Lucas 20
20
Na Naimfistikaran Na Karobfongan Jesus
Mat. 21:23-27; Mar. 11:27-33
1Na osay padchay mantudtuchuwan Jesus ta taku ta Templo, wi mangipagngor ta Mamfaruy Chamag mipangkop an Apudyus, ummoy akon siyan chachi pangpangun na papachi ya mangitudtuchu ta Lintog, ya chachi namangpanguwon na Judio, 2ad anancha, “Ifakam an chiani nu sinun karobfongam wi mangwa ta amaschi. Sinun nangatod ta karobfongam wi mangwaschi?”
3Ad sinongfatan Jesus chicha anani, “Awad yan na imusò an chiayu. Songfatanyuna. 4Sinun narpuwan na karobfongan Juan wi mamfunyag? Narpun Apudyus winnu taku?”
5Sachi ad nan-uukudcha wi anancha, “Sinun ifakatau? Nu anantauy ‘Narpun Apudyus,’ anana kon chitauy ‘Tayukon nù achi pinatì Juan?’ 6Ngim nu anantauy ‘Narpu ta taku,’ fintukon chitau ta anchanayay taku, tan patiyoncha losan wi profetà Juan.”
7Siyan ananchay summongfat, “Taw-an! Maid akammuni nu sinun narpuwan na karobfongana.” 8Ad anan ako Jesus an chicha, “Siyan nu amasnat, achì pu ko ifakan chiayu nu sinun narpuwan na karobfongà wi mangwa ta oy-oyyoò.”
Na Alig Na Man-afang Ta Luta
Mat. 21:33-46; Mar. 12:1-12
9Sachi ad nan-alig à Jesus ta chachi taku, wi anana, “Iningkaw na osay taku wi nammura ta lutanà grapes. Sachi ad, impàwanà fuwa ta safali wi taku ad lummayaw wi ummoy namfiyasi. 10Timpun ad na inyàapit, imfaunnan saniluna wi umoy makafuwa. Ngim chachi man-afang ta lutana, inabchoychà siya ad imparyawcha wi maid pu inadchoncha. 11Sachi ad asinna ko imfaun na osay saniluna, ngim sin-umisag na iningwachan siya nu sachi ummuna, tan inabchoychà siya ad iningwachà afàfàinan ad imparyawcha wi maid pu ko inadchoncha. 12Ngim uray amaschin nàwa, asin ako namfaun chi nginluta. Ngim finaagchà siya ad imparyawcha.
13“Sachi ad anan chi nginluta, ‘Sinu kon in-inò? Ifaun-un annay anàu wi ay-ayatò tan singnanchà siya!’ 14Ngim intap pun chachi nangwà fuwa na anàna, nan-uupngacha anani, ‘Anchiyan anànay mangilàsun ta annay luta. Siyan patoyontau ta man-uwataun làsunna!’ 15Ad inyoycha ta lasin na arad ad pinatoycha.
“Siyan sinun oyyoon chi nginluta an chicha? 16Sikurachuy umoyna patoyon chicha, ad ipàwanà fuwa ta uchum.”
Chingngor pun na takun sachi, anancha, “Sapay kuma ta achi pu màwan amaschi!”
17Ad intotollong Jesus chicha, wi anana, “Nu achi pu màwachi, sinun somsom-onyù miturungan na sachi niyug-is wi anana,
‘Na fatuy inchulin na mangkakaob,
wi ananchay maid silfina,
sachin nàwà apatkan wi mipon-ad.’
18Sinumani taku wi maodchag ta sachi fatu, mapmaptod. Ad nu awad maodchakan ta sachi fatu, matampù wi isù chapur.”
19Chachi mangitudtuchu ta Lintog ya pangpangun na papachi, pionchay maniliw an Jesus ta sachi, tan naawatancha wi chichan inyaligna. Ngim achicha pun tan ummogyatcha ta chachi takuy ad-adchuwan.
Na Nan-imusanchan Jesus Mipangkop Ta Fukis
Mat. 22:15-22; Mar. 12:13-17
20Sachi ad inanapchan mawayaancha wi manikap an Jesus. Siyan pinasuksukanchan uchumi taku ta ituttuwachay mansarudsud, tan na pioncha, masaw-à kumà Jesus ta ukudna ta awad mangicharumancha ta fifinnachur. 21Siyan ummoycha an Jesus ad anancha, “Misturu, akammuni wi ustun itudtuchum ya uray na losani ug-ugkuchom. Ya akammuni ko wi maid pu laksikom à taku uray sinun kasasaadcha, tan itudtuchum afus yakan katuttuwaan wi pion Apudyus an chitau. 22Siyan annan imusonnin sia. Surngasingontaun Lintogtauy Judio nu mamfayadtaù fukis ta Ali ad Roma winnu foon?”
