San Lucas 4
4
Eçxthẽ'j Jesusa's ĩsxii wẽeni
(Mt 4.1-11; Mr 1.12-13)
1Dxus Espiritu Jesusa's jxpe'jya' jxukate vxyaanijũ', Jesusa' Jordan yu'walaju kasejk, aça' Espiritu' pe'jna u'kh nasa u'pnimeesu. 2Kxteea' kuarenta en kĩh yuhwa ũ'mée u'pçxa', wẽek. Aça' eçxthẽ'ja' pa'kh ewmée vxit wẽeçxa. 3Sa' pa'jçxa na'jĩk:
—Dxus Nçxi'k dxihçxa', naa kweta's pan myuukaah jĩte', 4Jesus pasçxa':
—Nasa' pan yakhçxáa yu' ĩtxĩ fxi'zemeetxna, naasáa jxuka Dxus we'weni yakh yuuçxáa ĩtxĩ fxi'zetxna jĩna fxi'jni ũsa' Dxus librute' jĩnak pas.
5Txajũ' eçxthẽ'ja' teeçx thã'the Jesusa's pe'jna u'jçxa', txãa vxiçu mtee mtee çxhab walatxwa kaavxya'ja'jçxa, 6na'jĩk:
—Naa çxhabtxi petx kiwe kĩjkĩhtxwa jxuka idxçxaçxá's ũsu'nja. Na' jxuka adx kuseteçxaçxáa dukhnisata' aça' maawa adx wedxnisa yu'sa' ũsuçxá'nja. 7Idxwa adx tasxte peejxũkweçxa neewe'wene'ga aça', jxuka iidx jĩiçxaçxáa yuutxna jĩte', 8Jesus pasçxa':
—Idxna jxpe'jsa Dxusçxá's neewe'wewa'ja', sa' txãaçxá's selpiwa'ja' jĩ'k Dxus librute aça' eçxthẽ'j adx tasxu me'j jĩk.
9Txãa e'su', eçxthẽ'ja' Jesusa's Jerusalenna pe'jna u'jçxa, dxuus yat ẽete kaateka'jçxa' na'jĩk:
—Dxus Nçxi'k dxihçxa', kute ayjxu mũph kiwekhẽ.
10Txãa pa'gatey Dxus librute we'weçxa': Txajx angeleswe'sxtxi jxkaajana idxa's nwe'wekahn. 11Aça' angeleswe'sxa' kusete jxpa'gatxna, iidx çxida kwette kpã'yũukahmén jĩte',
12Jesus pasçxa':
—Dxus librute': Idxna jxpe'jsa Dxusa's jxkaahwa'j ji'phmeeg jĩ'k jĩna paste', 13eçxthẽ'ja' ãjãmée yã'jçxa', Jesusa's nvxihtçxa u'kh sa' maz en yu' vxyaame'.
Galilea kiwesu Jesus mjĩiya' takhni
(Mt 4.12-17; Mr 1.14-15)
14Txajũ' Jesusa' Dxus Espiritu jxpe'jni ki' Galileate sxawedna pa'the', txãa kiwesu nasa' jxuka Jesusçxaçxá'stxi we'we' kĩjkĩhwa yũ'k jĩna. 15Txajũ' Jesusa' judiuwe'sx pkhaakhenisu Dxus yuwe's kaapiya'the', jxukaysa wala weçxana tuuthe'je'tx.
Jesusa' Nasaretna u'jni
(Mt 13.53-58; Mr 6.1-6)
16Txajũ' Jesusa' Nasaretnak u'j, txajx walaní çxhabna. Sa' kxte pa'jçxa', sapatu jxkaase ensu' ma'wẽne' yũ' txã'wẽy, judiuwe'sx pkhaakhenite u'kaçxa yujuk Dxus libru's lẽeyya'. 17Aça' Dxus yuwe pta'sxsa Isaias libru'stxi ũs. Aça' na'wẽ fxi'jnikhẽk libru's phaade:
18Dxus Espiritu' adx yakh ũsa',
Txãasak adxa's txhitxh yuwe ewsa's puupletx pta'sxkahn.
