Exodo 1
1
Nan Logina
1:1-7
1Isdin inmayan Jacob id Egipto et nakkey nan aan-akna ya nan was-inda pamilya. Naayda nan ngadngadan san an-ak Jacob. 2Si Ruben, si Simeon, si Levi, si Juda, 3Si Issachar, si Zabulon, si Benjamin, 4Si Dan, si Neftali, si Gad ya si Aser. 5Pitompoo am-in nan kabibilang nan an-ak Jacob ay nagapo ken siya. Si Jose ay esay anakna nan inmon-ona ay nintee id Egipto. 6Ado ay tew-en nan ninteteanda id isdi isonga isdi nan nateyan Jose ya nan bebsatna ya san am-in ay an-akda ay nagapo id Canaan. 7Ngem inmado nan ap-oda et daida nan makwani en Israelita. Inmadoadoda ay nintee isnan am-in ay sakop di Egipto tay natapiyan nan an-akda ya nan ap-oda dadapay pinmigsa.
Nan Napalpaligatan Di Israelita Id Egipto
1:8-22
8Nallos pay nan kaat ay tew-en dat mentolay nan teken ay ali id Egipto ay adi mangmangtek ken Jose. 9Dat kanan nan ali isnan ipogawna ay iyEgipto en, “Ilaenyo tay nan kinaadon nan Israelita et siya nan kinapigsada et kaeegyat ken datako. 10Tay no waday gobat et baka nan kagobat tako nan badanganda et gobatenda datako esadapay komaan isnan naay ili tako. Masapol ay mennemnem tako is gawis ay ikkan tako tapno maipasaldeng nan omadoadowanda.” 11Daet mendotok nan iyEgipto is kapatas ay mangpaobla isnan Israelita is mendagsen tapno mapaligatanda. Isonga pinabangonda isnan Israelita nan dowa ay ili ay Pitom ya Rameses ay pala isnan ali ay pagpondowan di makan.
12Ngem isnan am-amed mangpalpaligatan nan iyEgipto isnan Israelita et am-amedda inmad-ado dadapay dat maiwakat id Egipto isonga inmegyat nan iyEgipto ken daida. 13-14Dat am-ameden nan iyEgipto ay mangpaligat isnan Israelita ay mangipatalabako ken daida isnan obla ay mendagsen. Inpapilitda ay mangipaobla ken daida ay mangsaad isnan ipasaadda ya isnan paypayewda et adida polos seg-angan daida. 15Daet kakalin san alin di Egipto nan dowa ay inin-a ay da Sifra ken Pua tay daida nan menpaan-anak isnan bababain di Hebreo.#1:15 Hebreo nan esay pangwanida isnan Israelita. 16Kinwanina ken daida en, “No paanakenyo nan Hebreo ya lalaki nan anakna dayot pateyen ngem no babai olay bay-anyo ay matago.” 17Ngem mendaydayaw ken Apo Dios san menpaan-anak isonga egayda tinongpal san bilin san ali. Inpalobosda ay matago am-in nan onga ay olay no lalaki. 18Daet paayagan san ali san menpaan-anak et kanana ken daida en, “Ayta dan siya di nan inikkanyo? Dakayon obpay egay pinatey nan ongong-a ay lalaki?” 19Dat kanan san dowa ay menpaan-anak en, “Nan bababain di iyEgipto et bakenda kaneg nan bababain di Hebreo tay nalaka nan ikkanda ay omanak isonga epdas binmala nan engnga esakamipay omdan.” 20-21Dat gapo tay mendaydayaw ken Apo Dios san dowa ay menpaan-anak et binindisyonana daida et omad-adoda abes dapay omad-ad-ado ya pomigpigpigsa nan Israelita. 22Dat bilinen nan alin di Egipto nan ipogawna et kanana ken daida en, “Enkayo alaen am-in ay kaiyan-anak ay lalaki ay Hebreo ta iwasityo daida isnan ginawang ay Nile ngem bay-anyo nan bababai ay matago.”
