Retaꞌ Ahun-hunut 17
17
Uisneno nahakeꞌ rais manbaꞌan neu naiꞌ Abram npaek tanar herit
1Oras naiꞌ Abram anmoin naan toon boꞌ seo mseo (99), UISNENO neem nakriir On neu ne. Onaim In naꞌuab am nak, “Au reꞌ ia Uisneno reꞌ Akuaas Reꞌuf. Ho ro he mutuin Au roimk ii piut, ma mmoin nok neek amneot ma amnonot. 2Au he uhakeꞌ rais manbaꞌan ꞌok ko, ma ꞌmoeꞌ ho sufam-kauꞌm ein amfau-rutun.”
3Onaim naiꞌ Abram nriꞌtuu ma naꞌruriꞌ tar ntea afu. Rarit Uisneno naꞌuab ankono mnak, 4-5“Au ꞌmoeꞌ rais manbaꞌan ꞌok ko, on nai: ho of amjair aam uuf meu uuf amfaun. Es naan ate, ho kanam naan ka naiꞌ Abram fa heen (reꞌ in oetn ii nak ‘amaf reꞌ matekaꞌ’), mes naiꞌ Abraham (reꞌ in oetn ii nak ‘aam uuf neu uuf amfaun’). 6Au of aꞌmoeꞌ ho sufam-kauꞌm ein amfau-rutun. Au of uhakeb uuf namfau uꞌko sin, ma usif amfaun of anpoin ma nboran naꞌko sin.
7Au ꞌnaaꞌ uher-heran rais manbaꞌan ia ꞌok ko ma ho sufam-kauꞌm ein. Rais manbaꞌan ia nabar-baar, natuin Au reꞌ ia, Uisneno ꞌeu ko ma ꞌeu ho sufam-kaꞌum sin. 8Au of aꞌfee pah Kanaꞌan ok-okeꞌ ꞌeu ko ma ꞌeu ho sufam-kaꞌum sin. Oras ia, ho suma mutua mtaah naah. Mes of ho sufam-kauꞌm ein npaar pah Kanaꞌan ia, tar antea nabar-baar. Ma Au of aꞌjair sin Uisneon goa msaꞌ. 9-10Mes ho mok ho sufam-kauꞌm ein ro he mnaaꞌ miher-heran rais manbaꞌan ia. Atoin ein ok-okeꞌ ro he naꞌheir ein. 11-13Anmurai oras ia, areꞌ atoniꞌ reꞌ nmoin naan neno faun neiki nsae, ro he naꞌheir ein. Ho mok ho nonot-asar, ho ameupt ein okeꞌ, ho aten reꞌ ho msoos maan sin nbin pah bian, hi arki ro he miꞌheriꞌ. ꞌHeriꞌ naan, anjair tanar nak hit nua kit hit rais manbaꞌan ia mamarak anbi hi aom ein. 14Atoniꞌ mee ja reꞌ ka naꞌheriꞌ fa te, ka napein fa paaꞌ ma namaꞌ anbi Au rais manbaꞌan, ma ka masoꞌik fa nbi Au too.”
15Rarit Uisneno ntuut In uaban am nak, “Anmurai oras ia, ho kaisaꞌ mteek amtein ho fee je te mak Sarai, mes mak Saraꞌ. 16Au of aꞌfee tetus-athoen ꞌeu ain Saraꞌ, he in nahoniꞌ nfee ko riꞌaan moen jes. Tebe! Ain Saraꞌ of anjair ain uuf neu uuf amfaun. Ma usif amfaun of anpoin ma nboran naꞌko in sufan.”
17Onaim naiꞌ Abraham anriꞌtuu ma naꞌruriꞌ tar antea afu. Mes anbi in nekan naan ee te, in main. In natenab am nak, “Atoni mnais reꞌ-reꞌuf on reꞌ au, toon nautn es, of upein riꞌanaꞌ on mee? Ma ain Saraꞌ reꞌ nmoin toon boꞌ seo goen, ma namnais reꞌ-reuꞌf een amsaꞌ, in bisa nahoniꞌ on mee?” 18Onaim in nbaiseun Uisneno mnak, “Usiꞌ. Maut he naiꞌ Ismaꞌel es anpaar au pusaak ein. Ka saaꞌ-saaꞌ fa, tua.”
