Azã 9
9
Azezi botɩ fʋa yẽta
1La Azezi daan sẽnnɩ tɔlla mɛ, yẽ bʋraa tɩ ba dɔgɛ ẽ tɩ a dɛna fʋa. 2Tɩ a karẽnbiisi soke ẽ yetɩ: «Karẽnsãama, nẽr-kãna n tõm tõon-be'ero? Bʋraa wã bɩɩ a sɔ bɩɩ a ma n tõm tõon-be'ero, tɩ ba dɔgɛ ẽ tɩ a dɛna fʋa?» 3Tɩ Azezi lerge yetɩ: «La dagɩ bʋraa wã bɩɩ a sɔ bɩɩ a ma tõon-be'ero ĩyã, tɩ a dɛna fʋa. La de la Nawẽnnɛ n yetɩ a tõm na ẽ pa'alɛ a tõoma. 4Dẽnɩ tɩ tõma tõm sɛka n tõm mam na tõoma, la nãn ken dɛna wʋntɛɛŋa wã. Yʋ'ʋŋɔ sẽm mɛ tɩ nẽra kãn le tã'agɛ tõm. 5Mam n nãn boe dũnia pʋam wã, mam de la dũnia peelem.» 6A yele bɛla dee tʋbsɛ la nõtõorʋm tẽŋa bũn tẽntõnnɔ bɩ fʋa la nini, 7dee yele ẽ yetɩ: «Sẽŋɛ ka wire fʋ nẽŋa Silowe kʋlgam.» (Silowe võorɛ de la «sɛka tɩ ba tõm».) Tɩ a sẽŋɛ ka wire a nẽŋa, dee lɛbra, tɩ a nini na yẽta.
8Tɩ a sawiiba, la sɛba n mi ẽ kʋrʋm tɩ a sosrɩ mɛ na yetɩ: «Dagɩ ẽna n daan zĩ sɔsra la?» 9Tɩ sɛba yetɩ: «La de la ẽŋa.» Tɩ basɛba yetɩ: «Ayɛɩ, a wõn na ẽŋa dee la dagɩ ẽ.» Tɩ a mẽŋa yetɩ: «La de la mam.» 10Tɩ ba soke ẽ yetɩ: «La ẽŋɛ la wãne tɩ fõn nini na yãŋa yẽta?» 11Tɩ a lerge ba yetɩ: «Bʋraa la yʋ'ʋrɛ n de Azezi la n bũn tẽntõnnɔ bɩ mam nini, dee yele mam tɩ m sẽŋɛ Silowe kʋlgam ka wire. Tɩ mam sẽŋɛ ka wire, yãŋa yẽta.» 12Tɩ ba soke ẽ yetɩ: «A boe la bɛ?» Tɩ a lerge yetɩ: «Mam ka mi.»
Farisi dõma soke fʋa lan ẽŋɛ se'em tɩ ẽŋa yẽta
13Tɩ ba tarɩ sɛka n daan de fʋa la sẽŋɛ Farisi dõma zẽ'am. 14La Azezi n daan bũn tẽntõnnɔ bɩ fʋa la nini daar-sɛka tɩ a yẽta la, daan de la Zifdõma vo'osgo daarɛ. 15Tɩ Farisi dõma la mẽ le soke ẽ yetɩ: «La ẽŋɛ la wãne tɩ fõn yẽta?» Tɩ a lerge ba yetɩ: «A bũn na tẽntõnnɔ bɩ mam nini, tɩ mam wire, yãŋa yẽta.» 16Tɩ Farisi dõma basɛba yetɩ: «Nẽr-ẽna wã ka ze'ele Nawẽnnɛ zẽ'am wa'am, se'ere n soe la, a ka sakrɩ vo'osgo daarɛ sisgo.» Tɩ basɛba yetɩ: «Nẽra n de tõon-be'ero dãana wʋn ẽŋɛ la wãne tõm tõon-yãlma wãna?» Tɩ welgre kẽ Farisi dõma la tẽŋasʋka.
