San Mateo 28
28
Jesús kókkolam násuk jíabitek
(Mr. 16:1-8; Lc. 24:1-12; Jn. 20:1-10)
1Jimyore taahuata simsuko, entok jume guoy búsan taahuarim naatëpo, matchümakim áman sájjak, jum Jesústa maahuakäipo ä bít báreka, María Magdalena entok jü senu María. 2Huanäi jü buía tüisi áu yoyoak, bueïtuk jü Señor Diosta ángel, téhueka bétana kóm yepsaka, juka tétata sékäna ä bíaktiaka, áa béppa yejtek. 3Ä bíthuäpo yúku béroktiriata bénasi bélojkosi machiakay. Jü ä sánkohua éntok sápa tósalim bénaakay. 4Jume sontarom ä bíchaka májhueka emo yoohuay, entokim kókkolam bénasi taahuak. 5Të jü ángel am yómmiaka ínel ámeu jiaahua, jume jáamuchimmehui:
—Katem májhue emëe, bueïtuk ínapone jüneiya, Jesústa enchim jariähui, juka kúrusit poponhuakamta. 6Kaa ím aane; kókkolam násuk jíabitek, ä jíakä bénasi. Binen kateka ä bitcha, juka Señorta mäahuakäipo. 7Läutem áman sájaka ä discíipulom téjhua: “Kókkolam násuk jíabitek, entok Áapo enchimpat huéenake Galiléau buiaräu bíchaa. Huämïrem ä bínnake.” Íkäine enchim téjhua.
8Huanärim bempo yeu sájjak, jum ä mäahuakäipo, májhueka entok tüisi al‑leaka. Tennekam bemela nokta Jesústa discíipulom téjhua báarey, entok ínëli íkäi nokta huériaka am kateisu ä discíipulom téjhua báreka, 9Jesús am nankiseka ámeu yeu siika, ínel jíaka:
—¡Yántem jiápsa!
Huanäi bempo áu rúkteka guókpo ä íbaktiaka, ä yörek. 10Huanäi Jesús ínel ámeu jiaahua:
—¡Katem májhue! Ámanem sájaka jume ínomak huéerim nok bemelata am mákka, bueïtuk Galiléau am kannakë béchïbo. Ámanïrim nee bínnake.
Sontarom juka bem bíchakäu nookak
11Ímëi jáamuchim ketune boojoaïsu, jume sontarom buére jóärau bíchaa sájaka, am téjhuak, jume sacerdotemmeu kobanaro, jáchin sïmeta yeu sikähui. 12Huanärim emo náu tójjak, jume pueblopo yöiyoturim. Ímëri nokta náu tüteka, jume sontarom yún tómita mákkak, 13ínel jíaka:
—Inëlem jiaunake emëe: “Ä discíipulom tukaapo itom kóchey äbom yájaka ä ékbuak.” 14Të juka gobernadorta íkäi jíkkajako, ítapote áamak ettejonake, tüisi ä éenakë béchïbo; entok kaita enchimmeu huéenakë béchïbo, ítapote enchim anianake.
15Huanäi bempo juka tómita nüka ä yáuhuak, bem téjhuahuakä pámani. Ïri noki täyahuak judíom násuku, júnakoy naateka én tájti.
Jesús ä majtiähuim tékilta mákkak
(Mr. 16:14-18; Lc. 24:36-49; Jn. 20:19-23)
16Të jume once discíipulom, Galiléa buiaräu bícham sájjak. Ímï júya káupo Jesús ámanam núnulatukay. 17Ä bíchakam ä yorek; të huate katim ä ajäria teiyey. 18Jesús ámeu ruktek, huanäi nokaka ínel ámeu jiaahua:
—Sïme úttiatane mák‑ri, áman téhuekapo entok ímï buíapo. 19Íäri béchïbo, sïme ániachem kaate, naciónimmehui, jume gentem ín discíipulomtu ïaaka. Huanärem am majtiasuka am batöa, Dios Áchayta téhuampo, entok Diosta Üusi téhuampo, entok Dios Espíritu Santota téhuampo. 20Emem am majtianake, juka enchimmet ín nésahuekähui, bempörim ä boojorianakë béchïbo. Ínapo éntok nee enchimmak aane, chíkti táapo, ániata lütëu tájti. Júnentunake.