Ũuste nxusna u'psatxku kvxiisxa'jya' adxa's kaah,
Yuuwesa preesutx nwe'wewa'ja'sku pta'sxya' kaah,
Sa' uysameetxi' kaauyu'jna,
Pkxuunisatxi' nwe'weçxa,
19Jxukasa weçxana neeyũuwa'j anxu ãani's pta'sxya'k kaah jĩni's lẽeyçxa',
20Jesusa' libru's aphçxa, judiuwe'sx pkhaakhenite pu'çxsa's dukhna'wa, kaçxku. Aça' jxukaysa judiuwe'sx pkhaakhenite ũssa' ivxiitumeetx Jesusa's thegna neeyũu ũythãsna. 21Aça' Jesusa' na'jĩnak pta'sx:
—Na'wẽ fxi'jnisa's wẽsẽ'ji'kwe txã' ãçxhã' kxtey yuuwa'j en ãjk jĩk.
22Txajũ' jxukaysa Jesusa's ewçxáatx we'wena kuh yajkxna neeyũu, txã'wẽ zhiçxkwe pta'sxte'. Sa' puutx paapẽyi'tx:
—Naa piçthẽ'ja' ¿Jose nçxi'k meená'? jĩte', 23Jesus pasçxa':
—Isa yuuwa i'kwe'sxa' adxa's naa sũjũ'ne'kwe: Yu'çe'jsa, idxíi mya'yu'çe'j. Sa' na'jĩya'wane'kwe: Kapernaumte kĩjkĩhwa ew yũuk jĩni's wẽsẽ'je'tha'w txãatxi' txã'wẽy myũu ayte iidx kiwetewa jĩya'wane'kwe jĩçxa', 24ki' we'wek:
—Isath we'we': Dxus yuwe pta'sxsa' peekx kiwesu' weeçxni yuuçxáa fxi'zetxna maawa. 25Dxus yuwe pta'sxsa Elias ensu Israel kiwesu' wala kuh vxiuda ũsu'tx, na'wẽ tekh anxu y medio nus pa'jmeete', wala wẽjẽ pa'kh txãa ensu. 26Nawa Dxusa' Eliasa's kxazkuẽ vxiuda tasxsu jxuka yu' kaahmée, naasáa Sidon çxhab wala pukasu Sareptate teeçx vxiuda tasxte yuuçxáak kaah. 27Txã'wẽy Israel kiwesu' wã'jy weete wala ãçã'sa ũsu'tx, Dxus yuwe pta'sxsa Eliseo ensu. Nawa maa yuhtxwa nuykatxhimée, naasáa Naaman Siria kiwetewe'sx yuuçxá'sku nuykatxhi jĩte', 28wẽsẽ'jçxa', judiuwe'sx pkhaakhenite u'psa' wala ũusaçxana, 29kiiteçxa Jesusa's çxhabuh kutxi'jtx. Txãa çxhab Nasaret yu', thã'j vxiçgak ũsu', aça' txãa penxa vxiçuhtx ukapajkxya'wa yu'. 30Nawa Jesusa' txãawe'sx ksxavxysu uymeyna skhẽwçxa u'kh.
Eçx iiyamunisa
(Mr 1.21-28)
31Txajũ' Jesusa' Galileate Kapernaum çxhabte pa'jçxa', sapatu jxkaase ensu' Dxus yuwe's pta'sxna ũsu'k. 32Aça' nasa' wala kuh yajkxna wẽsẽ'je'tx, txã'wẽ Dxusa's nwẽese'jwa'ja's ũukhnus pta'sxpa'ga. 33Aça' kxte judiuwe'sx pkhaakhenite teeçx piçthẽ'j u'pu'k, eçx iiyamunisa. Txã' susku na'jĩna we'we:
34—Jesus Nasarethuwe'sx, kwe'sxtxi' ¿kĩhga yũu wẽjẽ'? Kuçx yuunu. Meeçxa' ¿ivxiituya'wagá'? Idx kimtewa jiith. Idxa' Dxus kaahnisag jĩte', 35Jesusa' txãa eçx luuku vxit-sa's juuna'k na'jĩna we'we:
—Sxuuna' myuu, sa' naa piçthẽ'j ũusuh mkaaseh jĩte', txãa eçxa' txãa piçthẽ'ja's nasaa ksxavxysu pẽtxçxa txajx ũusuh kasejk kĩh yuhwa kpã'vxitmée. 36Txã'wẽ yũute', jxukaysa ũukhçxa txãawe'sx pwe'sx na'jĩnatx puutx we'we':
—Jesusa' ¿kimki saki'k txã'wẽ juuna' jxkaahna we'weteçxáa eçx yuhwa nwẽesẽ'jçxa' kaseje'? jĩ'tx.
37Aça' Jesus txã'wẽ yũuni's msuuwa jxukatx wala tuuthe'je' txãa ja'dasu.
