San Lucas 24
24
Jesus ki' ĩtxi yuuni
(Mt 28.1-10; Mr 16.1-8; Jn 20.1-10)
1Jxkaase en skhẽwnijũ kuskuskhẽ wala kusíi u'ywe'sxa' Jesus kakwete sxũsxwa'j pheu'jnisa's atçxa pedaní kwet kafxna u'jtx. Vxite u'ywa txãawe'sx yakh ja'da pi'kxna u'jtx. 2Kxtee pa'jçxa', kafxte aphnisa kweta's fxiite ki'pni u'pte uyçxa', 3kafxte u'katx. Nawa Jesus kakwe yu'sa' uymeeta'. 4Sa' wala ũukhna ma'wẽ yũuwa'ja's yuuwa jiimeetx ũsu', naapkaçxha' e'z piçthẽ'jtx ropa zhiçxkwe zmeena' çxihmesa athçxa txãawe'sx pukate vxyaa. 5Aça' wala ũukhçxa kiwekhẽtx kĩiçhu, naapkaçxha' txãa piçthẽ'jwe'sxa' na'jĩtx:
—Uusaawe'sx ksxavxyu ĩtxĩ yuusa's ¿kĩjxa'kwe pakwé'? 6Ayte meeyã'ja'. Uuçxawa ki' ĩtxĩ yuuyã'kh. Galileate ũsçxa' na'jĩnak we'we txã'sa' miiyajkxwe: 7Dxus Nçxi'k Nasa Yuusa's ewmeesawe'sx kusete dukhni yuuna, aça' txãawe'sxa' kluuskhẽ ki'pçxa ikhetxna. Aça' uuçxawa tekh ente' ki' ĩtxĩ kiiteena ¿jĩna pta'sxmeená'?
8Txã'jĩte' Jesus we'weni's yajkxtxi. 9Sa' pedaniijũ sxawedna u'jçxa ma'wẽ uyni'swa jxuka pta'sxtxi oncesatx, sa' Jesus yakh u'jusa vxitesatxwa pta'sxtxi. 10Txã'wẽ pta'sxsa yu' Maria Magdalena, Juana, Jakobo njĩ'j Maria, vxite' u'ywe'sx ja'da u'jsa txãawe'sxtxi yu'. 11Nawa Jesus yakh u'jusawe'sx yuutxi' luuku we'weni na'wẽçxáane' pthũuse' txãa u'ywe'sx pta'sxnisa yu', aça' isane'ta we'we' sũjũ'çmeeta'. 12Txã'wẽtewa Pedro' wuwuuçxak thegya' u'j pedaní kafxte, sa' dxiiga kuyçxa', liensuçxá's puçte ki'pni u'pte uyçxa': ¿Txã'wẽ yuja' yuumanx? sũhna wala kuh yajkxna yatna sxawedku.
Emaus çxhabna u'jsatx Jesus vxyaani
(Mr 16.12-13)
13Txãa entey Jesus yakh u'jusa e'zsa' Emaus çxhabnatx u'jweç yu'. Txãa çxhaba' Jerusalenuh once kilometro ãh jxu'khak ũsu'. 14Txãa e'zsa' jũ'nakhẽ kĩjkĩh yũuni'swa jxuka yajkxnatx puutx we'wena u'jweç yu'. 15Txã'wẽ dxi'the we'wena u'jweçpkaçxha', Jesusa' vxyaaçxáa yuuçxa txãawe'sx yakh ja'da u'kh. 16Txã'wẽtewa, txãawe'sx yu' uyçxawa, kimtewa jiyumeeta'. 17Txajũ' Jesusa' pẽjxku:
—¿Kĩjkwe txakwe puutx we'wena u'jwe'? ¿Kĩh yuupa'ga txã'wẽ nxusna u'jweçkwe? jĩte', 18Kleofxas yaasesa teeçxsa' na'jĩnak pas:
—Jũ'nakhẽçxáa Jerusalente txã'wẽ seena' nxus nxus yũunisa's majũwe'sxwa jxukatx jiyu, aça' idxçxáawá'ga jiyumée neeyũu kxtee ũsçxawa jĩte', 19Jesusa' pẽjxku:
—¿Kĩhga yuu? jĩna. Aça' txãawe'sxa' pta'sxtxi jxuka:
—Jesus Nasarethũwe'sxa's seena' nxusnxus vxitçxa ikhni'stha'w ji'phu. Txã' Dxus yuwe pta'sxsa kĩjkĩh yũuya'wa ãjãsak yu', sa' Dxus dxi'pte vxite' nasaa ksxavxytewa txã'wẽk ewçxáa yũuna fxi'zesa yu'. 20Txã'wẽtewa sacerdote npiiçthẽ'jwe'sx vxite' kwe'sx npiiçthẽ'jwe'sx yu' txã'sa' ikhwa'jçxáa vxitçxa dukhtxi, aça' kluuste fxuççxa ikhtxi. 21Kwe'sx yu' Israelwe'sxtxi nwe'wewa'jsana sũjũ'tha'w, nawa kxtey yuume'. Txã'wẽ nxus yũuni ãçxha' tekh en yã'j yuuça'. 22Aça' u'ywe'sx kwe'sx yakh ih pkhaakhena u'jusa maaíi yu' pedaní kafxte thegya' u'jçxa 23ki' sxawedçxa', kwe'sxtxi khãawãsxi'tx txãawe'sx pta'sxçxa': Uusáa kakwe yu's uymeeçxawa, angeleswe'sxçxáatxtha'w uy, aça' Jesusa' ĩtxĩ yuuk jĩ'tx jĩnatx kwe'sxtxi pta'sx txãa pa'gatha'w ũukh. 24Aça' kwe'sx yakh u'jusa piçthẽ'j maaíi yu' pedaní kafxna u'jçxa u'ywe'sx ma'wẽne'ta pta'sx txã'wẽyçxáatha'w uy. Nawa Jesus yu'sa' uymeetha'w jĩnatx pta'sx jĩte', 25Jesusa' na'wẽk we'we:
—Dxus yuwe pta'sxsawe'sx we'weni's nakwe txaçxtewa, jiyuya' ãjã'çmée íiçxáai'kwe. 26Kristo' cielute u'kamey, ¿seena' nxus pxthaa yuuwa'jsa yu'çmeená'? jĩçxa', 27Dxus librute ma'wẽ fxi'jni'swa jxuka pta'sxya' takhku, txã's ma'wẽ yũuwa'ja'swa Moises we'wenijũjx takhçxa mtee pa'jne'ta Dxus yuwe pta'sxsawe'sx fxi'jçxa nvxiht kxtee pa'j. 28Sa' txãawe'sx pa'jwa'j çxhabte pa'the', Jesus yu' u'jnik u'jweç yu'. 29Aça' txãawe'sxa' na'jĩnatx neevxisxa:
—Kwe'sx yakh ayte me'ka dejxa'. Txã'wẽme' kusuçyã'ja' na' çxhi'dxina jĩte', Jesusa' txãawe'sx yakh u'kak kxtee dejxa'. 30Sa' txãawe'sx yakh mesate u'pçxa', Dxusna weçxana'wa pana's pe'ltedeçxa txãawe'sxtxi ũsu'sku. 31Txã'wẽ yũunijũtx kimtewa jiyu. Naapkaçxha' Jesus yu' naa dudte txãawe'sx yafxju vxyaame'. 32Aça' txãawe'sx pwe'sx na'jĩnatx puutx pta'sxi':
—Jesusne' yu' aça' isa yuhne' kwe'sx ũuste seena' weçxweçxa ũusuthe' dxi'the yuhçxa Dxus librute fxi'jni's pta'sxiçte' jĩ'tx. 33Sa' txãa oratey kiitena'wa ki' Jerusalen çxhabna sxawedçxa Jesus yakh u'jusa oncesawe'sxtxi uyna pa'jtx vxite nasa yakh pkhaakheçxa u'pte. 34Aça' kxtee pkhaakhena u'psa yu' e'zsa Emausu sxawedsatx pta'sxtxi na'jĩna:
—Isa, kwe'sxtxi jxpe'jsa' ki' ĩtxĩ yuuyuhga aça' Simonwa uyka jĩte', 35Emausu sxawedna pa'jsawa pta'sxtxi dxi'the ma'wẽ puutx uyçxa we'weni'swa jxuka, sa' pana's txudedeçpkaçxha' ma'wẽ yũuçxa Jesustewa jiyuçxawa jxuka pta'sxtxi.