23Ngim illasin Jesus na silibcha, ad ananan chicha, 24“Umipailaayù osà parata. Ad sinun nginfosar ya nginngachan ta annay niyug-is?”
Ad anancha, “Ali Cesar.”
25Ad anan Jesus an chicha, “Siyan nu amasnat, adchonyun Cesar na uwana. Ngim ilanyu ko ta adchonyun Apudyus losan na para an siya.”
26Siyan achicha pu makasilifan an siya ta man-uukudna ta sangwanan na taku. Ad nataagcha ko wi mangngor ta songfatna, siyan kumminòcha.
Mipangkop Ta Umuliyan Na Taku Matakuwan
Mat. 22:23-33; Mar. 12:18-27
27Ummoy na uchumi Saduceo an Jesus, wi chichan foon pù mamati wi umuli matakun natoy. Ad ananchan siya, 28“Misturu, inyug-is Moses wi nu nangasawan osay larai ad natoyi maid anàna, masapur asaw-on na sunudnan nafaru ta umanàcha kumà mifilang à anà na sachi natoyi sunudna. 29Nu kaspangalikan awad pitù lallaraì mansusunud, ad nangasawan panguru, ad natoyi maid anàcha. 30Siyan inasawan miyagwa na nafaru, ngim amaschi kon napasamak an siya. 31Ya isun akon napasamak ta miyatlu ingkanà losan chachi pitu, natoycha losan wi maid pu anàcha. 32Ad na anungusna natoy akon fufai. 33Siyan nu umuli matakun natoy, sinun ustuy ngin-asawa ta fufai nù? Tan losanchay pitu inasawà siya.”
34Ad anan Jesus an chicha, “Na taku ta annay luta ta sana, man-as-asawacha. 35Ngim na takuy mifilang à annan karobfonganchay umuli mataku, wi umoy ad langit, maid man-as-asawa, 36tan mamfalincha isù aangheles wi achi pu matoy à ing-ingkana. Siyan chichan anà Apudyus tan ummuliyona chicha tinaku. 37Ad na mipangkop ako ta umuliyan na taku matakuwan, awad na inyug-is Moses wi nifakan siya ta nangil-ana ta kummilafan na imong, ad siyan tumuttuwaan na umuliyan na taku matakuwan. Tan na nifakan siya, À Apudyus, siyan chaychayawoncha Abraham, Isaac ya Jacob à Apudyuscha. 38Ad sachin manuttuwaana wi asififiyagchad langit wi manaychayaw an Apudyus. Tan nu natoycha kay ad sachi, in-inoncha nù wi manayaw an Apudyus?”
39Sachi ad anan na uchumi mangitudtuchu ta Lintog, “Apu, mamfarun songfatnu!” 40Amaschin anancha tan maid turodchay asin man-im-imus an siya.
Mipangkop An Cristu
Mat. 22:41-46; Mar. 12:35-37
41Sachi ad inimus Jesus ta chachi taku, “Tachako anani na Cristu wi ipaalin Apudyus wi manturay, kanà David à siya? 42Tan à David, inyug-isna ta sachi nibrunay Salmo wi,
‘À Apudyus wi Apu, anana ta Apù:
Tumùchua ta apot ta chiwawan-u
43ingkanà ipaafak-un losani afusurnu.’
44Siyan nu awakan David à Cristù Apuna, in-inon David wi nginkanà an Cristu?”
Na Namafasuran Jesus Ta Chachi Mangitudtuchu Ta Lintog
Mat. 23:5-7, 14; Mar. 12:38-40
45Na mangngoran chachi taku ta intudtuchun Jesus, anana ta disipulusna, 46“Annachanyun chachi mangitudtuchu ta Lintog. Tan à chicha, pipionchay ikagkagkaay na silupchay lagkoyloy, ya pipioncha koy malispitu ta taku ta aallusancha. Ya pipioncha koy chichan umachuy ta afaruwani aachuyan ta sinagoga ya chichan machayaw ta sinuy lagsak. 47Ad siksikkapanchan anchanay nafaru à mangar-ancha ta ùuwacha, ad malluwaruchà anchuanchù manab-uncha ta oy-oyyooncha! Siyan kapu ta sachi, maam-amod na machusaancha!”
Currently Selected:
Lucas 20: ksc
Highlight
Share
Copy
Want to have your highlights saved across all your devices? Sign up or sign in
© 1986, Wycliffe Bible Translators, Inc. All rights reserved.
