KO SĒNESI 33
33
Ko e Fe‘iloaki ‘a Sēkope mo ‘Īsoa
1PEA hanga hake ‘a Sēkope ‘o fakasio, tā ko ‘Īsoa ‘ena ‘oku ha‘u, pea ‘oku ‘iate ia ha kau tangata ‘e toko fāngeau. Pea ne hanga ‘o vahevahe ‘a e fānau kia Lia mo Lesieli mo e ongo kaunanga. 2Pea ne fakamu‘omu‘a ‘a e ongo kaunanga mo ‘ena fānau, pea hoko ai ‘a Lia mo ‘ene fānau, pea fakamuimui ‘a Lesieli mo Siosifa. 3Ka ka laka atu pē ia ‘i honau ‘ao, ‘o ne toutou tulolo ki he kelekele, ‘o tu‘o fitu ke fakaofiofi atu ki hono tokoua. 4Ka ka lele mai ‘a ‘Īsoa ke fakafetaulaki kiate ia, ‘o ne fā‘ofua ki ai, ‘o tāupe ‘i hono kia, ‘o ne ‘uma kiate ia; pea na fetāngihi. 5Pea ne hanga hake, ‘o ne sio ki he kau fefine mo e tamaiki; pea ne pehē, Ko hai ‘a kinautolu ni ‘oku ‘iate koe? Pea ne tali, Ko e fānau ia kuo me‘a‘ofa ‘aki ‘e he ‘Otua ki ho‘o tamaio‘eiki ko au.
6Pea ‘unu‘unu mai ‘a e ongo kaunanga, ‘a kinaua mo ‘ena fānau, ‘o nau tulolo. 7Pea ‘unu‘unu mai foki ‘a Lia mo ‘ene fānau, ‘o nau tulolo: pea hili ia na‘e ‘unu‘unu mai ‘a Siosifa mo Lesieli, ‘o na tulolo.
8Pea ne pehē, Ko e hā fua ho‘o fu‘u kongakau ko ē na‘a mau fetaulaki mo au? Pea ne tali, Ko e me‘a ia ke langa‘i ‘a e ‘ofa ‘a hoku ‘eiki kiate au.
9Pea pehē ‘e ‘Īsoa, Si‘oku tokoua, ‘oku lahi pē ‘eku me‘a; ma‘u pē ‘e koe ‘a e me‘a ‘a‘au.
10Pea tali ‘e Sēkope, ‘Oua foki: kapau leva kuo u ta‘imālie ho‘o ‘ofa, pea ke to‘o pē ‘eku mōihū, ‘a ia ‘oku ou ‘atu: koe‘uhi ā kuo u mamata ki ho fofonga, ‘o hangē ko ‘eku mamata ki he fofonga ‘o e ‘Otua, pea kuo ke hōifua mai. 11Ke ke ma‘u mu‘a ‘eku fakafeta‘i ‘a ia kuo ‘oatu; he kuo ‘ofa‘i au ‘e Sihova, pea kuo u ma‘u kakato. Pea na‘a ne fakakolekole ki ai ‘o ne ma‘u.
12Pea ne pehē, Ta hiki, ‘o ta laka atu, pea te u taki.
13Ka ka tali ‘e ia ki ai, ‘Oku mea‘i ‘e hoku ‘eiki ‘oku ngāvaivai ‘a tamaiki, pea ‘oku ‘alu mo au ha fanga manu iiki mo ha fanga manu lalahi ‘oku toutama pea kapau ‘e fakatepitepi honau fakateka ‘i ha ‘aho pē taha, ‘e mate kotoa pē ‘a e fanga manu iiki. 14Ke me‘a atu mu‘a ‘a hoku ‘eiki, ‘o mu‘omu‘a ki he‘ene tamaio‘eiki ko au: ka ko au te u takitakimālie atu pē, ‘o fakatatau ki he fa‘a ‘alu ‘a e fanga manu ‘oku ou fakateka, mo e fa‘a ‘alu ‘a e fānau, kae‘oua ke u a‘u atu ki hoku ‘eiki ‘i Seia na.
15Pea pehē ‘e ‘Īsoa, Kaekehe ke nofo mo koe ha ni‘ihi ‘i he kakai ni ‘oku ‘iate au. Ka ka tali ‘e ia, Koe‘uma‘aki? Kehe pē ke u ‘ofeina ‘e hoku ‘eiki.#33.15 Kehe… ‘eiki; pe ‘o kapau ‘oku sai pē ia kiate koe.
16Pea foki ‘a ‘Īsoa ‘i he ‘aho ko ia he‘ene fononga ki Seia. 17Pea hiki ‘a Sēkope ‘o ‘alu ki Sūkote, ‘o ne langa ai hano fale ‘o‘ona, ‘o ne ngaohi ‘a e ngaahi fale lou‘akau mo‘o ‘ene fanga manu: ko hono ‘uhinga ia na‘e fakahingoa ai ‘a e potu ko Sūkote (Koni-Fale-lou‘akau).
18Ko ia na‘e hoko lelei ‘a Sēkope ki he kolo ko Sikemi, ‘a ia ‘oku ‘i he fonua ko Kēnani, ‘i he‘ene ha‘u mei Mesopotēmia; pea ne fokotu‘u hono tēniti ‘o hanga ki he kolo. 19Pea ne fakatau mei he ngaahi foha ‘o Hēmoa ko e tamai ‘a Sikemi ‘a e konga vao kuo ne folahi ai hono tēniti, ‘aki ha kesita ‘e teau.#Sios 24.32; Sioné 4.5 20Pea ne fokotu‘u ‘i he potu ko ia ha ‘ōlita, ‘o ne fakahingoa ia ko ‘Elalohe-‘Isileli (ko ‘Ela-ko-e-‘Otua-‘o-‘Isileli).
Currently Selected:
KO SĒNESI 33: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO SĒNESI 33
33
Ko e Fe‘iloaki ‘a Sēkope mo ‘Īsoa
1PEA hanga hake ‘a Sēkope ‘o fakasio, tā ko ‘Īsoa ‘ena ‘oku ha‘u, pea ‘oku ‘iate ia ha kau tangata ‘e toko fāngeau. Pea ne hanga ‘o vahevahe ‘a e fānau kia Lia mo Lesieli mo e ongo kaunanga. 2Pea ne fakamu‘omu‘a ‘a e ongo kaunanga mo ‘ena fānau, pea hoko ai ‘a Lia mo ‘ene fānau, pea fakamuimui ‘a Lesieli mo Siosifa. 3Ka ka laka atu pē ia ‘i honau ‘ao, ‘o ne toutou tulolo ki he kelekele, ‘o tu‘o fitu ke fakaofiofi atu ki hono tokoua. 4Ka ka lele mai ‘a ‘Īsoa ke fakafetaulaki kiate ia, ‘o ne fā‘ofua ki ai, ‘o tāupe ‘i hono kia, ‘o ne ‘uma kiate ia; pea na fetāngihi. 5Pea ne hanga hake, ‘o ne sio ki he kau fefine mo e tamaiki; pea ne pehē, Ko hai ‘a kinautolu ni ‘oku ‘iate koe? Pea ne tali, Ko e fānau ia kuo me‘a‘ofa ‘aki ‘e he ‘Otua ki ho‘o tamaio‘eiki ko au.
6Pea ‘unu‘unu mai ‘a e ongo kaunanga, ‘a kinaua mo ‘ena fānau, ‘o nau tulolo. 7Pea ‘unu‘unu mai foki ‘a Lia mo ‘ene fānau, ‘o nau tulolo: pea hili ia na‘e ‘unu‘unu mai ‘a Siosifa mo Lesieli, ‘o na tulolo.
8Pea ne pehē, Ko e hā fua ho‘o fu‘u kongakau ko ē na‘a mau fetaulaki mo au? Pea ne tali, Ko e me‘a ia ke langa‘i ‘a e ‘ofa ‘a hoku ‘eiki kiate au.
9Pea pehē ‘e ‘Īsoa, Si‘oku tokoua, ‘oku lahi pē ‘eku me‘a; ma‘u pē ‘e koe ‘a e me‘a ‘a‘au.
10Pea tali ‘e Sēkope, ‘Oua foki: kapau leva kuo u ta‘imālie ho‘o ‘ofa, pea ke to‘o pē ‘eku mōihū, ‘a ia ‘oku ou ‘atu: koe‘uhi ā kuo u mamata ki ho fofonga, ‘o hangē ko ‘eku mamata ki he fofonga ‘o e ‘Otua, pea kuo ke hōifua mai. 11Ke ke ma‘u mu‘a ‘eku fakafeta‘i ‘a ia kuo ‘oatu; he kuo ‘ofa‘i au ‘e Sihova, pea kuo u ma‘u kakato. Pea na‘a ne fakakolekole ki ai ‘o ne ma‘u.
12Pea ne pehē, Ta hiki, ‘o ta laka atu, pea te u taki.
13Ka ka tali ‘e ia ki ai, ‘Oku mea‘i ‘e hoku ‘eiki ‘oku ngāvaivai ‘a tamaiki, pea ‘oku ‘alu mo au ha fanga manu iiki mo ha fanga manu lalahi ‘oku toutama pea kapau ‘e fakatepitepi honau fakateka ‘i ha ‘aho pē taha, ‘e mate kotoa pē ‘a e fanga manu iiki. 14Ke me‘a atu mu‘a ‘a hoku ‘eiki, ‘o mu‘omu‘a ki he‘ene tamaio‘eiki ko au: ka ko au te u takitakimālie atu pē, ‘o fakatatau ki he fa‘a ‘alu ‘a e fanga manu ‘oku ou fakateka, mo e fa‘a ‘alu ‘a e fānau, kae‘oua ke u a‘u atu ki hoku ‘eiki ‘i Seia na.
15Pea pehē ‘e ‘Īsoa, Kaekehe ke nofo mo koe ha ni‘ihi ‘i he kakai ni ‘oku ‘iate au. Ka ka tali ‘e ia, Koe‘uma‘aki? Kehe pē ke u ‘ofeina ‘e hoku ‘eiki.#33.15 Kehe… ‘eiki; pe ‘o kapau ‘oku sai pē ia kiate koe.
16Pea foki ‘a ‘Īsoa ‘i he ‘aho ko ia he‘ene fononga ki Seia. 17Pea hiki ‘a Sēkope ‘o ‘alu ki Sūkote, ‘o ne langa ai hano fale ‘o‘ona, ‘o ne ngaohi ‘a e ngaahi fale lou‘akau mo‘o ‘ene fanga manu: ko hono ‘uhinga ia na‘e fakahingoa ai ‘a e potu ko Sūkote (Koni-Fale-lou‘akau).
18Ko ia na‘e hoko lelei ‘a Sēkope ki he kolo ko Sikemi, ‘a ia ‘oku ‘i he fonua ko Kēnani, ‘i he‘ene ha‘u mei Mesopotēmia; pea ne fokotu‘u hono tēniti ‘o hanga ki he kolo. 19Pea ne fakatau mei he ngaahi foha ‘o Hēmoa ko e tamai ‘a Sikemi ‘a e konga vao kuo ne folahi ai hono tēniti, ‘aki ha kesita ‘e teau.#Sios 24.32; Sioné 4.5 20Pea ne fokotu‘u ‘i he potu ko ia ha ‘ōlita, ‘o ne fakahingoa ia ko ‘Elalohe-‘Isileli (ko ‘Ela-ko-e-‘Otua-‘o-‘Isileli).
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.