Jesusa' txãa yakh u'jusawe'sxtxi neewe'weçxa nvxiitni
(Mt 28.16-20; Mr 16.14-18; Jn 20.19-23)
36Txãawe'sxa' kxtee we'wena u'píyna, Jesusa' txãawe'sx pxãhte vxyaaçxáa yuuçxa na'jĩnak weçxa:
—Ũukhmée weçxana meswe jĩte', 37txãawe'sx yu': anximusa's ne'tka'w uy sũhçxa ũukhuçtxi yu'. 38Aça' Jesus we'weçxa':
—¿Kĩh yuutekwe ũukhú'? Sa' pta'sxte', ¿kĩh yuuçxakwe isa yuhna sũjũ'çmée? 39Mthegwe adx kuse petx adx çxida yã'jçxa. Vxitemée, adxthu. Aça' adxa's ew jiyuya' mjxa'dxwe. Adxa' anximusmeeçxa', dxi'th ji'phsath, sa' kakwe'swa ji'phsath. I'kwe'sx yafxte ma'wẽtka vxya' txãa yu'sa' jxuka ji'pthu.
40Txã'jĩçxa', kuse petx çxida yã'jçxa ktheegu'kh. 41Nawa txãawe'sxa' kuh yajkxna weçxaniiteçxáa Jesusna sũhna yaakxwa'j yu'sa' ji'phumeeta'.
Txajũ' Jesusa' na'jĩk:
—¿I'kwe'sxa' ũ'wa'j kĩhçxáawa ji'phmeekwe'? jĩte', 42wedx khakhni pe'la vxite' çxhi'dx mil txã'wẽsa'stxi ũs. 43Aça' jxpa'gaçxa' txãawe'sx dxi'ptey uyna ũste ũ'k. 44Sa' na'jĩnak we'we:
—Adxna na'wẽ yũuk txã'snath adxa' i'kwe'sx yakh nee u'juy pta'sx. Moises ley fxi'jni vxite' Dxus yuwee pta'sxsawe'sx librute fxi'jni vxite' Salmos librute fxi'jni ũsta', adxa's ma'wẽ yũuwa'ja'swa txã' jxuka kxtey yuuna jĩnath pta'sx.
45Txajũk Dxus librute fxi'jni's isa ew kaajiyu'j, 46sa' na'jĩk:
—Kristo' uuwa'jsa', nawa tekh ente' ki' ĩtxĩ yuuna uusaawe'sx ksxavxyuh. 47Aça' txã'wẽ yũuni's Jerusalenu pta'sxya' takhçxa maa maa kiwetewa jxuka pta'sxitxna, kxah nasa' pkaltxi nvxihtçxa Dxus tasxte sxawedte', Kristo' txãawe'sxtxi peltunaĩna jĩna fxi'jni ũsa'. 48Aça' i'kwe'sxa' adx ma'wẽ yũuçxa ki' ĩtxĩ yuuni's uysaai'kwe na' txã'sa' pta'sxwa'j ji'phi'kwe. 49Nawa mwẽesẽ'jwe: adx Tata i'kwe'sx jĩi kaajxa' neeyũuk txã'sa' kaja'nja jxpa'gakahn. Nawa txã'sa' jxpa'gamey yu', ay Jerusalentee meswe jxpa'gapkaçx jĩk.
Jesus cielun u'jni
(Mr 16.19-20)
50Txãa e'su' txãa yakh u'jusawe'sxtxi pe'jna u'kh çxhab eka Betaniate pa'j. Sa' kusetx kiisçxa jxukaysatx bedekĩyku. 51Txã'wẽ yũuçpkaçxha', cielun pe'jna u'jnik yuu txãawe'sxçxáatx nvxihtçxa. 52Aça' txãawe'sxa' Jesus yuh yu'ga jĩna weçxana Jerusalen çxhabnay wala wẽtwẽt yajkxna sxawedtxi. 53Sa' pu'vxitumeetx dxuus yatte Dxusna weçxana nes yu'.
Currently Selected:
San Lucas 24: pbbNNT
Highlight
Share
Copy
Want to have your highlights saved across all your devices? Sign up or sign in
© 1984, Wycliffe Bible Translators, Inc. All rights reserved.