Currently Selected:
San Mateo 28: mfy
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved
San Mateo 28
28
Jesús kókkolam násuk jíabitek
(Mr. 16:1-8; Lc. 24:1-12; Jn. 20:1-10)
1Jimyore taahuata simsuko, entok jume guoy búsan taahuarim naatëpo, matchümakim áman sájjak, jum Jesústa maahuakäipo ä bít báreka, María Magdalena entok jü senu María. 2Huanäi jü buía tüisi áu yoyoak, bueïtuk jü Señor Diosta ángel, téhueka bétana kóm yepsaka, juka tétata sékäna ä bíaktiaka, áa béppa yejtek. 3Ä bíthuäpo yúku béroktiriata bénasi bélojkosi machiakay. Jü ä sánkohua éntok sápa tósalim bénaakay. 4Jume sontarom ä bíchaka májhueka emo yoohuay, entokim kókkolam bénasi taahuak. 5Të jü ángel am yómmiaka ínel ámeu jiaahua, jume jáamuchimmehui:
—Katem májhue emëe, bueïtuk ínapone jüneiya, Jesústa enchim jariähui, juka kúrusit poponhuakamta. 6Kaa ím aane; kókkolam násuk jíabitek, ä jíakä bénasi. Binen kateka ä bitcha, juka Señorta mäahuakäipo. 7Läutem áman sájaka ä discíipulom téjhua: “Kókkolam násuk jíabitek, entok Áapo enchimpat huéenake Galiléau buiaräu bíchaa. Huämïrem ä bínnake.” Íkäine enchim téjhua.
8Huanärim bempo yeu sájjak, jum ä mäahuakäipo, májhueka entok tüisi al‑leaka. Tennekam bemela nokta Jesústa discíipulom téjhua báarey, entok ínëli íkäi nokta huériaka am kateisu ä discíipulom téjhua báreka, 9Jesús am nankiseka ámeu yeu siika, ínel jíaka:
—¡Yántem jiápsa!
Huanäi bempo áu rúkteka guókpo ä íbaktiaka, ä yörek. 10Huanäi Jesús ínel ámeu jiaahua:
—¡Katem májhue! Ámanem sájaka jume ínomak huéerim nok bemelata am mákka, bueïtuk Galiléau am kannakë béchïbo. Ámanïrim nee bínnake.
Sontarom juka bem bíchakäu nookak
11Ímëi jáamuchim ketune boojoaïsu, jume sontarom buére jóärau bíchaa sájaka, am téjhuak, jume sacerdotemmeu kobanaro, jáchin sïmeta yeu sikähui. 12Huanärim emo náu tójjak, jume pueblopo yöiyoturim. Ímëri nokta náu tüteka, jume sontarom yún tómita mákkak, 13ínel jíaka:
—Inëlem jiaunake emëe: “Ä discíipulom tukaapo itom kóchey äbom yájaka ä ékbuak.” 14Të juka gobernadorta íkäi jíkkajako, ítapote áamak ettejonake, tüisi ä éenakë béchïbo; entok kaita enchimmeu huéenakë béchïbo, ítapote enchim anianake.
15Huanäi bempo juka tómita nüka ä yáuhuak, bem téjhuahuakä pámani. Ïri noki täyahuak judíom násuku, júnakoy naateka én tájti.
Jesús ä majtiähuim tékilta mákkak
(Mr. 16:14-18; Lc. 24:36-49; Jn. 20:19-23)
16Të jume once discíipulom, Galiléa buiaräu bícham sájjak. Ímï júya káupo Jesús ámanam núnulatukay. 17Ä bíchakam ä yorek; të huate katim ä ajäria teiyey. 18Jesús ámeu ruktek, huanäi nokaka ínel ámeu jiaahua:
—Sïme úttiatane mák‑ri, áman téhuekapo entok ímï buíapo. 19Íäri béchïbo, sïme ániachem kaate, naciónimmehui, jume gentem ín discíipulomtu ïaaka. Huanärem am majtiasuka am batöa, Dios Áchayta téhuampo, entok Diosta Üusi téhuampo, entok Dios Espíritu Santota téhuampo. 20Emem am majtianake, juka enchimmet ín nésahuekähui, bempörim ä boojorianakë béchïbo. Ínapo éntok nee enchimmak aane, chíkti táapo, ániata lütëu tájti. Júnentunake.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved