MARKUS 11
11
Tong réh seva' Yésus tovoo' Néh tai leboo' Yérusalem
(Mat. 21:1-11, Luk. 19:28-40, Yoh. 12:12-19)
1Hun irah danii' tong leboo' Yérusalem inah éh tong leboo' Betpage ngan Betania déhéé' tokong Saitun, hun réh sinah boh Yésus nyohoo' duah bakéh Néh lakau tenah. 2Ka' ha Néh ngan roh, Jian koh kivu jalan inah tai leboo'. Hun koh avéé' sitai da', pu'un jah keledai tenelun réh ta'an koh. Keldai inah bé' jak kelunan sakui pakai éh uban néh anak keto. Jian koh muka telun néh mihin éh tuai siteu'. 3Hun pu'un kelunan neteng koh, Uban ineu' koh alaa' éh, jian koh bara' ngan réh, Uban Guru keloo' pakai éh ne', da'ap da' boh éh poléé' éh kepéh, ha' koh ngan réh, ha' Néh.
4La'o inah lakau roh ngan pu'un roh na'at jah keledai tenelun réh déhéé' tajah jan tong leboo' inah, pekua' ha' Yésus bara' ngan roh ri'. Tovoo' rawah muka telun keledai nah, 5pu'un kelunan neteng roh, Kineu' koh alaa' keledai nah, ha' réh.
6Boh rawah mipa ha' réh kivu ha' sohoo' Yésus ngan roh ri'. Boh kelunan inah kejeraa' rawah alaa' keledai nah. 7La'ah rawah mihin éh ngan Yésus, pelapah irah mena' pakai réh tong néh dokoo' Yésus menyun tong néh. 8La'ah pinaa' kelunan pejat livah réh tong jalan totoo', pu'un jelua' réh alaa' paka' pulah éh barei' ujung betan réh éh nalaa' réh jin térék ke' réh maneu' éh tong jalan totoo' kepéh ke' réh ngajung Yésus. 9#Msm. 118:25-26 Irah jin tenah pu'un ngelahap, kenat ke' irah jin murin kepéh. Ka' ha' réh, Mejing Allah, jian mu'un Iah éh tuai dalem ngaran Tuhan. 10Jian uleu' mejing Allah éh juk tuai Pengeja'au uleu', pekua' barei' tepun lu' Daud sahau. Mejing ngaran Allah, ha' réh.
11Lakau Yésus jalan keledai inah tai tong leboo' Yérusalem, avéé' sinah masek éh tong Umaa' Allah ke' Néh na'at kekat éh sinah. Uban dau lepah tahup, tai éh pemung ngan irah bakéh Néh jah poloo' duah usah nah, tai leboo' Betania.
Yésus Pané Menoo' Inan Ara
(Mat. 21:18-19)
12Barei' sagam tovoo' réh lakau jin leboo' Betania moléé' kepéh tai Yérusalem, Yésus pu'un la'au'. 13Jin juu' Iah na'at jah inan ara éh ngelerong, tai Éh na'at éh ke' Néh juk alaa' buaa' néh. Bang hun Néh avéé' déhéé' kayeu' inah, inah iah jam buaa' néh bé' pu'un, ujung néh awah pu'un, uban bé' jak éh bu'an. 14La'ah Yésus menoo' kayeu' inah, ka' ha' Néh, Jin hun iteu' bé' pu'un kelunan séé'-séé' péh kuman buaa' jin inan ko' iteu' kepéh, ha' Néh. La'ah irah bakéh Néh menéng ha' Néh pané kenat.
Yésus Pekelap Kelunan jin Umaa' Allah
(Mat. 21:12-17, Luk. 19:45-48, Yoh. 2:13-22)
15Hun réh avéé' tong leboo' Yérusalem, Yésus tai tong Umaa' Allah, pelapah iah pekelap kelunan pebelih éh melih livah néh tong Umaa' Allah inah. La'ah Iah muit mija jalan réh pekeliwah rigit, kenat péh éh muit nyun irah éh pebelih juhit éh barei' juhit punai. 16Kenat péh bé' Iah buhaa' jah usah péh mihin livah ineu'-ineu' ngan pebelih tong Umaa' Allah kenat. 17#Yes. 56:7, Yer. 7:11 La'o inah Yésus nebaraa' réh, ka' ha' Néh, pu'un ha' lem surat Allah éh bara' ka', Ha' Allah, Umaa' ké' pu'un nateng réh, lamin sebayang ngan kekat arong kelunan. Bang ka'ah pu'un maneu' éh barei' lamin jalan okoo' kelunan éh nekau ngan ngebuyuk awah, ha' Néh ngan réh.
