Mako 2
2
Yesu opozya munthu wa vizo va kufwa
(Mt 9:1-8; Lk 5:17-26)
1Pecipita masiku atontho, Yesu ewelela soti ku Kapilinamu, nipo mbili imvwika kuti wawela. 2Ŵanthu anyinji ewungana pamo, na kuti malo na pa mulyango kumo penzeve. Yesu enzoŵilizya malizu kwa ŵeve. 3Ŵanthu ayakine ewela kwa Yesu, anayi ŵeve alutakule munthu wa vizo va kufwa. 4Cikomo ca ŵanthu enzepo anyinji ŵala ŵanthu aliyotweshe kumutwala kwa Yesu munthu wa vizo va kufwa. Tetyo, ekwela pa mtenje nobowola cibowo noselusha macila peenze lele wala munthu kutwala kwa Yesu. 5Powona cicetekelo cawo, Yesu elaŵila kuti, “Mwana wangu, macimo ŵako alekelelewa.”
6Asambizyi ŵa Matetulo ayakine enzepo, etatika kuzikonsha mu mtima kuti, 7“Cikomo ni cinji yeve angalaŵile teti? Iyi ni mitafu! Ni Mulungu yeka angalekelele macimo!”
8Pamene apo Yesu eziŵa mu mtima mwake venzolingilila asambizyi, tetyo eŵakonsha kuti, “Cikomo ni cinji mulingilila ivo mu mtima mwanu? 9Cipepu ni cotyani: kumuwuzya uyu munthu kuti, ‘Macimo ŵako alekelelewa,’ keno kumuwuzya kuti, ‘Uka, takula macila ŵako, utatike kuyenda’? 10Koma kuti muziŵe kuti Mwana wa Munthu ali nawo ulamulilo pano pansi wolekelela macimo, wonani.” Pamene apo ewuzya wala wa vizo va kufwa kuti, 11“Uka, tola macila ŵako, wakuya ku ngʼanda.” 12Pamene apo wala munthu ewuka, notakula macila ŵake nakuya ku ngʼanda. Ŵanthu wonse ololesha. Wonse ekanganishiwa notwala mcinzi kwa Mulungu, nolaŵila kuti, “Tikaliyowonapo cinthu ngani ici!”
Kuyitiwa kwa Levi
(Mt 9:9-13; Lk 5:27-32)
13Yesu ewelela soti ku mbali kwa Cimmana ca Galileya. Ŵanthu anyinji ewela kwa yeve, na kuti etatika kuŵasambizya. 14Penzoyenda ewona Levi, mwana wa Alifeyo, ali mu ngʼanda ya msonkho kusonkhesha msonkho. Yesu emuwuzya kuti, “Nikonkhe.” Levi eyima nomukonkha.
15Yesu penzokulya mu ngʼanda mwa Levi, ŵanthu anyinji wosonkhesha misonkho na ŵanthu wocimwa emukonkha nakulya naye pamo na asambili ŵake. 16Asambizyi ŵa Matetulo ŵamene enze Afalisi peciwona kuti Yesu akulya pamo na ŵanthu wocimwa na wosonkhesha msonkho, ekonsha asambili ŵake kuti, “Cikomo ni cinji Yesu akulya na ŵanthu wocimwa na wosonkhesha msonkho?”
17Yesu pecimvwa eŵayasuka kuti, “Munthu wosalwala angapangwelini ngʼanga, koma wolwala. Newo niliye welele kuzoyita ŵanthu olungama koma wocimwa.”
Yesu okonshewa va kulilesha kulya
(Mt 9:14-17; Lk 5:33-39)
18Nsita iyakine asambili ŵa Yohane Mbatizi na Afalisi enzolilesha kulya. Ŵanthu ayakine ewela kwa Yesu nomukonsha kuti, “Cikomo ni cinji asambili ŵa Yohane Mbatizi na asambili ŵa Afalisi olilesha kulya, koma ŵanu olileshalini kulya?”
19Yesu eŵayasuka kuti, “Kansi woyitiwa ku ukwati angafumeko na njala koma wolungula ali nawo pamo? Yayi! Malinga ali na wolungula angacitelini kulilesha kulya. 20Koma ikafwike nsita yakuti wolungula akatolewe kufuma kwa ŵeve, niye patiakalileshe kulya.”