Pedro nyu njĩ'ja's Jesus nuykatxhini
(Mt 8.14-15; Mr 1.29-31)
38Txajũ' Jesusa' judiuwe'sx pkhaakhenijũ kasehçxa', Simon yattek pa'j. Aça' Simon nyu njĩ'ja' wala kakwesekte ãçã'na ũsu'k. Txajũ' Jesusa's pxthaa we'wena pta'sxtxi. 39Aça' Jesusa' ãçã'sa tasxte kũhçxa kakwesek ũçxhakahn we'wek. Naapkaçxha' kakweseka' ũçxhate', kiiteçxa selpiiya' kasejk.
Jxuka çxhi'dxiçte maazkuẽesatxwa nuykatxhini
(Mt 8.16-17; Mr 1.32-34)
40Txajũ' sek khẽjẽçte', nasa kĩjkĩh weeteçxah ãçã'satxwa jxuka Jesus tasxte nuypa'jtx. Aça' ãçã'sa kakwesu kuseju jxa'dxçxaçxáa jxuka nuykatxhik. 41Txãa ãçã'sawe'sx maaíi yu' eçx luuku vxit-sa's ũuste ji'phtewa txãa eçxwa suhs na'jĩna kasehtx:
—Idxa' Dxus Nçxi'kgu jĩna. Txãawe'sxa' Dxus Nçxi'ktewa jiitx yu'.
Nawa Jesusa' juuna' we'weçxa jwee yu' kwe'we'jme'.
Galileasu Dxus yuwe's Jesus pta'sxni
(Mr 1.35-39)
42Khikhiiçte', Jesusa' çxhab eka jxu'j lajkxsuk kaseh. Nawa nasa' kxteewa pakwena pa'jtx, vxite ahsu u'khamén neevxisxaya'. 43Nawa Jesusa' na'wẽk pta'sx txãawe'sxtxi':
—Dxus jxkaahwa'j yuwe's pta'sxwa'j ji'pthu vxite çxhabsuwa. Txã'wẽ yũuya' íiçxáa kaahnisath jĩk.
44Txãasak Galilea kiwesu judiuwe'sx pkhaakhenisu Dxus yuwe's pta'sxna pekũh.
Currently Selected:
San Lucas 4: pbbNNT
Highlight
Share
Copy
Want to have your highlights saved across all your devices? Sign up or sign in
© 1984, Wycliffe Bible Translators, Inc. All rights reserved.
San Lucas 4
4
Eçxthẽ'j Jesusa's ĩsxii wẽeni
(Mt 4.1-11; Mr 1.12-13)
1Dxus Espiritu Jesusa's jxpe'jya' jxukate vxyaanijũ', Jesusa' Jordan yu'walaju kasejk, aça' Espiritu' pe'jna u'kh nasa u'pnimeesu. 2Kxteea' kuarenta en kĩh yuhwa ũ'mée u'pçxa', wẽek. Aça' eçxthẽ'ja' pa'kh ewmée vxit wẽeçxa. 3Sa' pa'jçxa na'jĩk:
—Dxus Nçxi'k dxihçxa', naa kweta's pan myuukaah jĩte', 4Jesus pasçxa':
—Nasa' pan yakhçxáa yu' ĩtxĩ fxi'zemeetxna, naasáa jxuka Dxus we'weni yakh yuuçxáa ĩtxĩ fxi'zetxna jĩna fxi'jni ũsa' Dxus librute' jĩnak pas.
5Txajũ' eçxthẽ'ja' teeçx thã'the Jesusa's pe'jna u'jçxa', txãa vxiçu mtee mtee çxhab walatxwa kaavxya'ja'jçxa, 6na'jĩk:
—Naa çxhabtxi petx kiwe kĩjkĩhtxwa jxuka idxçxaçxá's ũsu'nja. Na' jxuka adx kuseteçxaçxáa dukhnisata' aça' maawa adx wedxnisa yu'sa' ũsuçxá'nja. 7Idxwa adx tasxte peejxũkweçxa neewe'wene'ga aça', jxuka iidx jĩiçxaçxáa yuutxna jĩte', 8Jesus pasçxa':
—Idxna jxpe'jsa Dxusçxá's neewe'wewa'ja', sa' txãaçxá's selpiwa'ja' jĩ'k Dxus librute aça' eçxthẽ'j adx tasxu me'j jĩk.
9Txãa e'su', eçxthẽ'ja' Jesusa's Jerusalenna pe'jna u'jçxa, dxuus yat ẽete kaateka'jçxa' na'jĩk:
—Dxus Nçxi'k dxihçxa', kute ayjxu mũph kiwekhẽ.
