u ‘e tolungofulu mā fitu.#Nōm 3.17-20; 26.57-58; 1 Kal 6.16-19 17Ko e ngaahi foha ‘o Kēsoni; ko Līpini, mo Simi ‘i he lau fāmili. 18Pea ko e ngaahi foha ‘o Kōhate; ko ‘Amilami, mo ‘Īsa‘a, mo Hepeloni, mo ‘Osieli: pea ko e ngaahi ta‘u ‘o e mo‘ui ‘a Kōhate ko e ta‘u ‘e teau mo e ta‘u ‘e tolungofulu mā tolu. 19Pea ko e ngaahi foha ‘o Mēlali; ko Māhali mo Musi: ko eni ia ‘a e ngaahi fāmili ‘o ha‘a Līvai, ‘o fakatatau ki honau tohi hohoko.
20Pea mali ‘a ‘Amilami mo Siokapesi ko e tuofefine ‘o ‘ene tamai, pea ne fanau‘i kiate ia ‘a ‘Ēlone mo Mōsese; pea ko e ngaahi ta‘u ‘o e mo‘ui ‘a ‘Amilami ko e ta‘u ‘e teau mo e ta‘u ‘e tolungofulu mā fitu. 21Pea ko e ngaahi foha ‘o ‘Īsa‘a ko Kola, mo Nēfeki, mo Sikeli. 22Pea ko e ngaahi foha ‘o ‘Osieli; ko Misaeli, mo ‘Elisafani mo Sīteli.
23Pea mali ‘a ‘Ēlone mo ‘Elisepa ko e ‘ōfefine ‘o ‘Aminatape ko e tuofefine ‘o Na‘asoni, pea ne fanau‘i kiate ia ‘a Nātapi mo ‘Āpiu, ‘a ‘Eliesa mo ‘Ītama. 24Pea ko e ngaahi foha ‘o Kola: ko ‘Āsili mo ‘Elikena mo ‘Apiesafe: ko eni ia ‘a e ngaahi fāmili ‘o ha‘a Kola. 25Pea ko ‘Eliesa ko e foha ‘o ‘Ēlone na‘a ne ma‘u uaifi mei he fānau fefine ‘a Putieli; pea ne fanau‘i kiate ia ‘a Finiasi: ko eni ia ‘a e ngaahi ‘ulumotu‘a ‘o ha‘a Līvai ‘i he lau fa‘ahinga.
26Ko eni ‘a e Mōsese mo ‘Ēlone ko ia, ‘a ia na‘e folofola ki ai ‘a Sihova ‘o pehē, Mo ‘omi kitu‘a ‘a ha‘a ‘Isileli mei he fonua ko ‘Isipite ‘i honau ngaahi matatau. 27Ko kinaua ia na‘e lea kia Felo ko e Tu‘i ‘Isipite, ke tuku atu ‘a ha‘a ‘Isileli mei ‘Isipite; ko Mōsese mo ‘Ēlone ia.
28Pea ko eni, ‘i he ‘aho na‘e folofola ai ‘a Sihova kia Mōsese ‘i he fonua ‘o ‘Isipite, 29tokua na‘e folofola ‘e Sihova kiate ia ‘o pehē, Ko Sihova au, ke ke lea kia Felo koe Tu‘i ‘Isipite ‘a e me‘a kotoa pē te u fakahā kiate koe.
30Pea fakatau folofola ‘e Mōsese kia Sihova ‘o pehē; Vakai, ko e loungutu ta‘ekamu au, pea ‘e fakaongo fēfē ‘a Felo kiate au?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.