KO SĒNESI 39
39
Ko Siosifa mo e Malo ‘o Pōtifa
1KO ia na‘e ‘ohifo ‘a Siosifa ki ‘Isipite; pea ko Pōtifa ko e tangata ‘Isipite, ko ha ‘ōfisa ‘o Felo, ko e kapiteni ‘o e Kā‘ate, na‘a ne fakatau ia mei he kau ‘Isime‘eli kuo nau ‘ohifo ia. 2Pea na‘e kau ‘a Sihova mo Siosifa, pea ko e tangata fai tāpuekina ia; pea na‘a ne taka ‘i he fale ‘o hono ‘eiki ko e ‘Isipite.#Ngā 7.9 3Pea na‘e vakai ‘e hono ‘eiki ‘oku kau ‘a Sihova mo e tangata ni, pea ‘ilonga ha me‘a na‘a ne ala ki ai na‘e tāpuaki‘i ‘e Sihova hono fai. 4Ko ia na‘e ‘ofeina ‘a Siosifa ‘e he tangata ni, ‘o ne nofo mai kōno tauhi: pea na‘a ne fakanofo ia ke pule ki hono fale, pea na‘a ne tuku ke ne fa‘iteliha ki he‘ene ngaahi me‘a kotoa. 5Pea hili ‘ene fakanofo ia ke pule ki hono fale mo e me‘a kotoa pē na‘a ne ma‘u, ‘io, mei he taimi ko ia na‘e tāpuaki‘i ‘e Sihova ‘a e fale ‘o e tangata ‘Isipite ko ia, koe‘uhi ko Siosifa; na‘e tō ‘a e tāpuaki ‘a Sihova ki he‘ene me‘a kotoa pē, ‘i fale mo tu‘a. 6Pea na‘a ne tuku ‘ene me‘a kotoa pē kia Siosifa; pea na‘e ‘ikai te ne feongoi mo ia ‘i ha me‘a, ngata pē ‘i he me‘a na‘a ne kai. Pea ko Siosifa ko e tangata toulekeleka mo matamatalelei.
7Pea na‘e faifai pea tokanga kovi kia Siosifa ‘a e uaifi ‘o hono ‘eiki; pea ne pehē ki ai, Ta mohe mu‘a. 8Pea ne fakafisi, ‘o ne pehē ki he uaifi ‘o hono ‘eiki; Vakai, ‘oku ‘ikai ke feongoi mo au ‘a hoku ‘eiki ‘i ha me‘a ‘oku ‘i he fale, pea ko ‘ene me‘a kotoa kuo ne tuku ke u fa‘iteliha ki ai; 9‘oku ‘ikai ha taha ‘i he fale ni ‘oku lahi ‘iate au; pea kuo ‘ikai te ne ta‘ofi meiate au ha momo‘i me‘a ‘e taha, ko koe pē, koe‘uhi ā ko hono uaifi koe: pea fēfē ai ha‘aku fai ‘a e fu‘u angahala lahi ni, ‘o te hia ai ki he ‘Otua? 10Pea neongo na‘a ne toutou lea kia Siosifa ‘i he ‘aho kotoa pē, ka na‘e ‘ikai te ne fai ki hono loto, ke na tākoto, pe ke na fe‘ao.
11Pea faifai pea hoko ha ‘aho ‘a ia na‘a ne hū ai ki fale ke fai ‘ene ngāue, pea na‘e ‘ikai ‘i ai ha toko taha ‘o e kakai ‘o e fale. 12Pea puke ia ‘e he fefine ‘i hono kofu, ‘o ne pehē, Ta mohe ā: pea ne tuku ‘a e kofu ‘i hono nima, ‘o ne hola ‘o hū kitua‘ā. 13Pea ‘i he vakai ‘e he fefine kuo ne tuku hono kofu ‘i hono nima, pea kuo ne hola kitu‘a, 14na‘a ne ui ange ‘a e kakai ‘o e fale, ‘o ne lea kiate kinautolu, ‘o pehē; Vakai, kuo ne ‘omi kiate kitautolu ha tangata Hepelū ke pā‘usi‘i kitautolu; na‘a ne ha‘u kiate au ke ma mohe, pea u kaila le‘o lahi: 15pea ‘i he‘ene fanongo ki he ‘ai ‘eku fu‘u kalanga, na‘a ne tuku hono kofu ‘i hoku tafa‘aki, ‘o ne hola ‘o hū kitu‘a.