18La'ah irah pengeja'au imam ngan kekat guru éh nebaraa' tong sohoo' lem Surat Musa, menéng ha' Néh pané kenat, inah irah pitah jalan juk mematai Yésus. Irah Medai tong Yésus uban kekat kelunan melak menéng ha' tebaraa' Néh.
19Dau tahup Yésus ngan irah bakéh Néh lakau jin leboo' Yérusalem.
Yésus menoo' inan ara
(Mat. 21:20-22)
20Barei' dau ngivun sagam kepéh, tovoo' réh lakau, inah irah na'at inan ara iri' kepéh, melayeu' éh avéé' tong lakat néh. 21La'ah petesen kenin Péterus tong ha' Yésus menoo' kayeu' inah lepah rii', boh éh bara' ngan Yésus kepéh, ka' ha' néh, O Guru, na'at inan ara éh nenoo' ko' malem rai, melayeu' ine', ha' néh.
22Ka' ha' Yésus ngan réh, Hun keh ngelan mu'un tong Allah, 23#Mat. 17:20, 1 Kor. 13:2 boh keh omok bara' ngan tokong iteu', Petéé' ke' pekaléng tai baa' banget, adang néh omok kenat, inah hun keh ngelan mu'un ngan bé' duah kenin. 24Uban néh kenat Akeu' bara' ngan keh, Hun keh sebayang ngan menyat ineu'-ineu', jian keh ngelan éh pu'un kenat, adang keh omok alaa' éh. 25Hun keh nekedéng sebayang, hun keh pu'un sa'at kenin neu' kelunan séé'-séé' éh ngesa'at keh, bet penyala' nah tenah, dokoo' Tamen keh éh tong seruga omok bet penyala' ko' kepéh. 26#Mat. 6:14-15 Hun keh mihau penyala' irah, Tamen keh tong seruga bé' éh omok bet penyala' ko' kepéh, ha' Yésus ngan réh.
Tong réh neteng tong penyukat Yésus
(Mat. 21:23-27, Luk. 20:1-8)
27Hun réh moléé' tai Yérusalem, Yésus lakau tong Umaa' Allah, tuai irah pengeja'au imam ngan irah guru éh nebaraa' tong sohoo' lem Surat Musa ngan kekat pengeja'au kelunan Yahudi, ke' réh tavin Yésus. 28Ka' ha' réh neteng éh, Kineu' ke' omok maneu' kekat penganeu' ko' nah? Séé' na' penyukat ngan ko' ke' ko' omok maneu' kenat, ha' réh ngan Néh. 29Ka' ha' Yésus, Pu'un jah ha' éh juk teneteng ké' ngan ka'ah, hun keh mipa ha' ké' da', boh Akeu' omok bara' tong éh teneteng ka'ah nah, ha' Néh. 30Éh teneteng ké', tong Yohanes Batis rai, séé' nyohoo' éh ngebatis kelunan. Kineu', Allah, kineu', sohoo' kelunan awah, ha' néh.
31La'ah paneu' réh belah irah ke', ka' ha' réh, Hun tam bara', Allah éh nyohoo' éh, adang Yésus pesala' tam kepéh ngan bara', Hun néh kenat kineu' keh bé' ngelan tong Yohanes nah, ha' néh pesala' tam kepéh dat, ha' réh. 32Hun tam bara', kelunan éh nyohoo' éh, bé' tam omok kenat ha' kepéh, ha' réh. Medai réh uban réh jam pinaa' kelunan jam Yohanes nah jah kelunan éh nabi Tuhan. 33Boh irah pané ngan Yésus, ka' ha' réh, Bé' mé' jam, ha' réh.
Ka' ha' Yésus ngan réh, Hun néh kenat bé' Akeu' omok bara' séé' éh nyohoo' Akeu' maneu' kekat penganeu' ké' iteu', ha' Néh.