San Lucas 24
24
Jesus ki' ĩtxi yuuni
(Mt 28.1-10; Mr 16.1-8; Jn 20.1-10)
1Jxkaase en skhẽwnijũ kuskuskhẽ wala kusíi u'ywe'sxa' Jesus kakwete sxũsxwa'j pheu'jnisa's atçxa pedaní kwet kafxna u'jtx. Vxite u'ywa txãawe'sx yakh ja'da pi'kxna u'jtx. 2Kxtee pa'jçxa', kafxte aphnisa kweta's fxiite ki'pni u'pte uyçxa', 3kafxte u'katx. Nawa Jesus kakwe yu'sa' uymeeta'. 4Sa' wala ũukhna ma'wẽ yũuwa'ja's yuuwa jiimeetx ũsu', naapkaçxha' e'z piçthẽ'jtx ropa zhiçxkwe zmeena' çxihmesa athçxa txãawe'sx pukate vxyaa. 5Aça' wala ũukhçxa kiwekhẽtx kĩiçhu, naapkaçxha' txãa piçthẽ'jwe'sxa' na'jĩtx:
—Uusaawe'sx ksxavxyu ĩtxĩ yuusa's ¿kĩjxa'kwe pakwé'? 6Ayte meeyã'ja'. Uuçxawa ki' ĩtxĩ yuuyã'kh. Galileate ũsçxa' na'jĩnak we'we txã'sa' miiyajkxwe: 7Dxus Nçxi'k Nasa Yuusa's ewmeesawe'sx kusete dukhni yuuna, aça' txãawe'sxa' kluuskhẽ ki'pçxa ikhetxna. Aça' uuçxawa tekh ente' ki' ĩtxĩ kiiteena ¿jĩna pta'sxmeená'?
8Txã'jĩte' Jesus we'weni's yajkxtxi. 9Sa' pedaniijũ sxawedna u'jçxa ma'wẽ uyni'swa jxuka pta'sxtxi oncesatx, sa' Jesus yakh u'jusa vxitesatxwa pta'sxtxi. 10Txã'wẽ pta'sxsa yu' Maria Magdalena, Juana, Jakobo njĩ'j Maria, vxite' u'ywe'sx ja'da u'jsa txãawe'sxtxi yu'. 11Nawa Jesus yakh u'jusawe'sx yuutxi' luuku we'weni na'wẽçxáane' pthũuse' txãa u'ywe'sx pta'sxnisa yu', aça' isane'ta we'we' sũjũ'çmeeta'. 12Txã'wẽtewa Pedro' wuwuuçxak thegya' u'j pedaní kafxte, sa' dxiiga kuyçxa', liensuçxá's puçte ki'pni u'pte uyçxa': ¿Txã'wẽ yuja' yuumanx? sũhna wala kuh yajkxna yatna sxawedku.
Emaus çxhabna u'jsatx Jesus vxyaani
(Mr 16.12-13)
13Txãa entey Jesus yakh u'jusa e'zsa' Emaus çxhabnatx u'jweç yu'. Txãa çxhaba' Jerusalenuh once kilometro ãh jxu'khak ũsu'. 14Txãa e'zsa' jũ'nakhẽ kĩjkĩh yũuni'swa jxuka yajkxnatx puutx we'wena u'jweç yu'. 15Txã'wẽ dxi'the we'wena u'jweçpkaçxha', Jesusa' vxyaaçxáa yuuçxa txãawe'sx yakh ja'da u'kh. 16Txã'wẽtewa, txãawe'sx yu' uyçxawa, kimtewa jiyumeeta'. 17Txajũ' Jesusa' pẽjxku:
—¿Kĩjkwe txakwe puutx we'wena u'jwe'? ¿Kĩh yuupa'ga txã'wẽ nxusna u'jweçkwe? jĩte', 18Kleofxas yaasesa teeçxsa' na'jĩnak pas:
—Jũ'nakhẽçxáa Jerusalente txã'wẽ seena' nxus nxus yũunisa's majũwe'sxwa jxukatx jiyu, aça' idxçxáawá'ga jiyumée neeyũu kxtee ũsçxawa jĩte', 19Jesusa' pẽjxku:
—¿Kĩhga yuu? jĩna. Aça' txãawe'sxa' pta'sxtxi jxuka:
