LEVITIKO 9
9
Ko Fai Feilaulau ‘a ‘Ēlone
1PEA ‘i he pō ko hono ‘aho valu, na‘e ui ange ‘e Mōsese ‘a ‘Ēlone mo hono ngaahi foha, pea mo e kau Mātu‘a ‘o ha‘a ‘Isileli; 2pea ne pehē kia ‘Ēlone, To‘o mai ha‘o ki‘i pulu tangata ki ha feilaulau-angahala, pea mo ha sipi tangata ki ha feilaulau-mōifua, ko e manu ta‘eha mele, pea ‘omi ki he ‘ao ‘o Sihova. 3Pea te ke lea ki ha‘a ‘Isileli, ‘o pehē, Mou to‘o ha kosi tangata ki ha feilaulau-angahala; pea mo ha ki‘i pulu mo ha lami ki ha feilaulau-mōifua, ko e ongo manu ‘oku ta‘u taha pē, pea ta‘eha mele; 4pea mo ha pulu mo ha sipi tangata ki ha feilaulau-‘ofa ke feilaulau ‘aki ‘i he ‘ao ‘o Sihova; pea mo ha feilaulau-me‘akai kuo natu ‘aki ha lolo: he ko e ‘aho eni ia ‘o e hā ‘a Sihova kiate kimoutolu.
5Pea na‘a nau ‘omai ‘a e me‘a kuo tu‘utu‘uni ‘e Mōsese ki he mata Tēniti Fe‘iloaki‘anga; pea na‘e ‘unu‘unu mai ‘a e fakataha kotoa. ‘o nau tutu‘u ‘i he ‘ao ‘o Sihova. 6Pea lea ‘ā Mōsese, ‘o pehē, Ko eni ‘a e me‘a kuo tu‘utu‘uni ‘e Sihova ke mou fai: pea ‘e hā ‘a e Sikaina ‘o Sihova kiate kimoutolu. 7Pea lea ‘a Mōsese kia ‘Ēlone, ‘o pehē, ‘Unu‘unu mai ki he ‘ōlita, ‘o feia ho‘o feilaulau-angahala, mo ho‘o feilaulau-mōifua, pea fai ‘a e fakalelei ma‘au, pea ma‘a e kakai, pea feia ‘a e kōpano ‘a e kakai, mo fai ha fakalelei ma‘anautolu; ‘o hangē ko e tu‘utu‘uni ‘a e ‘Eiki.
8Ko ia na‘e ‘unu‘unu atu ‘a ‘Ēlone ki he ‘ōlita, ‘o ne tāmate‘i ‘a e ki‘i pulu feilaulau-angahala, ‘a ia na‘e ma‘ana. 9Pea ‘atu ‘e he ngaahi foha ‘o ‘Ēlone ‘a e toto kiate ia: pea ne unu hono tuhu ki he toto, ‘o ne ‘ai ki he ngaahi nifo ‘o e ‘ōlita, ka ne lilingi ‘a e toto ki he tefito‘i ‘ōlita. 10Pea ko e ngako mo e ongo kofuua, pea mo e milimili mei he ‘ate ‘o e feilaulau-angahala, na‘a ne tutu ‘i he ‘ōlita; ‘o hangē ko e tu‘utu‘uni ‘a e ‘Eiki kia Mōsese. 11Pea ko e kakano mo e kili na‘a ne faka‘auha ‘aki ‘a e afi ‘i he tu‘a ‘apitanga.
12Pea na‘a ne tāmate‘i ‘a e feilaulau-mōifua; pea fetuku kiate ia ‘e he ngaahi foha ‘o ‘Ēlone ‘a e toto, pea ne luluku ‘aki ‘a e ‘ōlita takatakai. 13Pea na‘a nau fetuku kiate ia ‘a e feilaulau-mōifua, fakafo‘i konga, pea mo e ‘ulu: pea na‘a ne tutu ‘i he funga ‘ōlita. 14Pea ne fufulu ‘a e to‘oto‘onga, pea mo e ngaahi alanga, ‘o ne tutu ‘i he funga feilaulau ‘i he ‘ōlita.