10Txãa pa'gatey Dxus librute we'weçxa': Txajx angeleswe'sxtxi jxkaajana idxa's nwe'wekahn. 11Aça' angeleswe'sxa' kusete jxpa'gatxna, iidx çxida kwette kpã'yũukahmén jĩte',
12Jesus pasçxa':
—Dxus librute': Idxna jxpe'jsa Dxusa's jxkaahwa'j ji'phmeeg jĩ'k jĩna paste', 13eçxthẽ'ja' ãjãmée yã'jçxa', Jesusa's nvxihtçxa u'kh sa' maz en yu' vxyaame'.
Galilea kiwesu Jesus mjĩiya' takhni
(Mt 4.12-17; Mr 1.14-15)
14Txajũ' Jesusa' Dxus Espiritu jxpe'jni ki' Galileate sxawedna pa'the', txãa kiwesu nasa' jxuka Jesusçxaçxá'stxi we'we' kĩjkĩhwa yũ'k jĩna. 15Txajũ' Jesusa' judiuwe'sx pkhaakhenisu Dxus yuwe's kaapiya'the', jxukaysa wala weçxana tuuthe'je'tx.
Jesusa' Nasaretna u'jni
(Mt 13.53-58; Mr 6.1-6)
16Txajũ' Jesusa' Nasaretnak u'j, txajx walaní çxhabna. Sa' kxte pa'jçxa', sapatu jxkaase ensu' ma'wẽne' yũ' txã'wẽy, judiuwe'sx pkhaakhenite u'kaçxa yujuk Dxus libru's lẽeyya'. 17Aça' Dxus yuwe pta'sxsa Isaias libru'stxi ũs. Aça' na'wẽ fxi'jnikhẽk libru's phaade:
18Dxus Espiritu' adx yakh ũsa',
Txãasak adxa's txhitxh yuwe ewsa's puupletx pta'sxkahn.
Ũuste nxusna u'psatxku kvxiisxa'jya' adxa's kaah,
Yuuwesa preesutx nwe'wewa'ja'sku pta'sxya' kaah,
Sa' uysameetxi' kaauyu'jna,
Pkxuunisatxi' nwe'weçxa,
19Jxukasa weçxana neeyũuwa'j anxu ãani's pta'sxya'k kaah jĩni's lẽeyçxa',
20Jesusa' libru's aphçxa, judiuwe'sx pkhaakhenite pu'çxsa's dukhna'wa, kaçxku. Aça' jxukaysa judiuwe'sx pkhaakhenite ũssa' ivxiitumeetx Jesusa's thegna neeyũu ũythãsna. 21Aça' Jesusa' na'jĩnak pta'sx:
—Na'wẽ fxi'jnisa's wẽsẽ'ji'kwe txã' ãçxhã' kxtey yuuwa'j en ãjk jĩk.
22Txajũ' jxukaysa Jesusa's ewçxáatx we'wena kuh yajkxna neeyũu, txã'wẽ zhiçxkwe pta'sxte'. Sa' puutx paapẽyi'tx:
—Naa piçthẽ'ja' ¿Jose nçxi'k meená'? jĩte', 23Jesus pasçxa':
—Isa yuuwa i'kwe'sxa' adxa's naa sũjũ'ne'kwe: Yu'çe'jsa, idxíi mya'yu'çe'j. Sa' na'jĩya'wane'kwe: Kapernaumte kĩjkĩhwa ew yũuk jĩni's wẽsẽ'je'tha'w txãatxi' txã'wẽy myũu ayte iidx kiwetewa jĩya'wane'kwe jĩçxa', 24ki' we'wek:
—Isath we'we': Dxus yuwe pta'sxsa' peekx kiwesu' weeçxni yuuçxáa fxi'zetxna maawa. 25Dxus yuwe pta'sxsa Elias ensu Israel kiwesu' wala kuh vxiuda ũsu'tx, na'wẽ tekh anxu y medio nus pa'jmeete', wala wẽjẽ pa'kh txãa ensu. 26Nawa Dxusa' Eliasa's kxazkuẽ vxiuda tasxsu jxuka yu' kaahmée, naasáa Sidon çxhab wala pukasu Sareptate teeçx vxiuda tasxte yuuçxáak kaah. 27Txã'wẽy Israel kiwesu' wã'jy weete wala ãçã'sa ũsu'tx, Dxus yuwe pta'sxsa Eliseo ensu. Nawa maa yuhtxwa nuykatxhimée, naasáa Naaman Siria kiwetewe'sx yuuçxá'sku nuykatxhi jĩte', 28wẽsẽ'jçxa', judiuwe'sx pkhaakhenite u'psa' wala ũusaçxana, 29kiiteçxa Jesusa's çxhabuh kutxi'jtx. Txãa çxhab Nasaret yu', thã'j vxiçgak ũsu', aça' txãa penxa vxiçuhtx ukapajkxya'wa yu'. 30Nawa Jesusa' txãawe'sx ksxavxysu uymeyna skhẽwçxa u'kh.