Currently Selected:
MARKUS 11: PNT
Highlight
Share
Copy
Want to have your highlights saved across all your devices? Sign up or sign in
Irah éh suai © 2009, Pengepemung irah éh suai Surat Tahun tong Malaysia (The Bible Society of Malaysia) Copyright © 2009 The Bible Society of Malaysia
Éh Keruwah koléé senuai © 2011 Pengepemung irah éh suai Surat Tahun tong Malaysia (The Bible Society of Malaysia) Copyright 2011 The Bible society of Malaysia
MARKUS 11
11
Tong réh seva' Yésus tovoo' Néh tai leboo' Yérusalem
(Mat. 21:1-11, Luk. 19:28-40, Yoh. 12:12-19)
1Hun irah danii' tong leboo' Yérusalem inah éh tong leboo' Betpage ngan Betania déhéé' tokong Saitun, hun réh sinah boh Yésus nyohoo' duah bakéh Néh lakau tenah. 2Ka' ha Néh ngan roh, Jian koh kivu jalan inah tai leboo'. Hun koh avéé' sitai da', pu'un jah keledai tenelun réh ta'an koh. Keldai inah bé' jak kelunan sakui pakai éh uban néh anak keto. Jian koh muka telun néh mihin éh tuai siteu'. 3Hun pu'un kelunan neteng koh, Uban ineu' koh alaa' éh, jian koh bara' ngan réh, Uban Guru keloo' pakai éh ne', da'ap da' boh éh poléé' éh kepéh, ha' koh ngan réh, ha' Néh.
4La'o inah lakau roh ngan pu'un roh na'at jah keledai tenelun réh déhéé' tajah jan tong leboo' inah, pekua' ha' Yésus bara' ngan roh ri'. Tovoo' rawah muka telun keledai nah, 5pu'un kelunan neteng roh, Kineu' koh alaa' keledai nah, ha' réh.
6Boh rawah mipa ha' réh kivu ha' sohoo' Yésus ngan roh ri'. Boh kelunan inah kejeraa' rawah alaa' keledai nah. 7La'ah rawah mihin éh ngan Yésus, pelapah irah mena' pakai réh tong néh dokoo' Yésus menyun tong néh. 8La'ah pinaa' kelunan pejat livah réh tong jalan totoo', pu'un jelua' réh alaa' paka' pulah éh barei' ujung betan réh éh nalaa' réh jin térék ke' réh maneu' éh tong jalan totoo' kepéh ke' réh ngajung Yésus. 9#Msm. 118:25-26 Irah jin tenah pu'un ngelahap, kenat ke' irah jin murin kepéh. Ka' ha' réh, Mejing Allah, jian mu'un Iah éh tuai dalem ngaran Tuhan. 10Jian uleu' mejing Allah éh juk tuai Pengeja'au uleu', pekua' barei' tepun lu' Daud sahau. Mejing ngaran Allah, ha' réh.
11Lakau Yésus jalan keledai inah tai tong leboo' Yérusalem, avéé' sinah masek éh tong Umaa' Allah ke' Néh na'at kekat éh sinah. Uban dau lepah tahup, tai éh pemung ngan irah bakéh Néh jah poloo' duah usah nah, tai leboo' Betania.
Yésus Pané Menoo' Inan Ara
(Mat. 21:18-19)
12Barei' sagam tovoo' réh lakau jin leboo' Betania moléé' kepéh tai Yérusalem, Yésus pu'un la'au'. 13Jin juu' Iah na'at jah inan ara éh ngelerong, tai Éh na'at éh ke' Néh juk alaa' buaa' néh. Bang hun Néh avéé' déhéé' kayeu' inah, inah iah jam buaa' néh bé' pu'un, ujung néh awah pu'un, uban bé' jak éh bu'an. 14La'ah Yésus menoo' kayeu' inah, ka' ha' Néh, Jin hun iteu' bé' pu'un kelunan séé'-séé' péh kuman buaa' jin inan ko' iteu' kepéh, ha' Néh. La'ah irah bakéh Néh menéng ha' Néh pané kenat.
Yésus Pekelap Kelunan jin Umaa' Allah
(Mat. 21:12-17, Luk. 19:45-48, Yoh. 2:13-22)
15Hun réh avéé' tong leboo' Yérusalem, Yésus tai tong Umaa' Allah, pelapah iah pekelap kelunan pebelih éh melih livah néh tong Umaa' Allah inah. La'ah Iah muit mija jalan réh pekeliwah rigit, kenat péh éh muit nyun irah éh pebelih juhit éh barei' juhit punai. 16Kenat péh bé' Iah buhaa' jah usah péh mihin livah ineu'-ineu' ngan pebelih tong Umaa' Allah kenat. 17#Yes. 56:7, Yer. 7:11 La'o inah Yésus nebaraa' réh, ka' ha' Néh, pu'un ha' lem surat Allah éh bara' ka', Ha' Allah, Umaa' ké' pu'un nateng réh, lamin sebayang ngan kekat arong kelunan. Bang ka'ah pu'un maneu' éh barei' lamin jalan okoo' kelunan éh nekau ngan ngebuyuk awah, ha' Néh ngan réh.