Lucas 20
20
Na Naimfistikaran Na Karobfongan Jesus
Mat. 21:23-27; Mar. 11:27-33
1Na osay padchay mantudtuchuwan Jesus ta taku ta Templo, wi mangipagngor ta Mamfaruy Chamag mipangkop an Apudyus, ummoy akon siyan chachi pangpangun na papachi ya mangitudtuchu ta Lintog, ya chachi namangpanguwon na Judio, 2ad anancha, “Ifakam an chiani nu sinun karobfongam wi mangwa ta amaschi. Sinun nangatod ta karobfongam wi mangwaschi?”
3Ad sinongfatan Jesus chicha anani, “Awad yan na imusò an chiayu. Songfatanyuna. 4Sinun narpuwan na karobfongan Juan wi mamfunyag? Narpun Apudyus winnu taku?”
5Sachi ad nan-uukudcha wi anancha, “Sinun ifakatau? Nu anantauy ‘Narpun Apudyus,’ anana kon chitauy ‘Tayukon nù achi pinatì Juan?’ 6Ngim nu anantauy ‘Narpu ta taku,’ fintukon chitau ta anchanayay taku, tan patiyoncha losan wi profetà Juan.”
7Siyan ananchay summongfat, “Taw-an! Maid akammuni nu sinun narpuwan na karobfongana.” 8Ad anan ako Jesus an chicha, “Siyan nu amasnat, achì pu ko ifakan chiayu nu sinun narpuwan na karobfongà wi mangwa ta oy-oyyoò.”
Na Alig Na Man-afang Ta Luta
Mat. 21:33-46; Mar. 12:1-12
9Sachi ad nan-alig à Jesus ta chachi taku, wi anana, “Iningkaw na osay taku wi nammura ta lutanà grapes. Sachi ad, impàwanà fuwa ta safali wi taku ad lummayaw wi ummoy namfiyasi. 10Timpun ad na inyàapit, imfaunnan saniluna wi umoy makafuwa. Ngim chachi man-afang ta lutana, inabchoychà siya ad imparyawcha wi maid pu inadchoncha. 11Sachi ad asinna ko imfaun na osay saniluna, ngim sin-umisag na iningwachan siya nu sachi ummuna, tan inabchoychà siya ad iningwachà afàfàinan ad imparyawcha wi maid pu ko inadchoncha. 12Ngim uray amaschin nàwa, asin ako namfaun chi nginluta. Ngim finaagchà siya ad imparyawcha.
13“Sachi ad anan chi nginluta, ‘Sinu kon in-inò? Ifaun-un annay anàu wi ay-ayatò tan singnanchà siya!’ 14Ngim intap pun chachi nangwà fuwa na anàna, nan-uupngacha anani, ‘Anchiyan anànay mangilàsun ta annay luta. Siyan patoyontau ta man-uwataun làsunna!’ 15Ad inyoycha ta lasin na arad ad pinatoycha.
“Siyan sinun oyyoon chi nginluta an chicha? 16Sikurachuy umoyna patoyon chicha, ad ipàwanà fuwa ta uchum.”
Chingngor pun na takun sachi, anancha, “Sapay kuma ta achi pu màwan amaschi!”
17Ad intotollong Jesus chicha, wi anana, “Nu achi pu màwachi, sinun somsom-onyù miturungan na sachi niyug-is wi anana,
‘Na fatuy inchulin na mangkakaob,
wi ananchay maid silfina,
sachin nàwà apatkan wi mipon-ad.’
18Sinumani taku wi maodchag ta sachi fatu, mapmaptod. Ad nu awad maodchakan ta sachi fatu, matampù wi isù chapur.”
19Chachi mangitudtuchu ta Lintog ya pangpangun na papachi, pionchay maniliw an Jesus ta sachi, tan naawatancha wi chichan inyaligna. Ngim achicha pun tan ummogyatcha ta chachi takuy ad-adchuwan.
Na Nan-imusanchan Jesus Mipangkop Ta Fukis
Mat. 22:15-22; Mar. 12:13-17
20Sachi ad inanapchan mawayaancha wi manikap an Jesus. Siyan pinasuksukanchan uchumi taku ta ituttuwachay mansarudsud, tan na pioncha, masaw-à kumà Jesus ta ukudna ta awad mangicharumancha ta fifinnachur. 21Siyan ummoycha an Jesus ad anancha, “Misturu, akammuni wi ustun itudtuchum ya uray na losani ug-ugkuchom. Ya akammuni ko wi maid pu laksikom à taku uray sinun kasasaadcha, tan itudtuchum afus yakan katuttuwaan wi pion Apudyus an chitau. 22Siyan annan imusonnin sia. Surngasingontaun Lintogtauy Judio nu mamfayadtaù fukis ta Ali ad Roma winnu foon?”