—Jesus Nasarethũwe'sxa's seena' nxusnxus vxitçxa ikhni'stha'w ji'phu. Txã' Dxus yuwe pta'sxsa kĩjkĩh yũuya'wa ãjãsak yu', sa' Dxus dxi'pte vxite' nasaa ksxavxytewa txã'wẽk ewçxáa yũuna fxi'zesa yu'. 20Txã'wẽtewa sacerdote npiiçthẽ'jwe'sx vxite' kwe'sx npiiçthẽ'jwe'sx yu' txã'sa' ikhwa'jçxáa vxitçxa dukhtxi, aça' kluuste fxuççxa ikhtxi. 21Kwe'sx yu' Israelwe'sxtxi nwe'wewa'jsana sũjũ'tha'w, nawa kxtey yuume'. Txã'wẽ nxus yũuni ãçxha' tekh en yã'j yuuça'. 22Aça' u'ywe'sx kwe'sx yakh ih pkhaakhena u'jusa maaíi yu' pedaní kafxte thegya' u'jçxa 23ki' sxawedçxa', kwe'sxtxi khãawãsxi'tx txãawe'sx pta'sxçxa': Uusáa kakwe yu's uymeeçxawa, angeleswe'sxçxáatxtha'w uy, aça' Jesusa' ĩtxĩ yuuk jĩ'tx jĩnatx kwe'sxtxi pta'sx txãa pa'gatha'w ũukh. 24Aça' kwe'sx yakh u'jusa piçthẽ'j maaíi yu' pedaní kafxna u'jçxa u'ywe'sx ma'wẽne'ta pta'sx txã'wẽyçxáatha'w uy. Nawa Jesus yu'sa' uymeetha'w jĩnatx pta'sx jĩte', 25Jesusa' na'wẽk we'we:
—Dxus yuwe pta'sxsawe'sx we'weni's nakwe txaçxtewa, jiyuya' ãjã'çmée íiçxáai'kwe. 26Kristo' cielute u'kamey, ¿seena' nxus pxthaa yuuwa'jsa yu'çmeená'? jĩçxa', 27Dxus librute ma'wẽ fxi'jni'swa jxuka pta'sxya' takhku, txã's ma'wẽ yũuwa'ja'swa Moises we'wenijũjx takhçxa mtee pa'jne'ta Dxus yuwe pta'sxsawe'sx fxi'jçxa nvxiht kxtee pa'j. 28Sa' txãawe'sx pa'jwa'j çxhabte pa'the', Jesus yu' u'jnik u'jweç yu'. 29Aça' txãawe'sxa' na'jĩnatx neevxisxa:
—Kwe'sx yakh ayte me'ka dejxa'. Txã'wẽme' kusuçyã'ja' na' çxhi'dxina jĩte', Jesusa' txãawe'sx yakh u'kak kxtee dejxa'. 30Sa' txãawe'sx yakh mesate u'pçxa', Dxusna weçxana'wa pana's pe'ltedeçxa txãawe'sxtxi ũsu'sku. 31Txã'wẽ yũunijũtx kimtewa jiyu. Naapkaçxha' Jesus yu' naa dudte txãawe'sx yafxju vxyaame'. 32Aça' txãawe'sx pwe'sx na'jĩnatx puutx pta'sxi':
—Jesusne' yu' aça' isa yuhne' kwe'sx ũuste seena' weçxweçxa ũusuthe' dxi'the yuhçxa Dxus librute fxi'jni's pta'sxiçte' jĩ'tx. 33Sa' txãa oratey kiitena'wa ki' Jerusalen çxhabna sxawedçxa Jesus yakh u'jusa oncesawe'sxtxi uyna pa'jtx vxite nasa yakh pkhaakheçxa u'pte. 34Aça' kxtee pkhaakhena u'psa yu' e'zsa Emausu sxawedsatx pta'sxtxi na'jĩna:
—Isa, kwe'sxtxi jxpe'jsa' ki' ĩtxĩ yuuyuhga aça' Simonwa uyka jĩte', 35Emausu sxawedna pa'jsawa pta'sxtxi dxi'the ma'wẽ puutx uyçxa we'weni'swa jxuka, sa' pana's txudedeçpkaçxha' ma'wẽ yũuçxa Jesustewa jiyuçxawa jxuka pta'sxtxi.