Eçx iiyamunisa
(Mr 1.21-28)
31Txajũ' Jesusa' Galileate Kapernaum çxhabte pa'jçxa', sapatu jxkaase ensu' Dxus yuwe's pta'sxna ũsu'k. 32Aça' nasa' wala kuh yajkxna wẽsẽ'je'tx, txã'wẽ Dxusa's nwẽese'jwa'ja's ũukhnus pta'sxpa'ga. 33Aça' kxte judiuwe'sx pkhaakhenite teeçx piçthẽ'j u'pu'k, eçx iiyamunisa. Txã' susku na'jĩna we'we:
34—Jesus Nasarethuwe'sx, kwe'sxtxi' ¿kĩhga yũu wẽjẽ'? Kuçx yuunu. Meeçxa' ¿ivxiituya'wagá'? Idx kimtewa jiith. Idxa' Dxus kaahnisag jĩte', 35Jesusa' txãa eçx luuku vxit-sa's juuna'k na'jĩna we'we:
—Sxuuna' myuu, sa' naa piçthẽ'j ũusuh mkaaseh jĩte', txãa eçxa' txãa piçthẽ'ja's nasaa ksxavxysu pẽtxçxa txajx ũusuh kasejk kĩh yuhwa kpã'vxitmée. 36Txã'wẽ yũute', jxukaysa ũukhçxa txãawe'sx pwe'sx na'jĩnatx puutx we'we':
—Jesusa' ¿kimki saki'k txã'wẽ juuna' jxkaahna we'weteçxáa eçx yuhwa nwẽesẽ'jçxa' kaseje'? jĩ'tx.
37Aça' Jesus txã'wẽ yũuni's msuuwa jxukatx wala tuuthe'je' txãa ja'dasu.
Pedro nyu njĩ'ja's Jesus nuykatxhini
(Mt 8.14-15; Mr 1.29-31)
38Txajũ' Jesusa' judiuwe'sx pkhaakhenijũ kasehçxa', Simon yattek pa'j. Aça' Simon nyu njĩ'ja' wala kakwesekte ãçã'na ũsu'k. Txajũ' Jesusa's pxthaa we'wena pta'sxtxi. 39Aça' Jesusa' ãçã'sa tasxte kũhçxa kakwesek ũçxhakahn we'wek. Naapkaçxha' kakweseka' ũçxhate', kiiteçxa selpiiya' kasejk.
Jxuka çxhi'dxiçte maazkuẽesatxwa nuykatxhini
(Mt 8.16-17; Mr 1.32-34)
40Txajũ' sek khẽjẽçte', nasa kĩjkĩh weeteçxah ãçã'satxwa jxuka Jesus tasxte nuypa'jtx. Aça' ãçã'sa kakwesu kuseju jxa'dxçxaçxáa jxuka nuykatxhik. 41Txãa ãçã'sawe'sx maaíi yu' eçx luuku vxit-sa's ũuste ji'phtewa txãa eçxwa suhs na'jĩna kasehtx:
—Idxa' Dxus Nçxi'kgu jĩna. Txãawe'sxa' Dxus Nçxi'ktewa jiitx yu'.
Nawa Jesusa' juuna' we'weçxa jwee yu' kwe'we'jme'.
Galileasu Dxus yuwe's Jesus pta'sxni
(Mr 1.35-39)
42Khikhiiçte', Jesusa' çxhab eka jxu'j lajkxsuk kaseh. Nawa nasa' kxteewa pakwena pa'jtx, vxite ahsu u'khamén neevxisxaya'. 43Nawa Jesusa' na'wẽk pta'sx txãawe'sxtxi':
—Dxus jxkaahwa'j yuwe's pta'sxwa'j ji'pthu vxite çxhabsuwa. Txã'wẽ yũuya' íiçxáa kaahnisath jĩk.
44Txãasak Galilea kiwesu judiuwe'sx pkhaakhenisu Dxus yuwe's pta'sxna pekũh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1984, Wycliffe Bible Translators, Inc. All rights reserved.