16Pea na‘a ne tuku ‘a e kofu ‘i hono tafa‘aki, kae‘oua ke ha‘u ki ‘api ‘a hono ‘eiki. 17Pea ne lea kiate ia ‘o pehē, Ko e tamaio‘eiki Hepelū ni, ‘a ia kuo ke ‘omi kiate kitautolu, na‘a ne ha‘u kiate au ke pā‘usi‘i au; 18pea ‘i he‘eku ‘ai ‘eku fu‘u kalanga, na‘a ne tuku hono kofu ‘i hoku tafa‘aki, ‘o ne hola kitu‘a.
19Pea ‘i he fanongo ‘e hono ‘eiki ki he ngaahi me‘a na‘e lea‘aki ‘e hono uaifi kiate ia, he‘ene pehē, Na‘e pehē mo pehē ‘a e fai ‘a ho‘o tamaio‘eiki kiate au; na‘a ne tuputāmaki. 20Pea na‘e puke ‘a Siosifa ‘e hono ‘eiki ‘o ne tuku ia ki he pilīsone, ‘a e potu na‘e nofo pōpula ai ‘a e kau pōpula ‘a e Tu‘i: pea na‘a ne nofo ‘i he pilīsone. 21Ka na‘e kau ‘a Sihova mo Siosifa, pea ne o‘i ha manava‘ofa ki ai, pea ne tuku ke ne ‘ofeina ‘i he pule ‘o e pilīsone.#Ngā 7.9 22Pea ko e pule ‘o e pilīsone na‘a ne tuku kia Siosifa ‘a e kau pōpula kotoa pē na‘e ‘i he pilīsone; pea ‘ilonga ha me‘a na‘e fai ai, ko ia ia na‘a ne fai. 23Na‘e ‘ikai tokanga‘i ‘e he pule ‘o e pilīsone ha kihi‘i momo‘i me‘a ‘e taha kuo tuku kiate ia; koe‘uhi na‘e kau mo ia ‘a Sihova, pea ‘ilonga ha me‘a na‘a ne fai, na‘e fakamonū‘ia ‘e Sihova.
Currently Selected:
KO SĒNESI 39: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
KO SĒNESI 39
39
Ko Siosifa mo e Malo ‘o Pōtifa
1KO ia na‘e ‘ohifo ‘a Siosifa ki ‘Isipite; pea ko Pōtifa ko e tangata ‘Isipite, ko ha ‘ōfisa ‘o Felo, ko e kapiteni ‘o e Kā‘ate, na‘a ne fakatau ia mei he kau ‘Isime‘eli kuo nau ‘ohifo ia. 2Pea na‘e kau ‘a Sihova mo Siosifa, pea ko e tangata fai tāpuekina ia; pea na‘a ne taka ‘i he fale ‘o hono ‘eiki ko e ‘Isipite.#Ngā 7.9 3Pea na‘e vakai ‘e hono ‘eiki ‘oku kau ‘a Sihova mo e tangata ni, pea ‘ilonga ha me‘a na‘a ne ala ki ai na‘e tāpuaki‘i ‘e Sihova hono fai. 4Ko ia na‘e ‘ofeina ‘a Siosifa ‘e he tangata ni, ‘o ne nofo mai kōno tauhi: pea na‘a ne fakanofo ia ke pule ki hono fale, pea na‘a ne tuku ke ne fa‘iteliha ki he‘ene ngaahi me‘a kotoa. 5Pea hili ‘ene fakanofo ia ke pule ki hono fale mo e me‘a kotoa pē na‘a ne ma‘u, ‘io, mei he taimi ko ia na‘e tāpuaki‘i ‘e Sihova ‘a e fale ‘o e tangata ‘Isipite ko ia, koe‘uhi ko Siosifa; na‘e tō ‘a e tāpuaki ‘a Sihova ki he‘ene me‘a kotoa pē, ‘i fale mo tu‘a. 6Pea na‘a ne tuku ‘ene me‘a kotoa pē kia Siosifa; pea na‘e ‘ikai te ne feongoi mo ia ‘i ha me‘a, ngata pē ‘i he me‘a na‘a ne kai. Pea ko Siosifa ko e tangata toulekeleka mo matamatalelei.
7Pea na‘e faifai pea tokanga kovi kia Siosifa ‘a e uaifi ‘o hono ‘eiki; pea ne pehē ki ai, Ta mohe mu‘a. 8Pea ne fakafisi, ‘o ne pehē ki he uaifi ‘o hono ‘eiki; Vakai, ‘oku ‘ikai ke feongoi mo au ‘a hoku ‘eiki ‘i ha me‘a ‘oku ‘i he fale, pea ko ‘ene me‘a kotoa kuo ne tuku ke u fa‘iteliha ki ai; 9‘oku ‘ikai ha taha ‘i he fale ni ‘oku lahi ‘iate au; pea kuo ‘ikai te ne ta‘ofi meiate au ha momo‘i me‘a ‘e taha, ko koe pē, koe‘uhi ā ko hono uaifi koe: pea fēfē ai ha‘aku fai ‘a e fu‘u angahala lahi ni, ‘o te hia ai ki he ‘Otua? 10Pea neongo na‘a ne toutou lea kia Siosifa ‘i he ‘aho kotoa pē, ka na‘e ‘ikai te ne fai ki hono loto, ke na tākoto, pe ke na fe‘ao.
11Pea faifai pea hoko ha ‘aho ‘a ia na‘a ne hū ai ki fale ke fai ‘ene ngāue, pea na‘e ‘ikai ‘i ai ha toko taha ‘o e kakai ‘o e fale. 12Pea puke ia ‘e he fefine ‘i hono kofu, ‘o ne pehē, Ta mohe ā: pea ne tuku ‘a e kofu ‘i hono nima, ‘o ne hola ‘o hū kitua‘ā. 13Pea ‘i he vakai ‘e he fefine kuo ne tuku hono kofu ‘i hono nima, pea kuo ne hola kitu‘a, 14na‘a ne ui ange ‘a e kakai ‘o e fale, ‘o ne lea kiate kinautolu, ‘o pehē; Vakai, kuo ne ‘omi kiate kitautolu ha tangata Hepelū ke pā‘usi‘i kitautolu; na‘a ne ha‘u kiate au ke ma mohe, pea u kaila le‘o lahi: 15pea ‘i he‘ene fanongo ki he ‘ai ‘eku fu‘u kalanga, na‘a ne tuku hono kofu ‘i hoku tafa‘aki, ‘o ne hola ‘o hū kitu‘a.
16Pea na‘a ne tuku ‘a e kofu ‘i hono tafa‘aki, kae‘oua ke ha‘u ki ‘api ‘a hono ‘eiki. 17Pea ne lea kiate ia ‘o pehē, Ko e tamaio‘eiki Hepelū ni, ‘a ia kuo ke ‘omi kiate kitautolu, na‘a ne ha‘u kiate au ke pā‘usi‘i au; 18pea ‘i he‘eku ‘ai ‘eku fu‘u kalanga, na‘a ne tuku hono kofu ‘i hoku tafa‘aki, ‘o ne hola kitu‘a.
19Pea ‘i he fanongo ‘e hono ‘eiki ki he ngaahi me‘a na‘e lea‘aki ‘e hono uaifi kiate ia, he‘ene pehē, Na‘e pehē mo pehē ‘a e fai ‘a ho‘o tamaio‘eiki kiate au; na‘a ne tuputāmaki. 20Pea na‘e puke ‘a Siosifa ‘e hono ‘eiki ‘o ne tuku ia ki he pilīsone, ‘a e potu na‘e nofo pōpula ai ‘a e kau pōpula ‘a e Tu‘i: pea na‘a ne nofo ‘i he pilīsone. 21Ka na‘e kau ‘a Sihova mo Siosifa, pea ne o‘i ha manava‘ofa ki ai, pea ne tuku ke ne ‘ofeina ‘i he pule ‘o e pilīsone.#Ngā 7.9 22Pea ko e pule ‘o e pilīsone na‘a ne tuku kia Siosifa ‘a e kau pōpula kotoa pē na‘e ‘i he pilīsone; pea ‘ilonga ha me‘a na‘e fai ai, ko ia ia na‘a ne fai. 23Na‘e ‘ikai tokanga‘i ‘e he pule ‘o e pilīsone ha kihi‘i momo‘i me‘a ‘e taha kuo tuku kiate ia; koe‘uhi na‘e kau mo ia ‘a Sihova, pea ‘ilonga ha me‘a na‘a ne fai, na‘e fakamonū‘ia ‘e Sihova.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.