Jesusa' txãa yakh u'jusawe'sxtxi neewe'weçxa nvxiitni
(Mt 28.16-20; Mr 16.14-18; Jn 20.19-23)
36Txãawe'sxa' kxtee we'wena u'píyna, Jesusa' txãawe'sx pxãhte vxyaaçxáa yuuçxa na'jĩnak weçxa:
—Ũukhmée weçxana meswe jĩte', 37txãawe'sx yu': anximusa's ne'tka'w uy sũhçxa ũukhuçtxi yu'. 38Aça' Jesus we'weçxa':
—¿Kĩh yuutekwe ũukhú'? Sa' pta'sxte', ¿kĩh yuuçxakwe isa yuhna sũjũ'çmée? 39Mthegwe adx kuse petx adx çxida yã'jçxa. Vxitemée, adxthu. Aça' adxa's ew jiyuya' mjxa'dxwe. Adxa' anximusmeeçxa', dxi'th ji'phsath, sa' kakwe'swa ji'phsath. I'kwe'sx yafxte ma'wẽtka vxya' txãa yu'sa' jxuka ji'pthu.
40Txã'jĩçxa', kuse petx çxida yã'jçxa ktheegu'kh. 41Nawa txãawe'sxa' kuh yajkxna weçxaniiteçxáa Jesusna sũhna yaakxwa'j yu'sa' ji'phumeeta'.
Txajũ' Jesusa' na'jĩk:
—¿I'kwe'sxa' ũ'wa'j kĩhçxáawa ji'phmeekwe'? jĩte', 42wedx khakhni pe'la vxite' çxhi'dx mil txã'wẽsa'stxi ũs. 43Aça' jxpa'gaçxa' txãawe'sx dxi'ptey uyna ũste ũ'k. 44Sa' na'jĩnak we'we:
—Adxna na'wẽ yũuk txã'snath adxa' i'kwe'sx yakh nee u'juy pta'sx. Moises ley fxi'jni vxite' Dxus yuwee pta'sxsawe'sx librute fxi'jni vxite' Salmos librute fxi'jni ũsta', adxa's ma'wẽ yũuwa'ja'swa txã' jxuka kxtey yuuna jĩnath pta'sx.
45Txajũk Dxus librute fxi'jni's isa ew kaajiyu'j, 46sa' na'jĩk:
—Kristo' uuwa'jsa', nawa tekh ente' ki' ĩtxĩ yuuna uusaawe'sx ksxavxyuh. 47Aça' txã'wẽ yũuni's Jerusalenu pta'sxya' takhçxa maa maa kiwetewa jxuka pta'sxitxna, kxah nasa' pkaltxi nvxihtçxa Dxus tasxte sxawedte', Kristo' txãawe'sxtxi peltunaĩna jĩna fxi'jni ũsa'. 48Aça' i'kwe'sxa' adx ma'wẽ yũuçxa ki' ĩtxĩ yuuni's uysaai'kwe na' txã'sa' pta'sxwa'j ji'phi'kwe. 49Nawa mwẽesẽ'jwe: adx Tata i'kwe'sx jĩi kaajxa' neeyũuk txã'sa' kaja'nja jxpa'gakahn. Nawa txã'sa' jxpa'gamey yu', ay Jerusalentee meswe jxpa'gapkaçx jĩk.
Jesus cielun u'jni
(Mr 16.19-20)
50Txãa e'su' txãa yakh u'jusawe'sxtxi pe'jna u'kh çxhab eka Betaniate pa'j. Sa' kusetx kiisçxa jxukaysatx bedekĩyku. 51Txã'wẽ yũuçpkaçxha', cielun pe'jna u'jnik yuu txãawe'sxçxáatx nvxihtçxa. 52Aça' txãawe'sxa' Jesus yuh yu'ga jĩna weçxana Jerusalen çxhabnay wala wẽtwẽt yajkxna sxawedtxi. 53Sa' pu'vxitumeetx dxuus yatte Dxusna weçxana nes yu'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1984, Wycliffe Bible Translators, Inc. All rights reserved.