17Tɩ ba le soke bʋraa la yetɩ: «Fõn wʋn yele a yelle tɩ bẽm, ẽn basɛ tɩ fõn nini yẽta la?» Tɩ a lerge ba yetɩ: «A de la Nawẽnnɛ nõtɔ'ɔsa.» 18Tɩ Zifdõma nẽŋadõma la ka bɔɔra tɩ ba sakɛ tɩ a daan de la fʋa dee yãŋa yẽta, tɩ ba wi a sɔ la a ma, 19soke ba yetɩ: «Ẽna de la yãma dayʋa la tɩ yãma yetɩ yãma dɔgɛ ẽ tɩ a dɛna la fʋa la? La ẽŋɛ la wãne tɩ a yãŋa yẽta?» 20Tɩ a sɔ la a ma lerge yetɩ: «Tõma mi tɩ a de la tõma dayʋa, la tõma daan dɔgɛ ẽ tɩ a dɛna la fʋa. 21La tõma ka mi lan ẽŋɛ se'em tɩ a yãŋa yẽta, bɩɩ sɛka n botɩ a nini na yẽta. Soke-ya ẽ, tɩ a ka le dɛna bia, a mẽŋa wʋn tɔgɛ.» 22A sɔ la a ma la n zotɩ Zifdõma nẽŋadõma la ĩyã tɩ ba yele bɛla. Zifdõma nẽŋadõma la daan dẽŋɛ tɔgɛ kʋ mɛ yetɩ, nẽra sãn sakɛ tɩ Azezi de la Krisi, bãma wʋn yese ẽ mɛ ba wẽndeego la pʋam. 23Bɛla n soe tɩ a sɔ la a ma la yetɩ: «Soke-ya ẽ tɩ a ka de bia.»
24Tɩ ba le wi bʋra-sɛka n daan de fʋa la nõorɛ ayi pʋam, yele ẽ yetɩ: «Tɔgɛ sɩra Nawẽnnɛ ĩyã. Tõma mi tɩ bʋra-ẽna de la tõon-be'ero dãana.» 25Tɩ a lerge yetɩ: «A sãn dɛna tõon-be'ero dãana, bɩɩ a dagɩ tõon-be'ero dãana, mam ka mi. Mam n mi sɛla de la, mam daan de la fʋa, la lɛɛlɛ wã mam yẽtɩ mɛ.» 26Tɩ ba soke ẽ yetɩ: «A ẽŋɛ fõn na bẽm? A ẽŋɛ la wãne botɩ fõn yẽta?» 27Tɩ a lerge ba yetɩ: «Mam põn dẽŋɛ yele ya mɛ, tɩ ya ka selse, bẽm tɩ ya le bɔɔra tɩ ya wõm? Yãma mẽ boorɩ tɩ ya lebge la a karẽnbiisi bɩɩ?» 28Tɩ ba tʋ ẽ, dee yetɩ: «Fõn de a karẽnbia, tõma de la Amoyisi karẽnbiisi. 29Tõma mi tɩ Nawẽnnɛ yʋʋn tɔgɛ bɔ la Amoyisi, la ẽna, tõma ka mi ẽn ze'ele zẽ'e-sɛka.»
30Tɩ bʋraa la yele ba yetɩ: «Ẽna de la yel-di'iŋa, yãma ka mi ẽn ze'ele zẽ'a, la ẽŋa n botɩ mam nini yẽta. 31Tõma mi tɩ Nawẽnnɛ ka selsrɩ tõon-be'ero dõma sosgo, la nẽra sãn pʋ'ʋsra ẽ, dee ɩta ẽn boorɩ se'em, a selsrɩ la ẽŋa dãana sosgo. 32Halɩ pĩ'iluŋo, ba nãn ka wõm tɩ nẽra botɩ nẽra tɩ ba dɔgɛ ẽ tɩ a dɛna fʋa nini yẽta. 33Bʋra-ẽna sãn ka ze'ele nɩ Nawẽnnɛ zẽ'am, a kãn yãŋɛ nɩ ẽŋɛ sɛla sɛla.» 34Tɩ ba lerge ẽ yetɩ: «Ba dɔgɛ fõn na tõon-be'ero pʋam, tɩ fõn yetɩ fʋ pa'alɛ tõma?» Tɩ ba dige ẽ ba wẽndeem na.