19Mes Uisneno nataah am nak, “Kahaf! Ho fee bi Saraꞌ of nahoniꞌ riꞌaan moen jes. Ho mukaanb ee, naiꞌ Isak. Au rais manbaꞌan naan of nateab on neu ne, ma neu in sufan-kauꞌn ein, tar antea nabar-baar. 20Au ꞌneen aꞌrari msaꞌ, saaꞌ reꞌ ho mtoit je meu naiꞌ Ismaꞌel. Es naan ate, Au ꞌfee ne tetus-athoen ma Au ꞌmoeꞌ in sufan-kauꞌn ein namfaun. Aꞌnaak uuf boꞌes am nua of anboran naꞌkon in sufan-kaꞌun sin. Ma in sufan-kaꞌun of anjarin pah kouꞌ goes. 21Maski on naan amsaꞌ, Au rais manbaꞌan ia, nmafuut nok ahaa ho anah naiꞌ Isak. Anmanfain on reꞌ ia te, bi Saraꞌ of nahoins ee.” 22Naꞌuab anrair on naan ate, Uisneno naneuk Gon naꞌko naiꞌ Abraham.
23-27Neno naan amsaꞌ, naiꞌ Abraham nmoeꞌ natuin Uisneno In aprenat. Onaim in naꞌheriꞌ. Rarit in naꞌheriꞌ naiꞌ Ismaꞌel, ma atoin ein abitan in uim je nanan. In naꞌheriꞌ atoin aten amsaꞌ. Oras naan naiꞌ Abraham anmoin naan toon boꞌ seo mseo (99), ma naiꞌ Ismaꞌel toon boꞌes am teun (13).
Currently Selected:
Retaꞌ Ahun-hunut 17: aaz
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
Retaꞌ Ahun-hunut 17
17
Uisneno nahakeꞌ rais manbaꞌan neu naiꞌ Abram npaek tanar herit
1Oras naiꞌ Abram anmoin naan toon boꞌ seo mseo (99), UISNENO neem nakriir On neu ne. Onaim In naꞌuab am nak, “Au reꞌ ia Uisneno reꞌ Akuaas Reꞌuf. Ho ro he mutuin Au roimk ii piut, ma mmoin nok neek amneot ma amnonot. 2Au he uhakeꞌ rais manbaꞌan ꞌok ko, ma ꞌmoeꞌ ho sufam-kauꞌm ein amfau-rutun.”
3Onaim naiꞌ Abram nriꞌtuu ma naꞌruriꞌ tar ntea afu. Rarit Uisneno naꞌuab ankono mnak, 4-5“Au ꞌmoeꞌ rais manbaꞌan ꞌok ko, on nai: ho of amjair aam uuf meu uuf amfaun. Es naan ate, ho kanam naan ka naiꞌ Abram fa heen (reꞌ in oetn ii nak ‘amaf reꞌ matekaꞌ’), mes naiꞌ Abraham (reꞌ in oetn ii nak ‘aam uuf neu uuf amfaun’). 6Au of aꞌmoeꞌ ho sufam-kauꞌm ein amfau-rutun. Au of uhakeb uuf namfau uꞌko sin, ma usif amfaun of anpoin ma nboran naꞌko sin.