15Pea ne ‘atu ‘a e kōpano ‘a e kakai, pea ne to‘o ‘a e kosi tangata, ‘a ia ko e feilaulau-angahala ma‘a e kakai, ‘o ne tāmate‘i ia, ‘o fai‘aki ‘a e feilaulau-angahala hangē ko e ‘uluaki. 16Pea ne ‘atu ‘a e feilaulau-mōifua, ‘o ne feia ia ‘o hangē ko hono tu‘utu‘uni ‘o‘ona. 17Pea ne ‘atu ‘a e feilaulau-me‘akai, pea ne to‘o ha falukunga mei ai, ‘o ne tutu ‘i he ‘ōlita, ‘o kanoni ‘aki ‘a e feilaulau-mōifua ‘o e ‘anepongipongi. 18Na‘a ne tāmate‘i foki ‘a e pulu mo e sipi tangata, ‘a ia ko e feilaulau-‘ofa na‘e fai ma‘a e kakai: pea na‘e fetuku ‘e he ngaahi foha ‘o ‘Ēlone ‘a e toto kiate ia, ‘o ne luluku ‘aki ‘a e ‘ōlita takatakai.#Lev 3.1-11 19Pea na‘a nau ‘omi mo e ngaahi ngako mei he pulu; pea mei he sipi tangata ‘a e tu‘ulāvelo, mo e tākai, mo e ongo kofuua. 20Pea mo e milimili ‘o e ‘ate. Pea na‘a nau ‘ai ‘a e ngaahi ngako ki he ngaahi fatafata, pea na‘a ne tutu ‘a e ngaahi ngako ‘i he ‘ōlita: 21ka ko e ngaahi fatafata, pea mo e tefito alanga to‘omata‘u, na‘e tākalo ‘aki ‘e ‘Ēlone ko e feilaulau-tākalo ‘i he ‘ao ‘o Sihova; hangē ko e tu‘utu‘uni ‘a Mōsese.
22Pea mafao atu ‘e ‘Ēlone hono nima ki he kakai, ‘o ne tāpuaki‘i kinautolu; pea ne toki ‘alu hifo mei he‘ene fai ‘a e feilaulau-angahala mo e feilaulau-mōifua, mo e feilaulau-‘ofa.#Nōm 6.22-26 23Pea hū ‘a Mōsese mo ‘Ēlone ki he Tēniti Fe‘iloaki‘anga; pea na hū mai, ‘o tāpuaki‘i ‘a e kakai; pea hā ai ‘a e Sikaina ‘o Sihova ki he kakai kotoa. 24Pea pā atu ha afi mei he ‘ao ‘o Sihova, ‘o keina ‘a e feilaulau-mōifua mo e ngaahi ngako ‘i he funga ‘ōlita: pea ‘i he sio ki ai ‘a e fu‘u kakai, na‘a nau hiki tuē, ‘o tō fo‘ohifo.
Currently Selected:
LEVITIKO 9: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
LEVITIKO 9
9
Ko Fai Feilaulau ‘a ‘Ēlone
1PEA ‘i he pō ko hono ‘aho valu, na‘e ui ange ‘e Mōsese ‘a ‘Ēlone mo hono ngaahi foha, pea mo e kau Mātu‘a ‘o ha‘a ‘Isileli; 2pea ne pehē kia ‘Ēlone, To‘o mai ha‘o ki‘i pulu tangata ki ha feilaulau-angahala, pea mo ha sipi tangata ki ha feilaulau-mōifua, ko e manu ta‘eha mele, pea ‘omi ki he ‘ao ‘o Sihova. 3Pea te ke lea ki ha‘a ‘Isileli, ‘o pehē, Mou to‘o ha kosi tangata ki ha feilaulau-angahala; pea mo ha ki‘i pulu mo ha lami ki ha feilaulau-mōifua, ko e ongo manu ‘oku ta‘u taha pē, pea ta‘eha mele; 4pea mo ha pulu mo ha sipi tangata ki ha feilaulau-‘ofa ke feilaulau ‘aki ‘i he ‘ao ‘o Sihova; pea mo ha feilaulau-me‘akai kuo natu ‘aki ha lolo: he ko e ‘aho eni ia ‘o e hā ‘a Sihova kiate kimoutolu.
5Pea na‘a nau ‘omai ‘a e me‘a kuo tu‘utu‘uni ‘e Mōsese ki he mata Tēniti Fe‘iloaki‘anga; pea na‘e ‘unu‘unu mai ‘a e fakataha kotoa. ‘o nau tutu‘u ‘i he ‘ao ‘o Sihova. 6Pea lea ‘ā Mōsese, ‘o pehē, Ko eni ‘a e me‘a kuo tu‘utu‘uni ‘e Sihova ke mou fai: pea ‘e hā ‘a e Sikaina ‘o Sihova kiate kimoutolu. 7Pea lea ‘a Mōsese kia ‘Ēlone, ‘o pehē, ‘Unu‘unu mai ki he ‘ōlita, ‘o feia ho‘o feilaulau-angahala, mo ho‘o feilaulau-mōifua, pea fai ‘a e fakalelei ma‘au, pea ma‘a e kakai, pea feia ‘a e kōpano ‘a e kakai, mo fai ha fakalelei ma‘anautolu; ‘o hangē ko e tu‘utu‘uni ‘a e ‘Eiki.