21“Paliye angaŵile cigamba ca lomba pa covwala ca kale. Cikomo cakuti cigamba ca lomba cufuma nopangilako cinthuli kuŵa cikulu kupula macezo. 22Nipo munthu otilalini vinyu wa lomba mu matumba ŵa cikumba ca kale. Cikomo cakuti akatetyo, vinyu wa lomba wala ungʼamba matumba na kuti vonse vinyu na matumba vunkhala viliye nchito. Tetyo, vinyu wa lomba owutila mu matumba ŵa lomba.”
Konsho pa nsiku ya Sabata
(Mt 12:1-8; Lk 6:1-5)
23Nsiku iyakine pa Sabata ya Ayuda, Yesu na asambili enzopita mu munda wa tiligu. Penzopita tetyo, asambili ŵake etatika kutyola ngala–ngala za tiligu. 24Afalisi ekonsha Yesu kuti, “Onani, cikomo ni cinji asambili ŵanu ocita cosazomelezyewa pa Sabata?”
25Yesu elaŵila kuti, “Kansi muliyoŵelenge cecicita Davide penzeve cakulya, na kumvwa njala, yeve na ayake? 26Mu masiku ŵa Abiyatala Mkulu wa Ansembe, ni walalini eloŵa mu Ngʼanda ya Mulungu nakulya mkate wotwaliwa kwa Mulungu. Kulingana na Matetulo, ni ansembe ŵeka wozomelezyewa kulya mkate, koma Davide ecilya nopako ayake.”
27Tetyo, eŵawuzya ŵeve kuti, “Sabata ipangiwa kuŵa ya ŵanthu, osati ŵanthu kuŵa ŵazya ŵa Sabata. 28Tetyo, Mwana wa Munthu ni Asikulu ali na ulamulilo na pa va nsiku ya Sabata.”
Currently Selected:
Mako 2: GMN
Highlight
Share
Copy
Want to have your highlights saved across all your devices? Sign up or sign in
Nsenga New Testament © The Bible Society of Zambia, 2015.
Mako 2
2
Yesu opozya munthu wa vizo va kufwa
(Mt 9:1-8; Lk 5:17-26)
1Pecipita masiku atontho, Yesu ewelela soti ku Kapilinamu, nipo mbili imvwika kuti wawela. 2Ŵanthu anyinji ewungana pamo, na kuti malo na pa mulyango kumo penzeve. Yesu enzoŵilizya malizu kwa ŵeve. 3Ŵanthu ayakine ewela kwa Yesu, anayi ŵeve alutakule munthu wa vizo va kufwa. 4Cikomo ca ŵanthu enzepo anyinji ŵala ŵanthu aliyotweshe kumutwala kwa Yesu munthu wa vizo va kufwa. Tetyo, ekwela pa mtenje nobowola cibowo noselusha macila peenze lele wala munthu kutwala kwa Yesu. 5Powona cicetekelo cawo, Yesu elaŵila kuti, “Mwana wangu, macimo ŵako alekelelewa.”
6Asambizyi ŵa Matetulo ayakine enzepo, etatika kuzikonsha mu mtima kuti, 7“Cikomo ni cinji yeve angalaŵile teti? Iyi ni mitafu! Ni Mulungu yeka angalekelele macimo!”
8Pamene apo Yesu eziŵa mu mtima mwake venzolingilila asambizyi, tetyo eŵakonsha kuti, “Cikomo ni cinji mulingilila ivo mu mtima mwanu? 9Cipepu ni cotyani: kumuwuzya uyu munthu kuti, ‘Macimo ŵako alekelelewa,’ keno kumuwuzya kuti, ‘Uka, takula macila ŵako, utatike kuyenda’? 10Koma kuti muziŵe kuti Mwana wa Munthu ali nawo ulamulilo pano pansi wolekelela macimo, wonani.” Pamene apo ewuzya wala wa vizo va kufwa kuti, 11“Uka, tola macila ŵako, wakuya ku ngʼanda.” 12Pamene apo wala munthu ewuka, notakula macila ŵake nakuya ku ngʼanda. Ŵanthu wonse ololesha. Wonse ekanganishiwa notwala mcinzi kwa Mulungu, nolaŵila kuti, “Tikaliyowonapo cinthu ngani ici!”