7Au ꞌnaaꞌ uher-heran rais manbaꞌan ia ꞌok ko ma ho sufam-kauꞌm ein. Rais manbaꞌan ia nabar-baar, natuin Au reꞌ ia, Uisneno ꞌeu ko ma ꞌeu ho sufam-kaꞌum sin. 8Au of aꞌfee pah Kanaꞌan ok-okeꞌ ꞌeu ko ma ꞌeu ho sufam-kaꞌum sin. Oras ia, ho suma mutua mtaah naah. Mes of ho sufam-kauꞌm ein npaar pah Kanaꞌan ia, tar antea nabar-baar. Ma Au of aꞌjair sin Uisneon goa msaꞌ. 9-10Mes ho mok ho sufam-kauꞌm ein ro he mnaaꞌ miher-heran rais manbaꞌan ia. Atoin ein ok-okeꞌ ro he naꞌheir ein. 11-13Anmurai oras ia, areꞌ atoniꞌ reꞌ nmoin naan neno faun neiki nsae, ro he naꞌheir ein. Ho mok ho nonot-asar, ho ameupt ein okeꞌ, ho aten reꞌ ho msoos maan sin nbin pah bian, hi arki ro he miꞌheriꞌ. ꞌHeriꞌ naan, anjair tanar nak hit nua kit hit rais manbaꞌan ia mamarak anbi hi aom ein. 14Atoniꞌ mee ja reꞌ ka naꞌheriꞌ fa te, ka napein fa paaꞌ ma namaꞌ anbi Au rais manbaꞌan, ma ka masoꞌik fa nbi Au too.”
15Rarit Uisneno ntuut In uaban am nak, “Anmurai oras ia, ho kaisaꞌ mteek amtein ho fee je te mak Sarai, mes mak Saraꞌ. 16Au of aꞌfee tetus-athoen ꞌeu ain Saraꞌ, he in nahoniꞌ nfee ko riꞌaan moen jes. Tebe! Ain Saraꞌ of anjair ain uuf neu uuf amfaun. Ma usif amfaun of anpoin ma nboran naꞌko in sufan.”
17Onaim naiꞌ Abraham anriꞌtuu ma naꞌruriꞌ tar antea afu. Mes anbi in nekan naan ee te, in main. In natenab am nak, “Atoni mnais reꞌ-reꞌuf on reꞌ au, toon nautn es, of upein riꞌanaꞌ on mee? Ma ain Saraꞌ reꞌ nmoin toon boꞌ seo goen, ma namnais reꞌ-reuꞌf een amsaꞌ, in bisa nahoniꞌ on mee?” 18Onaim in nbaiseun Uisneno mnak, “Usiꞌ. Maut he naiꞌ Ismaꞌel es anpaar au pusaak ein. Ka saaꞌ-saaꞌ fa, tua.”
19Mes Uisneno nataah am nak, “Kahaf! Ho fee bi Saraꞌ of nahoniꞌ riꞌaan moen jes. Ho mukaanb ee, naiꞌ Isak. Au rais manbaꞌan naan of nateab on neu ne, ma neu in sufan-kauꞌn ein, tar antea nabar-baar. 20Au ꞌneen aꞌrari msaꞌ, saaꞌ reꞌ ho mtoit je meu naiꞌ Ismaꞌel. Es naan ate, Au ꞌfee ne tetus-athoen ma Au ꞌmoeꞌ in sufan-kauꞌn ein namfaun. Aꞌnaak uuf boꞌes am nua of anboran naꞌkon in sufan-kaꞌun sin. Ma in sufan-kaꞌun of anjarin pah kouꞌ goes. 21Maski on naan amsaꞌ, Au rais manbaꞌan ia, nmafuut nok ahaa ho anah naiꞌ Isak. Anmanfain on reꞌ ia te, bi Saraꞌ of nahoins ee.” 22Naꞌuab anrair on naan ate, Uisneno naneuk Gon naꞌko naiꞌ Abraham.
23-27Neno naan amsaꞌ, naiꞌ Abraham nmoeꞌ natuin Uisneno In aprenat. Onaim in naꞌheriꞌ. Rarit in naꞌheriꞌ naiꞌ Ismaꞌel, ma atoin ein abitan in uim je nanan. In naꞌheriꞌ atoin aten amsaꞌ. Oras naan naiꞌ Abraham anmoin naan toon boꞌ seo mseo (99), ma naiꞌ Ismaꞌel toon boꞌes am teun (13).
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.