लोमा छ्येतिवी लाका दी थेपकी कोर्ला
दी थेपकी कोर्ला
दी थेप ति लूकाकी टिवु यिन। लूकाकी दी थेपला खोरो टिवु कोन्छ्योककी लेन ल्यामु ति नरी ज्याक्नी वे। तीकी तेन्दोक ति गोमी येशूकी लोमातिवाला चुक क्यानी कोन्छ्योककी थु चाङ्माकी ओङ थोप्नी “यरूशलेमला ताङ यहूदियाला ताङ सामरिया लुङ्बातिवाला ताङ जम्बुलिङकी अर्शा उर्शा सेक खोकी लेन ल्यामु फेल च्यिसुङ।” (लोमा छ्येतिवी लाका १:८) सिनी सिरुपला यिन। ख्रीष्टियानतिवी तेपा क्यावु लेन ल्यामु ति यहूदीतिवा नेसुर फेल्नी तेरी जम्बुलिङकी थोक्ला तेपा कितुप च्युङ्गुप यिन। दी थेप रोकुपतिवी ख्रीष्टियानतिवा रोमी ग्येल्खापला ना तोङ्गुपकी थोक्ला मिन, यहूदी फयानला लम्सु तोङ्गुपला यिन सिनी लो तेन ज्यितुपला टिवु यिन।
लोमा छ्येतिवी क्यावु लाका खक्छ्येवुतिवा छो सुमला गो थुप्किवी। १) येशू देवाच्येनला तेक्नी फेप्सिमा यरूशलेमला ख्रीष्टियानतिवी काङ क्यासुङ सिरुप कोर्ला। २) प्यालेस्टाइनकी यम्बा दासातिवाला कोन्छ्योककी सुङ टम्बुप। ३) भुमध्य ग्येम्छोकी गारी गुरीकी लुङ्बातिवाला ताङ रोम सेक कोन्छ्योककी सुङ ख्याप्टाक क्यावु।
दी थेपकी खक्छ्येवु तेन्दोक ति कोन्छ्योककी थु चाङ्माकी लाका यिन। खो पेन्तिकोसकी छेर्मु#१:० पेन्तिकोसकी कोर्ला हाक्कोवुला दी थेपकी ग्यपला वोतुप “काले वोतुप छिकतिवा”ला ल्हाप। यरूशलेमला वोतुप तेपा कितुपतिवी पर्ला ङार ताङ क्यानी फेप्किवी। तमा खोकी दी थेपला सिक्यावु वुतुङ के च्युङ्गुप ताम्ङेतिवी कोर्ला चर्च ताङ चर्चकी गोमा कितुपतिवाला तेपा रम्बु जो नङ्गिवी। थल्माकी ख्रीष्टियानतिवी लेन ल्यामु ति नम्बा बङीकी टिक्पे टिक्पे फयानकी कोर्ला टोङ्गुतिवा बिन वे। दी थेपला टिवु ताम्ङेतिवाला ल्हासिन तेपा कितुपतिवी मिजी ताङ तिवी डिक्जोम ति लेन ल्यामु नेसुर चो ङार नोक सिरुप ति छ्या देन्गिवी।
मुला राङ वोतुप लोप्च्येनतिवा
पङ्बुकी थोक्ला टडिक क्यावु १:१-२६
क) येशूकी तिङ्मी क ताङ थाक्छ्येतुप १:१-१४
ख) यहूदाकी छापला पेतुप मी १:१५-२६
यरूशलेमला पङ्बु बिन्दुप २:१–८:३
यहूदिया ताङ सामरियाला पङ्बु बिन्दुप ८:४–१२:२५
पावलकी लेन ल्यामु ख्याप्टाक क्यावु १३:१–२८:३१
क) थल्माला लेन ल्यामु ख्याप्टाक कि गलुप १३:१–१४:२८
ख) यरूशलेमला लोमा छ्येतिवी मुला केवुल कितुप १५:१-३५
ग) थेङ्मा ङ्यिवाला लेन ल्यामु ख्याप्टाक कि गलुप १५:३६–१८:२२
घ) थेङ्मा सुम्बाला लेन ल्यामु ख्याप्टाक कि गलुप १८:२३–२१:१६
ङ) यरूशलेम, कैसरिया ताङ रोमला पावल चोन्खाङला शोरुप २१:१७–२८:३१
Currently Selected:
लोमा छ्येतिवी लाका दी थेपकी कोर्ला: xsrNT
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.