23Ngim illasin Jesus na silibcha, ad ananan chicha, 24“Umipailaayù osà parata. Ad sinun nginfosar ya nginngachan ta annay niyug-is?”
Ad anancha, “Ali Cesar.”
25Ad anan Jesus an chicha, “Siyan nu amasnat, adchonyun Cesar na uwana. Ngim ilanyu ko ta adchonyun Apudyus losan na para an siya.”
26Siyan achicha pu makasilifan an siya ta man-uukudna ta sangwanan na taku. Ad nataagcha ko wi mangngor ta songfatna, siyan kumminòcha.
Mipangkop Ta Umuliyan Na Taku Matakuwan
Mat. 22:23-33; Mar. 12:18-27
27Ummoy na uchumi Saduceo an Jesus, wi chichan foon pù mamati wi umuli matakun natoy. Ad ananchan siya, 28“Misturu, inyug-is Moses wi nu nangasawan osay larai ad natoyi maid anàna, masapur asaw-on na sunudnan nafaru ta umanàcha kumà mifilang à anà na sachi natoyi sunudna. 29Nu kaspangalikan awad pitù lallaraì mansusunud, ad nangasawan panguru, ad natoyi maid anàcha. 30Siyan inasawan miyagwa na nafaru, ngim amaschi kon napasamak an siya. 31Ya isun akon napasamak ta miyatlu ingkanà losan chachi pitu, natoycha losan wi maid pu anàcha. 32Ad na anungusna natoy akon fufai. 33Siyan nu umuli matakun natoy, sinun ustuy ngin-asawa ta fufai nù? Tan losanchay pitu inasawà siya.”
34Ad anan Jesus an chicha, “Na taku ta annay luta ta sana, man-as-asawacha. 35Ngim na takuy mifilang à annan karobfonganchay umuli mataku, wi umoy ad langit, maid man-as-asawa, 36tan mamfalincha isù aangheles wi achi pu matoy à ing-ingkana. Siyan chichan anà Apudyus tan ummuliyona chicha tinaku. 37Ad na mipangkop ako ta umuliyan na taku matakuwan, awad na inyug-is Moses wi nifakan siya ta nangil-ana ta kummilafan na imong, ad siyan tumuttuwaan na umuliyan na taku matakuwan. Tan na nifakan siya, À Apudyus, siyan chaychayawoncha Abraham, Isaac ya Jacob à Apudyuscha. 38Ad sachin manuttuwaana wi asififiyagchad langit wi manaychayaw an Apudyus. Tan nu natoycha kay ad sachi, in-inoncha nù wi manayaw an Apudyus?”
39Sachi ad anan na uchumi mangitudtuchu ta Lintog, “Apu, mamfarun songfatnu!” 40Amaschin anancha tan maid turodchay asin man-im-imus an siya.
Mipangkop An Cristu
Mat. 22:41-46; Mar. 12:35-37
41Sachi ad inimus Jesus ta chachi taku, “Tachako anani na Cristu wi ipaalin Apudyus wi manturay, kanà David à siya? 42Tan à David, inyug-isna ta sachi nibrunay Salmo wi,
‘À Apudyus wi Apu, anana ta Apù:
Tumùchua ta apot ta chiwawan-u
43ingkanà ipaafak-un losani afusurnu.’
44Siyan nu awakan David à Cristù Apuna, in-inon David wi nginkanà an Cristu?”
Na Namafasuran Jesus Ta Chachi Mangitudtuchu Ta Lintog
Mat. 23:5-7, 14; Mar. 12:38-40
45Na mangngoran chachi taku ta intudtuchun Jesus, anana ta disipulusna, 46“Annachanyun chachi mangitudtuchu ta Lintog. Tan à chicha, pipionchay ikagkagkaay na silupchay lagkoyloy, ya pipioncha koy malispitu ta taku ta aallusancha. Ya pipioncha koy chichan umachuy ta afaruwani aachuyan ta sinagoga ya chichan machayaw ta sinuy lagsak. 47Ad siksikkapanchan anchanay nafaru à mangar-ancha ta ùuwacha, ad malluwaruchà anchuanchù manab-uncha ta oy-oyyooncha! Siyan kapu ta sachi, maam-amod na machusaancha!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1986, Wycliffe Bible Translators, Inc. All rights reserved.