8Ko ia na‘e ‘unu‘unu atu ‘a ‘Ēlone ki he ‘ōlita, ‘o ne tāmate‘i ‘a e ki‘i pulu feilaulau-angahala, ‘a ia na‘e ma‘ana. 9Pea ‘atu ‘e he ngaahi foha ‘o ‘Ēlone ‘a e toto kiate ia: pea ne unu hono tuhu ki he toto, ‘o ne ‘ai ki he ngaahi nifo ‘o e ‘ōlita, ka ne lilingi ‘a e toto ki he tefito‘i ‘ōlita. 10Pea ko e ngako mo e ongo kofuua, pea mo e milimili mei he ‘ate ‘o e feilaulau-angahala, na‘a ne tutu ‘i he ‘ōlita; ‘o hangē ko e tu‘utu‘uni ‘a e ‘Eiki kia Mōsese. 11Pea ko e kakano mo e kili na‘a ne faka‘auha ‘aki ‘a e afi ‘i he tu‘a ‘apitanga.
12Pea na‘a ne tāmate‘i ‘a e feilaulau-mōifua; pea fetuku kiate ia ‘e he ngaahi foha ‘o ‘Ēlone ‘a e toto, pea ne luluku ‘aki ‘a e ‘ōlita takatakai. 13Pea na‘a nau fetuku kiate ia ‘a e feilaulau-mōifua, fakafo‘i konga, pea mo e ‘ulu: pea na‘a ne tutu ‘i he funga ‘ōlita. 14Pea ne fufulu ‘a e to‘oto‘onga, pea mo e ngaahi alanga, ‘o ne tutu ‘i he funga feilaulau ‘i he ‘ōlita.
15Pea ne ‘atu ‘a e kōpano ‘a e kakai, pea ne to‘o ‘a e kosi tangata, ‘a ia ko e feilaulau-angahala ma‘a e kakai, ‘o ne tāmate‘i ia, ‘o fai‘aki ‘a e feilaulau-angahala hangē ko e ‘uluaki. 16Pea ne ‘atu ‘a e feilaulau-mōifua, ‘o ne feia ia ‘o hangē ko hono tu‘utu‘uni ‘o‘ona. 17Pea ne ‘atu ‘a e feilaulau-me‘akai, pea ne to‘o ha falukunga mei ai, ‘o ne tutu ‘i he ‘ōlita, ‘o kanoni ‘aki ‘a e feilaulau-mōifua ‘o e ‘anepongipongi. 18Na‘a ne tāmate‘i foki ‘a e pulu mo e sipi tangata, ‘a ia ko e feilaulau-‘ofa na‘e fai ma‘a e kakai: pea na‘e fetuku ‘e he ngaahi foha ‘o ‘Ēlone ‘a e toto kiate ia, ‘o ne luluku ‘aki ‘a e ‘ōlita takatakai.#Lev 3.1-11 19Pea na‘a nau ‘omi mo e ngaahi ngako mei he pulu; pea mei he sipi tangata ‘a e tu‘ulāvelo, mo e tākai, mo e ongo kofuua. 20Pea mo e milimili ‘o e ‘ate. Pea na‘a nau ‘ai ‘a e ngaahi ngako ki he ngaahi fatafata, pea na‘a ne tutu ‘a e ngaahi ngako ‘i he ‘ōlita: 21ka ko e ngaahi fatafata, pea mo e tefito alanga to‘omata‘u, na‘e tākalo ‘aki ‘e ‘Ēlone ko e feilaulau-tākalo ‘i he ‘ao ‘o Sihova; hangē ko e tu‘utu‘uni ‘a Mōsese.
22Pea mafao atu ‘e ‘Ēlone hono nima ki he kakai, ‘o ne tāpuaki‘i kinautolu; pea ne toki ‘alu hifo mei he‘ene fai ‘a e feilaulau-angahala mo e feilaulau-mōifua, mo e feilaulau-‘ofa.#Nōm 6.22-26 23Pea hū ‘a Mōsese mo ‘Ēlone ki he Tēniti Fe‘iloaki‘anga; pea na hū mai, ‘o tāpuaki‘i ‘a e kakai; pea hā ai ‘a e Sikaina ‘o Sihova ki he kakai kotoa. 24Pea pā atu ha afi mei he ‘ao ‘o Sihova, ‘o keina ‘a e feilaulau-mōifua mo e ngaahi ngako ‘i he funga ‘ōlita: pea ‘i he sio ki ai ‘a e fu‘u kakai, na‘a nau hiki tuē, ‘o tō fo‘ohifo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.