18La'ah irah pengeja'au imam ngan kekat guru éh nebaraa' tong sohoo' lem Surat Musa, menéng ha' Néh pané kenat, inah irah pitah jalan juk mematai Yésus. Irah Medai tong Yésus uban kekat kelunan melak menéng ha' tebaraa' Néh.
19Dau tahup Yésus ngan irah bakéh Néh lakau jin leboo' Yérusalem.
Yésus menoo' inan ara
(Mat. 21:20-22)
20Barei' dau ngivun sagam kepéh, tovoo' réh lakau, inah irah na'at inan ara iri' kepéh, melayeu' éh avéé' tong lakat néh. 21La'ah petesen kenin Péterus tong ha' Yésus menoo' kayeu' inah lepah rii', boh éh bara' ngan Yésus kepéh, ka' ha' néh, O Guru, na'at inan ara éh nenoo' ko' malem rai, melayeu' ine', ha' néh.
22Ka' ha' Yésus ngan réh, Hun keh ngelan mu'un tong Allah, 23#Mat. 17:20, 1 Kor. 13:2 boh keh omok bara' ngan tokong iteu', Petéé' ke' pekaléng tai baa' banget, adang néh omok kenat, inah hun keh ngelan mu'un ngan bé' duah kenin. 24Uban néh kenat Akeu' bara' ngan keh, Hun keh sebayang ngan menyat ineu'-ineu', jian keh ngelan éh pu'un kenat, adang keh omok alaa' éh. 25Hun keh nekedéng sebayang, hun keh pu'un sa'at kenin neu' kelunan séé'-séé' éh ngesa'at keh, bet penyala' nah tenah, dokoo' Tamen keh éh tong seruga omok bet penyala' ko' kepéh. 26#Mat. 6:14-15 Hun keh mihau penyala' irah, Tamen keh tong seruga bé' éh omok bet penyala' ko' kepéh, ha' Yésus ngan réh.
Tong réh neteng tong penyukat Yésus
(Mat. 21:23-27, Luk. 20:1-8)
27Hun réh moléé' tai Yérusalem, Yésus lakau tong Umaa' Allah, tuai irah pengeja'au imam ngan irah guru éh nebaraa' tong sohoo' lem Surat Musa ngan kekat pengeja'au kelunan Yahudi, ke' réh tavin Yésus. 28Ka' ha' réh neteng éh, Kineu' ke' omok maneu' kekat penganeu' ko' nah? Séé' na' penyukat ngan ko' ke' ko' omok maneu' kenat, ha' réh ngan Néh. 29Ka' ha' Yésus, Pu'un jah ha' éh juk teneteng ké' ngan ka'ah, hun keh mipa ha' ké' da', boh Akeu' omok bara' tong éh teneteng ka'ah nah, ha' Néh. 30Éh teneteng ké', tong Yohanes Batis rai, séé' nyohoo' éh ngebatis kelunan. Kineu', Allah, kineu', sohoo' kelunan awah, ha' néh.
31La'ah paneu' réh belah irah ke', ka' ha' réh, Hun tam bara', Allah éh nyohoo' éh, adang Yésus pesala' tam kepéh ngan bara', Hun néh kenat kineu' keh bé' ngelan tong Yohanes nah, ha' néh pesala' tam kepéh dat, ha' réh. 32Hun tam bara', kelunan éh nyohoo' éh, bé' tam omok kenat ha' kepéh, ha' réh. Medai réh uban réh jam pinaa' kelunan jam Yohanes nah jah kelunan éh nabi Tuhan. 33Boh irah pané ngan Yésus, ka' ha' réh, Bé' mé' jam, ha' réh.
Ka' ha' Yésus ngan réh, Hun néh kenat bé' Akeu' omok bara' séé' éh nyohoo' Akeu' maneu' kekat penganeu' ké' iteu', ha' Néh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Irah éh suai © 2009, Pengepemung irah éh suai Surat Tahun tong Malaysia (The Bible Society of Malaysia) Copyright © 2009 The Bible Society of Malaysia
Éh Keruwah koléé senuai © 2011 Pengepemung irah éh suai Surat Tahun tong Malaysia (The Bible Society of Malaysia) Copyright 2011 The Bible society of Malaysia