Currently Selected:
Exodo 1: xnn
Highlight
Share
Copy
Want to have your highlights saved across all your devices? Sign up or sign in
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.
Exodo 1
1
Nan Logina
1:1-7
1Isdin inmayan Jacob id Egipto et nakkey nan aan-akna ya nan was-inda pamilya. Naayda nan ngadngadan san an-ak Jacob. 2Si Ruben, si Simeon, si Levi, si Juda, 3Si Issachar, si Zabulon, si Benjamin, 4Si Dan, si Neftali, si Gad ya si Aser. 5Pitompoo am-in nan kabibilang nan an-ak Jacob ay nagapo ken siya. Si Jose ay esay anakna nan inmon-ona ay nintee id Egipto. 6Ado ay tew-en nan ninteteanda id isdi isonga isdi nan nateyan Jose ya nan bebsatna ya san am-in ay an-akda ay nagapo id Canaan. 7Ngem inmado nan ap-oda et daida nan makwani en Israelita. Inmadoadoda ay nintee isnan am-in ay sakop di Egipto tay natapiyan nan an-akda ya nan ap-oda dadapay pinmigsa.
Nan Napalpaligatan Di Israelita Id Egipto
1:8-22
8Nallos pay nan kaat ay tew-en dat mentolay nan teken ay ali id Egipto ay adi mangmangtek ken Jose. 9Dat kanan nan ali isnan ipogawna ay iyEgipto en, “Ilaenyo tay nan kinaadon nan Israelita et siya nan kinapigsada et kaeegyat ken datako. 10Tay no waday gobat et baka nan kagobat tako nan badanganda et gobatenda datako esadapay komaan isnan naay ili tako. Masapol ay mennemnem tako is gawis ay ikkan tako tapno maipasaldeng nan omadoadowanda.” 11Daet mendotok nan iyEgipto is kapatas ay mangpaobla isnan Israelita is mendagsen tapno mapaligatanda. Isonga pinabangonda isnan Israelita nan dowa ay ili ay Pitom ya Rameses ay pala isnan ali ay pagpondowan di makan.
12Ngem isnan am-amed mangpalpaligatan nan iyEgipto isnan Israelita et am-amedda inmad-ado dadapay dat maiwakat id Egipto isonga inmegyat nan iyEgipto ken daida. 13-14Dat am-ameden nan iyEgipto ay mangpaligat isnan Israelita ay mangipatalabako ken daida isnan obla ay mendagsen. Inpapilitda ay mangipaobla ken daida ay mangsaad isnan ipasaadda ya isnan paypayewda et adida polos seg-angan daida. 15Daet kakalin san alin di Egipto nan dowa ay inin-a ay da Sifra ken Pua tay daida nan menpaan-anak isnan bababain di Hebreo.#1:15 Hebreo nan esay pangwanida isnan Israelita. 16Kinwanina ken daida en, “No paanakenyo nan Hebreo ya lalaki nan anakna dayot pateyen ngem no babai olay bay-anyo ay matago.” 17Ngem mendaydayaw ken Apo Dios san menpaan-anak isonga egayda tinongpal san bilin san ali. Inpalobosda ay matago am-in nan onga ay olay no lalaki. 18Daet paayagan san ali san menpaan-anak et kanana ken daida en, “Ayta dan siya di nan inikkanyo? Dakayon obpay egay pinatey nan ongong-a ay lalaki?” 19Dat kanan san dowa ay menpaan-anak en, “Nan bababain di iyEgipto et bakenda kaneg nan bababain di Hebreo tay nalaka nan ikkanda ay omanak isonga epdas binmala nan engnga esakamipay omdan.” 20-21Dat gapo tay mendaydayaw ken Apo Dios san dowa ay menpaan-anak et binindisyonana daida et omad-adoda abes dapay omad-ad-ado ya pomigpigpigsa nan Israelita. 22Dat bilinen nan alin di Egipto nan ipogawna et kanana ken daida en, “Enkayo alaen am-in ay kaiyan-anak ay lalaki ay Hebreo ta iwasityo daida isnan ginawang ay Nile ngem bay-anyo nan bababai ay matago.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.