Sɛba n mi dee ka bɔɔra tɩ ba sakɛ ãn wʋ fɔɔsɩ la
35Tɩ Azezi wõm tɩ ba dige ẽ mɛ, yãŋa wa yẽ ẽ, soke ẽ yetɩ: «Fõn bɔ Nẽrsaala Dayʋa la sɩra mɛ?» 36Tɩ a lerge yetɩ: «Zuudãana, Nẽrsaala Dayʋa la de la ãne? Yele ma tɩ m bɔ ẽ sɩra.» 37Tɩ Azezi yele ẽ yetɩ: «Fʋ yẽ ẽ mɛ, ẽŋa n tɔgrɩ la fʋ lɛ wã.» 38Tɩ bʋraa la yetɩ: «Zuudãana, mam bɔ fʋ sɩra mɛ», dee ka dũma Azezi nẽŋam.
39Tɩ Azezi yele yetɩ: «Mam wa'am dũnia wã zuo tɩ welgre n bɔna, tɩ fɔɔsɩ yẽta, dee tɩ sɛba n yẽtɩ la lebge fɔɔsɩ.» 40Tɩ Farisi dõma sɛba n daan boe mĩ na n wõm bɛla la, soke ẽ yetɩ: «Tõma mẽ de la fɔɔsɩ bɩɩ?» 41Tɩ Azezi lerge ba yetɩ: «Ya sãn de nɩ fɔɔsɩ, ya tõon-be'ero taalɛ ka boe ya zuo. La lɛɛlɛ wã, yãma yetɩ yãma yẽtɩ mɛ, bɛla tɩ ya tõon-be'ero taalɛ bɔna ya zuo.»
Currently Selected:
Azã 9: gurDBL
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.
Azã 9
9
Azezi botɩ fʋa yẽta
1La Azezi daan sẽnnɩ tɔlla mɛ, yẽ bʋraa tɩ ba dɔgɛ ẽ tɩ a dɛna fʋa. 2Tɩ a karẽnbiisi soke ẽ yetɩ: «Karẽnsãama, nẽr-kãna n tõm tõon-be'ero? Bʋraa wã bɩɩ a sɔ bɩɩ a ma n tõm tõon-be'ero, tɩ ba dɔgɛ ẽ tɩ a dɛna fʋa?» 3Tɩ Azezi lerge yetɩ: «La dagɩ bʋraa wã bɩɩ a sɔ bɩɩ a ma tõon-be'ero ĩyã, tɩ a dɛna fʋa. La de la Nawẽnnɛ n yetɩ a tõm na ẽ pa'alɛ a tõoma. 4Dẽnɩ tɩ tõma tõm sɛka n tõm mam na tõoma, la nãn ken dɛna wʋntɛɛŋa wã. Yʋ'ʋŋɔ sẽm mɛ tɩ nẽra kãn le tã'agɛ tõm. 5Mam n nãn boe dũnia pʋam wã, mam de la dũnia peelem.» 6A yele bɛla dee tʋbsɛ la nõtõorʋm tẽŋa bũn tẽntõnnɔ bɩ fʋa la nini, 7dee yele ẽ yetɩ: «Sẽŋɛ ka wire fʋ nẽŋa Silowe kʋlgam.» (Silowe võorɛ de la «sɛka tɩ ba tõm».) Tɩ a sẽŋɛ ka wire a nẽŋa, dee lɛbra, tɩ a nini na yẽta.