Kuyitiwa kwa Levi
(Mt 9:9-13; Lk 5:27-32)
13Yesu ewelela soti ku mbali kwa Cimmana ca Galileya. Ŵanthu anyinji ewela kwa yeve, na kuti etatika kuŵasambizya. 14Penzoyenda ewona Levi, mwana wa Alifeyo, ali mu ngʼanda ya msonkho kusonkhesha msonkho. Yesu emuwuzya kuti, “Nikonkhe.” Levi eyima nomukonkha.
15Yesu penzokulya mu ngʼanda mwa Levi, ŵanthu anyinji wosonkhesha misonkho na ŵanthu wocimwa emukonkha nakulya naye pamo na asambili ŵake. 16Asambizyi ŵa Matetulo ŵamene enze Afalisi peciwona kuti Yesu akulya pamo na ŵanthu wocimwa na wosonkhesha msonkho, ekonsha asambili ŵake kuti, “Cikomo ni cinji Yesu akulya na ŵanthu wocimwa na wosonkhesha msonkho?”
17Yesu pecimvwa eŵayasuka kuti, “Munthu wosalwala angapangwelini ngʼanga, koma wolwala. Newo niliye welele kuzoyita ŵanthu olungama koma wocimwa.”
Yesu okonshewa va kulilesha kulya
(Mt 9:14-17; Lk 5:33-39)
18Nsita iyakine asambili ŵa Yohane Mbatizi na Afalisi enzolilesha kulya. Ŵanthu ayakine ewela kwa Yesu nomukonsha kuti, “Cikomo ni cinji asambili ŵa Yohane Mbatizi na asambili ŵa Afalisi olilesha kulya, koma ŵanu olileshalini kulya?”
19Yesu eŵayasuka kuti, “Kansi woyitiwa ku ukwati angafumeko na njala koma wolungula ali nawo pamo? Yayi! Malinga ali na wolungula angacitelini kulilesha kulya. 20Koma ikafwike nsita yakuti wolungula akatolewe kufuma kwa ŵeve, niye patiakalileshe kulya.”
21“Paliye angaŵile cigamba ca lomba pa covwala ca kale. Cikomo cakuti cigamba ca lomba cufuma nopangilako cinthuli kuŵa cikulu kupula macezo. 22Nipo munthu otilalini vinyu wa lomba mu matumba ŵa cikumba ca kale. Cikomo cakuti akatetyo, vinyu wa lomba wala ungʼamba matumba na kuti vonse vinyu na matumba vunkhala viliye nchito. Tetyo, vinyu wa lomba owutila mu matumba ŵa lomba.”
Konsho pa nsiku ya Sabata
(Mt 12:1-8; Lk 6:1-5)
23Nsiku iyakine pa Sabata ya Ayuda, Yesu na asambili enzopita mu munda wa tiligu. Penzopita tetyo, asambili ŵake etatika kutyola ngala–ngala za tiligu. 24Afalisi ekonsha Yesu kuti, “Onani, cikomo ni cinji asambili ŵanu ocita cosazomelezyewa pa Sabata?”
25Yesu elaŵila kuti, “Kansi muliyoŵelenge cecicita Davide penzeve cakulya, na kumvwa njala, yeve na ayake? 26Mu masiku ŵa Abiyatala Mkulu wa Ansembe, ni walalini eloŵa mu Ngʼanda ya Mulungu nakulya mkate wotwaliwa kwa Mulungu. Kulingana na Matetulo, ni ansembe ŵeka wozomelezyewa kulya mkate, koma Davide ecilya nopako ayake.”
27Tetyo, eŵawuzya ŵeve kuti, “Sabata ipangiwa kuŵa ya ŵanthu, osati ŵanthu kuŵa ŵazya ŵa Sabata. 28Tetyo, Mwana wa Munthu ni Asikulu ali na ulamulilo na pa va nsiku ya Sabata.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nsenga New Testament © The Bible Society of Zambia, 2015.