8Tɩ a sawiiba, la sɛba n mi ẽ kʋrʋm tɩ a sosrɩ mɛ na yetɩ: «Dagɩ ẽna n daan zĩ sɔsra la?» 9Tɩ sɛba yetɩ: «La de la ẽŋa.» Tɩ basɛba yetɩ: «Ayɛɩ, a wõn na ẽŋa dee la dagɩ ẽ.» Tɩ a mẽŋa yetɩ: «La de la mam.» 10Tɩ ba soke ẽ yetɩ: «La ẽŋɛ la wãne tɩ fõn nini na yãŋa yẽta?» 11Tɩ a lerge ba yetɩ: «Bʋraa la yʋ'ʋrɛ n de Azezi la n bũn tẽntõnnɔ bɩ mam nini, dee yele mam tɩ m sẽŋɛ Silowe kʋlgam ka wire. Tɩ mam sẽŋɛ ka wire, yãŋa yẽta.» 12Tɩ ba soke ẽ yetɩ: «A boe la bɛ?» Tɩ a lerge yetɩ: «Mam ka mi.»
Farisi dõma soke fʋa lan ẽŋɛ se'em tɩ ẽŋa yẽta
13Tɩ ba tarɩ sɛka n daan de fʋa la sẽŋɛ Farisi dõma zẽ'am. 14La Azezi n daan bũn tẽntõnnɔ bɩ fʋa la nini daar-sɛka tɩ a yẽta la, daan de la Zifdõma vo'osgo daarɛ. 15Tɩ Farisi dõma la mẽ le soke ẽ yetɩ: «La ẽŋɛ la wãne tɩ fõn yẽta?» Tɩ a lerge ba yetɩ: «A bũn na tẽntõnnɔ bɩ mam nini, tɩ mam wire, yãŋa yẽta.» 16Tɩ Farisi dõma basɛba yetɩ: «Nẽr-ẽna wã ka ze'ele Nawẽnnɛ zẽ'am wa'am, se'ere n soe la, a ka sakrɩ vo'osgo daarɛ sisgo.» Tɩ basɛba yetɩ: «Nẽra n de tõon-be'ero dãana wʋn ẽŋɛ la wãne tõm tõon-yãlma wãna?» Tɩ welgre kẽ Farisi dõma la tẽŋasʋka.
17Tɩ ba le soke bʋraa la yetɩ: «Fõn wʋn yele a yelle tɩ bẽm, ẽn basɛ tɩ fõn nini yẽta la?» Tɩ a lerge ba yetɩ: «A de la Nawẽnnɛ nõtɔ'ɔsa.» 18Tɩ Zifdõma nẽŋadõma la ka bɔɔra tɩ ba sakɛ tɩ a daan de la fʋa dee yãŋa yẽta, tɩ ba wi a sɔ la a ma, 19soke ba yetɩ: «Ẽna de la yãma dayʋa la tɩ yãma yetɩ yãma dɔgɛ ẽ tɩ a dɛna la fʋa la? La ẽŋɛ la wãne tɩ a yãŋa yẽta?» 20Tɩ a sɔ la a ma lerge yetɩ: «Tõma mi tɩ a de la tõma dayʋa, la tõma daan dɔgɛ ẽ tɩ a dɛna la fʋa. 21La tõma ka mi lan ẽŋɛ se'em tɩ a yãŋa yẽta, bɩɩ sɛka n botɩ a nini na yẽta. Soke-ya ẽ, tɩ a ka le dɛna bia, a mẽŋa wʋn tɔgɛ.» 22A sɔ la a ma la n zotɩ Zifdõma nẽŋadõma la ĩyã tɩ ba yele bɛla. Zifdõma nẽŋadõma la daan dẽŋɛ tɔgɛ kʋ mɛ yetɩ, nẽra sãn sakɛ tɩ Azezi de la Krisi, bãma wʋn yese ẽ mɛ ba wẽndeego la pʋam. 23Bɛla n soe tɩ a sɔ la a ma la yetɩ: «Soke-ya ẽ tɩ a ka de bia.»
24Tɩ ba le wi bʋra-sɛka n daan de fʋa la nõorɛ ayi pʋam, yele ẽ yetɩ: «Tɔgɛ sɩra Nawẽnnɛ ĩyã. Tõma mi tɩ bʋra-ẽna de la tõon-be'ero dãana.» 25Tɩ a lerge yetɩ: «A sãn dɛna tõon-be'ero dãana, bɩɩ a dagɩ tõon-be'ero dãana, mam ka mi. Mam n mi sɛla de la, mam daan de la fʋa, la lɛɛlɛ wã mam yẽtɩ mɛ.» 26Tɩ ba soke ẽ yetɩ: «A ẽŋɛ fõn na bẽm? A ẽŋɛ la wãne botɩ fõn yẽta?» 27Tɩ a lerge ba yetɩ: «Mam põn dẽŋɛ yele ya mɛ, tɩ ya ka selse, bẽm tɩ ya le bɔɔra tɩ ya wõm? Yãma mẽ boorɩ tɩ ya lebge la a karẽnbiisi bɩɩ?» 28Tɩ ba tʋ ẽ, dee yetɩ: «Fõn de a karẽnbia, tõma de la Amoyisi karẽnbiisi. 29Tõma mi tɩ Nawẽnnɛ yʋʋn tɔgɛ bɔ la Amoyisi, la ẽna, tõma ka mi ẽn ze'ele zẽ'e-sɛka.»
30Tɩ bʋraa la yele ba yetɩ: «Ẽna de la yel-di'iŋa, yãma ka mi ẽn ze'ele zẽ'a, la ẽŋa n botɩ mam nini yẽta. 31Tõma mi tɩ Nawẽnnɛ ka selsrɩ tõon-be'ero dõma sosgo, la nẽra sãn pʋ'ʋsra ẽ, dee ɩta ẽn boorɩ se'em, a selsrɩ la ẽŋa dãana sosgo. 32Halɩ pĩ'iluŋo, ba nãn ka wõm tɩ nẽra botɩ nẽra tɩ ba dɔgɛ ẽ tɩ a dɛna fʋa nini yẽta. 33Bʋra-ẽna sãn ka ze'ele nɩ Nawẽnnɛ zẽ'am, a kãn yãŋɛ nɩ ẽŋɛ sɛla sɛla.» 34Tɩ ba lerge ẽ yetɩ: «Ba dɔgɛ fõn na tõon-be'ero pʋam, tɩ fõn yetɩ fʋ pa'alɛ tõma?» Tɩ ba dige ẽ ba wẽndeem na.
Sɛba n mi dee ka bɔɔra tɩ ba sakɛ ãn wʋ fɔɔsɩ la
35Tɩ Azezi wõm tɩ ba dige ẽ mɛ, yãŋa wa yẽ ẽ, soke ẽ yetɩ: «Fõn bɔ Nẽrsaala Dayʋa la sɩra mɛ?» 36Tɩ a lerge yetɩ: «Zuudãana, Nẽrsaala Dayʋa la de la ãne? Yele ma tɩ m bɔ ẽ sɩra.» 37Tɩ Azezi yele ẽ yetɩ: «Fʋ yẽ ẽ mɛ, ẽŋa n tɔgrɩ la fʋ lɛ wã.» 38Tɩ bʋraa la yetɩ: «Zuudãana, mam bɔ fʋ sɩra mɛ», dee ka dũma Azezi nẽŋam.
39Tɩ Azezi yele yetɩ: «Mam wa'am dũnia wã zuo tɩ welgre n bɔna, tɩ fɔɔsɩ yẽta, dee tɩ sɛba n yẽtɩ la lebge fɔɔsɩ.» 40Tɩ Farisi dõma sɛba n daan boe mĩ na n wõm bɛla la, soke ẽ yetɩ: «Tõma mẽ de la fɔɔsɩ bɩɩ?» 41Tɩ Azezi lerge ba yetɩ: «Ya sãn de nɩ fɔɔsɩ, ya tõon-be'ero taalɛ ka boe ya zuo. La lɛɛlɛ wã, yãma yetɩ yãma yẽtɩ mɛ, bɛla tɩ ya tõon-be'ero taalɛ bɔna ya zuo.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.